الصغيرة الجزء الثاني
_ تؤ مينفعش … _ نهضت من علي قدميه وقالت رافعه حاجبها :-
قليل الادب هيفضل قليل الادب يا حاوي … _ ضحك علي ندائها بلقبه المشهور به … بينما هي دخلت المرحاض لتنعم بحمام دافئ لتستعد للمجهوووول …… حمد ربه كثيرا انها نست امبارح او حتي اصطنعت النسيان اهم شئ انها بخير الان … ~ ~ ~ ~ _ بعد مرور ساعات ب بيت الجد يتجمع جميع افراد عائله الهواري نظر سليم لجاسر نظرات لم يفهمها جاسر تحدث سليم قائلا :-
_ منفذتش اللى قولتلك عليه ليه يا بمهندس …!؟ اجابه جاسر :-
اكيد عرفت اللى حصل لحور امبارح وانا لا يمكن هسمح ان مراتى يجرالها حاجه بسبب كلام انت اصلا مش مُقتنع بيه … يوسف بجمود :-
بابا …
لو حضرتك عايز جاسر يعدل بين الاتنين يبقي يطلق بنتى انا … ليله :-
كلنا عارفين ان كارما مش راجعه هي واخوها نادمنين …
كين بهدوء :-
ليه يا بنت عمي امال هنرجع ليه …
فارس بشراسه :-
اظن ده سؤال تسأله لنفسك … كين باستحقار :-
انت مين انت عشان تتكلم …
احنا عيله مع بعض انما انت تطلع ايه … مُراد بحده :-
كيين
فارس ابنى ومن العيله انما هو يطلع مين … هو يبقي راجل انا اللي ربيته ومن العيله دي … انت واختك بقا تطلعوا مين يدوب اسم في شهاده ميلاد انما فارس فهو ابنى … فارس ببرود :-
سمعت يعنى انت اللى المفروض يتقالك مع السلامه …
سليم :-
بس محدش هيخرج …
وانت يا كين يا تتكلم ب ادب اما هيكون ليا تصرف تاني معاك صدقني مش هيعجبك … _ دخلت البيت ونظرت لهم جميعا بسُخريه، غضــ,,ـب من نظراتها وهمّ واقفا بصرامته المُعتاده وقال :- _ لسه بدري يا هانم … كارما بجمود :-
مبحبش اتأخر برا البيت … صفعه مدويه مِنه نزلت علي وجهها وقال لها بحده :-
لما تكلمي جدك تتكلمى با حترام …
جاسر ببرود :-
مش دي اللى انت بتحامي ليها … كارما بسُخريه :-
ايه ده البشمهندس اللى قعد جمب مراته امبارح وساب مراته التانيه كأنها مالهاش حق عليه … وبتنضــ,,ـرب كمان حور ببرود :-
حق ايه يا ام حق مهو كان معاكي زمان وضيعتيه … دلوقتى بقيتي دايبه في غرامه …؟ حكايه تنضــ,,ـرب دي ف انتي قليله الادب وناقصه تربيه … كارما باستفزاز :-
مابقاش الا العيال اللي هيعلمونا الصح …
حور ببرود :-
مهو لو الكبير احترم سنه مكانش الصغير قل منه … كين بهدوء :-
هي مراته وليها حق عليه مهما حصل … ناهد :-
حقها هي ضيعته لما سمعت كلام امها … امانى :-
على رأي المثل لو كنتو نسيتو اللي جرا هاتو الدفاتر تتقرا … كارما :-
هو احنا هنفتح في اللي فات ولا ايه ما انا رجعت انا واخويا وندامنين في ايه بقا … سليم بجمود :-
امشي اطلعي علي اوضتك ولينا كلام تانى يا قليله الربايه …
