خادمة في عصر اللذة الجزء الثاني

الحلقة 7
ترن ترن
خليل:ايدة..مين البجح اللى بيرن دلوقتى؟!
احلام بقلق:طب رد ياخليل..يمكن مكالمة مهمة
خليل نفخ بضيق وقال:حاضر هتزفت
ورد ع التليفون
خليل:الو
سالم بزعيق:ليك عين ترد عليا ياراجل يا****..عشر دقايق لو مجيتش عندى قسما بالله لفضحك ف الحارة كلها وهخليك تبات ف الشارع
خليل برق عينه بصدمة وقال:ف ايه بس ياسالم..البت عملتلك حاجة؟! وبعدين انت شتمتنى ليه ف حد يشـ,ـتم حماه يعنى؟!
احلام بقلق:مالها بنتى ياخليل..انطق ف ايه…تعرف لو حصلها حاجة انا هعمل فيك ايه..والله العظيم لقتـ,ـلك
خليل:ياولية سيبى الجلابية..بطلى هز فيها..مش افهم منه الاول وبعد كدة افهمك
سالم بزعيق:انا قولت اللى عندى..تلبس وتجيلى الشقةذ تاخد بنتك****** ف ايدك.وهاخد حقى منك ياخليل علشان مش واحد******* ذيك فاكر انه ممكن يضحك ع سالم النمر
خليل بقلق قام بسرعة من ع السرير وقال:خلاص ياسالم والله جاى دلوقت هتغمض عين وتفتح التانية تلاقينى قدامك..وبعدين اهدا عليا شوية ..ايه بلاعة الشتايم اللى اتفتحت ف وشى دى..سلام انا جايلك..سلام سلام
احلام بعياط:متنطق ياخليل..سالم عمل ف بنتى ايه..ربنا ينتقم منى قبل مينتقم منك علشان وافقت ع المهزلة دى..البت ضاعت منى ياخليل
خليل بعصبية:ياعملى الاسود اصبرى بدل متسالى سالم عمل ف بنتك ايه..اسالى هى عملت ف ايه..سالم صوته ك انه رصاص انا خايف ل بكرة تصلى عليا بسببه يالهوى لو اللى ف دماغى صح..دة انا هطلع******* اللى جابوكى انتى وهى..اخلصى البسى خلينا نروحله
احلام:حاضر..حاضر… استر يارب…استر يارب
ف شقة سالم
ورد اتضر….بت علقة مو….ت من سالم خلت بقها ومناخيرها ينزفوا جامد
يارب..ياماما تعالى خدينى..ياماما..يارب
وسالم كان ف الصالة ماسك الشيشة وبيشرب بغل وبيفكر يعمل ايه؟!
طق طق
سالم راح فتح مقدرش يمسك نفسه قام ضر…..ب خليل لكمية ف وشه
احلام بخضة:يالهوى
خليل:هو دة واجب الضيافة عندك ياسالم؟!
سالم شده من جلابيته وقال:انت تقعد زى الشاطر كدة تكتبلى تنازل عن القايمة والمهر.. والا هفضحك ياخليل..وشوف انت.. ايه عواقب فضيحة زى دى؟! خاف ع سمعة بنتك واعمل اللى انا عايزه
خليل:مش افهم الاول ف ايه؟!
سالم بزعيق:ف ان بنتك طلعت فوش..فى ان بنتك طلعت مش بنت بنوت…اتلمست قبل كدة…بصراحة ونعم التربية..انا برده قولت كدة واحدة ف جمالها اكيد ماشية شمال.بس لا ياخليل مش سالم النمر اللى يبقى كبش فدا دة انا هطلع عليك القديم والجديد ياراجل******* انت
احلام بعياط: لا بنتى متعملش حاجة زى كدة..بنتى شريفة وع طول صاينة نفسها لحلالها وبس..اكيد انت غلطان
سالم بزعيق:انتوا هتجننونى انا دخلت عليها وعرفت الكلام دة بنفسى
خليل بزعيق:دى مش بنتى..انا برىء منها ومن ذنبها
سالم بصدمة:مش بنتك!
خليل بعصبية دخل اوضة ورد لقاها عرقانة وجسمها سخن وبتهلوس بالكلام
خليل:عملتيها وجيبتلنا العا.ر يابنت**** ودينى منا سايبك
وفعلا قرب منها وض.ربها بالاقلام وعضها ف دراعها
احلام راحت وبعدته عنها وخدتها ف حضنها وقالت:اياك تقرب من بنتى علشان هى معملتش حاجة..لو الدنيا كلها قالت ان ورد غلطت انا مش هصدق حاجة زى كدة
ورد عمالة تتشنج وتهز جسمها واللى ختم معاها الحوار كلام خليل ليها
خليل: فعلا اثبتيلى انك بنت ملاجى..انا اللى غلطان علشان دخلتك ببتى ورببتك ك انك زى بنتى..صرفت عليكى ولبستك واكلتك وشربتك..علشان ف الاخر تجيبيلى العار…تعرفى انتى لو بنتى الحقيقة كنت هقـ,ـتلك واغسل عارى ب ايدى لكن انتى مش بنتى..كنت هوديكى الملجا بس احلام رفضت وفضلت تعيط علشان مزعلهاش قبلت انى اخليكى معايا..لكن دلوقتى انا بقولك انتى ولا بنتى ولا اعرفك…بيتى مش مفتوح ليكى..انتى تخرجى من البيت دة ع الشارع عدل
سالم:انتى طالق ياورد..طالق…طالق…طالق منى بالتلاتة
اتفضلوا برة..ميشرفنيش اقعد ناس زيكوا ف بيتى..وانت ياخليل قبل متمشى اعمل اللى قولتلك عليه
خليل:ماشى ياسالم
احلام:خليل لو عندك اى ذرة حب او حتى احترام هاتلها دكتورة نسا تكشف وتطمن عليها وانا هثبتلك انك غلطان
خليل:بقولك دخل عليها ف دليل اكتر من كدة
احلام بعياط:بقولك علشان خاطرى ياخليل…البت بتترعش وعينها بقت تلج من كتر العياط..ورد..ورد حبيتى انتى سامعانى
ورد بصريخ:ااااااااه
واغمى عليها بين ايدين امها
احلام بصريخ: ورد..ورد بنتى..خليل ابوس ايدك هتلها دكتور..البت بتمو…..ت ياخليل..اتحرك يااخى..اتقى الله
خليل:حاضر
سالم:خليك انا اللى هتصل بالدكتورة تيجى تشوفها
ف بيت نسمة
نسمة بعياط:بابا..بابا مالك…بابا رد عليا
احمد كان بيتكلم بس لسانه تقل وهى مش فاهمة هو بيقول ايه
نسمة:يابابا انا مش فاهمة انت عايز ايه..انت جعان
احمد شاور براسه ب لا
نسمة:طيب قولى. مالك؟!
احمد:حيدر
نسمة قربت ودانها علشان تسمع اوضح
نسمة:بتقول مين؟!
احمد:عايز حيدر
نسمة ب استغراب:حيدر
ف الصالة
نسمة:الو
حيدر:ايوة يانسمة
نسمة:ف حاجة غريبة بتحصل..انا مش فاهمة حاجة؟!
حيدر:ايه هو اللى مش فاهماه