خادمة في عصر اللذة الجزء الثاني
ورد عمالة تجرى وف دماغها كل الذكريات المولمة اللى حصلتلها ف شقة خليل
بتجرى ومش عارفة تروح فين..الشوارع ضلمة ومفيهاش حد..وفجاه الدنيا مطرت..فضلت تعيط بصوت عالى..المطر كان شديد..بس دموعها اشد
عينها بقت كلها دموع وفجاه لمحت عربية جاية ف طريقها سرحت شوية وعملت نفسها مغمى عليها
اللى ف العربية شافها..فتح العربية وراحلها وهو قلقان ومخضوض
قعد وحط ايد ع خدها علشان يفوقها
حسين:ياانسة..يامدام…ياانسة انتى سامعانى طيب..وبعدين بقا ف الوقعة دى..اسيبها ولا اعمل ايه…لا حرام الدنيا بتمطر وغير كدة شكلها تعبان..والله اعلم ايه حكايتها..وليه نزلة الشارع ف الوقت دة..وفستان ابيض وطرحة سودا..هو ايه اللى بيحصل دة؟!
شالها وركبها العربية وطلع بيها ع القصر بتاعه
اللى هيشهد ع مرحلة جديد ف حياه ورد..وقصة حب اسطورية لا تنسى
ف قصر حسين
ف اوضة كريم
حسين نيمها ف اوضة ابنه لحد الصبح…وبعد كدة هيفهم منها كل حاجة
ف الصالة
كريم دخل القصر وحط مفاتيحه ع الطرابيزة..وحط ايده ع راسه من وجع الشغل..ومشى ف طريقه ل اوضته
دخل لقا واحدة نايمة ضيق عنيه ب استغراب وراح قعد جمبها غمض عينه مرة واحدة لما رجع الصوت تانى بيوسوس ف ودانه
بذمتك مش حلوة…بس هى ليه خنقة نفسها بالحجاب…ايه رايك تقلعهولها..وتشوف شعرها مش يمكن تلاقيه ناعم..وكمان هى لابسة فستان ابيض..مش يمكن عروسة وهربت من الفرح..يعنى كدا كدا شمال..اتمتع انت بقا..دى ف اوضتك وع سريرك
جاى يقرب منها فعلا بس سمع صوت اتخض وخرج من الاوضة بيغمض عينه نفسه الصوت دة يبطل ييجى ف دماغه
راح لاوضة والده وخبط
كريم بعصببة:مين البت اللى ف اوضتى يابابا؟!
حسين:معرفش
كريم:يعنى ايه متعرفش..انت مش شايف شكلها..افرد واحدة وراها مصيبه..تروح انت ف داهية بقا
حسين:اهدا لما تصحى هنفهم منها ف ايه؟!
كريم:ياسلام..وتفتكر بقا هتقولك الحقيقة دى اكيد هتخلق كدبة وانت هتصدقها منا عارفك طيب ويضحك عليك بكلمتين
حسين:تصبح ع خير ياكريم
كريم بعصبية:انت ليه نيمتها ف اوضتى انام فين انا يعنى دلوقتى؟!
حسين غمض عينه بتعب وقال:كريم نام ف اوضة الضيوف الموضوع سهل
كريم بعصبية:البت دى تمشى بكرة ..ولو محصلش همشى انا..تمام
وخرج فعلا وساب حسين
حسين:لحد امتك هتفضل كدة ياكريم يارب اشفيه وعافيه
تانى يوم
طق طق
حيدر كان واقف ومعاه الدكتور اتصدم لما الباب اتفتح وطلعت منه واحدة منقبة
حيدر:الظاهر انى غلط ف العنوان…هى دى مش شقة الحاج احمد؟!
نسمة شاورت براسها ب اة
حيدر:وانتى مين؟!
نسمة بهمس:انا نسمة
حيدر بفرحة:لا ياشيخة…احم احم…مبروك ع النقاب ربنا يثبتك يارب
نسمة:اللهم امين…اتفضلوا
الدكتور وحيدر دخلوا اوضة احمد…الدكتور كشف عليه وقال:هو بياخد ادوية للجلطة والقلب؟!
نسمة:ايوة يادكتور..و بانتظام كمان مش بفوت يوم
الدكتور:هو كويس الحمد لله بس محتاج تغذية ياريت تهتمى ب اكله شوية
نسمة:والله يادكتور بحاول معاه بس هو مش بيرضى
الدكتور:مينفعش الكلام دة..تقل لسانة احتمال كبير بسبب عدم الاكل..دة تقريبا المياه بيشرب منها بنسب قليلة ياريت تكونى اد الامانة..وتهتمى بيه اكتر من كدة
نسمة:حاضر يادكتور
حيدر راح علشان يوصل الدكتور ورجع تانى لقا نسمة قاعدة جمب ابوها ومسكة ايده
حيدر:انا حاسس انك بتعيطى؟!
نسمة:ايوة
احمد فتح عينه وشاور لحيدر انه ييجى
احمد:اسمك ايه؟!
حيدر:حيدر ياحاج انت مش فاكرنى ولا ايه؟!
احمد بتعب:لا اسمك بالكامل ايه؟!
حيدر ب استغراب:حيدر فواز عبدالحميد النصر
نسمة بصدمة وعين بتدمع
بتقول مين؟!
