بكاء في ليلة عرس
– ضمنتي الأطيان عاد، اهي كل حاجة راحة منيكي، حتى الدهبات اللي كنتي فرحانه بيعم راحوا، واني اللي بقيت قاعده زي البيت الوجف، يارب تكوني ارتاحتي… ذنبي في رچبتك ليوم الدين، و اني معاسمحكيش ابدا واصل.
ادمعت عين والدتها بشده، و جففت الادمع المتساقطة بطرف وشاحها وحاولت مره أخرى مواستها؛ لكنها رفضت واولتها ظهرها وجلست بعيد عنها، فقد كانت المسافة التي تشعر بها اميال وليس خطوات تعد وتحصى، وحين خلى المكان من المباركين، وانطفئت الأنوار؛ وتحول الفرح لمأتم وكانت العروس هي من ذبحت في ليلة عرسها، فرغ من حولها وبقى إلا من عدد قليل، شردت والدتها “سكـ,ـينة” حين جاءت لها الخاطبه تزف عليها خبر هذا العريس الشاب الثري ذو المال والجاه “هادف” فكان يمتاز بمميزات لا حصر لها؛ حيث المال الوفير وما يغمر به ابنتها به، ويجلب لها المجوهرات الثمينه، ومنزل فخم في بلدتها، وكل هذا في مقابل ان يكون الزواج سريًا عن اهله، ولا يريد منها اطفال، وكلما جاء من بلدته قضى معها اجازته، وعندما سمعت شرط عدم رغبته في الإنجاب، وقفت محتده عليها رادفة:
– كيف الحديت الماسخ اللي عتقوليه ده يا وليه؟ كيف يعني عتعيش بتي بطولها مقطوعة النسل، متل الارض البور اللي ما عتطرحش، لا عيل ولا تيل يونس وحدتها؟ لع اني موافقش على الهرتله دي واصل، وسكي على الحديت ده عاد.
امسكت الخاطبة” زبيده” كفيها واجلستها وقالت رادفة بهدوء ومكر لاقناعها:
– اقعدي على حيلك، واستهدي بالله يا ام بسملة، واسمعي حديتي عاد ولو ملدش عليكي ارميه في البحر.
جلست ومطت شفتاها بعد ان اخرجت تنهيده من جوفها تصبر حالها قائلة:
– عتقولي اية تاني عاد، ما القصيدة من اولها باينه اهه من غير جواله.
– ووه ووه مالك أكده شده حيلك عليا ومصبراش، اجفلي خشمك هبابه عشان اجولك على اللي في نيتي.
أخذت انفاسها “ذبيده” بعد ان سمعت صك “سك,ينة” كفها على ثغرها دلاله على عدم التحدث، ابتسمت لها وقالت بهدوء:
– الواد زين الزين، وميضرفتش واصل، وان كان على الخلفه، نصبروا سنة ولا اثنين، والمحروسه لسه صغار، مفرجش يعني من سنتين، ولما ناخدوا منيه اللي عايزينه وبزيادة، ونضمنوا حقها، تبقى تحبل، ونقوله حوصل بالغلط، وكله وشطارة بتك، تخليه يعشقها وميجدرش يستغنى عنيها عاد، وتخليه كيف الخاتم في صوبعها، وتهوسه بحسنها ودلالها، يووه ما تشغلي نافوخك وتوعي بتك يا س,كينة، هو إني اللي هوعيكي برضك.
