المشمهندس فلاح الجزء الثاني

التقط علي نفس طويل وتابع بتحدي

-انا الي أمرت واعتقد أنا ليا زي ما ليكي بالضبط ومش كل شويه هنعيد فالاسطوانه دي ..

عاد علي يضرب طارق تحت النظرات المستنكره ..فعادت له يمنى قائلة بحزم

-خلاص ..صبري يستاهل لانه بيشتغل عندي وبينفذ أوامر غيري..

توقف علي وانحنى أمام وجهها صارخاً

-بطلي بقا دول مسمهمش شغالين عندك ..دول لو بتحسي شغالين معاكي ومستحملين قرفك وعنجهيتك

بعدم اكتراث اتجهت يمنى تساعد طارق على النهوض ..فقبض علي على ذراعها قائلا

-قالبه البيت ..كازينو مين سمحلك ..؟

نفضت ذراعه واستدارت تواجهه بشراسة تخرج كلماتها ملتهبة من جحيم قسوتها

-سيبني بقا أنا زهقت مبقتش قادرة استحمل ..ارحمني

نظراته تعلن تحدي صريح أشار أن تكمل وجموده لا يبرح ملامحه ،سكت الهمس ولف الجميع صمت مهيب ..لتتابع بإنفلات وغرور

-مفيش هدنه مش مجبره استحملك ..بلاش تعمل فيها ولي أمري ..

صمت ،ترقب ،حبس أنفاس .نظرات مترقبة وتحدي يتراقص بين نظراتهما استدار يصرف الجميع بهدوء يحسد عليه لكنها بنفور شديد وغرور صرخت

-أنت مالك ..دي حياتي ومالكش تدخل فيهايا غبي يا فلاح أنت

حجم غضبه مرات وابتلع خيبته معها لكنه الآن تمادت وامسكت بذراعه تنهره بحده أمام الجميع

صوت خافت لكنه قوي بأذنيها .قوة ملموسة ومرئية ندبة لن تترك روحها وروحه مسماه (صفعه قوية )

همس من بين اسنانه

دي من الفلاح الغبي .

استدار علي وقبض على قميص طارق وجره قائلا

-هعرف اندمك على عملتك دي

أخذه علي واتجه به للقسم مقدماً بلاغاً بتهجم طارق وتعديه وضربه للحارس وتم حبس طارق ..فيما أخذ علي صبري الذي جلبه على كرسي احضره من المشفى ليدلي بشهادته واقواله

***

كانت صامتة حزينة تحتبس دموعها جسدها ينتفض بإنفعال صُبغ بقهرها تجلس شاردة.. تحبس نفسها داخل حجرتها وحين تدخل عليها الدادة طالبة منها الخروج ..تصرخ بعنف وانقضاض متوحش

أما هو فجالس ..يتلبسه الصمت عيونه غائرة بألم وعقلة يدور بكل اتجاه ..ينظر لكفه الملخطة بفعلته ..ببهوت

وفي الصباح هاتف مراد علي قائلاً

-ايوة ازي حضرتك يا متر

-ازيك يا علي

-الحمدلله

-والد طارق مستاء ياعلي ودا صديق عمك ننهي الموضوع ودي ..بلاش شوشره

-للاسف مينفعش ومتفرقش معايا الشوشره

-يا ابني ..ميصحش

-ويصح يدوس واحد بعربيته كان ممكن يموت وابوه الي مستاء ده كان هيربي عيال الراجل الغلبان .. كان ربي ابنه الأول