المشمهندس فلاح الجزء الثاني

-ومترحبش بيه ليه ؟

-دا أُوجري (شغيل).عامل بيشتغل عند الناس وعلى كد حاله

هتف علي بغيظ من بين أسنانه

-لا وأنت ياخال رئيس مراجيح مولد النبي ..

نهره خاله بعيون مشتعلة

-علي ..

علي برزانة وهدوء رغم ما يعتملة من ضيق

-بيشتغل يا خال لا هو عاله ولا خدام بيكسب من عرقه ..وده ميعيبوش

هتف الخال بإصرار

-الفقر عيبه ..وأنا عايز لبناتي الاحسن

هز علي رأسه مردفاً بقناعة

-ايه فايدة لو متجوزه وزير ومش مرتاحه أنا شايف رجب كويس وابن حلال

اشاح الخال نافراً

-لا ..دا محيلتهوش حاجه

حك علي ذقنه قائلا وعيونه تلمع بترقب

-ولو حيلته ..؟

نظر الخال لعلي متسائلا وهو يضيق عينيه

-تقصد ايه يا ابن الغالية ..

-هكتبله من أرضي وهبنيله بيت ولا بيوت الاعيان ..

هتف الخال بحدة وتوبيخ لاذع

-انت اتجننت يا علي

بنبره هادية وبرود هتف علي وهو يتابع نفور خاله واعتراضه

-رجب دايما معايا وفضهري وبعتبره اخويا وأنا كنت هعمل كده من غير جواز

تردد الخال قائلا وهو ينهض

-هفكر .وارد عليك ..

نفخ علي براحة فهو على تمام اليقين أن خاله سيوافق

******

هلل رجب قائلا بفرحة

-وافق ..وافق ..

ابتسم علي قائلا

-مبروك يارجب ..

هتف رجب بإمتنان وخجل

-مش عارف اقولك ايه يا بشمهندس ..

نهض علي قائلا

-مكنتش هرجع غير لما احلها ويلا بقا نروح نقرأ الفاتحة ونتفق

وصلا للمنزل استقبلهم الخال بترحاب ..وطلب لهم العصير

هتف علي قاطعاً الصمت

-طلباتك ياخال ..

الخال وهو يشيح عن وجه رجب بنفور

-50الف مهر ..

شهق رجب وفغر فمه بصدمة ،لينظر له علي بنظرة( ألا تقلق ) رحب علي قائلا

-بس يا خال دا أنا اتوقعت تطلب اكتر

همس رجب بقلق

-بشمهندس

لكزه هلي وهو يعاود الهمس

-اسكت

ثم نظر لخاله قائلا بحزم وسيطرة واضحة

-رجب معاين معايا فلوس من شغله هيدفع بيها المهر وبالنسبه للفرح عليا وهعمله ليلة كبيرة هيقعد فالبيت بتاعي على ما يجهز البيت بتاعه …..لاني هكون في مصر وقتها ..

همس رجب ببلاهة

-فلوس ايه انا معاينتش عندك غير تلاته جنيه

كرمش علي وجهه بإختناق وضيق مردفاً بهمس

-دي فلوس لسانك الي هقطعه وابيعه لو مسكتش ..

ابتعد رجب عنه ليتابع علي

-ها يا خال .مالكش حجه ..

زمجر الخال وتلعثم ليقترب علي ويقبض على كفه قائلا

-الفاتحة بقا

قرأ علي ورجب والخال الفاتحة ومضو عازمين على التجهيز ليكون العُْرّس والزواج في أقرب وقت،