هويت رجل الصعيد الجزء الاول نور زيزو

غادر الغرفة بأختناق شديد في صدره وشعره بالعجز عن مساعدتها ربما يقتله فذهب لصديقه “عطيه”

_____________________

كان “حمدى” يشتاط غيظًا وغضبًا مما حدث وفشل خطته لتقول “فاتن”:-

-أحسن أنها باظت أنا من البداية جولتلك تبجى غبي لو جتلته، لو نوح مات مراته وأبوه اللى هيورثه مش أنت

ضرب ركبته بيده وهو يقول بغضب نارى:-

-ومين جالك يا أم مخ تخين أنى كنت هجتل نوح، أنا كنت هخطف منه مرته وأساومه

جلست “فاتن” جواره بحماس ثم قالت:-

-ما هي متلجحة في الأوضة جارى، أدينى أنت الموافجة وأنا مش أخطفهالك دا أنا أخلص عليها وأرتاح

نقر رأسها بأصابعه بأشمئزاز من غباءها ثم قال:-

-ونوح هيهملك أكدة تدخلى أوضته ولا تأذي مرته في داره بغبائك دا

ضربت كف على الأخرى وهى تقول:-

-ااااه لو يسيبونى عليها

___________________

كان “نوح” جالسًا فوق العشب تحت نخلة في أرضي زراعية وشاردًا في عجزه عن إنقاذها ومعالجة مرضها فسأله “عطيه” بقلق:-

-ومرت أخوك دى هتوافج

أجابه بنبرة شر وغضب مكبوح بداخله:-

-لازم توافج يا عطيه معنديش خيار تانى ، الفكر والخوف من المرض هم اللى هيموتوا عهد لأنها جبانة وأنا مههملهاش ت,م,وت أكدة

نظر “عطيه” له بحيرة ثم قال:-

-أنت حبتها يا نوح؟

نظر “نوح” له بدهشة من سؤاله وتنهد تنهيدة طويلة معبأة بالكثير من المشاعر المختلطة ثم قال:-

-مش حُب، أنا جوايا أحساس أنى مسئول عنها وأنها مسئوليتى، أنانية أختها ومكرها مولدين جوايا الحنية والطيبة عليها

سأله “عطيه” سؤال ماكر قائلًا:-

-شفجان عليها يعنى

سؤاله الماكر أثار غضب صديقه فأجابه “نوح” بسرعة وهو ينظر إليه بغضب:-

-لا مش شفجة، أنا بشفج على الغلابة والمحتاجين وبساعدهما لكن هي مش شفجة أنا بجد خايف عليها، تعرف أنى جرأت عنها كتير وكتير من التعليجات كانت بتجول أنها عنيدة ومتمردة على كل حاجة حتى ألوان الهدوم بتتمرد عليها لدرجة خلتنى عاوز أشوف عنادها دا كيف وعامل معاهم كيف؟ أنا من يوم ما عرفتها ومشوفتش غير ضعفها وحزنها

أربت “عطيه” على كتفه بلطف وجمع شجاعته وهو يقول:-

-هجولك حاجة ومتتعصبش عليا ولا تسبنى وتجوم، اللى بيحاول يكتشف واحدة ويعرف عنها ويدخل يبحث عن صفحاتها ويوصل أنه يجرأ تعليجات الناس عنها دا واحد بيحب يا نوح

نظر “نوح” له بوجه عابس على وشك أن يطلق العنان لغضبه في وجهه فتابع “عطيه” بشجاعة:-