أسيرة القاسي زهرة الربيع
#الجزء_الثامن_اسيرة_القاسي
وقفت بصدمه من المنظر لما شافت رافع في اوضه اميره سوا على السرير في وضع مش تمام ومش لابسبن كل هدومهم
ابرار بصت الناحيه التانيه بصدمه وزهول ورافع قام بسرعه ولبس جلبيتو بخوف شديد واميره فضلت مكانها وبتبصلهم بخوف
رافع قال…احم..ادخلي يا مدام..لو سمحتي انا ..انا هشرحلك كل حاجه
ابرار قالت بحرج ..لبست
رافع قال بحرج شديد..احم..ايوه ادخلي
ابرار دخلت وبقت تبص لاميره الي كانت ملفوفه في الملايه وقالت بدموع…انتو..انتو كلكم هنا…كلكم بتستغلو ظروفها..كلكم بتستفيدو منها وكل واحد بطريقتو..ايه القرف ده…ايه المنظر ده..ازاي..ازاي بتقدرو تعملو كده
رافع كان منزل راسو في الارض بحرج من الوضع الي لقتهم فيه ولسه هيرد سمعو صوت صخر بينادي على الخدم وبيقول..انتو يا الي تحت انتو يا بهايم فتشولي الدوار كلو على ابرار بسرعه
ابرار ورافع بصو لبعض بخوف شديد ورافع قفل الباب بسرعه وقال..ابوس يدك..اسمعيني الاول حتى تقوليلو..ارجوكي اديني فرصه اشرحلك..سايق عليكي النبي ما تقوليلو حاجه..انا مش خايف منو انا خايف يا خدوها مني ارجوكي
ابرار بصت لاميره الي قالت بدموع..فيه ايه يارافع
رافع لسه هيرد ابرارقالت بسرعه مفيش يا حبيبتي خدي هدومك وادخلي الحمام بسرعه وبصت لرافع وقالت وانت ادخل البلكونه حالا يلا مفيش وقت
رافع هز راسو بسرعه وخوف ودخل اميره الحمام ودخل هو البلكونه وابرار اخدت نفس وفتحت باب الاوضه وكان صخر لسه هينزل على السلم قالت…فيه ايه..سمعاك بتزعق..فيه حاجه
صخر مصدقش عيونه انها قدامو رجع واتقدم ناحيتها وقال باستغراب ..انتي..انتي بتعملي ايه هنا…انا افتكرت انك…انك..واتنهد وقال.. بشيييير انت يازفت..قول للرجاله خلاص الهانم فوق
سمعت صوت قال امرك يا باشا… كتفت اديها وقالت بسخريه..ايه افتكرت اني هربت..ودي معقوله اهرب كده من غير ما اودعك يا جناب العمده
صخر كان مبسوط جدا لدرجه انو ناسي وجودها في اوضه اختو كان حاسس بسعاده الدنيا انها مهربتش وانها قدامو..قال..اطلعي معاي ..الوقت متأخر و
بس قطع كلامو لما شاف السلسله على الارض واميره مش موجوده قال برعب..اميره فين …البت فين
ابرار قالت بسرعه..اهدي ..هيه في الحمام وكفايه زعيق واطلع علشان متشوفكش انت عارف انها مينفعش تشوفك
