أسيرة القاسي زهرة الربيع
بس صخر ولا رد عليه وواقف زي التمثال اميره جريت ورا راغع بس قبل ما تنزل وراه صخر مسك ايدها بقوه وهو واقف بثبات …وهى بقت تبكي وتقول سيبوه سيبوه حرام عليكم..حرام سيبووووووه لا…لااااااااا متخدهوش ..ونبييييبييييي
بس صخر مش مهتم لصراخها وماسك ايدها بقوه و ابرار بصتلو بدموع ومشيت مع الغفير من سكات ورافع كان بيبص لاميره بدموع ومكمل بحزن شديد
الغفير فعلا اخدهم على مكان بيربو فيه المواشي ورماهم كل واحد في اوضه وقفل عليهم
اميره فضلت تبكي لحد ما اغمى عليها وصخر حطها في سريرها وطلع على اوضتو وهو مش شايف قدامو …مش مصدق الي حصل مش قادر يستوعب..قعد على السرير بتوهان…ونزلت دموعو بشرود وبقى يبكي بصوت مكتوم جواه وهو حاسس قلبو بينز،ف حرفيا على صاحب عمره ومراتو الي كانت مشاعره ابتدت تتحرك ليها لاول مره في حياتو
بس وقف ومسح دموعو وقال بقوه..مش انا مش انا الي تهزني شويه مشاعر فاضيه هيدفعو التمن غالي هيدفعو تمن ضحكهم عليا غالي ونزل بسرعه وغضب
صخر كان هيطلع بغضب بس وقفو ابوه وقال…صخر
صخر قال بضيق..بعدين با ابوي
شاكر قال..لا دلوك ..وديت مرتك ورافع فين
صخر بصلو باستغراب وقال…انت عرفت اازاي
شاكر قال بضيق..قابلتني الدكتوره وحكتلي الي حصل مع اميره وشوفت بشير ماخد رافع ومرتك ..رد عليا رافع ابو الولد الي في بطن اختك مش كده
صخر قال بغضب …هو الوا،طي بس انا هخلص عليه وهشرب من دمو السا،فل ابن السا،فل هو والحيو،انه الي غطت عليه
شاكر قال بغضب…وانت شايف ان الحل انك تخلص عليه..ولما اختك بطنها تبان وتيجي تولد هنقول للناس ايه .
صخر قال باستغراب..قصدك ايه يا ابوي
شاكر قال بضيق….قصدي ان رافع رايد البت خلينا نجوزهم قبل ما المستور يبان
صخر قال بغضب…متتعبش نفسك البيه طلع كاتب عليها من ورانا…وبت السماك عارفه..بس انا هربيهم الاتنين ومش هيهمني لا الناس ولا كلامهم ومشي بغضب وهو مش مهتم لزعيق ابوه الي كان بينادي عليه وبيحاول يمنعو
صخر وصل عند رافع وابرار ودخل عند.رافع بعصبيه
رافع اول ما شافو وقف بارتباك وصخر قرب منو وقال بغضب…انت طبعا عارف لما حد بيضايقني وبيجي هنا ايه الي بيحصلو ..كل حاجه كانت على يدك
رافع بلع ريقه برعب وقال..صخر..انا غلطت .غلطت قوي في حقك..حسبتها غلط فكرت اني هقنع ابوي وبعد كده هقولكم فكرت اني كده بتصرف صح…بلاش تسامحني… انا استاهل تموتني …بس…بس مرتك ملهاش صالح..هيه عرفت بالصدفه وانا..انا واميره اتحايلنا عليها علشان تسكت انا..انا السبب في كل ده موتني انا بس طلعها ..متظلمهاش بسببي
