أسيرة القاسي زهرة الربيع
مالك قال ببرود..لا واضح الحب والاخوه باماره ما سابك وسط البهايم…اسمع يا رافع انا عايز منك معلومه واحده وعندي ليك عرض مستحيييييل ترفضو…انت هتقلي على مكان المخازن والبضاعه..وانا في المقابل هجمعك باميرتك وابنك في مكان مستحيل مخلوق يوصلكم فيه ….قولت ايه
رافع سكت شويه وقال…لو كنت مش مربوط كنت شوفت الرد الصح على كلامك..لازم تعرف اني لو عايز مرتي توطي راس اهلها وتهرب معاي مكانش حد هيلاقينا مش صعبه علي…بس انا كنت عايز اتجوزها برضى ابوها و اخوها.. صاحب عمري.. ولو مليش نصيب فيها مش هبيع صخر متتعبش نفسك
مالك اتنرفز جدا وقال…صخر..صخر.. صخر…لسه بتقولي صخر…طول عمرك مرمطون ليه…اخدت رصاصه وكنت هتموت وضيعت رجلك بدالو..وعشت حياتك هو يكبر وانت محلك سر وكل حاجه عليك انت ولو في يوم وقعتو هو في الامان وانت الي هتروح ورا الشمس واخره ده كلو رماك في زريبة البهايم واستخسر اختو العبيطه فيك
رافع اتنرفز جدا من جملتو الاخيره ولانو مربوط ضربو برجلو بقوه وقعو على الارض وقال بغضب…لما تتكلم عن مرت رافع الصادق..تتكلم باحترام والا لسانك الوسخ ده هشيلهولك على كفه يدك
مالك وقف بغضب وقال تمام انا عارف ايه الي هيأدبك ويخليك تسمع الكلام وقرب من ابرار وضربها قلم قوي قامت مفزوعه
عند صخر دخل عند حنان ومسكهتا من شعرها وقال بغضب…مين الي قال لمالك اني على خلاف مع رافع وحابسو في الزريبه
حنان كانت بتتألم من مسكتو وقالت …اي شعري يا صخر..وانا مالي تلاقيه مراقبك ولا مراقبو
صخر قال بغل وهو لسه ماسكها من شعرها….هو يمكن مراقبو..ويمكن يكون ملكيش دخل…بس انا مبقتش امن لاي حد علشان كده يا عصفورتي هتفضلي هنا ومتتحركيش لحد ما ارجعلك ولو اتضح ان ليكي دخل والله ما هتتخيلي الي هيحصلك…. وزقها على السرير واخد تليفونها وخرج وقفل عليها الباب
وقال لراجلين واقفين …اياكم تخرج.. فتحو عنيكم اجي الاقيها مكانها مفهوم
صخر قال كده وطلع بغضب وركب عربيتو ووراه عربيات فيها رجالو وكلهم مسلحين
عند ابرار قامت مفزوعه لما ضربها مالك بالقلم واول ما فتحت عنيها قالت بخوف… انا فين …وبصت شافت رافع قالت…رافع انت كويس عملك حاجه
رافع قال بقلق..انا تمام…وونتي
ابرار بصت لمالك وقالت بخوف…مين ده..مش ده الراجل الي كان مع صخر في البيت..هو خاطفنا ليه
