أسيرة القاسي زهرة الربيع
قبل ما صخر يرحلهم دخلو عربيات مليانه رجاله مسلحين ونزلو ضر.ب في الغفر وفتحو ابواب الزريبه وطلعو رافع
رافع قال باستغراب….انتو مين عايزين ايه
بس اتلمو عليه الرجاله وبقم يكتفوه بالعافيه ورافع كان بيقاومهم بس واحد من وراه ضربو على دماغو وقع مغمى عليه وشالوه وحطوه في العربيه
ابرار كانت قاعده بخوف وسامعه صوت ضرب نار ومش فاهمه ايه الي بيحصل لحد ما دخل عليها واحد وشالها وطلع بيها وهيه بتصرخ جامد وحطها في العربيه وخدرها
واحد من الغفر جري علي الدوار وقال برعب…يا جناب العمده..يا جناب العمده يا صخر ببه
صخر نزل من اوضتو بقلق وقال..فيه ايه يا بشير
بشير قال بخوف…رجاله ..رجاله كتار دخلو على الزريبه وخدو رافع بيه والهانم معاهم
صخر اتسند على سور السلم من كتر الصدمه كان هيقع من طوله وقال بخوف….رجاله مين..متعرفش حد فيهم
بشير قال…..لا يا باشا معرفتهمش ..اول مره اشوفهم
صخر خد س*لاحو بسرعه وقال…قول للرجاله تجهز بسرعه… وراح على اوضه في الدوار فيها كاميرات وبقى يراجع التسجيل ..بس كانو كلهم رجاله..ملثمين ومعرفش اي حد وكان هيتجنن من الغضب بس فجأه جات عينه على يد واحد فيهم وشاف وشم يعرفو كويس ووقف بغضب رهيب وقال للغفر….قول لكل الرجاله يجهزو معانا طلعه طويله شويه
عند رافع فتح عنيه بتعب واتفاجأ بالمكان الغريب الي مربوطين فيه بس اتسعت عنيه بشده لما شاف ابرار مغمى عليها ومتكتفه بقى يقول..مدام ابرار.. مدام ابرار ردي عليا ..ابرار فوقي
بس ابرار كانت مغمى عليها ومش حاسه لحد ما دخل راجل وقال….يا اهلا بشريكي الجديد
رافع قال بزهول….مالك…انت…اما انا غبي بجد ..ومين هيكون غيرك
مالك ضحك وقال ..معاك حق كان لازم تعرف ان محدش عايزك فعلا غيري..انا بقدر الرجاله الي بجد زيك ..مش زي صاحبك الي طول عمرك معاه ورماك وسط الحيوانات
رافع بصلو بغضب وقال…انت عايز ايه..جيب من اللاخر
مالك قال ببرود…ولا حاجه..عايز اشتريك وتبقى واحد من رجالتي..وتسيبك من الي باعك وكان عايز بق*تلك…على فكره انا طلعتك في الوقت الضايع ..صاحبك كان ناوي يخلص عليك
رافع بصلو بسخريه وقال…مشكلتك لسه متعرفش الي بيني انا وصخر …احنا اخوات مش صحاب…ومستحيل يق*تلني…يدو متطاوعهوش…وانا مهزعلش لو ق*تلني …اطلع انت منها ومتدخلش بينا
