أسيرة القاسي زهرة الربيع
ابرار ضحكت وقالت..والله مريييييض كل ده علشان اتكلمت معاك كلمتين وقالت بتوتر….صخر ممكن اطلب منك طلب
صخر قال…امري
ابرار قالت بخوف…ممكن انزل اميره تتمشي معاي في الجنينه بس شويه وانبي البنت صعبانه عليا
صخر اتنهد بحزن وقال..يعني انتي فاكره انها مش صعبانه عليا انا كمان بس اول ما هتشوفني هتصرخ وتقول كلام مينفعش قدام الخدم و
بس قا.طعتو ابرار وقالت…انا اوعدك اني هخليها متقولش حاجه ارجوك بس انهارده لو حصل حاجه مش هنزلها تاني
صخر راح ناحيه الباب من غير مايتكلم وابرار اتنهدت بحزن… بس ابتسمت بفرحه شديده لما حدف لها المفاتيح وقال..لبسيها طرحتها علشان الرجاله
ابرار هزت راسها بالموافقه وهيه هتطير من الفرحه وصخر نزل
ابرار اول ما نزل جهزت بسرعه وراحت عند اميره
اميره اول ما شافتها قالت بخوف..قولتيلو
ابرار ابتسمت وقالت..لا …ومش هقولو حاجه..وهاخدك نتمشي في البيت وتشمي هوا وهركبك المرجيحه كمان بس بشرط
اميره قالت بفرحه..شرط ايه
ابرار قالت بتوتر..صخر هيبقى تحت مينفعش تعيطي ولا تتخانقي معاه تمام
اميره قعدت بحزن وقالت لا..خلاص مش عايزه انزل
ابرار قالت بخبث…. براحتك مع ان رافع تحت
اميره وقغت بفرحه شديده وقالت..طب لبسيني وهقعد ساكته
ابرار ابتسمت وبقت تساعدها تلبس
عند صخر كان قاعد مع رافع الي كان مهموم وحاطط اديه على دماغو من كتر الصداع
صخر قال باستغراب..يا ابني مالك قالقني عليك..هو حصل حاجه انا معرفهاش
رافع اتوتر وقال..لا لا ابدا انا..انا بس..مضايق شويه ابويا مش سايبني في حالي واخر حاجه عايز يجوزني
صخر ضحك وقال..مهو معاه حق هتفضل كده لامتي انت قربت على التلاتين وبعدين انت زعلان ليه مش يمكن العروسه تعجبك
رافع بصلو بضيق وقال…جايبلي عروسه دكتوره بنت اسماعيل القاضي..وعايزني اتجوز اخر الشهر كمان و
بس قطع كلامو لما اتفاجأ بشده باميره بتقول بصرا،خ…يعني ايه تجوز…تجوز ازاي ووووووو
#الجزء_التاسع_اسيرة_القاسي
وقف بصدمه وهو مش مصدق نفسو لما قالت تتجوز..تتجوز ازاي..طب وانا
صخر كان متفاجأ جدا وابرار خايفه من الموقف بس رافع كان مبهور ومش مصدق انها زعلت انو هيتجوز احساس جديد عليه مش مصدق انها فهمت اصلا
قرب وقال بابتسامه..اذيك يا اميره …انا…انا بقول يعني ابوي عايز كده بس انا مش هتجوزها ..ابدا..انا بحب واحده تانيه ومش هتجوز غيرها
