أسيرة القاسي زهرة الربيع
ابرار اتنهدت بضييق وقلعت النقاب والعبايه وقالت بتعب..ممكن نتكلم الصبح دماغي هتنفجر
صخر قال يغضب..لا..هنتكلم دلوقتي..ايه الي وداكي عند اميره..وصلت بيكي الجرأه تسرقي المفاتيح وتروحيلها من غير اذني
ابرار اتنهدت وفالت..يعني انا لو كنت جتلك وقولتلك يا جناب العمده صخر باشا ممكن لو سمحت تتكرم وتديني المفاتيح اشوف اختك كنت هتوافق…لاطبعا…وبعدين انا عملت ايه ..روحت علشان اعرف منها الي انت مش عايز تقولهولي .حبيت افهم منها مش اكتر اكيد مش هأذيها يعني
صخر قال بسخريه..امممم روحتي ..تفهمي منها..من امييره..وضحك وقال..هو انتي لسه مخدتيش بالك من عقليتها لسه عندك امل انها ممكن تشرحلك او تفهمك حاجه ..ويا تري بقى فهمتي ولا الروحه من غير فايده
ابرار وقفت وقربت منو وحطت عنيها في عنيه وقالت..مش شرط تشرحلي علشان افهم منها..نظره العيون كفايه…اختك مر.عوبه منك..مر.عوبه لدرجه لما سمعت صوتك جالها انهيار…انت عملت معاها ايه لكل ده..ده سؤال محدش هيعرف يجاوب عليه غيرك ده طبعا لو كان عندك الشجاعه
صخر اتنهد بحزن وقعد على السرير وقال…اميره عندها ضموور في المخ..من وهيه سنها ٦ سنين يعني عقلها واقف على العمر ده..عمر طفل..والاطفال متعرفش تفرق مين معاها ومين عليها
ابرار قالت ..بس بتعرف تحس…والاحساس بالخوف بيبقى من سؤء المعامله..ومن موقف صعب موجود في دماغهم بدليل ان الطفل مهما امو قسيت عليه مش بيخاف منها…ولولا ان فيه موقف حصل لاميره منك رعبها كده..اكيد مكانتش هتبقى دي حالتها كل ما تشوفك اوتسمع صوتك
صخر قال بتعب…انتي عايزه ايه دلوك..هاتي المفاتيح دي. وشدهم منها وقال بغضب..يدك لو اتمدت عليهم تاني هقطعهالك ويلا نامي علشان تعبت
ابرار اتنهدت وقعدت على السرير وسط افكارها لحد ما نامت
عند رافع رجع على البيت وهو مش شايف قدامو وخايف صخر يعرف قعد في الصاله من غير ما يفتح النور وقال في نفسو….لو قالتلو ايه الي هيحصل…ووقف وقال…ايه الي هيحصل يا غبي هتخسرهم الاتنين لانك جبان ..جبان وغبي
بس قطع. افكارو لما اتفتح النور وكان ابوه قال …ايه يا باشا ما بدري..كنت فين الفجر هيدن
رافع بلع ريقه بتوتر وقال…صاحي ليه لحد دلوك يا ابوي
صادق قال..مستنيك يا اخر صبري..كان عندي ليك خبر زين وهيفرحك
