المشمهندس فلاح الجزء الأول

عاد علي بنظره لطريق ذهابها وهو يهمس بأسف

-انا مش عايز حاجه كل الي عايزه تتقبل وجود ما صدقت بقالي أهل بس الظاهر انها تتقبلني ده حلم ..

ربتت الدادة علي كتفة بمؤازرة قائلة

–معلش يا ابني ..انت شكلك ابن حلال تصدق تلاقيها دلوقت بتعيط علشان زعقتلها..دا أنا الي مربياها وعرفاها مبتستحملش ..

لانت ملامح علي بحنان وهو يسأل بغموض

-هي والدتها فين .؟

تنهدت الدادة مسترسلة بأسف

-ماتت وسبتها حتت لحمة حمرا وأنا الي ربيتها ..

هز علي راسه وهو يربت على كتفها بإبتسامة بشوش

-ربنا يباركلك .بس الا قوليلي لما احتاج انادي عليكي اقولك ايه ..؟

هتفت الدادة وابتسامة منمقة على ثغرها

-أم وليد

هز علي رأسه بعدم اقتناع قائلا

-ابنك التاني اسمه ايه ..؟

الدادة بزهو

-تيم

جحظت عينا علي وهو يهمس بذهول

-هو يعني نافع أم وليد لما تبقي أم تيم

سألته الدادة بترقب

-بتقول حاجه يا ابني ..؟

ابتسم علي وعاد يسأل بعفوية امتزجت بخفة دمه

وهو يشمل الدادة بنظرة مستهجنة بينما يعض جانب شفتيه مستفهماً

-بما أني مش مقتنع ان في دادة اسمها أم وليد ..الي أعرفه ..دادة سعدية ..دادة تحية ..أو أم سعيد أم عبيد ..أم عبدالشكور ما علينا أكيد بقا ليكي اسم اناديكي بيه ..قوليلي بقا يا أروبه ومتعيني بإسماء الزمن الجميل

هتفت الدادة وابتسامة منتصرة يحفها التشفي لاحت على ثغرها المتغضن

-مايا

تدلى فك علي ببلاهة ،واتسعت عيناه تعتنق تلك السيدة العجوز فيما عبرت الصدمة حدود شفتيه مستنكرة مثتغيثة

-نعم يا أختي ..دا أنا على كده أجيب صباره وأدفن نفسي

كسا وجه الدادة ابتسامة تشفي واتجهت للمنزل حيث تعالى نداء يمنى من شرفتها وقد امتزجت نبرتها بحشرجة بكاء

-يا دادة ..دا دادة تعالي ..

دخلت الدادة الحجرة تسأل بحزن

-مالك بس يا بنتي ..؟

مسحت يمنى دموعها قائلة بثورة-هو مين علشان يزعقلي

-ابن عمك ..

هتفتها الدادة بإقرار أغاظ يمنى

-لا ..مش ابن عمي ..وعلى جثتيي يأخد حاجه

***********-

أفاقت على خروج موظفيها وانسلالهم من حول طاولة الاجتماعات عند شعورهم بتغيبها عن الواقع وشرودها بالأضافه لعصبيتها الشديدة منذ دخولها امرهم طارق بالخروج ..ليقترب منها يهمس

في أيه يا يمنى…؟

تطلعت يمنى حولها لتجد الجميع انصرف ..اطلقت تنهيدة طويلة ثم اضافت بضيق

-الزفت المسمى أم عمي جه قعد في الفيلا .