عشق الرجال الجزء الرابع

وقف أكرم أمامها وقال بهدوء

– مين قالك أنه مش بيحبك

– هههو

قالتها بصوت عالى ليقول هو بثبات

– كداب … لو هو إللى قالك كده يبقى كدب عليكى علشان إللى أنا شوفته غير كده

كانت نظراتها الغاضبه مستنكره غير مصدقه ليكمل هو قائلاً

– أنا شوفت واحد ميت من الرعب عليكى ساعة ما عرف أنك هنا خاف يتحرم منك لما طلبت منه أنه يمشى دلوقتى علشان أقدر أتكلم معاكى كان عايز يضربنى لو ده مش حب نسميه أيه

وقف الحج نعمان ليضم حفيدته وقال

– أنتِ بتصدقى جدو صح

هزت رأسها بنعم ليقول هو بصوت هادىء

– رحيم مش بس بيحبك ده بيعشقك

ظهرت علمات عدم التصديق ليقول أكرم بهدوء

– أنا هطلب منك تفكرى فى كلامى وتصرفات رحيم وهرجع أشوفك تانى بس كمان عايزك مترفضيش لو رحيم طلب يشوفك … شوفيه واقرى إللى جوه عنيه لأنه مراية قلبه

وغادر سريعاً لتتمسك هى بجدها الذى ضمها بقوه وقال برفق

– ربنا يريح بالك يا بنتى

•••••••••••••••••••••••••••••••••••••••••••••••••••••••

كانت فدوى جالسه على الكرسى الصغير بجانب سرير علياء بعد أن غفى عامر على الأريكة كانت تفكر فى حالها وكم تشفق عليها وعلى حالها وما حدث معها وأيضاً ما عرفته ودارته عن الجميع كيف هذا

كيف لم يحدث بينهم شىء أنهم عاشقان منذ زمن فكيف مرت تلك الأيام بينهم إذاً وخاصه وهى الأن فى فتره عذرها الشهرى

كانت متعمقه فى تفكيرها حين صدرت صرخه عاليه من علياء بإسم حمزه وحركات عشوائيه مخيفه انتفضت فدوى واقفه تحاول أن تمسكها حتى لا تؤذى نفسها واستيقظ عامر مفزوعاً لتصرخ به فدوى قائله

– نادى الدكتور بسرعه

وحاولت هى أن تقيدها خاصه وهى تتحرك بعشوائيه وطرقت رأسها أكثر من مره فى ظهر السرير

دلف الطبيب سريعاً وخلفه الممرضات قيداها حتى يعطيها حقنه مهدئه ولكنها كانت فى حالة هياج كبيره وكان من الصعب السيطره عليها وخاصه مع صراخها بإسم حمزه بهستيريا ….ولكن دخول أكرم الذى أتصل به رحيم بعد أتصال عامر به وأخبره بما حدث واقترابهم السريع منها قدرته على تقيد يدها حين ثبت رحيم قدمها وصراخ أكرم على الطبيب قائلاً

– أنا عايز مهدئ مش منوم بسرعه

نظر الطبيب لأكرم باستفهام متكبر وقال

– مين حضرتك علشان تقولى أعمل أيه ومعملش أيه

ليعتدل أكرم واقفاً بعد أن تأكد أن الممرضات تقيداها جيداً وقال بثبات