عشق الرجال الجزء الرابع

– شوف الدكتور أنا عايزه أخرج عايزه أعزى وداد وأكون جمب أختك

انحنى يقبل يدها وهز رأسه بنعم وغادر ليرى الطبيب

••••••••••••••••••••••••••••••••••••••••••••••••

استيقظ راشد من نومه ومدد جسده ووقف ينظر إلى حسناء التى لم تنم حتى الصباح ظل ينظر إليها وهو يتذكر انهيارها أمس بعد أن صعد إلى غرفتها كلماتها ودموعها أخذ نفس عميق وهو يتذكر حين ألقت بنفسها بين ذراعيه وهى تبكى بصوت عالى و تقول

– ليه هو أنا غلط فى أيه علشان ربنا يعاقبنى كل العقاب ده كله… انجرح من حب حياتى واتحمل نتيجة أخطائه وأخسر أخويا و سندى للأبد ليه

ابتعدت عنه لتجلس أرضاً وهى تقول

– يمكن حمزه كان بعيد عنى ومش موجود طول الوقت بس بردوا مجرد وجوده فى الحياه وأنا عارفه أنى وقت ما هحتاجه هلاقيه كان كفايه عندى ليه يسيبنا ويروح ليه يوجع قلوبنا عليه

نظرت إليه ودموعها تغرق وجهها

– أنت شفت بابا كان شكله أيه وامى إللى دموعها موقفتش تمام واااااه على تمام إللى واخد باله من الكل وهو قلبه هيقف من كتر الحزن ومش عارف يعبر

جثى بجانبها يضمها بقوه وهو يقول رغم ألمه من كلماتها وحزنه الشديد عليها

– أهدى يا حُسن أهدى يا حبيبتى أهدى ربنا يصبركم

عاد من ذكرياته على صوت شهقه عاليه منها وهى نائمه دلف إلى الحمام وبعد عدة دقائق أخرى خرج وارتدى ملابسه وجلس بجانبها على السرير ينتظرها أن تستيقظ

••••••••••••••••••••••••••••••••••••••••••••••••

دلف تمام غرفة جده بعد أن أطمئن على والده و والدته رغم أنه لم يجدهم بخير بأى شكل ولم يطمئن أيضاً

جلس بجانب جده بعد أن قبل يده

لينظر عمران إلى حفيده بشفقه ثم قال

– انكسر ظهرنا يا تمام الوجع جامد يا ابنى

تنهد تمام وهو يقول

– عارف يا جدى يوم ما الدكتور حسن مات أنا كنت شايف حالة جدى نعمان وكنت حاسس بحزنه بس متخيلتش ألمه ولما عمى منصور مات حسيت بالصدمه والشفقه على شخص خسر اتنين من ولاده فى حياته لكن دلوقتى شايف أن الراجل ده جبل أنه يستحمل كل ده أنا حاسس بوجع جامد اوووى فى قلبى يا جدى اووووى

ظل عمران صامت لبعض الوقت ثم قال

– محدش بيتكوى من النار غير إللى ماسكها بأيده ومحدش بيحس بالوجع غير إللى جربه

هز تمام رأسه بنعم ثم قال

– ربنا يصبرنا ويصبره … صحيح يا جدى الوزاره عايزين يعملوا حفله تأبين لحمزه وعايزين حد مننا يحضر