سجينة الماضي الجزء الثالث
الفصل الخامس والعشرون
ركب يحيى وفيروز السيارة كي يذهبوا الى البيت لأخذ حقيبة السفر بعد ان اوصى وحيد على المشفى واخبره انه يريد اجازة لمدة شهر ولا أحد يعلم انه في اجازة وانه في مؤتمر طبي لعرض ادوية جديد واجهزة حديثة كم ضحك عليه صديقه وقال له..ياعم انت متجوز ليك سبع سنين ورايح تتفسح وكمان لمدة شهر انت فاكر نفسك عريس
رد عليه والسعادة تملأ وجهه..عارف بس انا فعلا حاسس اني عريس جديد وعندي شعور اول مرة احس به
وحيد..هييييييح طب مراتك دي مالهاش اخت ينوبك فيا ثواب
يحيى بضحك ..لأ ياخويا مالهاش مفيش غيرها وابعد عينك عني للاجازة تتضرب واجي اولع فيك
وحيد بضحك..وانا مالي يالا ياعم ركز انت بس ويالا خد مراتك وامشي خلينا نشوف شغلنا
لاحظت فيروز شروده وانهم ركبوا السيارة لكنه لم يتحرك نظرت له بغيرة ورفعت حاجبها..انت سرحان في ايه من ساعة ما ركبنا العربية وانت سرحان
شعر بغيرتها كم سعد بهذا الشعور امسك يدها وقبلها بحب..والله مش سرحان في حاجة بس افتكرت كلام الواد وحيد
فيروز بأستغراب ..كلام ايه
حكى لها ما حدث
احمر وجهها خجلا ..يادي الفضايح
التفت بجسده ليكون مقابل لها..فضايح ايه ياعبيطة انتي مراتي وبعدين كان لازم يعرف انها اجازة هو عارف ان مافيش مؤتمر وكمان عشان هو المسؤول عن المستشفى في غيابنا فهمتي
فيروز بأبتسامة رائعة. .طب انا عايزة اسلم على بابا وماما قبل ما…..والتفتت له ..صحيح هو احنا رايحين فين
يحيى..دي مفاجئة على قمري
……………
في فيلا صلاح الجيار
طرقت وفاء على الباب فهي لم تستطيع الدخول من غير اذن فتحت الباب وجدت عمر يخفي شئ ما بسرعة في درج المكتب لم تستطيع رؤية ماهو تظاهرت انها لم تراه نظرت له كم تمزق قلبها لرؤية الدموع في عيناه ألهذه الدرجة يحبها ويبكي من اجلها ترى من هي ولما تركته او ماذا حدث بينهم
عمر بهدوء..ايوة ياوفاء في حاجة انا تعبان وعايز انام
حاولت ان تكون طبيعية ولاتظهر مابداخلها من ألم وحزن..انا كنت جاية اتكلم معاك بخصوص ياسين
عمر ببرود..ماله ياسين
تنهدت بحزن فهو لم يظهر على وجهه اي تعبير فلو كان احد اخر في مكانه لأنتفض خوفا وقلقا على ابنه لكنها قالت بهدوء..الولد نفسيته تعبانة اوي وحاسس انك مش مهتم به ومش بتحبه ارجوك ياعمر دا ابنك وليه حق عليك حاول تتعامل معه بحنية وتحسسه انك بتحبه
هز رأسه بإجاب..حاضر انا عندي صفقة ومسافر كام يوم ولما ارجع هشوف ماله في حاجة تانية
هزت رأسها بالنفي دون كلام وخرجت واغلقت الباب خلفها
مازال عقلها مشغول بما خبئ في الدرج جلست بأهمال على كرسي في الصالة وانتظرت حتى ينام وتدخل لمعرفة مايخفي
…………..
اخذ يحيى الحقيبة وسلم هو وفيروز على والديه وعلى الاطفال يوسف وندى وذهبوا ليسلموا على والديها
فيروز..هو احنا هنسافر بليل كدا
يحيى..ايوة ياعمري عشان نأخد اليوم من اوله هناك
وصلوا لبيت محمد كانوا في انتظارهم لان يحيى اتصل بهم واخبرهم انهم مسافرين
رنت فيروز الجرس فتح والدها عندما نظر في عيونها ارتاح قلبه كم سعد .بأبتسامتها وسعادتها الظاهرة في عيونها احتضنها بشدة وكأنه لم يراها منذ زمن…وحشتيني يا قلب ابوكي
نظرت له امينة بأستغراب..وحشتك ايه ماهي كانت هنا اول امبارح هي والعيال
محمد بسعادة كبيرة..ياست انتي مالك بنتي ووحشاني زعلانة ليه بقى
سلم على يحيى الذي تغير وجهه هو الاخر ولمعت السعادة في عيونه..عامل ايه يابني
يحيى بأبتسامة واسعة ..الحمد لله ياعمي
سلمت امينة عليهم وهي مستغربة تصرفات زوجه
نظر محمد ل يحيى..انتوا مسافرين دلوقتي
يحيى..ايوة يا عمي يادوب نرتاح شوية ونبدأ اليوم من اوله
ضحك محمد بشدة وربط على ركبته..ربنا يقويك يا حبيبي
شعر يحيى ان محمد يفهم كل شئ ضحك هو الاخر..ادعيلي يا عمي
ضحكوا بشدة لم تفهم فيروز وامينة على ما يضحكوا ونظروا لبعض ثم نظروا لهم
امينة..انتوا بتضحكوا على ايه
محمد..ياستي انتي وقفالي على الواحدة كدا ليه ما تقومي تعملي حاجة نشربها
امينة..حاضر
يحيى..لأ مش هينفع لازم نمشي الطريق طويل
محمد..ياريت تجيبوا حاجة حلوة معاكم
فهم يحيى مايقصد..من عنيا ياعمي
امينة رفعت حاجبيها بأستغراب..حاجة حلوة ايه اللي يجبوها والله ماأنا فاهمة انت مالك انهاردة
محمد..ياستي مبسوط دي فيها حاجة دي
فيروز..ربنا يبسطك كمان وكمان
نظر لها يحيى..يالا بينا
قامت من مكانها وسلمت على امها..معلش ياماما ابقي روحي اقعدي مع ماما وسعاد اهو خفي الحمل عليهم شوية انتي عارفة يوسف شقي اوي
محمد..ماتخافيش انا كل يوم هوديها الصبح وارجع اخدها اخر النهار روحي انتي شوفي وراكي ايه وركزي في شغلك واحنا هنا كلنا مع العيال ماتشغليش بالك واقترب من يحيى..ربنا يسعدكم يابني ويفرح قلوبكم على مهلك وانت سايق
يحيى..حبيبي يا عمي ماحدش فاهمني غيرك
ذهب يحيى وفيروز اغلف الباب وتنهد براحة كبيرة..انا فرحان اوي ياأمينة
مازالت لاتفهم سر تغيره من وقت ماجاءت فيروز..وايه اللي مفرحك كدا انت من ساعة ماجت فيروز وانت متغير
محمد..اصل النهاردة بس رجعت فيروز
امينة لم تفهم مايقصد نظرت له..والله ماانا فاهمة حاجة رجعت منين
محمد..انهاردة اول مرة اشوف فيروز زي ماكانت من سبع سنين وعيونها اللي بتلمع من الفرحة والضحكة اللي منورة وشها
امينة..حرام عليك ماهي دايما بتضحك والابتسامة على وشها
محمد..لأ يا امينة هي كانت بتبتسم وتضحك بس مش من قلبها لكن انهاردة عيونها بتلمع بالسعادة زي زمان
امينة ..ربنا يسعدهم
محمد..يارب
……………
في فيلا صلاح الجيار
انتظرت وفاء حوالي ساعة مرت عليها كأنها سنين اقتربت من باب المكتب لم تسمع اي صوت فتحت الباب بحرص شديد وجدت عمر ينام على الكنبة مشت على اطراف اصابعها حتى لاتصدر اي صوت اقتربت من المكتب وقلبها يكاد يخرج من مكانه من شدة خوفها فهي تخاف ان يستيقظ في اي لحظة ويراها وايضا خائفة مما هي مقدمة عليه فتحت الدرج ببطئ حتى لايحدث صوت وعيونها مسلطة على عمر وجدت محفظته لاشئ غيرها مع بعض الاوراق استغربت لما يخبئ محفظته بهذا الشكل عندما دخلت عليه ترى مابها مدت يدها التي ترتعش من الخوف وامسكتها وفتحتها بهدوء عكس ما بداخلها من خوف وتوتر ما ان فتحتها حتى اتسعت عيناها بصدمة وجدت صورة فيروز هزت رأسها بالنفي عدة مرات لم تصدق عيناها هل هو يحب فيروز ولما لم يتزوجها وهل هي كانت تحبه لاتفهم شئ تكاد رأسها تنفجر من كثرة التفكير ضمت المحفظة بين يداها شعرت بأن بداخلها شئ فتحتها مرة اخرى وجدت جيب صغير فتحته وجدت بداخله الخاتم والسلسلة الفضية تذكرت انها رأت ذلك الخاتم في يد فيروز أهي كانت خطيبته ولما لم تقول لها تكاد تجن رأته يتملل في نومه خافت ان يستيقظ ويراها فكرت ان توقظه وتواجهه لكنها خافت من المواجهة وتسمع منه كلام لاتريد سماعه ففضلت الانسحاب وضعت المحفظة مكانها واغلقت الدرج وخرجت مسرعة واغلقت الباب وجلست بأهمال على اول كرسي امامها وظلت تبكي..انا دلوقتي عارفت هو ليه بعيد عني بس ليه سابوا بعض وليه فيروز ماقالتش ليا وتذكرت شكلها وصدمتها يوم كتب الكتاب وتذكرت يوم سألتها ان كان في واحدة في حياة عمر وقالت معرفش مسكت رأسها بيديها من كثر الالم والصداع..انا مش فاهمة حاجة بس لازم افهم
………….
في شرم الشيخ
وصل يحيى وفيروز في وقت متأخر جدا ودخلا شاليه كان قد رأى صوره على النت وارسل صديقه وحيد لرؤيته وشرائه لتكون مفاجئة لفيروز ويقضوا فيه اجازة الصيف وهو عبارة عن فيلا صغيرة الطابق الارضي صالة كبيرة بها نافذة كبيرة على الشاطئ وغرفة واحدة بها تليفزيون ومفروشة بطريقة جميلة ومطبخ وحمام
الطابق الثاني غرفة نوم كبيرة بها حمام خاص وغرفة نوم اصغر لها حديقة خلفية بها حمام سباحة خاص لايراه احد نظرا لارتفاع السور وكل شاليه بعيد عن الاخر
يحيى..الحمد لله على السلامة ياحبيبتي
فيروز..الله يسلمك يا حبيبي انا عايزة انام انا مش شايفة قدامي وخوفت انام وانت سايق لأحسن تنام انت كمان
يحيى..ماشي ياستي دلوقتي سماح نامي وارتاحي عشان بكرة من اول النهار ورانا حاجات كتير اوي
حمل الحقيبة وصعد على السلم وهي خلفه
دخل غرفة النوم الكبيرة ووضع الحقيبة على السرير وفتحتها واخرجت منها ملابس بيتية مريحة وهي لاترى امامها من التعب
نظر داخل الحقيبة ورفع بعض الملابس بيده..انا قلبي كان حاسس
نظرت له بعدم فهم..مالك في ايه
يحيى امسك ببدلة رسمية ..ايه الهدوم دي بدل وفساتين اومال فين الحاجات الحلوة
ضحكت على شكله وهو يبدو عليه الصدمة..مش حضرتك في مؤتمر عايز ماما تحضرلك ايه شورتات وتشرتات وقمصان نوم
نظر لها..ماشي ياستي مش مهم انا هتصرف
ضحكت اكثر وهي تتخيله يقص البناطيل ولمعت عيونها فهي تضحك من قلبها نظر لها وتاهه في تضحكتها وشكلها
فيروز بضحك..هتقص البنطالون وتعمله شورت
لم يرد عليها وظل يتأملها انتبهت له وهو ينظر لها بحب نظرت ل عيناه وتاهت فيها اقترب منها و……..وبعد عنها..انا بقول ننام احسن
امسكت ملابسها نظرت له وكأنها تذكرت شئ..استنى هنا ماقولتش الشاليه دا بتاع مين
يحيى بضحك..لسة فاكرة تسألي شكلك تعبانة اوي ابدا ياستي أنا اشتريته من مدة بسيطة عشان نصيف فيه
فيروز بزعل مصطنع..كدا ماتقوليش وتخبي عليا
اقترب منها بخبث..كنت عايز اعملك مفاجئة وارجع شعرها خلف اذنها واقترب اكثر.. بس مفاجئتك كانت احلى
هربت من امامه ودخلت الحمام
ضحك على حركتها الطفولية ..اهربي اهربي
اخذ ملابسه ودخل الحمام الاخر
ناموا هذه الليلة وكلا منهم في قمة سعادته
……………..
في الصباح
ركب عمر الطائرة وصل شرم الشيخ وجد سيارة فخمة في انتظاره وسكرتيرة الشركة التي سوف يمضي معها الصفقة السكرتيرة ..الحمد لله على السلامة عمر بيه
عمر ببرود دون ان ينظر لها..الله يسلمك
ركب معها السيارة دون كلام مع انها فتاة جميلة وملابسة انيقة ملفتة وصل الفندق
السكرتيرة..حضرتك ارتاح دلوقتي والميتنج الساعة ٨وبعد كدا في عشاء اجي لحضرتك الساعة كام قالتها بدلع
عمر بضيق..لا متجيش كفاية السواق
السكرتيرة بأحراج..احم زي ماتحب عن اذنك
دخل عمر جناحه الفخم الكبير تلفت يمين ويسار وتنهد بضيق..مفيش حاجة ليها طعم من غيرك لو اعرف بس انتي فين انا بدور عليكي وعرفت انك مسافرتيش برا البلد نفسي اشوفك وحشتيني اوي ياترى صح اتجوزتي مش قادر اصدق انك تكوني لغيري وان راجل غيري يلمسك هز رأسه بالنفي عدة مرات لعله يبعد هذه التخيلات عن رأسه
ابدل ملابسه واستلقى على السرير وحاول النوم لكن دون فائدة اخرج محفظته ونظر لصورتها وظل يتلمس ملامحها حتى غلبه النوم
……………..
في فيلا صلاح الجيار
جاءت فاطمة كعادتها وجدت وفاء تجلس على الكرسي في الصالة ويبدو عليها التعب والارهاق فهي جلست هكذا من امس بعد ان رأت الصورة والخاتم والسلسلة وراته وهو خارج في الصباح يحمل حقيبة صغيرة لم ينتبه لها
سلمت فاطمة عليها..عاملة ايه يا حبيبتى ومال شكلك تعبان ومرهق كدا
لم ترد وظلت تنظر لها وكأنها خدعتها هي الاخرى
استغربت فاطمة من نظراتها لها..مالك يابنتي بتبصيلي كدا ليه
وفاء بدموع وحزن..ليه تعملوا فيا كدا
لم تفهم فاطمة ماذا تقصد ..نعملوا ايه يا بنتي انتي قصدك مين
وفاء بدموع تتساقط على خديها بلا توقف..انتي وعمر وفيروز
فاطمة اتسعت عيناها بصدمة عند سماعها اسم فيروز..فيروز مالها فيروز
وفاء مسحت دموعها..مش هي اللي بيحبها عمر ولا انا غلطانة
فاطمة بلعت لعابها بصعوبة ..مين اللي قالك.كدا
وفاء بهدوء عكس ما بداخله من غضب منهم ..محدش قالي انا شوفت بنفسي
فاطمة تنهدت بحزن ..شوفتي ايه
وفاء بصوت حزين تخنقه الدموع. .شوفت صورتها الخاتم اللي كانت لبساه فيروز والسلسلة اللي موجودين في محفظته
سكتت فاطمة فهذا اخر شئ كانت تود ان تعرفه وفاء حقيقة عمر لاتعرف كيف ترد عليها
وفاء بحدة..سكتي ليه كنتي عارفة وانا سألتك وانتي قولتي مفيش حد في حياته وسألتها وقالت معرفش وبكت بحرقة..انا عملت فيكم ايه عشان تعملوا فيا كدا وتخدعوني انا حبيته اوي واعتبرتك امي وهي ازاي تخدعني انا كنت فاكراها اختي وصاحبتي
فاطمة تنهدت بقلة حيلة ..يابنتي ماتظلمهاش انتي كمان
وفاءبغضب وصوت عالي..لما هو بيحبها ليه اتجوزني وعذبني معاه ليه
كان ياسين يقف على السلم وسمع كلام امه لم يفهم معنى ماقالت لكن عرف ان والده هو السبب في حالتها ودموع جدته فهي ايضا تبكي بشدة
حاولت فاطمة تهدئتها دون الدخول في تفاصيل لكن دون فائدة..يابنتي فيروز اكتر واحدة اتظلمت في الحكاية دي كلها
اسكتت الصدمة وفاء كيف تكون هي اكتر واحدة اتظلمت ونظرت ل فاطمة بأهتمام هي تود معرفة الحقيقة
فاطمة هزت رأسها بأيجاب وعيونها يملأها الحزن و الدموع ..ايوة يابنتي انتي ماتعرفيش هي اتعذبت اد ايه ولا ايه اللي حصل لها وظلت تحكي لها كل شئ لابد من قول الحقيقة
لم تصدق ماتسمع كيف له ان يفعل هذا بهم هزت رأسها بالنفي عدة مرات ..مش ممكن يكون عمر كدا انا مش مصدقة ليه يعمل كداااا قالتها بصراخ
وقعت في مكانها فزعت فاطمة واتصلت على صلاح الذي اتى مسرعا من الشركة واخذها الى المشفى وكل هذا امام عيون ياسين الذي ظل يبكي خوفا على امه
………….
في المستشفى
بعد الكشف والتحاليل والاشعة التي تؤكد اصابتها بهذا المرض اللعين ولامفر من جلسات الكيماوي
جلس صلاح بأهمال على الكرسي عندما سمع ذلك من الطبيب
فاطمة بدموع..ياحبيبتي يابنتي
الطبيب..للاسف مفيش حل تاني وان شاء الله تتحسن بس اهم حاجة حالتها النفسية لازم تكون قوية وعندها رغبة في الحياة عشان تقدر تهزم المرض
………..
في شرم الشيخ
اسيقظ يحيى وفيروز من النوم واخذها وذهبوا لشراء مايريد دخلوا مول كبير واشترى الملابس التي يريدها ودخل محل لبيع الملابس النسائية واختار لها بعض الاشياء التي جعلت فيروز يكاد يغمى عليها من شدة الخجل اكملوا شراء كل شئ ورجعوا الشاليه اقترب منها
يحيى وازال حجابها وسقط شعرها ارجع بعض الخصلات التمردة خلف اذنها..انا عايز انزل البسين معاكي لان البحر مش هينفع وفتح احد الاكياس واخرج منه لبس خاص بالسباحة(مايو اسود)
اتسعت عيناها بذهول لاتصدق انه يريدها ان تلبس هذا..انت عايزني البس دا واخرج به برا الشاليه
ضحك على شكلها..وانتي فاكرة اني ممكن اسمح لحد انه يشوفك به الشاليهات هنا بعيد عن بعض جدا والسور عالي يعني ماحدش يشوفك فهمتي وضربها على رأسها بخفة..يالا بقى
اتسعت عيناها اكثر ورفعت حاجبيها..يالافين
ضحك اكثر من شكلها ..غيري هدومك عشان ننزل الماية شوية وبعدين نخرج نتغدي ونتمشى
هزت رأسها ببلاهة بالموافقة ..واخذته من يده وصعدت جري على السلم
ظل يراقبها الى ان صعدت تنهد بحب..اااه يافيروز حبك هيعمل فيا ايه ………
