نفوس قاسية الجزء الخامس
وضعت سهر أصابعها على فم آدم تمنعه من الكلام وقالت وهي تحدق في عيناه:
– أنا كنت بعاقب نفسي على الغلط اللي عملته يا آدم و.
قبل آدم أصابعها وقال:
– أنتِ مكنتيش بتعاقبني نفسك يا سهر أنتِ كنتِ بتعاقبينا احنا التلاتة أنا وأنتِ وبنتنا، لاننا واحد مينفعش أبدًا حد فينا يبعد التاني عنه زي ما عملتي، بالعكس احنا بنكمل بعض ونسند بعض ونداوي بعض ونعاتب بعض لأننا عاوزين نكمل الحياة مع بعض و.
توقف آدم بغته حينما صدح صوت إسماعيل يقول:
– يا أستاذ آدم حضراتكم فقاعة المحكمة مش فالبيت بصراحة اللي بتعملوه دا مينفعش ومش مقبول بالمرة لو سمحت المدام بس تيجي علشان توقع على إخلاء من القسم.
زفر آدم بحدة وقال:
– هو حضرتك مافيش وراك غيري أنا ومراتي بجد أنت اللي مينفعش اللي بتعمله معايا دا.
رفع إسماعيل حاجبه وقال:
– خلاص ولا تزعل نفسك خليك براحتك.
صمت إسماعيل فشعر آدم بالقلق فصدح صوت إسماعيل مرة آخرى قائلا:
– اقبض لي يا ابني على الاتنين دول بتهمة الفعل الفاضح فمكان عام وعدم احترام المحكمة.
شهقت سهر والتفتت حولها لترى جمع من العيون القريبة والغريبة يجلسون في صمت ويتابعون حوارها مع آدم فدفنت وجهها في صدر آدم حرجًا وقالت:
– آدم الحق دول بيصورونا مين الناس دي كلها.
انطلقت ضحكات بعض الجالسين وارتفعت الأصوات ترجو إسماعيل أن لا يتشبث برأيه فحاوط آدم سهر بجسده يشعر بالحرج لتهوره ونظر إلى إسماعيل وقال:
– حقيقى أنا أسف من حقك طبعًا أنك تصمم على المحضر و.
قاطعه إسماعيل وقال وهو يضحك بصوت صاخب:
– أنا مكنتش مصدق اللواء لطيف لما قالي أنك هتتصرف بالشكل دا عمومًا أنا مش هعمل حاجة ويلا بينا نقفل المحضر علشان المدام تروح ترتاح.
انهى آدم كافة الإجراءات وكانت سهر تجلس تشعر بالتوتر لإحساسها بتحديق الجميع فيها بشكل غريب، وما أن جلست بجانب آدم في سيارته حتى طلبت منه هاتفه فأخذته منه وتطلعت إلى صفحات الفيس لدى آدم لتتفاجىء بالعديد من الصور والفيديوهات لهما فأغلقت الهاتف ووجهها يشتعل وقالت:
– أنا لا يمكن أخرج برا البيت تاني، شوفت جنانك يا آدم أدينا مشرفين كل المواقع عجبك كده.
ابتسم آدم وقال بهدوء:
– ومين قالك أساسًا أنك هتخرجي برا البيت يا حياتي أنتِ قصاد كل دقيقة بعدتي عني فيها هتقضي يوم فحضني أحسبي بقا كام يوم فكام ساعة بكام دقيقة، دا أنا ناوي أخليكِ تقولي حقي برقبتي بس مش هنا أنا ناويت أخدك ونرجع أنقرة نقعد فترة هناك نبعد عن كل حاجة.
