نفوس قاسية الجزء الخامس
غادر هاني فراشه وهو يشعر بالحيرة والغضب وقال:
– صدقيني يا منال مبخدش أي حاجة أنا الحمد لله بنام طبيعي وبعدين أنا لسه شارب قهوة و.
صمت هاني فجأة ليسب بشدة وقال:
– بنت الـ.
حدقت منال به بحدة وقالت:
– أنت كمان بتشتمني يا هاني.
أسرع هاني معتذرًا وقال:
– أبدًا والله مش أنتِ دي الدكتورة المحترمة اللي قدمت لي القهوة وحطالي فيها حاجة وأنا اللي قلت بعدت عني بس مش معقول توصل بيها تخدرني طيب ليه.
ضحكت منال وقالت بسخرية:
– يمكن كانت هتخطفك زي ما فؤاد خطف سهر وتغتصـ.
اكفهر وجه هاني فبترت منال كلمتها واعتذرت إليه ليزفر هاني بقوة وأردف:
– رغم أنك بتترييقي بس هي دي الحقيقة أنا جيت المستشفى وأنا فايق جدًا ومشربتش أي حاجة غير القهوة اللي قدمتها وأكيد هي كانت قاصدة علشان تعمل حاجة تقدر تفرق بيني وبينك بيها.
شهقت منال وقالت:
– معقول بس دي بنت يا هاني مش ممكن تفكر تفضح نفسها كده لا مش معقول.
جذب هانى يد منال وغادر غرفته واتجاه إلى غرفة ابتسام ودفع الباب دون أن يطرقه فانتفضت ابتسام ووقفت تشعر بالخوف فازدردت لعابها وهتفت:
– مش مش تخبط يا دكتور خير في حاجة.
وقف هاني يتطلع إليها بسخرية وقال:
– جاي اعزمك على فرحي أنا ومنال يا دكتورة الأسبوع الجاي.
حدقت ابتسام بحقد وأشاحت بوجهها عنها وصاحت بحدة:
– مصمم بردوا تتجوز دي يا هاني.
رمقها هاني ساخرًا وأجابها:
– أومال كنت استنى لما تاخدي غرضك مني وتساوميني اتجوزك ولا تفضحيني يا دكتورة يا محترمة.
ارتجفت ابتسام وأردفت:
– من غير ما أساوم أنا بطلبها منك ومن خطيبتك أتجوزني يا هاني لأني بحبك وبتمنى أكون مراتك أنا قابلة أكون زوجة تانية و.
تقدمت منال فجأة من ابتسام وصفعتها بقوة وهتفت بوجهها بحدة:
– صحيح اللي اختشوا ماتو يا دكتورة، على فكرة مافيش بنت تعرض نفسها بالشكل المهين دا على واحد وأدام مراته، عارفة أنتِ صعبانة عليا أوي مفروض تقتلي نفسك على المزلة اللي بتذليها لحالك دي حرام فعلًاأانك تبقي دكتورة تعالج الناس فين دينك وأخلاقك يا أنسة فين التربية يا خسارة بجد أنك لابسة البالطو الابيض دا.
غادرت منال الغرفة مسرعة وهي ترتجف فهي تشعر بالأهانة لطريقة عرض ابتسام نفسها ولكنها اطمئنت حينما حاوطها هاني بذراعيه وقال:
– أنا هسيب المستشفى وهاشتغل فأي مكان تاني غير هنا ومش عاوزك تزعلي بس بصراحة عجبتيني مطلعتيش قطة بتخاف دا الجميل طلع وحش وبيعض كمان.
