لن استسلم الجزء الثاني سارة سعد
*ابتلعت شجن ريقها وهي ترمق نضال ببلاهة ارتسمت فوق وجهها لتقل بتردد :
_بابا انت هتروح معاه بجد لا يا بابا هو السبب في إلا حصل لينا.
_ابتسم الأب الضرير وهو يتمسك بكف نضال وكأنه أصبح مسئول منه :
_عيب يابنتي متكسفيش الراجل إلا عايز يقف جنبنا كتر الف خيره.
*دمدم علي بقلق وهو يقف أمام نضال والذي أصبح مثله الأعلى في الرجولة والشهامة :
_انت كويس يا عمو رأسك بتوجعك زي راسي؟
*ابتسم نضال بجديه يرفع ذقن الصغير :
_انا بخير اطمن يا بطل.
*ظلت علي حالها متسمره في مكانها تتطلع الي نضال الذي اكتسب قلب عائلتها الصغيرة بكل ود واحترام…..التفت اليها يسالها بصوت خشن اجش
غاضب :
_جايه معانا ولا هتفضلي هنا لوحدك؟
*حملت حقيبتها بدون نقاش تتمتم دون أن تنظر إلي عيناه الصاخبة :
_جايه طبعا مش هقدر اسيب بابا وعلي بس اسمع انا هد….
*وقبل أن تكمل كلمتها كان نضال يستقل السيارة بجانب أحمد تركها تتخبط من الغيظ…لتفتح فمها بتساع من قله تقديره واهتمامه بها :
*ركبت بالخلف بجانب والدها وعلي الذي ينتابه إحساس بالفخر والرجولة لتفكيره الصحيح….سعل أحمد بشده وهو يرمق شجن من مرآة السيارة الأمامية ليقل بصوت خافت أشبه إلى الهمهمة :
_ايه ده مش ممكن ديه نسخه إسراء بس بصراحه احلي منها بكتير…. اه منك ياناس.
*تنحنح نضال يرمقه أن يصمت وهو ينظر لها بحزم ليحمر وجهها بشده و تحني رأسها حتي لا تتقابل مع عيناه الواثقة……
***************************
هدر سلطان بحده وعيناه تلمع بالشر :
_انت بتقول ايه ياض انت متأكد.
*وقف الرجل ينتفض أمام عينان سلطان المشتعلة بالغضب :
_اه وربنا يامعلمي انا شايفها وهي بتركب العربية هي وابوها وعلي مع الراجل إلا ضرب الأسطى مجدي الصبح حولت احصلهم بس العربية جريت مني بسرعه أصلها عربيه ابهه اوي يا معلم اوعدنا يارب.
*ضرب سلطان الارجيله بقدمه وهو يصفع الرجل بقوه :
_انت حمار يأبن**** وجاي فرحان بنفسك علي ايه؟
*مسد الرجل خده بوجه متقلص :
_في ايه بس يا معلم انا عملت حاجه انا كنت راكب عجله وهما بعربيه كبيره كنت هقدر احصلهم ازاي بس.
*صرخ سلطان بغضب :
_اخرج بره مش عايز اشوف وشك ياغبي يخربيت إلا شغلك.
*هتف الرجل باعتراض :
_مانت إلا مشغلني يا معلم انا ذنبي ايه بس.
*دفعه سلطان بقوه خارج مكتبه يضرب فوق جدران المكتب بغل وهو يصك اسنانه بشراسة :
_ااه بقا كده يا شجن يعني الكلام صح وانا الا فكرت انك هتيجي لحد عندي تذليلي ماشي أما خليتك تحزني علي حبيب القلب مبقاش انا سلطان بيومي كبير المنطقة كلها.
*لم ينتظر سلطان بزوغ الصباح حمل حقده وغضبه وتفكيره الشيطاني ذاهبا الي مجدي يوسوس له بالشر والتحريض علي قتل نضال والانتقام لشرف :
