لن استسلم الجزء الثاني سارة سعد
*لم يهتم ولم يسمع صوتها القلق…. فقط صوت شجن الباكي يصدي بإذنه بكائها،،،بحتها،،، نبرتها المتألمة…
*استقل سيارته يقودها بأقصى سرعه بعد أن حمل هاتفه يعاود الاتصال علي كريمة مره اخري :
_داده اديني عنوان أم سعيد ساكنة فين؟
*زفرت كريمة انفاسها المحبطة تسأله :
_ليه يابني؟ ايه الا يوديك الإمكان ديه بس…انت عايزها في ايه وانا اتصالك بيها تيجي لحد عندك
ياحبيبي.
*همس نضال من بين أسنانه وقد بدأ يشعر بالملل
من كريمة التي تستنفذ ماتبقى لديه من صبر :
_مش هقولك تأني يا داده اديني العنوان بسرعه من فضلك.
*اخذت كريمة نفسا مرتجفا قبل أن تسأله عما
يقلق قلبها وتشعر به :
_انت عايز تسال عن شجن صح…خلاص يا نضال هي حره هو حد عملها حاجه يمكن رجعت المصنع إلا كانت بتشتغل فيه.
* ازداد انعقاد حاجبيه وأخذ يضرب فوق عجلة القيادة….ولأول مره يصرخ نضال بهياج علي كريمة ويصيح :
_ايوه انا عملت فيها عارفه عملت ايه حبه تسمعي ابنك إلا انتي ربتيه عمل ايه انا حولت…
*شهقت كريمة بفجعة قبل أن يكمل نضال كلماته الثائرة تطلب منه يهدأ :
_خلاص يابني أهدا والنبي وانت سايق حقك عليا انا….انا إلا جبتها لحد عندك ياريت ما عملت كده كان يتقطع لساني قبل ما اطلب من أم سعيد خلاص اهدا.
*أوقف سيارته بسرعه هائلة لتصدر عجلاتها صرير عالي وهتف :
_خلاص يا داده إلا حصل حصل…سبيني أصلح غلطتي انا ظلمتها…وعايز اكفر عن ذنبي.
*أغلقت كريمة الهاتف مع نضال وهي في حاله ندم شديد ثم جلست فوق المقعد تدمدم بتوتر :
_تكفر عن ذنبك ولا حبتها يانضال.
***********************
*نظر سلطان الي مجدي بعينين مخيفتين غاضبه ليقول بخفوت :
_يعني ايه مش هطلق شجن ده الكلام عليها كتير ازاي تهون عليك كرامتك الدم بفلوس ياجدعان لمؤاخذه في الكلمة انت كده مش راجل ولا ايه؟
*أشعل مجدي سيجارته الملفوفة كالعادة وهو يقل ببرود:
انا مبقاش راجل لو سبتها لحد تاني يا معلمه ولا انت مش معايا….الراجل هو إلا يعرف يربي أهل بيته ويعلمها الأدب ويخليها تمشي ع العجين وانا ناوي اعمل كده مع شجن بعد اذنك يعني ولا انت شايف حاجه تانيه؟
*قال سلطان بغل من بين اسنانه المصتكين وقد بلغ حانقه من مجدي الا نهايته :
_انا شايف انك تطلقها شجن ديه هتجبلك المشاكل ووجع القلب انتي مش ناقص وبعدين تغضب امك ليه علشان حتت بت لا راحت ولا جت انت مش مالي عنيها ياسطي.
*ضحك مجدي وهو يهز رأسه بينما كانت ضحكته لا تحمل أي أثر للمرح و إنما لشك والشرسة :
_انت بقا خايف علي امي ولا علي سمعتي ولا عايزها لنفسك يا كبير الحته….اسمع يامعلم اوعي تفكر اني مش واخد بالي كويس منك ومن حركاتك انت ناسي اني عارف انك كنت عايز تجوزها قبلي وانك كنت هتموت عليها بس جيت انا واخدتها منك واكلت البسبوسة كلها وحدي.
