حكايات مجنونة سارة مجدي

شعر لما يدور بداخلها …. ويعلم انها حائره ولابد من ان يذيد حيرتها حتى تخرج من ذلك الصمت وتسال وتحاور

ابتسم وهو يتحرك لداخل المطبخ وقال

– فى فراخ وفى لحمه تحبى تكلى ايه

لتجيبه باليه

– الى حضرتك عايزه

ليبتسم وهو يفتح باب البراد على اخره وهو يقول

– انا ها اكل الى انت هتعمليه .

لتشعر بالحيره اكثر ولكنها تقدمت لتخرج ما كانت تعرفه جيدا ان مراد يحب اللحم وبدأت فى تجهيز الطعام وهو حولها يساعدها يقشر لها البصل .. ويقطع الخضار … يقلب الطعام وهو يثنى على روائح الطعام الطيبه وضعت كل شيء على الطاوله ووقفت فى جانب بعيد حيث انه ذهب ليبدل ثيابه بعد ان سقط عليها بعض الزيت

دلف الى المطبخ ليبتسم بسعاده واخيرا سيتناول الطعام من يدها ومعها لكنه وجدها تقف بعيد فقال لها وهو يجلس

– يلا تعالى علشان تكلى الاكل شكله ورحيته تحفه تسلم ايدك يا حبيبتى

لتقترب بهدوء وتجلس ارضا بجانب قدمه ليعض على شفته السفليه بغضب وقبل ان يقول اى شيء وجدها تسحب طبق صغير فارغ من اسفل الطاوله ووضعته بجانب قدمه مباشره وجلست ققطه مطيعه تنتظر ان يضع لها سيدها الطعام

ليقف سريعا وهو يبتعد خطوه للخلف وامسكها من كتفيها ليجلسها عاى الكرسى الذى كان يجلس عليه وجثى على ركبتيه امامها وقال

– متعمليش كده تانى انت حياه .. حياه مش لولو …. انت انسانه مش قطه …

تنهد وهو يقول

– ده مكانك من النهارده انت ست البيت ده وكل الى هنا تحت امرك … قرارك يحترم طلما صح

وانا معاكى كتف بكتف فى كل حاجه … انت حبيبتى ومراتى وكل حياتى … فهمانى يا حياه

لتنظر له بحيره ثم قالت

– انت بتعمل كده ليه

– هو انت يا سيدى بتعمل كده ليه عايزنى اغلط علشان تعاقبنى

وهبت واقفه ثم ركعت على ركبتيها ثم وضعت راسها ارضا تحت قدميه .

ليغمض عينيه بالم ثم مد يده يرفعا من الارض قائلا بصوت هادئ عكس تلك النا,ر الى تتاكله من الداخل

– انا مش سيدك .. انا جوزك … انا حبيبك … اخوكى سندك ظهرك … امانك وحمايتك … حضن كبير تستخبى فيه من اى حاجه واى حد …. اوعى يا حياه تعملى الى عملتيه ده تانى راسك ما تنحنيش غير للى خلقك … ولا تسجدى لحد غير الله … انا زى ذيك مفيش حاجه تميزنى عنك …. انا وانتى عبيد لله مش للبشر … انت مش حيوان بربيه علشان تفضلى قاعده تحت رجلى. .. ولا انت معندكيش عقل علشان بس تنفزى اوامرى ….. انت انسانه ليكى رأيك وشخصيتك … انسى كل الى كان مراد بيحاول يزرعه جواكى .