سجينة الماضي الجزء الاول

الفصل السادس
في فيلا يحيى الجبالي
دخل امجد صالة الفيلا وجد الخادمة سألهاعن يوسف واخبرته انه في غرفته ومعه صديقه صعد اليهم وطرق على الباب
يوسف من الداخل..ادخل
فتح الباب ودخل..السلام عليكم وسلم على يوسف واقترب من ياسين..الحمد لله على سلامتك يا بطل
ياسين..الله يسلمك يا عمي الحمد لله جت سليمة وانا هنتهز الفرصة ان حضرتك هنا واطلب منك ايد ندى انا عارف انه مينفعش اطلبها لوحدي بس ان شاء الله الاسبوع اللي جاي عندي يومين اجازة هجيب ابويا ونطلبها رسمي وعايز اكتب الكتاب على طول ايه رأيك ياعمي
ضحك امجد..دا انت مستعجل بقى
ياسين..بصراحة ايوة مش هخبي عليك وهقدم على اجازة جواز ونتجوز على طول اول مايوافقوا على الاجازة
امجد..خلاص زي ماتحب انا معنديش مانع هي موافقة ووالدتها موافقة
يوسف..من الناحية دي اطمن هما موافقين
امجد..خلاص على بركة الله
يوسف..خلاص ياعمي وانا كمان معهم انا ورودينة
امجد..مفيش مشكلة وببقى الفرح فرحين
يوسف بفرح..ربنا يخليك لينا يا عمي
امجد..ربنا يسعدكم طب واسيبكم وانزل اشوفهم تحت واسلم على والدتك وندى لسة ماشوفتهمش يالا سلام عليكم
يوسف/ياسين..وعليكم السلام
………………
في الحديقة
بعد ان دخلت عليهم عايدة وسلمت عليهم نظرت لفيروز ..انا جاية انهاردة عشان …..لم تكمل قاطعها امجد.(الذي آتى معها لكنه دخل واطمن على ياسين فهو عرف منها امس بعد عودتها من المشفى ان عاصم يريد الزواج من شيماء وهو ليس لديه مانع فهي مؤدبة واهلها ناس طيبين ويعرفهم جيدا وقضى معهم عمره كله وهي فتاة جميلة طبيبة ماهرة في تخصصها ولا يعيبها شئ ويعرف ان زوجته ارادت المجيئ عندما علمت ان عاصم سوف يذهب لزوجة عمه فهي تريده قبل الذهاب الى المشفى وهو يعرف ماتريد زوجته فعله هي ارادت ان تضع عاصم امام الامر الواقع وتطلب له ندى لزواج)..احنا جاين نطمن على ياسين خطيب ندى هو طلبها امبارح من يوسف وطلبها دلوقتي مني وانا وافقت لما عرفت من يوسف ان ندى موافقة
قامت ندى بسرعة واحتضنت عمها ..ربنا يخليك ليا يا عمي
ربط على ظهرها بحنان ..ويخليكي ليا يا قمر ربنا يسعدك
سلم على فيروز..ازيك يا مرات اخويا
فيروز بسعادة..الحمد لله بخير انت عامل ايه دلوقتي
امجد..انا كويس الحمد لله الف مبروك وربنا يتمم بخير ونظر ل شيماء وعاصم..و عقبال الباقين واخلص منهم
مد يده ل شيماء..ازيك يا دكتورة شيماء عاملة ايه
شيماء بسعادة من كلامه ..كويسة الحمد لله حضرتك عامل ايه وبلاش دكتورة دي مش انا زي ندى ورودينة ولا ايه
امجد بأبتسامة..طبعا يابنتي انتي زيهم بالضبط وغلاوتك من غلاوتهم ثم اقترب وهمس لها ..بس انت غلاوتك زيادة اصلك هتأخدي الحتة الشمال والحنية كلها ونظر ل عاصم
شعرت براحة كبيرة من كلامه وانه يعرف وسعيد بهذا الارتباط ..ربنا يخليك لينا يارب يديك الصحة والعافية
غضبت عايدة من كلام زوجها وانه قاطعها قبل تنفيذ ماتريد فأرادت تغير خطتها قليلا..تعالي ياندى عايزاكي وقامت من مكانها وقامت ندى ايضا وذهبا بعيدا عنهم
عاصم ينظر لوالده وهو يتكلم مع شيماء ورأى السعادة مرسومة على وجهها شعر بفرحة كبيرة فوالده معه وسوف يقف بجانبه ويحاول ان يقنع والدته لكنه اراد المرح..في ايه ياحاج ماتسمعونا بتقولوا ايه
امجد بضحك وضع يده على كتف شيماء يحاوطها وضمها قليلا له..وانت مالك ماتدخلش بينا صح ياشيمو
ضحكت ..طبعا صح
عاصم بزعل مصطنع ..بقى كدا ماشي وعقد يداه امام صدره
فيروز بضحك..لأ محدش يزعل عصومة ونظرت ل شيماء
شيماء ابتعدت عن امجد..هو انا اقدر ازعله
امجد..كدا بعتيني في لحظة
فيروز ..خلينا نقول ل امجد على اللي عايزة اعمله في المستشفى ونشوف رأيه ايه وحكت له عن فكرتها
امجد سعيد بكلام زوجة اخيه..دي احلى فكرة ربنا يرحمه يارب وتعيشي وتفتكري خلاص شوفوا هتعملوا ايه ياولاد واهتموا بالعمليات لان في ناس كتيرة محتاجة تعمل عمليات ومعندهاش تكلفة العملية
عاصم..حاضر انا هعمل دعاية عن الايام المجانية ونشوف نقدر نعمل ايه ونظر ل شيماء..يالا بينا احنا اتأخرنا اوي
شعرت بالاحراج انها تذهب معه لاحظ امجد ذلك ..روحي يابنتي معه ولما تروحي بلغي حمدي اني هاجي اطلبك منه ونعمل فرحكم كلكم مع بعض ايه رأيك بس هستنى عريس ندى لما يجيب ابوه لانه هو غريب لكن احنا اهل في بعض
فرحت شيماء بكلمةاحنا اهل ..حاضر يا عمي هبلغه السلام عليكم
فيروز/امجد..وعليكم السلام
ذهب عاصم وشيماء
فيروز..بس تفتكر عايدة هترضى
امجد..انا هحاول اضغط عليها
فيروز..بس انا خايفة توافق لكن لما شيماء تعيش معاكم تتعبها
امجد..ما انا هقول لها لو متعاملتش معها كويس انا هشتري له بيت ويسكن لوحده وهي حرة
فيروز..ربنا يهديها دي شيماء كويسة وتربية ايدينا وعارفنها كويس
امجد..ربنا يقدم اللي فيه الخير
……………
في جانب الحديقة الاخر
تمشي ندى بجانب زوجة عمها توقفت عايدة ونظرت ل ندى..هو ازتي موافقة على العريس دا ياندى
ندى..ايوة يامرات عمي ليه بتسألي
عايدة بمكر..ابدا اصل عاصم كان عايز يتقدم ليكي بس مكسوف
نظرت لها نظرة مطولة تحاول ان تقرأ افكارها فهي تعلم جيدا ان عاصم يحب شيماء وهو يعلم انها تحب ياسين لكن تفهم انها لعبة من زوجة عمها لابعاد شيماء عن عاصم فردت عليها…عاصم عايز يتجوزني ازاي دا اخويا زي يوسف بالضبط وانا بالنسبة له زي رودينة
لم يعجب عايدة كلامها واتجهت لزوجها بغضب..يالا ياامجد ولا انت قاعد
فيروز..خليكم نتغدا مع بعض
عايدة بحدة..لا مرة تانية وذهبت هي وزوجها وهي تكاد تنفجر من الغضب
نظرت فيروز لها وهي تذهب وتبتعد..مالها مرات عمك انتي زعلتيها
ندى..ابدا ياستي دي وحكت لها ماقالته لها
فيروز..انا عارفة عايدة مش هتستسلم بسهولة هي مش عايزة شيماء مش عارفة ليه
ندى..ربنا يهديها يالا اروح انا اشوف شغلي سلام يا قمر
……………..
في فيلا امجد
دخلت عايدة وهي غاضبة وصوتها عالي وزوجها خلفها لم يرد عليها دخلوا وجدوا رودينا لم تذهب لعملها بعد
رودينا..في ايه مالك يا ماما انتوا كنتوا فين
امجد..كنا في بيت عمك بنطمن على ياسين خطيب ندى
رودينا بفرح..واااااو هو خطبها
عايدة بغضب..ماتقولش خاطبها هو طلبها وبس
رودينا بأستغراب..وايه المشكلة
عايدة..المشكلة ان البيه اخوكي عايز يتجوز شيماء
رودينا بفرح اكبر..شيمو الف مبروك والله برافو عليك ياعاصم انا كنت حاسة من زمان ان في حاجة بينهم من نظراتهم
عايدة بغضب..انتي كمان انتوا عايزين تجننوني
رودينا..في ايه يا ماما مالها شيماء عيبها ايه
امجد..قوليلها يابنتي
عايدة بعصبية..ماتغظنيش انت وهي يعني مش عارفين عيبها انها بنت الخدامة والسواق
رودينا بصدمة من كلام امها..معقولة يا ماما يكون دا تفكيرك ودا رأيك فيها وبعدين دي دكتورة يعني زيها زي ابنك مفيش فرق ويوم ماتسيب المستشفى الف مستشفى تتمنى تشتغلها
عايدة بصوت عالي..دا انتوا متفقين بقى انتي واخوكي
رودينا…لو عاصم قال كدا عنده حق دي حقيقة
عايدة بحدة..حقيقة مش حقيقة انا مليش دعوة يااما عاصم يأخد ندى يااما مفيش جواز انتي ويوسف
اتسعت عيناها بزهول من كلام امها كيف لها ان تفعل هذا بهم ..ايه اللي بتقوليه دا ياماما ايه دخل دا بدا ياستي مش مهم انا ويوسف بلاش جواز لو دا هيريحك بس استحالة عاصم وندى يتجوزوا
عايدة بسخرية..ليه بقى ان شاء الله ايه اللي يمنع
رودينا..لان ندى طول عمرها شايفة عاصم زي يوسف بالضبط دا كمان عمرها مابصت عليه اي بصة حب ايام المراهقة حتى وهو دايما بيعتبرها اخته وصاحبته وكل اسراره معها تفتكري بعد دا كله ينفع انهم يتجوزوا انا مش فهماكي بصراحة وكمان دلوقتي ندى هتتخطب لياسين صاحب يوسف وهي موافقة وفرحانة
عايدة..ياسلام ومين اللي قالك انها موافقة وفرحانة كمان
رودينا..يوسف اللي قالي وهو اللي قالي انه طلبني من بابا وعايز فرح لينا كلنا ايه يمنع ان عاصم وشيماء يكونوا معنا
عايدة بصوت عالي..انا قولت لأ يعني لأ وكلامكوا كله مش داخل دماغي ولا مقتنعة به وتركتهم وصعدت الى غرفتها
نظرت رودينا ل ابيها..ليه دا كله يابابا
امجد بتعجب ..والله ماانا عارف يابنتي مع ان جدك كان شغال عندنا في الشركة وانا شوفتها وحبتها وعمر امي ماقالت لها كلمة تزعلها واهي اسأليها
رودينا..انا عارفة بس مش فاهمة ليه كدا لو ندى اتجوزت عاصم هما الأربعة قلبهم هيتكسر
امجد..انا هحاول اقنعها وربنا يهديها
رودينا..يارب طب انا همشي عشان اتأخرت يالا سلام عليكم
امجد..وعليكم السلام خلي بالك من نفسك
……………
في غرفة عايدة
دخل امجد وجدها تجلس على كرسي الهزاز وتهز بعصبية نظرت له بغضب..لو جاي عشان تقنعني فوفر كلامك احسن
نظر لها ببرود..بلاش تخسري ابنك انتي عارفة عاصم كويس وعارفة انه لو مااتجوزش شيماء مش هيتجوز وممكن كمان يسافر ويسيب البلد كلها وممكن يأخدها ويسافر وممكن مايسافرش ويتجوزها هنا ويبعد عنك وتعيشي محرومة منه وهي ممكن تكون له الزوجة المحبة والاخت والصديقة وكمان ممكن تكون ليه الام الحنونة اللي تأخد في حضنها وتخاف عليه من الهوا (نظرت له وارتخت علامات الغضب على قسمات وجهها وظلت تفكر ايعقل ان ابنها ممكن ان يتخلى عنها ويفعل هذا )انا جاي افهمك كويس الوضع واللي ممكن يحصل وانتي حرة فكري كويس لان للاسف في كل الاحتمالات انتي اللي هتخسري ابنك الوحيد وانا لو شايف ان اختياره غلط كنت عارضت ووقفت قصاده لكن اختياره كويس جدا يبقى ليه نقف في طريق سعادته وخرج وتركها واغلق الباب خلفه ظلت تنظر على الباب دون اي تعبير
…………….
مرت الايام لا جديد فيها
سافر ياسين للاسكندرية فجرا في يوم اجازته حتى يصل في موعد مبكر حتى يتمكن من العودة ومعه والده في نفس اليوم
***
في فيلا عمر المنشاوي
دخل ياسين وجد والده يجلس وحيدا على طاولة الطعام
ياسين..السلام عليكم
عمر بفرحة وقف عن مكانه واحتضن ابنه بشدة فهو يشتاق اليه ..وعليكم السلام ايه المفاجئة الحلوة دي الحمد لله على السلامة
لم يبادله ياسين شدة العناق وابتعد عنه وسلم عليه ببرود..الله يسلمك انا جيت بدري عشان عايز حضرتك في موضوع مهم
عمر..موضوع ايه طب اقعد افطر الاول وبعدين نتكلم
ياسين..لأ انا فطرت في الاستراحة اتفضل حضرتك كمل اكلك
عمر ..طب اشرب معايا القهوة
هز ياسين رأسه بإجاب
طلب عمر من الخادمة ان تحضر لهم القهوة في الحديقة
عمر..تعالا نقعد في الهوا خرج والده وهوخلفه الى الحديقة حيث يوجد طاولة خشبية وكراسي جلس مقابلا لوالده
عمر..ها ياسيدي ايه الموضوع المهم اللي عايزني فيه
ياسين..انا عايز اتجوز
عمر بفرح..بجد ياحبيبي الف مبروك دا اليوم اللي ياما حلمت به ان يكون عندي عيلة عايشة معايا ويكون عندي احفاد العب معهم
ياسين ببرود..بس احنا هنعيش في الصعيد مكان شغلي
تغير وجهه عمر للحزن..ليه يابني ماانا اقدر انقلك وتعيش معايا هنا انت ومراتك
ياسين..معلش انا مرتاح في شغلي ومش بفكر اتنقل
هز عمر رأسه بحزن..زي ما تحب والعروسة عارفة انك هتأخدها الصعيد
ياسين..هي اصلا من هناك دي ندى اخت يوسف صاحبي ماحضرتك عارفه
عمر..ايوة افتكرت مش دا صاحبك من ايام الجامعة اللي كان بيجي معاك هنا لما يكون عندكم اجازة يوم
ياسين..ايوة هو هما من عيلة كبيرة في الصعيد وعمه امجد الجبالي وهو عارف حضرتك وعندهم شركة كبيرة هناك
عمر..ايوة اسمع بيهم هما سمعتهم كويسة جدا وحتى لو كانت فقيرة مش مهم اهم حاجة عندي سعادتك
ياسين..طب ممكن تجهز نفسك عشان نلحق نسافر
عمر بأستغراب..نسافر دلوقتي دا انت ملحقتش ترتاح من السفر
ياسين..مش هينفع لازم نسافر عشان انا معنديش غير انهاردة وبكرة اجازة وحضرتك هتبات معايا وبكرة كتب الكتاب وهقدم على اجازة جواز وهبقى ابلغ حضرتك بالميعاد عشان تحضر الفرح وتعزم اي حد تحب تعزمه
لم يعرف كيف يرد على ابنه فهو من بعد عنه في صغره ولم يشعره بحنانه عليه وكبر وهو يرى جفاءه مع والدته فكيف له ان يحبه ويتعلق به قام من مكانه..طب مش هتأخر عليك
ذهب وظل ياسين يتابع فيه حتى دخل الفيلا
ياسين لنفسه..ليه ماكنت عاملته كويس
رد على نفسه..مش قادر حاسس انه شخص غريب عني وطول عمري علاقتي به مش علاقة اب وابنه تنهد بضيق
بعد قليل وجد والده يحمل حقيبة صغيرة ..هنركب مع السواق انت اكيد تعبان من السفر
ياسين..لأ انا هركب عربيتي وحضرتك اركب مع السواق
بلع عمر غصة في قلبه الهذا الحد ابنه لايتحمل الجلوس بجانبه لمدة طويلة ..وليه دا كله
ياسين..اصل انا مش هقدر ارجع معاك عندي شغل وعربيتي محتاجها هناك
ركب كل واحد منهم سيارته وبعد وقت طويل وصلوا الى شقة ياسين ..الحمد لله على السلامة انا جبت معايا اكل
عمر بحزن من معاملة ابنه الجافة..انا مش جعان انا عايز ارتاح
ياسين ..طب ارتاح شوية وبعدين نروح تتعرف على ندى وعيلتها
عمر..حاضر ربنا يسعدك ويفرح قلبك ودخل الى الغرفة التي اشار له ياسين ان يدخلها واخذ حقيبته معه
اتصل ياسين على يوسف ليخبره انه عاد ومعه ابيه وسوف ياتي ليتعرف والده عليهم واتفق معه يوسف انه سوف يخبر عمه ليتعرف على والده
دخل ياسين اغتسل ولبس ملابس انيقة وانتظر والده الذي لم يستطيع النوم والراحة واغتسل هو الاخر وابدل ملابسه ببدلة انيقة تليق بسنه ومكانته
…………….
بعد ان اغلق الهاتف مع صديقه اتصل بعمه واخبره
طرق باب غرفة اخته..يالا ياندى ياسين جاي هو وابوه يالا ياماما
خرجت ندى ومعها امها ..انا جاهزة
ضحك ونظر لهم ..ياخواتي قمرين هي مين العروسة
ضربته فيروز بخفة وضحكت على كلامه نزلوا للاسفل لاستقبال ياسين ووالده بعد قليل جاءت الخادمة لتخبرهم بمجيئهم
يوسف..دخليهم بسرعة
وماهي الا ثواني دخل ياسين وخلفه والده سلم ياسين على يوسف الذي كان واقفا لاستقبالهم وسلم يوسف على عمر ورحب به فهو يعرفه وتقدم ياسين وسلم على ندى وخلفه والده الذي رحبت به كثيرا وبعدها سلم ياسين على فيروز وقبل يدها ورفعت فيروز عيناها لتسلم على والده وما ان تلاقت اعينهم
فيروز..عمر
عمر..فيروز