سجينة الماضي الجزء الاول

الفصل السابع
في فيلا يحيى الجبالي
بعد ان دخل ياسين ووالده وسلموا على يوسف وندى
وسلم ياسين على فيروز وقبل يدها ورفعت فيروز عيناها لتسلم على والده وما ان تلاقت اعينهم تغير وجهها للون الاحمر من شدة الغضب والحزن ..عمر
ما ان رأها شعر ان الزمن رجع للخلف وانها لم تتغير وقال بأسف..فيروز
فيروز بصوت عالي..انت ايه اللي جابك هنا وعايز ايه
اتسعت عيناي يوسف وندى وياسين من الصدمة والدهشة والاستغراب فهم لاول مرة يرأو فيروز بهذا الغضب وهذا الانفعال اول مرة يكون صوتها عالي لهذا الحد
عمر بأسف وحزن..انا اسف سامحيني انا دورت عليكي كتير عشان اعتذرلك
تملكها الغضب الذي لاتملك السيطرة عليه وظهر كل صغط السنين وألمها ومرها وعذبها وقالت بصوت عالي وانفاس متقطعة ..اسف اسف على ايه رد عليا اسف انك اتخليت عني ولا اسف عشان كسرت قلبي ودوست عليه ولاعشان بسببك عيشت حزينة من غير قلب متعذبة سنين وعذبت كل اللي حوليا انا ضيعت اجمل سنين عمري بسببك انا بكرهك وعمري ماهسامحك ولاعايزة اشوف وشك تاني قالتها بصراخ ونظرت ل ياسين وقالت بصوت ضعيف من شدة الصراخ والالم والحزن..دا ابوك من بين كل الملايين دي يطلع دا ابوك انا لايمكن اوافق وارمي بنتي ليكم وظلت تصرخ اكيد انت زيوه معندكش قلب هتطلع زيوه وفجأة سكتت وسقطت مغشي عليها
ندى بصراخ..ماما
اسرع يوسف وحمل امه ووضعها على الكنبة وهو مازال تحت تأثير الصدمة
اما ياسين شلت الصدمة اطرافه لم يستطيع ان يتحرك من مكانه ولا خطوة واحدة فأحلامه باتت مستحيلة فوالده لم يدمر طفولته فقط بل دمر مستقبله ايضا التفت إلى والده وعيونه تكاد تخرج من مكانها من شدة الغضب لم يتكلم نكس والده رأسه لم يستطيع ان ينظر في عيناه وخرج في هدوء خرج خلفه فكيف يبقى بعد ماحدث
……………
خرج وهو لا يفهم شئ اقترب منه والده..انا اسف سامحني
ياسين بصوت متحشرج..انت فعلا عملت فيها كدا معقولة انت اللي كانت بتتكلم عنه
هز رأسه بحزن شديد..ايوة انا
شد ياسين شعره واخذ يلف حول نفسه من شدة الغضب..ازاي انت كدا انا مش فاهم بتأذي كل اللي يقرب منك يعني مش بس انا وامي وجدتي فاطمة اللي دايما نظرات الحزن والالم كانت في عينيها كل ماتبص لك وكمان ماما فيروز حرام عليك انا ماصدقت لاقيت دفء الاسرة والحنان في حضنها وبتخاف عليا زي يوسف بس من الواضح ان ضحاياك كتير ياعمر بيه
صدم عمر من كلام ابنه فلم يستطيع الرد عليه فكل كلمة قالها صحيحة وضع يده في جيبه واخرج مفتاح شقة ياسين فهو كان يعرف انه سوف يرجع الشقة بمفرده لان ياسين سيظل مع عروسته ولهذا جاء مع السائق وجاء ياسين بسيارته اعطى له المفتاح في هدوء دون اي كلمة وركب السيارة مع السائق ورحل ما ان ركب السيارة اغمض عيناه ورأى كل ماحدث كأنه شريط سينما يمر امام عيناه كأنه حدث امس
نظر ياسين للمفتاح في يده وضغط عليه بقوة حتى جرح يده وهولايشعر ونظر في اثر السيارة وهي تبعد حتى اختفت تماما ثم التفت ونظر للفيلا فهو يود الاطمئنان على فيروز فهو يشعر انها فعلا امه لكنه يخشى من ردة فعلها عندما تراه مرة اخرى دخل بخطوات بطيئة ثقيلة وسمع كل شئ……
……………
قبل قليل داخل الفيلا
بعد خروج عمر وياسين بعد ان وضع يوسف امه على الكنبة نظر لها نظرة حزن على حالها ونظرة غضب في نفس الوقت فأصعب شئ على الرجل ان يعرف ان امه كانت على علاقة برجل اخر غير والده..ازاي كانت تعرفه وازاي اتخلى عنها وكسر قلبها انا هتجنن يعني حزن امي دا كله كان عشان عمر سبها مش عشان موت ابويا
ندى بدموع..مش وقت الكلام دا روح جيبلي شنطتي من اوضتي بسرعة
اسرع يوسف في خطواته وصعد السلم ونزل في ثواني لايشعر بالتعب لكن يريد ان تستيقظ بسرعة ويعرف كل شئ
اعطي الحقيبة لندى ..فوقيها بسرعة انا هكلم عمي اقوله ان ياسين اعتذر ووالده تعبان بدل مايجي يلاقي ماما كدا
هزت رأسها بأيجاب دون كلام ودموعها تتساقط على خديها دون توقف اخذت حقيبتها وبدأت في عمل الازم
اتصل يوسف بعمه وانتظر الرد وحاول السيطرة على نفسه فهو ضابط يستطيع التحكم في نفسه وغضبه
يوسف بهدوء عكس ما بداخله..السلام عليكم
امجد..وعليكم السلام انا عارف اننا اتأخرنا وانت بتتصل عشان تستعجلنا بس.. …
قاطعه يوسف..لأ ياعمي انا بتصل عشان اقول لحضرتك ان ياسين اتصل بيا وقالي نأجل الموضوع اسبوع ولا اكتر عشان والده تعبان مش هيقدر يجي ولما يشد حيله هيحدد ميعاد
امجد..ماشي يابني زي ماتحب وانا هلغي مع المأذون والضيوف ماهو ماينفعش نكتب كتابك انت ورودينا وعاصم وشيماء واختك خطبها ابوه عيان
يوسف براحة..كدا تمام ياعمي مع السلامة
امجد..مع السلامة
اغلق الهاتف مع عمه وعاد وجد امه فاقت وتبكي بشدة اقترب منها وهو في قمة غضبه ..انا عايز افهم كل حاجة
ندى بتوسل..يوسف ارجوك اهدى شوية خليها ترتاح
فيروز بصوت ضعيف وانفاس متقطعة من شدة البكاء..لأ انا هقول كل حاجة دلوقتي لما هحكي هرتاح بس اقبل ما اتكلم عايزة اقوللكم حاجة واحدة بس اني بحب يحيى الله يرحمه اوي وعمري ماخنته حتى بتفكيري ومن يوم ماتكتبت على اسمه عمري مافكرت في غيره
شعر يوسف براحة كبيرة وبدأ يهدأ..طب بلاش تتكلمي دلوقتي وارتاحي شوية
ندى..ايوة ياماما انتي ضغطك عالي واللي حصل دا شبه انهيار عصبي والانفعال مش كويس عليكي
فيروز..لأ انا كويسة ولو حكيت هرتاح واخذت نفس عميق وقالت الحكاية هي اننا كنا ……..
فلاش باك
في منطقة شعبية في مدينة الإسكندرية توجد عمارة قديمة بها دكان للبقالة اسفلها وبها اربع شقق كل اثنين متقابلين في الشقة الاولى يسكن فيها محمد وزوجته امينة وهي حامل في شهورها الاخيرة
في الشقة الثانية يسكن فيها محسن وزوجته فاطمة وابنه عمر ذو الاربع سنوات كانت فاطمة وامينة مثل الاخوات دائما مع بعض خاصة اذا كان الرجال في اعمالهم فمحسن يعمل سائق اتوبيس نقل عام اما محمد موظف في احدى المصالح الحكومية وكانت حياة الاسرتين عادية جدا مثلهم كمثل باقي الناس في هذه المنطقة وكانت الحياة هادئة وراضين بحالهم وبما قسم الله لهم
في احد الايام كان محمد ومحسن في العمل وكانت فاطمة عند امينة فكل منهم قد انهت اعمالها المنزلية واعدت الطعام لزوجها وكانوا يشاهدون التليفزيون ويتكلموا ويضحكوا لكن عمر ينظر بأستغراب مرة ل امه ومرة ل امينة وكررها عدة مرات لاحظت امينة نظرات عمر لها..مالك ياحبيبي بتبصلي كدا ليه
عمر ببراءة الاطفال..انتي بتأكلي كتير صح
امينة بضحك..ابدا والله ليه بتقول كدا
عمر..اصل بطنك كبيرة زي بابا بيأكل كتير
ضحكت امينة وفاطمة
عمر..اهو شوفتي بطن ماما صغيرة وانتي بطنك كبيرة
فاطمة..لأ ياحبيبي هي عندها نونو في بطنها
خاف عمر من امينة واختبئ خلف والدته
امينة..مالك يا عمر خوفت ليه
عمر..لتأكليني زي ما كلتي النونو
ضحكت فاطمة..لأ ياحبيبي هي مش اكلتوه اي نونو بيكون في بطن امه لحد ما يكبر شوية وبعدين تولده
عمر..يعني انا كنت في بطنك
فاطمة..ايوة يا حبيبي
عمر..طب وانا اتولدت ازاي
ضحكت فاطمة وامينة فكيف تجيب على سؤال الصغير
فاطمة..الدكتور فتح بطني وطلعك فهمت
هز الصغير رأسه..طب هو بابا عنده نونو في بطنه
ضحكت امينة وفاطمة بصوت عالي..دا لو سمعك هيزعل منك
عمر ..ليه مش هو بطنه كبيرة
فاطمة..لا ياحبيبي الرجالة مش بيكون عندهم نونو فهمت
نظر عمر ل امينة ..طب هو النونو اسمه ايه
امينة..لوكان ولد عمك محمد هيسميه مجدي على اسم ابوه
فاطمة..طب لو بنت
امينة..تصدقي مش عارفة احنا مفكرناش انها ممكن تكون بنت
في هذه اللحظة سمعوا الولد الصغير في فيلم فيروز هانم الذي كانوا يشاهدونه وهو يقول فيروز
نظرت فاطمة ل امينة..والله اسم حلو ايه رأيك
امينة..اه والله خلاص لو بنت هسميها فيروز
عمر ببراءة ..فيروزتي انا
امينة ..خلاص ياسيدي واجوزها ليك وامسكت يد الصفير تصافحه
فاطمة بضحك..ياسلام جواز كدا على طول
امينة بمرح..في ايه انتي هتعملي علينا حمى من دلوقتي
فاطمة..لا بس افرضي هي مرضتش ب عمر
امينة..ليه ان شاء الله ماله عمر بكرة تشوفيه عريس زي القمر
ضحكوا بصوت عالي فاطمة ..ياختي دي هتكون بنتك وانتي بدافعي على عمر
امينة..هما الاتنين ولادنا ومفيش فرق بين عمر والنونو سواء كان ولد او بنت
فاطمة..عندك حق وان شاء الله لو طلعت بنت تكون من نصيبك يابني
مر شهرين دون جديد
في شقة محمد ليلا
امينة ببكاء..الحقني يامحمد اصحى مش قادرة حاسة اني هموت
استيقظ من نومه سريعا..مالك ياامينة حاسة بأيه
امينة..تعبانةاوي مش قادرة
نظر محمد في ساعته ..ياااه دي الساعة ٣والدنيا شتا والمطرة نازلة مش هنلاقي مواصلات هوديكي المستشفى ازاي دلوقتي
امينة ببكاء..طب روح خبط على فاطمة يمكن تعرف تتصرف
قام محمد من مكانه مسرعا وذهب الى شقة جاره وطرق الباب في الداخل فاطمة ومحسن نايمين في وسطهم ينام عمر
استيقظت فاطمة على صوت الطرقات ..ياساتر يارب ياترى مين جاي دلوقتي محسن يامحسن قوم الباب بيخبط
محسن بنعاس..باب ايه اللي بيخبط نامي سمعوا صوت طرقات على الباب
فاطمة..اهو سمعت قوم ياراجل شوف مين
محسن..ياترى مين هيجي دلوقتي ايه الليلة اللي مش فايتة دي وقام وذهب الى الباب وقال بضيق..مين
رد عليه محمد ..انا افتح يامحسن
فتح بسرعة ..في ايه مالك
محمد بتوتر..اصل امينة تعبانة ومش عارف اعمل ايه والدنيا بتشتي والوقت متأخر اوي ومش هلاقي مواصلات انا اسف والله عارف اني ازعجتكم بس شوف لو الست ام عمر تقدر تيجي تشوفها
محسن..حاضر لحظة واحدة
دخل سريعا وجد زوجته لبست عباءة وعليها حجاب فقد سمعت كلام محمد وذهبوا الى شقة محمد وتركوا باب الشقة مفتوح حتى يسمعوا صوت عمر اذا استيقظ
دخلت فاطمة بسرعة الى غرفة امينة بينما ظل محمد ومحسن في الصالة
في الغرفة
فاطمة..مالك يا حبيبتي حاسة بأيه
امينة بالم..مش قادرة تعبانة اوي
فاطمة..طب انا هكلم ام عبدو دي ست كبيرة واكيد عندها علم بالحاجات دي اصبري شوية
خرجت فاطمة مسرعة وصعدت الى اعلى كي تكلم ام عبدو التي تسكن معهم في نفس البيت فزوجها صاحب البيت وماهي الا دقائق ونزلت معها ام عبدو
دخلت ام عبدو..السلام عليكم
محمد/محسن..وعليكم السلام اتفضلي ياخالتي
ذهبت فاطمة الى المطبخ لتحضر المياه الساخنة كما طلبت منها ام عبدو
دخلت ام عبدو الغرفة ودخلت خلفها فاطمة بالماء الساخن
محمد يتحرك في الصالة بتوتر
محسن..ياعم اقعد خيلتني
محمد..خايف عليها اوي يارتني وديتها المستشفى
محسن..لو نزلت بها في الوقت دا كانت هتتبهدل ومش هتلاقي مواصلات ويمكن كانت ولدت في الشارع كنت هتعمل ايه لكن هي دلوقتي معها ام عبدو شاطرة وهتعرف تتصرف انت بس ادعي وقول يارب وان شاء الله تقوم بالسلامة
محمد..يارب
في هذا الوقت سمع محسن بكاء عمر ذهب ولفه بالبطانية وجاء به الى شقة محمد ظل محمد يدعي لزوجته وعمر ينظر لوالده ولمحمد ولايعرف مايحدث حوله ولايفهم شئ
داخل الغرفة****
ظلت ام عبدو تدعو ربها وتقرأ بعض السور القرآن التي تحفظها بالرغم من كونها امراة بسيطة غير متعلمة لكنها تعلم جيدا ان وقت الشدة لا ملجأ الا الى الله
قالت..بسم الله يالا يابنتي ساعدي نفسك وساعدي ابنك ولا بنتك
ظلت تصرخ امينة من الالم الى ان اتاها فرج الله وسهل لها ولادتها امسكت ام عبدو البنت واعطتها ل فاطمة كي تكمل عملها وبعد وقت خرجت فاطمة بالبنت تحملها واعطتها ل محمد ..بسم الله ماشاء الله بنت زي القمر
محسن ..الف مبروك تتربى في عزك
محمد..الله يبارك فيك عقبال ماتخاوي عمر
اخذ محمد البنت ودخل الغرفة وجد ام عبدو تقول لها خلي بالك من نفسك الدنيا برد ودفي نفسك كويس وخلي بالك من بنتك هي كمان دفيها كويس يالا فتكم بعافية
محمد..الله يعافيكي يا خالتي ربنا يخليكي لينا انا مش عارف من غيرك كان حصل لها ايه
ام عبدو..الف مبروك ياواد يامحمد تتربى في عزك وبلاش كلام اهبل انت زي عبدو ابني بالضبط يالا سلام عليكم
محمد اقترب من زوجته ..الحمد لله على سلامتك
امينة.بتعب..الله يسلمك انا عارفة انك كان نفسك في ولد بس معلش
محمد..ايه الكلام دا الحمد لله دي زي القمر
في الصالة***
محسن..مش يالا بقى اهي ولدت بالسلامة خلينا نروح ننام انا عندي شغل بدري
فاطمة..طب اروح اشوفها لو عايزة حاجة ونمشي على طول
عمر يمسك في عباءة امه ويجذبها..انتي عطيتي عمي محمد النونو انا ماشوفتش عايز اشوفه
امسكته فاطمة..طب تعالا ندخل لخالتك امينة ونشوف النونو
طرق على الباب
محمد..ادخلي ياام عمر
دخلت فاطمة وعمر..الف الحمد لله على سلامتك انا هروح دلوقتي ترتاحي واول مامحسن ينزل هاجي لك على طول اقعد معاكي
امينة..الله يسلمك معلش تعبتك وقلقت جوزك من نومه
فاطمة..متقوليش كدا دا احنا خوات وكلامك دا ازعل منه احنا ملناش غير بعض
امينة..ربنا يخليكي ليا انتي اكتر من اخت ليا
كادت فاطمة ان ترد لكن قاطعها عمر الذي يشد عباءتها ..عايز اشوف النونو
فاطمة..صحيح العريس عايز يشوف العروسة ولا رجعتي في كلامك واتفاقك معه
محمد نظر لزوجته بضحك..انتي كمان جوزتيها من قبل ماتتولد ونظر الي الصغير وحمله ..تعالا ياسيدي شوفها ووضعه بجانبها على السرير
نام عمر على جانبه ووضع يده عليها يحضنها ..دي فيروزتي انا…………