سجينة الماضي الجزء الاول
الفصل الثامن
بعد ما عمر نام بجانب فيروز واحتضنها وقال..فيروزتي
استغرب محمد من الاسم الذي قاله عمر
نظر لزوجته ..هو عمر قال ايه حكت له امينة ماحدث في ذلك اليوم وعن اسم فيروز
محمد..والله اسم حلو خلاص ياسيدي فيروزتك وماله دا اسم جميل
فرحت امينة بالاسم وخرجت فاطمة وبالكاد خرج عمر فهو يريد البقاء مع الصغيرة ولا يريد تركها وخرج يبكي
محسن..مالك يا عمر بتعيط ليه
عمر..انا عايز فيروزتي وهما مش خلوني اخدها
نظر محسن لزوجته..هو الواد دا بيقول ايه
كادت ان ترد قاطعها صوت محمد الذي خرج خلفهم من الغرفة ..ابدا ياسيدي ابنك عايز يأخد فيروزته معه
محسن..فيروزته دا ايه
فاطمةبضحك..اصل محمد وامينة سموا البنت فيروز وابنك بيقول فيروزتي
محسن..اه فهمت جلس على ركبته حتى يكون في مستوى عمر ..طب تعالا ننام وهي كمان تنام وترتاح وتعالا الصبح اقعد معها وقت طويل ايه رأيك ماشي
هز الصغير رأسه بإجاب فحمله والده ونظر ل محمد..تصبح على خير
خرج هو وزوجته
دخل محمد غرفته واخذ بطانية ومخدة كي ينام على الكنبة التي في الغرفة
امينة..بس انت كدا هتتعب من النومة دي
محمد..لاتعب ولاحاجة اصل انا مش هعرف انام جانبها وهبقى قلقان اني انام عليها ولا اخبطها كدا احسن لحد ماتشد عودها شوية
امينة..ربنا يخليك لينا
محمد..ويخليكم ليا واطفء النور وناموا في هدوء
مرت ايام كثيرة وشهور كثيرة وعمر لا يفارق فيروز ويخاف عليها ولايريد ان يلمسها احد ويبكي بشدة عندما تأخذه والدته كي يذهبوا الى شقتهم
مرت سنتين على هذا الحال وعمر لايريد الذهاب الى المدرسة ويترك فيروز
عمر ببكاء..انا مش عايز اروح المدرسة واسيب فيروز لوحدها في البيت
فاطمة ..ماتخفش مااحنا معها انا وخالتك امينة وبعدين انت لازم تروح المدرسة عشان تبقى دكتور شاطر ولا مهندس وكمان عشان لما فيروز تكبر انت اللي هتوديها المدرسة لازم تروح انت الاول عشان تعرف الطريق وتبقى عارف كل حاجة صح
عمر..ايوة صح خلاص انا اروح دلوقتي ولما تكبر تروح معايا
ذهب الى شقة امينة قبل نزوله كي يرأى فيروز طرق على الباب
فتحت امينة..اهلا عمر رايح المدرسة
عمر نظر ل فيروز..انا هروح المدرسة ولما ارجع العب معاكي واوعي تنزلي الدكان لوحدك لأحسن تقعي وتتعوري
فيروز..حاضل بس مس تتأخل واحتضنتها ونزل مر الوقت وذهبت امه كي تحضره من المدرسة وبعد عودتهم لم يريد ان يدخل شقتهم واراد ان يشوف فيروز
فاطمة..يابني دلوقتي خالتك امينة مش فاضية بتعمل الاكل لعمك محمد وانا كمان عايزة الحق اعمل الاكل قبل ابوك مايجي
عمر بعند..لأ اسلم على فيروز واشوفها لوعايزة تنزل الدكان انا وعدتها وطرق على الباب
فتحت امينة..اهلا بالدكتور عمر عملت ايه في المدرسة
عمر..المدرسة حلوة فيها ولاد كتير وبنات كتير
امينة بضحك..ايوة ياعم معاك بنات حلوين
عمر..لأ مش حلوين فيروز بس حلوة
سمعت الصغيرة صوته وفخرجت من الغرفة تجري عليه واحتضنته ابعدها وفتح الشنطة واخرج شيكولاتة اصر على والدته ان تشتريها له صباحا
فاطمة..انت ماكلتش الشيكولاتة
عمر..لأ دي بتاعة فيروز ومدها لها اعطتها له مرة اخرى كي يفتحها لها وبالفعل فتحها لها قسمتها نصفين واعتطه نصفها
ضحكت فاطمة..شكل اتفاقك معه هيطلع بجد
امينة..ياريت ولا انتي مش راضية
فاطمة ..لا ياختي وانا اكره
ان ابني يأخد واحدة متربية على ايدينا وعارفين اصلها وفصلها وهي عارفنا وعارفة حالتنا يارب يسمع منك ويكبروا ويحبوا بعض ويخافوا على بعض
مرت سنين اكثر وزاد تعلق عمر ب فيروز كما زاد تعلقها به ذهبت فيروز الى المدرسة كم كانت سعيدة لانه معها يعرفها كل شئ
عادت فيروز من المدرسة مع عمر وهي تبكي كانت فاطمة تجلس مع امينة وتركوا باب الشقة مفتوح
دخلت عليهم فيروز بهذا الشكل
فاطمة بقلق..مالك ياحبيبتي بتعيطي ليه حد ضربك
لم ترد وظلت تبكي
امينة..طب بطلي عياط وقولي حصل ايه
نظرت ل عمر بعيونها الباكية..عمر زعقلي
فاطمة..ليه كدا ياعمر من امتى بتزعق لها
عمر بغضب..اسألها عملت ايه
فيروز ببكاء..انا معملتش حاجة والله العظيم
فاطمة..طب معلش امسحي عيونك الحلوة دي واحكي لي اللي حصل
عمر بغضب نظر ل امه..ماتقوليش عيونك الحلوة دي تاني
نظرت فاطمة ل امينة..شكل الموضوع كبير طب احكولي عشان اعرف مين اللي غلطان
مسحت عيناها..انهاردة في الفسحة جيه محمود وقالي هاتي كراسة الحساب عشان ملحقتش اكتب مع الابلة قولتله لما نطلع الفصل هديك الكراسة بس هو دا اللي حصل
عمر..لا انتي كنتي واقفة بتضحكي معه
فيروز..والله لا انا مش ضحكت معه انا قولت كدا وجيت وقفت جانبك وانت سألتني ليه بتكلمي الولد دا وانا قولت لك وانت روحت زعقت لمحمود وكنت عايز تضربه
فاطمة..بس هو معملش حاجة دا طلب الكراسة بأدب
وزع عمر نظراته بينهم..انا كنت هضربه عشان روحت اقول له ما يتكلمش معها لاقيته بيقول لصاحبه انا هأخد الكراسة من البنت اللي عيونها حلوة وشعرها ناعم وشاور عليها
كتمت فاطمة وامينة ضحكاتهم
امينة..لا الموضوع فيه عيون حلوة وشعر ناعم لا كدا عنده حق
فيروز ..وانا عملت ايه عشان يزعق لي ويقولي لو كلمتي الواد دا تاني هضربك
فاطمة..لا ياعمر ايه تضربها دي كمان هو في راجل يضرب بنت
عمر..انا مكنتش هضربها انا بخوفها بس
مرت سنين ووصلت فيروز للمرحلة الاعدادية وبدأت تشعر بتغير مشاعرها نحو عمر فهو اصبح طويل جسمه متناسق عيون سود وشعره اسود ناعم ووسيم بدات تنظر له نظرة اخرى لم تعد تراه الاخ والصديق وكانت كأي بنت تشعر بالخجل من نظراته لها كلامه معها وهو ايضا بدأ يراها فتاة كبيرة ناضجة جسمها متناسق بيضاء عيون عسلية تميل للاخضر شعرها بني طويل ناعم ولم يعد يراها تلك الطفلة الصغيرة وبدأت مشاعرهم تأخد اتجاه اخر وبدأ عمر في التمرد على حياته فهو يرى اصدقائه في المدرسة مستواهم افضل منه كان يكره البيت والمنطقة التي يسكن فيها في احد الايام وهو نازل مع فيروز للذهاب إلى المدرسة
عمر بضيق..امتى بقى الواحد يسيب البيت دا والحتة دي ويسكن في مكان كويس
فيروز بزعل من كلامه..ليه بتقول كدا ماله البيت ومالها الحتة ماهي كويسة وانت احسن من غيرك
عمر بسخرية..احسن من غيري في ايه
فيروز..عندك بيت مقفول عليك وعندك اهل بيحبوك ومش حرمينك من حاجة على قدر مستطعهم عايز ايه تاني
نظر لها بحب..هما بس اللي بيحبوني
شعرت بالخجل من كلامه ولم ترد واحمر وجهها
عمر ..ماتردي هما بس
فيروز..انا مش فاهمة انت تقصد ايه
عمر..قصدي…..سكت قليلا ..فيروز انا بقالي فترة عايز اسألك
فيروز ..تسأل عن ايه
عمر..بصي بصراحة كدا انا عايز اعرف انا بالنسبة ليكي ايه
فيروز بخجل..عمر انت…..سكتت لم تستطيع اكمال جملتها
نظر لها بأبتسامة رائعة..افهم من كدا انك حاسة باللي انا حاسس به ياروح عمر
(كاد قلبها ان يخرج من مكانه عندما سمعته يقول انها روحه وهذا يعني انه يحبها كما تحبه )ماتردي عليا يافيروزتي
ضحكت عندما سمعته يقول هذا الاسم فهي لم تسمعه يناديها به منذ ان كانوا اطفال
عمر..بتضحكي على ايه
فيروز..ابدا اصل الاسم دا ليك سنين مش بتناديني به
عمر..بصراحة كنت بتحرج اناديكي به بس خلاص من هنا ورايح مش هنادي عليكي غير به ايه رأيك
فيروز بسعادة..ماشي
عمر..طب انتي توهتيني ومردتيش عليا على فكرة
فيروز تدعي عدم الفهم..ارد على ايه بس
عمر..يعني مش فاهمة
فيروز..بطل ياعمر انت بتكسفني اوي
عمر بضحك..ياخواتي على حبيبي اللي بيتكسف
فيروز بخجل..عمر بطل كلامك دا
عمر بخبث..هو انا قولت حاجة
فيروز ببراءة وعدم تفكير..قولت روح عمر وقولت فيروزتي وقولت ياخواتي على حبيبي…….
قاطعها عمر..قوليها كدا تاني
فيروز بأستغراب..هي ايه اللي اقولها تاني
عمر..حبيبي
انتبهت لما قالت واحمر وجهها ..طب يالا بقى احنا بقلنا ساعة على السلم وهنتأخر على المدرسة يالا يا أستاذ
عمر بسعادة..يالا ياقلب الاستاذ انزلي
كان اسعد يوم في حياتهم فهو اليوم الذي اعترف كل منهم بحبه للاخر
مرت عدة شهور وتوفى والد عمر وكان المعاش لا يكفي شئ وبدأ عمر بالبحث عن عمل كي يستطيع توفير بعض النقود التي تساعد في مصاريف البيت مما زاد من تمرده وكرهه لحياته فكل اصحابه يعيشون حياة سهلة اما هو في الصباح في المدرسة فهو في الثانوية ويريد الحصول على مجموع لدخول الجامعة وبعد المدرسة يعمل في مخبز وبعد ان يغلق المخبز في العاشرة مساءا يذهب للبيت للاكل والدراسة ويتأخر في النوم ويستيقظ ويذهب للمدرسة وهو متعب واستمر به الحال ونجح ودخل الجامعة بالرغم من مجموعه الكبير الا انه دخل كلية التجارة لان الكليات الاخرى تحتاج الى مصاريف كبيرة وكان متفوق في دراسته محبوب بين زملاءه ودكاترة الجامعة فالكل يعرفه وعلم ان احد الدكاترة عنده شركته الخاصة فذهب الى مكتبه وطرق على الباب
عمر..صباح الخير يا دكتور
الدكتور..صباح الخير يا عمر عامل ايه
عمر..الحمد لله بخير انا كنت محتاج من حضرتك خدمة بصراحة انا بدور على شغل عشان اقدر اكمل تعليمي انا والدي متوفي والمعاش يدوب بيكفي المصاريف الضرورية فلو ممكن ……
الدكتور..ولايهمك انت طالب متفوق وانا بحبك زي ابني تعالا الشركة عندي هشغلك محاسب تحت التمرين ايه رأيك
عمر بفرح..شكرا ليك يادكتور انا مش عارف اشكر حضرتك ازاي ربنا يخليك
الدكتور..مفيش شكر ولاحاجة انت تستاهل اكتر من كدا بس مش عايز الشغل يأثر على مستواك في الدراسة وكمان بعد ماتتخرج ان شاء الله هتشتغل محاسب في الشركة ويكون عندك شهادة خبرة
عمر..انا مش عارف اقول ايه لحضرتك
الدكتور..ماتقولش حاجة وتوريني همتك يالا روح محاضرتك
عمر..ان شاء الله اكون عند حسن ظن حضرتك
…………
في شقة فاطمة
دخل عمر وهو في قمة سعادته فأحلامه بدأت تتحقق فالعمل هذا سوف يفتح له ابواب كثيرة
عمر بسعادة..السلام عليكم
فاطمة..وعليكم السلام ياحبيبي مالك ايه السعادة دي كلها
حكى لوالدته ماحدث وانه حصل على وظيفة في شركة
فاطمة..ماشاء الله ربنا يفتحلك ابواب الخير ويوسع رزقك واشوفك احلى عريس
عمر بأبتسامة..طب بما انك فتحتي الموضوع دا
فاطمة..موضوع ايه
عمر..انتي مش قولتي اشوفك احلى عريس انا عايز اخطب فيروز
فاطمة بسعادة كبيرة..و دا احلى خبر يالف نهار مبروك دا يوم المنى ياحبيبي ثم نظرت له ..انت بتحبها
هز رأسه بإجاب..ايوة بحبها اوي
فاطمة بفرح..ربنا يسعدكم خلاص هكلم امينة وهي تكلم محمد ونروح نطلبها
وبالفعل كلمتهم وذهب عمر ووالدته لطلب يدها
……………
في شقة محمد
دخلت فاطمة وعمر وسلموا عليهم وجلسوا
فاطمة..اومال فين العروسة ونادت بصوت عالي..فيروز انتي مكسوفة مني
خرجت فيروز بخجل ترتدي فستان بسيط لكنه يناسبها انيق عليها وعليه حجاب جميل سلمت عليهم
فاطمة..بسم الله ماشاء الله على بنتي الحلوة تعالي اقعدي جانبي هنا يامرات ابني
جلست بجانبها وهي تشعر بالخجل ووجهها احمر
فاطمة ل عمر..تتكلم انت ولا اتكلم انا
عمر..اتكلمي انتي
فاطمة..بص يأبو فيروز وانتي كمان ياامينة قبل اي حاجة احنا اهل واخوات وانا جاي اخطب فيروز بنتي لعمر ابنكم وهو عايز يكتب الكتاب والجواز بعد ما تدخل الجامعة وتكمل وهي مراته
امينة..طب افرضي حملت وهي لسة بتدرس
فاطمة..وماله ياريت هو انا وانتي ورانا ايه لما نشيل ونربي بدل العيال مايقعدوا كل دا محرومين من بعض واكيد انتوا عارفين انهم هيقعدوا معايا في الشقة لحد ما ربنا يوسعها عليه يجيب شقة
امينة..وليه شقة ماهو يبقى جانبنا احسن وانتي انا عارفة هتعملي فيروز ازاي دي بنتك
فاطمة..ربنا يعلم معزتها عندي زي عمر واكتر ونظرت ل محمد..هاا ياابو فيروز ماقولتش حاجة ياخويا
محمد..هقول ايه وانتي وهي قولتوا كل حاجة خلاص على بركة الله انا مش هلاقي احسن من عمر دا تربية ايدينا وعارفين اخلاقه كويس
عمر..ربنا يخليك لينا يا عمي وقرأوا الفاتحة
اعطت فاطمة علبة صغيرة ل عمر فتحها واخرج منها خاتم ليس كبير لكنه انيق والبسه ل فيروز ومال على اذنها يهمس لها..مبروك عليا
ضحكت فيروز..الله يبارك فيك
قبلت فاطمة عمر وفيروز وباركت لهم وبالمثل امينة ومحمد وتعالت الزغاريد وعرف الشارع كله ان عمر خطب فيروز………..
