سمارة فاطيما يوسف

يا ارض نهدي ما عليك قدي ولو عايزه اي راجل كلهم باشاره من ايدي هيكونوا تحت رجلي وبكره اوعدك ان سماره هتكون مرات احسن واحد في اسكندريه كلها واحسن من ابنك 100 الف مره اللي رفص النعمه بايديه .
ام نعمان كانت بتغلي من جواها من كلامها لكن قررت انها تجاريها لحد ما تخلص منها وتغور بعيد عنهم
تمام يا سماره هجيب المحامي بتاعي وهتمم لك كل حاجه بس بشرط تدينا القايمه وكده كده الطلاق هيتم وهيتوثق في الشهر العقاري وصدقيني نعمان مش هخليه يجي ناحيتك .
اشترطت سماره عليهم
لا المحامي بتاعي هو المسؤول عن كل حاجه مش عايزه محاميين منكم .
قد كده مش واثقه فيا يا سماره
طبيعي مش لازم اثق فيك ولا في ابنك بعد البهدله اللي انتم بهدلتوها لي فخلينا نخرج بالموضوع على كيفي علشان كل حاجه تبقى تمام .
وفعلا خلصت القعده وبدات الاجراءات اللي طلبتها سماره تتنفذ زي ما قال الكتاب عملوا لها المحل الكبير وجابوا لها الشقه وحطوا لها المبلغ في البنك بما فيهم مرتبات العمال وكل حاجه قالت عليها اتعملت وخدت كمان عليهم تعهد بعدم التعرض وخصوصا نعمان وبقت سماره هانم بعد ما كانت سمير الراجل الست اللي متخبي في جلابيته
بعد مرور سنة كان نعمان اتجوز فيهم والموضوع اتلم لكن حس بالاشتياق لسماره فرح لها المول وهو كله وحشه ليها واول ما شافها
وحشتيني يا سماره .
اتخضت سماره وهي بټضرب على صدرها
بسم الله ما تشوفش وحش يا اخويا عايز ايه يا نعمان
بقى دي مقابله تقابليها لحبيب القلب بعد سنه بحالها ما شفتكيش فيهم ما كانش العشم يا سمورتي
شوف بقى ان ما خدتش بعضك ودورت وشك ورحت لامك انت عارف ان انا سمي بېموت ابعد عني يا نعمان وسيبك من الألاعيب بتاعتك دي انا ولا طايقاك ولا طايق اشوف وشك ولا عايزه اشوفك من تاني ولا بالۏحش ولا بالحلو .
بس انا جاي لك وانا مشتاق وعايزك ورايدك في الحلال يا سمارة
ما كانش انعذر يا حبيبي والحلال اللي يجي منك مش عايزاه انا كرهتك وکرهت صنف الرجاله بسببك ابعد عني يا اما هبعت لامك فيديو بدخولك هنا وبكلامك علشان انا مركبه كاميرات صوت وصوره وشوف بقى هتعمل فيك ايه ولا لو بعته لمراتك السنيوره اللي انت اتجوزتها ومش
تتبهي بيها وبجمالها في اسكندريه كلها
الله ما انت متابعاني اهو وعارفه اخباري ومتابعه كل حاجه عني امال عامله نفسك من بنها ومش واخده بالك ليه اتاريكي حطاني في دماغك زي ما انا ماحطك .
انا يا اخويا ولا حطاك في دماغي ولا يحزنون كل الحوار اني وانا بقلب بشوف الكونتيسه مراتك عشان هي زبونه عندي في المحل منزله الحاجات دي كل شويه ويلا بقى طرقنا عشان مش فاضيه لك .
مهما يحاول يستجديها باي طريقه هي مش مدياه الوش وسابها ومشي واول ما خرج جه محروس ابوها
هو الجدع ده كان عايز ايه يا سماره وجاي تاني ليه.
ردت عليه ببرود ماسماره جابته يعيش معاها واجرت له شقه صغيره في نفس المكان وراعى ان هو رباها طول السنين دي كلها مهما كانت اذيته ليها
كان جاي يصيع عليا وانا اديته اللي فيه النصيب ومشي ما تشغلش بالك انت يا عم محروس .
لساتك هتقولي عمي محروس مش هتقولي
ابويا يا سماره
ما بقاش ينفع كلمه ابويا وانت عارف انت كسرت ايه جوايا انا سامحتك علشان امي وعلشان انت قاوتني تحت جناحك سنين مهما كنت بتاذيني الا انك حمتني واظن انا رديت لك الدين ثالث ومثلث .
وانتهت قصه سماره وهي واخده حقها من كل اللي ظلمها وبعدت تماما عن الطريق الشمال ومش مركزه غير في شغلها وانها تكبر وبس ونعمان زي ما هو ديل الكلب عمره ما يتعدل .
انتهت القصه
سماره
بقلمي فطيمه يوسف