سمارة فاطيما يوسف
على فكره تعرفيني وتعرفيني كويس جدا كمان بس انت لو ركزتي في ملامحي هتلاقي ان انا عندي حق وان ابنك اتجوزني في السر ومن سنين ركزي كده وانت هتعرفي انا مين .
قربت ام نعمان منها وبدات تبص في ملامحها جامد وتقريبا اتشتت نفس العيون ونفس تقسيمه الوش لكن الشهر مختلف والجسم كمان مختلف ونبره الصوت كمان مختلفه لكن الوش هو الوش فنطقت بندهاش وهي مش قادره تتصور اللي وصلت له
انت سمير ابن محروس ! بس ازاي
ايوه بالظبط زي اللي وصل لك بس قلعت الجلابيه الواسعه بتاعه الرجاله اللي ابويا كان ملبسها لي وقلعت باروكه الرجاله اللي ابويا برده كان ملبسها لي ورجعت سماره البنت الجميله اللي ابنك استغل براءتها وجريني وراه لطريق ما كنتش اعرف عنه حاجه وفي الاخر بينكر انه اتجوزني في السر .
طبعا ام نعمان عمرها ما تصدقها وحتى لو ابنها عمل كده فعلا عمرها ما هتنصفها قدام الناس فقربت منها وهددتها
شوفي بقى انت تاخدي ابوكي وما لكمش قعاد في البيت ده ثاني مش هشغل عندي ناس مجانين وحساب ابوكي معايا عسير عشان يعمل عامله زي دي .
ونادت على محروس بعلو حسها واللي كان واقف قدامها بيرجف ومش مصدق الكلام اللي سماره قالته
الكلام اللي بتقوله البنت الزباله دي حقيقي ده مش سمير وانت خدعتني وانت مفهمني طول السنين دي كلها انها ولد مش بنت
والله يا ست هانم ڠصب عني لقمه العيش هي اللي حوجتني اني اعمل كده بس انا عايزه افهمك على حاجه ان سماره دي مش بنتي دي بنت مراتي وانا كسبت فيها ثواب وقلت اربيها .
سماره كان خنجر اترشق في قلبها من كلام محروس اللي انكر ابوتها بكل ډم بارد وكانه ما يعرفش عنها اي حاجه وبصيت له بخذلان وهي بتقول له
شكرا يابا شكرا يا عم محروس انك متبري مني قدام الست هانم وطالما اتبريت مني يبقى ما لكش دعوه بيا تاني
وبصت على ام نعمان تاني وهي بتاكد لها بقوه معناها انها مش هتسيب حقها
اما انت بقى يا حماتي العزيزه هروح للقسم وهتهم ابنك انه استغل براءتي وطفولتي وضحك عليا واتجوزني في السر وان ما كنتش امرمطه ورايا في المحاكم ما بقاش أنا سماره وهوريكم الجربوعه هتعمل فيكم ايه .
لحد هنا وفرحه ما قدرتش تتحمل وكل ده بيحصل قدامها في يوم خطوبتها وامها واقفه جنبها حضنها وفي ثانيه قلعت الدبله اللي لسه لابساها يا دوب ورميتها في وش نعمان وفجاه نزلت على وشه بقلم خلت الكل واقف مصډوم ومذهول من اللي بيحصل ككل
انت طلعت كذاب واناني بقى انت تضحك عليا وانت متجوز في السر ورسمت لي البحر طحينه انت وامك الحمد لله ان ربنا كشفكم قبل ما نتجوز مش عايزه اشوف وشك تاني .
ام نعمان حاولت توقفها هي واهلها وتهدي الموقف
بلاش تسمعي كلام البنت خړابة البيوت دي انا هوديها في داهيه وهطلب لها الامن وهوديها وراء الشمس اقعدي يا بنتي ما تضيعيش فرحتك وانا لسه هاكد لك ان البنت دي كذابه .
ضحكت سماره باستهزاء وهي بتقرب من فرحه وجواها حالف يا تاخد حقها تالت ومتلت من نعمان ومحروس ودلوقتي دخلت امه في قائمه الاڼتقام لانها كانت السبب ان محروس لبسها جلابيه الولد وما رافتش بيهم لما اشترطت عليه ما تكونش بنت
خليها تمشي يا حماتي احسن لما تتاكد بجد ان ابنك متجوزني وماضي وخاتم كمان ولا انت
