سمارة فاطيما يوسف

يقابلهاش بعد ما اطفش العروسه فساب سمير الوجعه وحيرته وجري بسرعه قبل ما امه تنادي عليه وطبعا هو عارف انها حالفه له
ومر اليوم ده على سمير والۏجع فاق الحدود معاه واول ما اخلص شغله دخل على سريره ينام وقرر انه ما يخرجش خالص
هي صاحبتك اللي اسمها سماره ما جتش النهارده معاكي يعني وبقى لها اسبوع مطنشه لك هي البنت دي وقعت على الكنز ولا ايه
مش عارفه يا بت ما انا مستغربه برده هي البت دي بقت تستكبر عليا ولا ايه.
اسكتي انت هبله وعبيطه ياما قلت لك سيبيكي من الطيابه اللي تتعاملي بيها مع الناس والبنت دي من ساعه ما شفتها معاكي قلت لك بدل المره 1000 انها سهونة وسوسه وانت بتدلقي عليها زي الجردل .
طب والله لو طلعت بتتعامل معايا بالكبر ده لاخليها ټندم علي اليوم اللي فكرت تتكبر على نعمات هي نسيت نفسها ولا ايه ده انا اللي طلعتها من الدفنه اللي كانت فيها وخليتها بنت زي بقيه البنات وفي الاخر ارن عليها ما تعبرنيش ماشي يا سماره .
طب ما تقولي لي قصتها يا بت حكم انت بقيتي ملاوعه زيها ده انا حتى صاحبتك من قبلها بكثير وعيب لما تخبي عليا والبنت دي وراها حوار كبير .
هقول لك وهو ادينا قاعدين بنلغي مع بعض البنت دي بتعرف صاحب الشغل بتاعهم راجل باشا كبير قوي أبهة من بقى لها سنين ماشيه معاه وبتروح تقابله في بيته ومنغنغها ومعيشها احلى عيشه وفي الاخر اتبطرت عليه وعايزاه قال يتجوزها وهو طبعا ما عجبهوش كلامها واټخانق .
هييييييي يا نهار ابيض بقى البنت اللي عامله نفسها ولا كانها جايه من بلاد بره وبتتأنتك علينا طلعت ماشيه في السكه البطاله ومسلمه نفسها الراجل عجبت لك يا زمن .
هي سماره معتزه بنفسها بس المره اللي فاتت حلفت لي انها هتنتقم منه ومن ابوها وهتوريهم ايام سوداء عرفت ان هو هيخطب راحت نفس المكان اللي هيقابل فيه خطيبته عشان تبوظ عليه قعدته وناويه له على نيه سوداء .
طب طالما الراجل غني يا بت ليه ما تروحيش تفهميه الفوله بتاعه البنت دي ونيتها وتستفادي من وراه ولا هي اللي هتاكل من التورته لوحدها وانت تاكلي الفسيخ ابو ريحه منتنه .
لا يا شيخه حرام عليك دي ائىتمنتني على سرها معقول اخونها والبسها في الحيط اسكتي بطلي وز في دماغي .
روحي وانت هبله كده خليكي زي ضلها على الفاضي ولا بتستفيدي منها باي حاجه ولا بيهون عليها حتى تديكي فستان من اللي بيديه لها .
نعمات عينيها زاغت من كلام صاحبتها وبدات تفكر فيه ونوت على نيه ما يعلم بها الا ربنا لسماره وده كله علشان ما ردتش عليها في مره .
حمد لله على السلامه يا نعمان يا اللي راجع بعد نص الليل علشان ما تقابلنيش ولا بترد على تليفوناتي طول النهار اكيد عارف عملتك السوداء اللي انت عملتها امبارح مع خطيبتك وخليتها تخرج من المكان وهي زعلانه واخده على خاطرها منك وسودت وشي قدامهم يا ابن بطني .
قوام خليتيها خطيبتي ياماما انا يا ستي خلاص كرفت الفرحه دي ولا عايز سعاده ولا حزن وبعدين هي اللي فهمت غلط والظاهر كده هتبقى عقلها صغير وبتشك في كل حاجه وانا ما يلزمنيش المره اللي تشك