سمارة فاطيما يوسف

علشان يشوفوا معاها حل
وصلوا لهناك واستقبلتهم وهي في قمه الشياكه واول ما شافها نعمان حس بالحنين والاشتياق ليها لكن هي كانت نافراه تماما وده اللي كان مأثر فيه وساب كل اللي بيحصل وركز على جمالها وانها بتخطفه من اول نظره وسالتها ام نعمان
طلباتك ايه يا سماره علشان نخلص من الموضوع ده بعيدا عن حوار الجواز والفرح لان ده مش هيحصل فقولي من الاخر انت عايزه ايه واي طلبه تطلبيه انا هنفذه .
حطت سماره رجل على رجل وهي بتتشرط عليهم هي اصلا مش عايزه تتجوزوا ولا طايقه تشوف وشه من بعد ما جرحها وكسرها بدل المره 1000
شوفي حماتي عايزه تعملي لي مول كبير للملابس اللي بتيجي من بره وتملي لي المول ده على اخره وكمان تعملي لي اعلانات في التلفزيون عنه والاعلانات ټغرق النت كله ده اول شرط ليا علشان يكون لي مصدر رزق
ثاني حاجه عايزه شقه بدورين يرمح فيها الخيل في نفس المكان اللي هتعملي لي فيه المول وكمان انت اللي هتجيبي لي العمال اللي هتشتغل فيه وتقبضيهم اول شهرين لحد ما المول يشتغل ويتعرف وتحطي لي باسمي في البنك مليون جنيه.
اڼصدم نعمان من طلباتها وهو بيقول لها
انت جرى لمخك ايه يا بنت انت انت مفكره ان الحاجات دي كلها سهله وبفلوس قليله المول ده هيخش له في 2 مليون جنيه انت اټجننتي انت ما تسويش ثلاثه تعريفه .
اټجننت سماره من سخريته بيها وانه لحد دلوقتي بيستقل بيها وقامت من مكانها
طب يا حماتي شكل ابنك جاي وهو مش ناوي خير انا بقى ديتها اعلان على النت هصرف عليه حبه فلوس ما لهمش لازمه وهجرس سيبنك وهخلي اللي ما يشتروا يتفرج عليكو طالما هو بيستقل بيا لحد دلوقتي .
بص نعمان ليها بتحدي وهو بيقول لامه
طب يا ماما ربنا زي ما شرع الجواز اللي هي ما اعرفش عملته ازاي شرع برده الطلاق وهطلقها وتبقى تعمل الفضايح اللي على كيفها انا ما بيهمنيش وانا راجل وما فيش حاجه تعبني.
استهزات سماره بكلامه
وماله طلقني وهتدفع برده المؤخر اللي قيمته مليون جنيه والقايمه اللي قيمتها ما تقلش عن مليون جنيه برده واللي انت ماضي عليهم وخاتم وبرده القايمه متوثقه في الشهر العقاري ومش بس كده خلي بقى الفضايح تنفعك لما مصنعك اللي قايم على الشرف والنزاهه يضيع وانت الخسران يا نعمان بدل الاثنين مليون ولا الثلاثه مليون ثروتك كلها .
حاولت ام نعمان تهديها وهي بتزعق لابنها
انت تخرس خالص ومش عايزه اسمع صوتك
انا موافقه يا سماره على كل الشروط اللي انت عايزاها بس اضمن منين بعد كده ان انت ما تقليش معانا وتعملي الحركات بتاع النسوان وكيدهم في نعمان لما تلاقيه بيرتبط بواحده ثانيه وعايز يعيش حياته.
بصه سماره لنعمان بقرف وهي بتاكد لها
لا من الناحيه دي اطمني يا حماتي ابنك ما يلزمنيش وعمري ما هبص له تاني اصلا انا كمان بقيت بقرف منه واذا كان على اللي هيتجوزها مع السلامه والقلب ادعي له سماره لما توعد بتوفي وطالما خدت حقي عمري ما هاجي ناحيتكم وانتم كمان ما تجوش ناحيتي لاني كل الناس اللي كانوا في
وبعدين انا سماره اللي بتمشي في الحته تقول