عذراء على أبواب الجحيم الجزء الثاني
نظر الجميع الي امجد ودرغام فضحكوا جميعهم فقال عدي:آيات..قصدي احم مدام آيات لما اتعرفت علي امجد حصلت حادثه وامجد اتصاب في كتفه عشان يحميها.
درغام:لا انا مراتي هي اللي ضربتني بالنار.
نظر الجميع الي درغام فقال:اي يا جماعه مانتم عارفين!
انور:دي حكايه كبيره..كانوا اااا
قاطعه مراد:خلاص يا جماعه شريط الاحداث والذكريات دا اقفلوه هقعد اسبوع وو…قاطعه امجد وهو يجذب مراد من الفراش ويقفه علي قدميه ويسحبه إلى الخارج..
امجد:يلا يا نونه بلاش دلع.
مراد بتألم:انت يا بني ادم انت مفكرني زيكم عديم الاحساس!
درغام:ديب سيب النونه تقعد في فرشتها.
ضحك الجميع فقال مراد بحنق:حتي انت يا يوسف.
يوسف وهو يكتم ضحكاته:مانت اوفر اوي يا مراد اي يعني ضربة سكينه!
مراد بصدمه:اي ياربي العالم المجنونه اللي وقعت فيها دي!
امجد:جاي بعد 15سنه وتقول كده!
خرجوا من المشفي وركبوا سيارتهم وذهبوا الي قصر الديب..
في الطريق..
مراد:حطتوها فين!
امجد:في مخزن اكتوبر..بس مش لوحدها.
مراد:مش فاهم.
عدي:معاها ضيف شرف يا مراد.
مراد بضيق:ضيوفها كتيير اوي ساره هانم..ثم نظر الي امجد وقال:امجد انا مش قادر صدقني الجرح واجعني الصبح هتصرف.
امجد:حاضر يا توتو.
زفر مراد الهواء بحنق وقال:متخلنيش اقلل منك!
نظر امجد حوله ثم نظر اليه وقال:الكلام دا ليا انا؟؟
نظر مراد من النافذه وقال:لا ولا حاجه.
امجد وهو يفرك ما بين حاجبيه:اه بحسب!
وصلوا جميعهم الي قصر الديب وهبطوا من سيارتهم..
درغام وهو يقف نصفه بداخل سبارته والنصف الاخر متكئ علي بابها:دييب احنا هنمشي احنا بقي..مجلكش في حاجه وحشه.
امجد بمزاح:ولا حلوه يا درغام مش عاوز اشوف وشك امك تاني.
درغام وهو يقود سياره بعيدا وبصوت عالي:هتوحشني يا صحبييي.
خرج درغام وخلفه حراسه ومعه انور صديقه..بينما هيثم ومهند..
هيثم:هنروح بقي عاوز حاجه!
امجد:في داهيه يابني انت بتستأذن!
مهند بمزاح:امشي يابني احنا بنتهزق هنا.
امجد:استنوا مني رساله..مهمتنا منتهتش لسا.
هيثم:مش فاهم يا ديب قصدك اي؟؟
امجد وهو يربت علي كتفه:هتعرف وقتها يلا الباب يفوت جمل.
ضحك هيثم ومهند ثم ركبوا سيارتهم وانطلقوا بعيداً..
نظر امجد لمراد الواقف وبجانبه يوسف..
امجد:واقف لي ما تدخل!
مراد:مش لما صاحب البيت يدخلنا؟
امجد وهو يعدل سترته ويسير امامه:الاحترام واجب بردو.
