عذراء على أبواب الجحيم الجزء الثاني
مراد وهو يقبل يد والده:بعد الشر عليك يا والدي..انا هفضل ابنك مهما حصل..هبعتلك حد يجهزلك شنطك عشان هتسافر من اول بكرا..ومعاك والدتي كمان.
توفيق بسعاده وبسمه:متتعبهاش يابني.
مراد:لا طبعا دا كان طلبها..انا حجزتلك في انجلترا في المستشفى اللي عز باشا الديب اتعالج فيها طبعا انت عارف انه قدر يمشي من اول سنه بعد ما كان شلل نصف..اما انت طبعا حالتك افضل منه انا بتقدر تتحرك وتقف بس لوقت قصير ودا هيساعدهم في علاجك واخرك تلات شهور.
ابتسم توفيق براحه وقال:حيث كدا ابعتلي نيروز..انا مستأمنها علي حجتي وبنت امينه جدا.
مراد:نيروز مش هتنفع.
توفيق بقلق:لي هي تعبانه!!
مراد بجديه:والدي اللي هقوله دا ميتقالش لحد انت ووالدتي بس اللي يعرفوا فالبيت دا..وزين لسا منضم ليكم من قريب.
توفيق بشك:في اي يابني وقعت قلبي علي البنت.
مراد بهدوء ما يسبق العاصفه:نيروز بتكون مراتي علي سنه الله ورسوله وام زين الحقيقيه…
الفصل الثامن والعشرون:
توفيق بشك:في اي يابني وقعت قلبي علي البنت.
مراد بهدوء ما يسبق العاصفه:نيروز بتكون مراتي علي سنه الله ورسوله وام زين الحقيقيه.
توفيق بصدمه:اي!!
مراد:دي الحقيقه..نيروز مراتي من زمان.
توفيق بجديه:عرفتها ازاي ولا فين ولا امتي!
مراد بمزاح:انت قلبت علي فهمي بيه كدا لي؟؟
ابتسم توفيق قائلاً:مقصدش يابني..بس ازاي..يعني هي لا كانت متجوزه ولا بنتها ماتت والكلام دا.
مراد:انا اللي قولتلها تقولك كدا..ثم تنهد بحزن قائلاً:ظلمتها معايا جامد..واستحملتني كتير اوي..وهعوضها عن كل دا بس افضى من التعابين اللي حوليا الاول.
توفيق براحه:نبروز تستحق كل الخير يا مراد..دي بنت ما بتروحش عن وشها البسمه لما بتشوفني..وواخده بالها مني..دانا لو كنت خلفت بنت ماكنتش هتعمل معايا كدا.
ربت مراد علي يد والده وقال:ربنا يقدم اللي فيه الخير..ارتاح انت دلوقت عشان معاد طيارتكم بكرا المغرب.
ابتسم توفيق ثم فتح ذراعيه علي مسرعيه قائلاً:طب مفيش حضن للراجل العجوز دا.
نظر مراد لعيناه ثم ارتمى بين يده يضمه اليه في حنان..
كانت نيروز تتابع المشهد من خارج الغرفه ثم اغلقت الباب ببطئ..
ثم سارت في طريقها لانزول حتي اوقفتها ساره بحنق..
نيروز وهي تستند بيدها علي ترابيزيون السلم:خير يا ست باربي.
ساره بضيق:مراد جوزي فين.
نظرت نيروز بغيره اليها وقالت:معرفش!
اقتربت ساره منها بخبث وقالت:حيث كدا بقي..ثم دفعت نيروز بقوه من اعلي السلم فسقطت بقوه..
