عذراء على أبواب الجحيم الجزء الثاني
نظر امجد الي درغام ثم الي انور وقال:تعالوا معايا..وانت يا هيثم خاليك مع مهند هنا لحد ما مراد يطلع وطمني عليه مفهوم.
هيثم بضجر:انا عاوز احضر المدعكه من اولهااا.
امجد وهو يغادر:المدعكه هتحصل لما مراد يفوق انا مقدرش اتصرف معاهم غير لما صاحب الشأن يصحى.
مهند وهو يضرب هيثم علي رأسه:انت عبيط يا بني ولا بتستهبل ولا روز مسحتلك عقلك.
هيثم بحزن:روز! روز لو عرفت اني بكدب عليها يا مهند هتسيبني.
مهند بضيق:هنعمل اي..هاه قولي نعمل اي نرجع بلدنا تاني! عشان ننقتل..انت ناسي احنا جاين هنا لي!
هيثم وهو يشيح بوجهه بعيد عن صديقه:للاسف عارف.
وضع مهند يده علي كتف هيثم وقال بهدوء:هيثم خالينا نقعد جنب يوسف شوف شكله عامل ازاي؟
نظر هيثم الي صديقهم يوسف الذي يجلس ويقرأ القرآن الكريم وينظر أمامه ويهز راسه بحركات منتظمه..
هيثم:تعالي.
نزل امجد من المشفي فرأى سياره تقترب بسرعه كبيره ونزل منها عدي..
عدي:رايحين فين!
امجد وهو يركب سيارته:طلعين رحله!
كتم درغام ضحكته هو وانور فقال عدي باستفزاز وهو يدخل راسه من نافذ سيارة امجد..
عدي بمزاح:رحله لفين بقي!
امجد وهو يدير محرك السياره:رحله لامك.. رايحين نزور امك.
عدي وهو يخرج راسه ويضرب سقف السياره بيده:طب لي سيرة الوالده طيب.
اخرج امجد راسه من السياره وقال:العيل الهزق بيجيب لاهله التهزيق..ثم صرخ قائلاً:اركب عربيتتتككككك ووراياااااا.
انتفض عدي من تغير امجد المفاجئ وركض الي سيارته بينما درغام انفجر ضاحكاً..فهم لم يتغيروا دائما عدي يحاول استفزاز امجد وينجح في ذلك..
انور:درغام واحنا.
درغام بعد فهم:احنا اي؟
انور وهو يشير الي سيارته:مش المفروض نطلع وراهم.
درغام:هو انت مستني مني الرد..ثم صرخ وهو يركض الي سيارته:ماااترككككككككببب.
ضحك انور وصعد الي سيارته وانطلق خلف صديقه..وخلفهم الحراسه الخاصه بدرغام وامامهم الحراسه الخاصه بالديب..
في سيارة مجدي..
مجدي بهلع:لازم نوصل بسرعه زمانهم عرفوا.
ساره وهي تمسح الدماء عن وجهها:متخافش هتلاقيهم مشغولين مع مراد.
مجدي:مراد.
ساره بفحيح الافاعي:اه مراد..اصل تقريبا كدا انا قتلته.
مجدي بصراخ:قتلتي ميييييين.
ساره بضيق:واطي صوتك..مالك خوفت اوي كدا لي مش كنا متفقين علي كدا.
مجدي بصدمه:مين اللي قالك كداااا انا متفقتش معاكي علي كدااا.
