إمرأة الصعيد فاطيما يوسف
بسم الله الرحمن الرحيم
انت لازم تدلى من مصر دلوك وتاجيلي على اهنه يا قاسم يا اما هاجي لك بنفسي وانت عارف جيتي عامله كيف
مسح قاسم على شعره وهو عرف امه عايزاه يرجع ليه فرد عليها
حاضر يا اماي هاجي على بكره الصبح اكده ممكن تهدي بقى يا حاجه مجيده وتسيبك من العصبيه اللي جابت لك السكر والضغط داي
ضړبت مجيده على رجلها والصبر زهق من صبرها خلاص
مههداش غير لما تاجي عشان تنفذ اللي قلت لك عليه ويلا من غير سلام يا قاسم
دخل جوزها سلطان وهو بينفخ وهيقول لها
لساتك مصمم على اللي في راسك يا مجيده وهيجيب لولدك ۏجع الراس وهيخرب عليه بزيادكي عاد يا بنت الناس سيبيه يعيش في حاله وما تخربيش على بيته وتضيعي منه حب عمره علشان اللي في دماغك وكلها ارزاق بيد الله
صممت مجيده على قرارها هي عارفه قد ايه ابنها بيحبها وعمره ما يرفض لها طلب
له يا سلطان اللي في دماغي هو اللي هيمشي وكلكم هتنفذوا لي اللي اني عايزاه اللي هو عين العقل والصح بس ياجي ولدك وما هيمشيش من اهنه الا لما يعمل اللي امرته بيه
نفخ سلطان من راسها اليابس اللي لما تصمم على شيء لازم تنفذه
اعملي على كيفك انت وولدك اني حذرتك ان الموضوع دي مش هياجي من وراه خير ابدا وانتي اللي هتوبقي السبب في خړاب بيت ولدك وانت اللي هتوبقي السبب في تعاسته العمر كلاته
فضل سلطان يجيبها يمين ويجيبها شمال وراسها والف سيف تعمل اللي في دماغها
اما في مصر حدا قاسم ومرته اللي هتودعه عشان مسافر لأهله
ما تتاخرش عليا يا قاسم انت عارف انا والبنات ما نستغناش عنك هستناك اخرك يومين في البلد ياحبيبي
باسها هقاسم من جبينها وهو بيوعدها عنه مش هيتاخر عنها
ما تقلقيش يا حبيبتي ما هتاخرش واصل ما قدرش ابعد عنيكم ولا أفارق البنات واصل خلي بالكم من حالكم على ماجي وهم يومين بالكتير وهرجع لكم طوالي
مرات قاسم بتبقى سعيده جدا وهي بتسمعه بيتكلم بالصعيدي
تعرف يا قاسم بحب اسمعك وانت بتتكلم بالصعيدي قوي فاكر اول مره اتكلمنا مع بعض فيها كنت مېته على نفسي من الضحك لما سمعتك هتتكلم صعيدي وفي الاخر قلبت بخڼاقه سبحان الله القط ما يحبش الا خڼاقه واتجوزنا وعشقتك وما بقتش قادره استغنى عنك وعملنا بيت جميل وخلفنا بنتين توام زي القمر ربنا يحفظهم ليا ويحفظك ليا يا حبيبي وترجع لي بالسلامه حكم الطريق الطويل وانت مسافر البلد بيقلقيني قوي عليك
طمنها قاسم انه هيروح ويجي بالسلامه وسافر قاسم ووصل البلد واول ما الحاجه مجيده شافته مثلت الجمود
حمد لله على السلامه كل مره هتحايل عليك علشان تاجي تشوف امك وتطمن عليها وتشوفي عايزه ايه الظاهر اكده ان المصراويه هتنسيك اهلك وبلدك وناسك
حضنها قاسم بحب وهو هيعتذر لها
واه يا حاجه ما هتسلميش على ولدك وتاخديه بالاحضان جالك قلب كيف يوبقى قاسم واقف قدامك وما ترتميش في حضنه وتحسسيه بامان حضنك
ما قدرتش مجيده انها ما تاخدوش في حضنها وتسلم عليه قاسم ابنها الوحيد اللي ما خلفتش غيره وبعدها حصل لها ظروف وشالت الرحم ومن وقتها وهي اهتمت بيه وبتعليمه لحد ما بقى محامي كبير وهي هتعبر له عن وحشتها
كيفك يا ولدي اتوحشتك قوي وزعلانه منك كتير يا قاسم قلت لي هخلص الماجستير والدكتوراه يا اماي وارجع افتح المكتب في بلدي واتجوز واخلف اهنه وأملى لك البيت عزوه واحفاد وحملتني ورحت اتجوزت من بنات البندر وفتني اني وابوك لحالنا وانت عارف ان ملناش غيرك وقلت يا بت ما تنكديش على الولد وسيبيه يعيش حياته كيف ما هو عايز وسبتك تتجوز بنت البندر وتعيش وياها
قاسم كان حزين لسببين مش عارف يرضي مين ولا مين هو هيعشق مرته وهيعشق امه وتراب رجليها كماني مسك يد امه وبسها وهو هيقول لها
معلش يا اماي حقك عليا اني حزنتك وحقك على راسي اني بعدت عنيكم انتي وابوي خلاص يعني هتفق وهي مراتي وناجي نعيش هنا ومكان ما يكون جوزها مكان ما هي تكون
قدرت مجيده انها تاثر عليه في اول طلب من خطتها اللي هتنفذها ان يجي هو وبناته يعيشوا هنا في البلد معاهم ووقت ما قال لها كده الفرحه كانت هتطق من عينيها وهي هتحضه جامد
بجد يا قاسم يا ولدي يعني خلاص هتحن على امك وهتاجي تعيش حدانا انت وبناتك ومرتك والله لنقيم الافراح والليالي الملاح ونعمل لكم احلى تشريفه انت وهم يا اللي مجيتكم هتوبقى على راسي من فوق
واه مالك مستغربة اكده يا حاجه كاني ما هعدش لبلدي ولناسي الموضوع كلاته ترتيبات هعملها وكل شيء هيرجع لاصله يعني ما ينفعش افوتك ولا إنتي ولا ابوي وما ينفعش اعيش بره الصعيد اللي هعشقه وحبه بيجري في دمي
طبطبت على ضهره بحنيه صادقه
ده انت هتنور قلبي وبيتي وعمري كلاته يا ولدي يا اللي مليش غيرك في الدنيا دي كلاتها هقوم اعمل لك وكله ترم عضمك بيها من وكل مجيده اللي كنت هتاكله ويوبقى هاين عليك تاكل صوابعك وراه اكيد وكل البندر ما هيلدش عليك زي وكل امك
واه يا حاج مجيده هو في وكل يقعد على وكلك عاد دي انتي الكل في الكل وما هشبعش الا من يدك الحلوه دي تسلمي لي يا اماي وما انحرمش منك ابدا
قامت مجيده تعمل له الاكل فخرج يكلم مراته في التليفون واول ما ردت عليه
اتوحشتك قوي انتي والبنات يا زينه عاملين كيف
اوعى تكون والدتك ما جتش تقعد معاكي اليومين دول انت عارفه هقلق عليكم من الهوا واصل
ابتسمت زينه لما سمعت طريقته في الكلام وهو بيتكلم صعيدي اللي بتعشقها جدا
احنا بخير يا قاسم مش ناقصنا غير وجودك جنبنا هتيجي امتى علشان البنات مش مبطلين زن من ساعه ما مشيت وعرفوا ان انت هتقعد يومين في البلد
و ه هو انا لحقت اوحشكم عاد قولي للبنات بطلوا جلع بوكم لسه مهملكم ما فاتش غير يوم واحد وكمان يومين وهعاود
خلص كلامه مع مرته اللي وصل لها ان هو هيحبها قووي وما يقدرش يستغنى عنيها ودخل لوالدته وقضى معاهم اليومين اللي طول ما هو موجود ما فرقتهوش واصل وخلاص هيمشي فتمسكت بيده قوي وهي هتطلب منيه
شوف يا ولدي احنا اتفقنا على كل حاجه هتوحصل يا ريت ما تتاخرش عنينا وقدامك شهر بالكتير تكون خلصت فيه شؤونك ورتبت حالك وجبت مرتك وبناتك يعيشوا في خيرك اهنه وسط بلدك واهلك وناسك مش هسمح لك باكتر من شهر يا قاسم
حاضر يا حاجه ان شاء الله قبل الشهر اكون جايبهم تكوني حتى جهزتي الدور اللي فوق لينا على الله التساهيل
حضنها وحضن ابوه وفاتهم وسافر لبناته واول ما مشي من البيت مجيده فتحت في العياط وسلطان هيقول لها
ليه البكا عاد يا بت الناس ما هو ولدك قعد معاكي يومين في حضنك ومهملكيش وقال لك هياجي هو وبناته هتبكي ليه
—
دلوك واصل
مجيده ما استحملتش كلامه وهبت في وشه
بس يا سلطان انت قلبك حجر اني ولدي ما ليش غيره وحيد وعايش بعيد عني هو واحفادي وقلبي هيتقطع على فراقه وبعادهم عني اما انت ما هتحسش پالنار اللي جايده في قلبي حداهم
وه يعني عشان عايز راحه ولدي في المكان اللي هيرتاح فيه هو وبناته ابقى ما عنديش قلب يا مجيده لسانك هينقط دبش يا بت عمي
هو انت اللي تعبت فيه ولا حبلت ولا رضعت ولا قعدت تربي سنين وياي كنت هتخرج فيهم لشغلك من صباحيتها لغطستها واني اللي تعبت وشقيت عليه وما فارقنيش غير لما بنت البندر غوت عقله وما اختارش البنت الزينة اللي كنت جايباهاله وكانت هتجيب الواد
لساتك مصممة على اللي في دماغك يا مجيده انت كده هتخربي على ولدك ارضي بقسمه ربنا ونصيبه وسيبي ولدك عايش مع مرته وبناته في امان الله
مهما تقول ومهما تعيد يا سلطان اللي في دماغي همشيه وولدي هياجي يعيش تحت ضلي وهيسمع كلامي في اللي هأمره بيه وعمره ما هيكسر لي كلمه عاد ما شفتوش هيصفي كل شغلاته في مصر وهياجي عشان يعيش وياي هناك وهيمشي كلامه على بنت البندر وهيجيبها معاه وراسها فوق رقبتها وبرده هينفذ اللي في دماغي دي وحيد ولازم يبقى له سند وضهر
انتي حره بس ما ترجعيش ټعيطي بعد ما ولدك يزهق من المشاكل بسببك ويهام ملك ويعاود البندر ثاني احمدي ربنا انه هياجي وهيعيش ويانا هو وبناته ومرته وسيبيه اسمعي نصيحتي يا مجيده ما تفتحيش بيبان الڼار عليكي وما هتقدريش تسديها واصل ولدك عاشق لمرته والعاشق عمره ما يجرح ولا يخون ابدا
مرت الايام بعد ما قاسم سافر وقاعد هو ومراته بيتكلم معاها في موضوع مرواحهم البلد واستقرارهم هناك
دلوقتي يا زينه خلصت مدارس البنات ونقلتهم هناك جهزي حالك علشان هنسافر بلدي زي ما كنا متفقين قبل الجواز
اتخضت زينه من الكلام اللي قاله وكانها اول مره تسمعه
كلام ايه اللي بتقوله ده يا قاسم ازاي تعمل كده من غير ما تعرفني ومن غير ما تديني اشاره من قبلها هو احنا مش متفقين ان كل حاجه بالرضا بنا احنا الاتنين
حوصل ايه لغضبك دي كلاته احنا متفقين اتفاق هيمشي مهما طال الزمن وانتي عارفه اني وحيد امي وابوي ولازمن هعاود لهم في يوم من الايام واني ما خدعتكيش يا بت الناس اتفقت معاكي من اول ما تقدمت لك ووافقتي انتي واهلك وهملتك تاخدي فرصتك وتأهلي نفسك انك تاجي تعيشي مكان ما جوزك هيعيش اظن ما فاجئتكيش يعني واصل
لا يا قاسم انت ما سبتنيش علشان تديني فرصه انت قلت اديني قاعد باخد الماجستير والدكتوراه واعملها لها بجميله ودلوقتي جاي تفاجئني بعد ما البنات خدت على عيشه مصر والقاعده هنا مش هتتحمل جو الصعيد احنا بقى لنا تسع سنين قاعدين هنا وانا قلت انك خلاص صرفت نظر لما لقيت انا والبنات مستريحين هنا تقوم تفاجئني مره واحده وتتصرف من غير ما تعرفني وكاني ما ليش لازمه بالنسبه لك وكمان هبلغ امي اني خلاص هفارقها واسافر مره واحده كده ازاي وانت عارف انها ما تقدرش تستغنى عني
كنت حتما لازم هعاود وانت عارفه مهما طال الزمن لازم هرجع لعيش ابوه وامي اللي ما لهمش غيري امك حداها واد واتنين وبنتين كمان غيرك اما اني امي ملهاش غيري هي وابوي ومروحنا للصعيد واستقرارنا هناك امر واقع لابد منه سواء اتاجل سنه ولا تسعه زي ما هتقولي مسيرنا هنروح ونستقر هناك
اه قول بقى ان انت في مرواحتك الاخيره دي يا قاسم امك ما بطلتش زن على دماغك علشان تجيبني انا والبنات ڠصب ونروح نعيش هناك في اخر بلاد المسلمين وانت عارف ان احنا صعب نعيش هناك طب مش عليا انا يا سيدي على بناتك اللي اتاقلموا على العيشه هنا ما رعيتش حاجه زي دي يا قاسم
بناتي لسه صغار ما يعرفوش حاجه واصل ولازمن يكبروا في حجا جدهم وجدتهم وبعدين هم هيحبوا البلد وهيحبوا المرواح هناك ما هتشوفيش لما بنكون هناك بيبقوا عاملين كيف
وبعدين فيها ايه لما امي تطلب مني اني اعاود وكفايه علي اكده غربة هي تعبت علي وربتني وكبرتني وفي الاخر اهملهم لحالهم هي وابوي وهم ما لهمش غيري اعقليها يا بت الناس دي انت خاېفه على شعور امك وانتي بنت مسيرك لبيت جوزك وتروحي معاه مهما كان فما بالك بقى اني ولدهم الوحيد اللي ما لهمش غيري
كنت اصبر شويه يا قاسم وما تتسرعش وتسحب ورق بناتنا من المدرسه كنت سيبهم يخلصوا السنه وبعدين نشوف هنعمل ايه ونتناقش في الموضوع ده كتير انت عارف يعني ايه تنقلنا من مكان لمكان بالسهوله دي في نظرك دي حاجه صعبه قوي يتحملها مره واحده كده لازم ناهل نفسنا ليها وبعدين نفكر ونرتب
هستنى ايه اكتر من تسع سنين يا زينه مش كفايه بعيد عن امي وابويا السنين دي كلها انتي اللي لازم تفكري كويس انك ما ينفعش تعصي اوامري انا ما بقولكيش هروح ارميكم في الڼار انا هروح بلدي اني وانتي وبناتي المفروض تشجعيني مش تشيليني الهم وذنب انك ما هتستريحيش هناك بصراحه الموضوع ده هيضايقني قوي منك اعملي حسابك سفرنا كمان اسبوع دبري فيهم احوالك يا زينه عشان امر السفر لا مفر منه
يعني ايه هي قاسم هو الموضوع قوة واقتدار وكل حاجه تمشي على كيفك وانا ما ليش راي ولا لي لازمه بالنسبه لك تراعي شعوري في اني عايزه وقت كفايه اني ااهل نفسي لمرحله جديده في حياتي انا والبنات مش واخده عليها
اظن انا اديتك وقت كفايه سنين بحالها مش عايز افتحك عشان ما ازعلكيش لكن خلاص ما بقتش قادر اتحمل عڈاب الضمير في بعادي عن امي وابويا اللي ما لهمش غيري للمره المليون هقولها لك واحده وتحطيها في دماغك انا ما هملش امي وابويا ثاني يا زينه فبلاش تعملي خناق على الفاضي علشان سافرنا بعد اسبوع وده قرار ما منوش راجعه
زينه كانت متضايقه جدا من قرار قاسم اللي نزل عليها زي الصاعقه وخلاها ما بقتش عارفه تفكر ازاي ولا تعمل ايه وقدامها اسبوع بس هتبلغ مامتها ازاي ولا هتلحق تجهز هدومها وحاجاتها هي والبنات اللي هتحتاجها هناك في الصعيد وحست ان الدنيا بتلف وتدور بيها وان جنتها اللي كانت عايشاها هتتدمر وخاصه ان حماتها ست شديده قوي وعمرها ما حست منها بالحنيه ناحيتها
وراحت لمامتها تاني يوم علشان تبلغهم انها خلاص هتسافر والدتها ساكنه في الشقه اللي قصادها على طول هي اللي اشتريتها لها هي وقاسم دفع فلوسها علشان بنتها ما تبعدش عنها طالما هم كده كده هيقعدوا في مصر ودخلت وبعد ما قعدت شويه حكت لمامتها كل حاجه اول ما سمعت اتخضت
صعيد ايه اللي انتي عايزه تروحيه وتعيشي فيه إنتي والبنات ازاي وافقتي وجاية تبلغيني كمان ان انتي مسافره كمان اسبوع معنى
