طفلة صعيدي الجزء الرابع

ومن الاوضة التانية كانت واقفه ملك بفستانها الابيض الرقيق قدام مروان بابتسامه وهي بتحط البروچ اللي عليه اسمها علي بدلته السودا الانيقه

ابتسملها مروان ومسك ايديها وطلعوا من الاوضه ووقفوا جمب عصام وفريده باصين غير الاوضه التالته

سلمي…. معاذ هو انت بتحبني بجد؟!

بصلها معاذ برافعة حاجب… بتسألي سؤال غريب والله

_ لاه يا معاذ رد عليا، انت بتحبني

بصلها معاذ وضحك… لا اله الا الله، هو اني لو مبحبكيش هتچوزك ليه

_يعمي مش بتتسلي بيا

ضحك معاذ ومسك ايديها…. لا اله الا الله، يلا يا سلمي ننزل، انتِ هتجنينيني

وبعد دقايق نزلوا كلهم وسط تصفيق المعازيم وقعدوا كلهم علي طربيزة كبيرة وبدأ المأذون يكتب كتابهم.

وجمب الطرببزة كانت واقفه بتول جمب حمزة ويوسف وبتبصلهم ببسمه

_شكلهم حلو جوي يا حمزة، فكروني بنفسيا لما كتبنا الكتاب بس الفرج اني كنت مدايجه ومش رايده اتجوزك

ضحك حمزة علي كلامها… واني يعني اللي كنت رايد اتچوزك، اني وجتهل كنت فاكرك صغيرة ومش هتجدري تهتمي بيوسف بس طلعت غلطان يا بتول، واني كسبت لما اتچوزتك

بصتله. بتول بهيام وحطت ايديها علي راسها… اني بحمد ربنا ان عصام عمل فيا المعروف ديه وچوزني ليك، اني اللي كسبانه من چوازي منيك

ابتسملها حمزة وباسها علي راسها

وبعد ما كتبوا الكتاب لسه هيروح حمزة يقف مع عصام ومروان ومعاذ سمع صوت يتول وهي بتصرخ… الحجني يا حمزة، الحجني اني هولد

كل اللي حوالين الطربيزة قاموا مفزوعين، وحمزة بسرعة سندها

_اهدي يا بتول، يلا نروح ع المستشفى دلوقتي

قاموا السته مع حمزة

خرجوا كلهم من الفندق بعد ما كتبوا الكتاب

وفي المستشفى دخلن بتول توضة العمليات ووقف حمزة بمعالم كلها توتر

قرب منه عصام وحط ايده علي كتفه… متجلجش يا حمزة بتول هتطلع بالسلامه

……….

بعد ساعات من القلق والتوتر، خرج الدكتور وقال بابتسامة:

_مبروك، الام والتوأم طلعوا بالسلامه

دموع الفرح نزلت من عيون حمزة وجري دخل عند بتول

_ حمد الله علي السلامه يا حبيبتي

بصتله بتول بتعب وابتسمت…. الله يبارك فيك يا حبيبي، يلا اني رايده اشوفهم

قرب حمزة من سرير الاطفال وطلع منهم طفل وحطه في حضنها…. اول واحد وسميته ريان

بصتله بتوب وعقدت حاجبها… اني جولتلك يا حمزة علي الاسامي اللي اني رايداها

_ طب خليني اسمي الواد وانتِ سمي البت