طفلة صعيدي الجزء الرابع

عصام بصلها بهيام وهي كمان بادلته نظرات الهيام والحب

……..

وعند ملك اللي كانت قاعده جمبه في العربية

_ عارف يا مروان اني بحس وياك بالامان، بحس واني وياك ان مفيش حاچه عفشة هتوحصلي وانك هتكون دايما منجذي

بصلها مروان وابتسم… ودي حاچه تفرحني يا ملك، اني مستني اليوم اللي هتتكتبي فيه بإسمي

_ اهلي هيرچعوا النهارده علي فكرة

ضحك مروان بما ادرك تلمحيها… يرتاحوا بس النهارده واني هبجي عنديهم في الدار بكره، اول لما يضحوا هيلاجوني جدامهم بجولهم رايد اطلب يد بينتكوا وبنتي اني كمان

ضحكت ملك وشغل مروان العربية علشان يوصلها البيت

………

بعد مرور تلات ايام كانت واقفه بتول في المطبخ وبتطبخ وجمبها يوسف وكانت بتذاكره وهي بتطبخ

_يلا جول يا يوسف 10+10 بيساوي كام؟

_ 20

سقفت بتول وقربت منه وحضنته…. شاطر جوي جوي يا حبيبي

فجاة حست بتول بايد بتتلف في وسطها، بصت وراها ولقيته حمزة واللي كان باين علي ملامحه الفرحه

_خير يا حبيبي فرحان ليه، فرحني وياك، مفيش راچل هيفرح اكده الا لو اتزوچ مرة تانيه

ضحك حمزة وهو بيرفع ورقه قدامها…. حاچه احلي يا بتول، نتيچة التحليل طلعت، النتيجة ايجابية، يوسف ولدي يا بتول، ولدي اني

اتوسعت عيون بتول من الفرحة ومسكت ايده وحضنته… يوسف ولدك؟ الحمد لله، الحمد ليك يا رب

حضنها حمزة من فرحته، ومكنش مصدق نفسه، كلام محمد في الاول طلع كذب وطلع يوسف خلاص ابنه

_ ديه احنا لازمن نحتفل بالخبر ديه يا حمزة،بس مش لوحدينا واني خابرة زين كيف نحتفل بيه

بص ليها حمزة بتساؤل فقالتله بتول اللي بتفكر فيه.

……..

وبعد فترة قدام مطعم فخم وقف عندها تلات عربيات

اول عربية نزل منها مروان ولف النحية التانية وفتح باب العربية لملك ومد ايده ليها، بصتله ملك بابتسامه

_اهو يا ستي بعمل وياكي كيف الروايات اللي بتقرأها

ضحكت ملك ومشت معاه ودخلوا المطعم

ومن العربية التانية، نزلوا منها عصام وفريده وهما باصين لبعض بعشق كبير جواهم،بعد ما فتحلها عصام الباب ودخلوا المطعم

ومن العربية التالته نزل منها سلمي واخدت يوسف ودخلوا المطعم،ونزل منها حمزة ومشي خطوتين وكان مفكر ان بتول ماشيه جمبه لكنه متلقهاش، رجع مرة تانيه للعربية وفتح الباب

_ ايه يا بتول، مفكرك ماشيه چاري، ايه عاچباكي جوي العربية مش راضية تنزلي منيها؟!