طفلة صعيدي الجزء الرابع

_ وسعي اكده يا ملك في ضيوف چايين

بصتلها ملك باستغراب وفي الوقت ده سمعت باب البيت بيخبط، راحت تفتح واتصدمت لما لقت مروان واقف عند الباب وبيغمزلها وجمبه مامته وباباه

ضحك مروان علي الصدمه اللي هي فيها واداها بوكيه ورد في ايده ودخل سلم علي مامتها وباباها

وبعد شوية كان قاعد مروان قدام بابها ومامتها

_ عمي انا طالب يد بنتكوا ملك

اتكلم باباها معاه وكان مرحب جدا بيه

ملك بصتله وابتسمت بفرحه ومروان بصلها بهيام، وغمزلها

وطلب من باباها يتكلم معاها لوحدهم

_ايه رأيك بجي يا ستي في المفاجئة ديه

ملك بابتسامه وهي بتبصله في عيونه مباشرةً…. المفاجئة خدت عقلي، كيف ما انت خدت عقلي وقلبي يا مروان

ايه اللي انتِ لابساه ده، هو احنا اتفجنا علي ده؟!

قالها عصام وهو بيتنهد بضيق بعد ما شاف الفستان اللي فريده لابساه

_ما هو يا عصام عاچبني جوي، وديه الوحيد اللي حبيته

هز عصام راسه بالنفي… لاه يا فريده متجوليش عاچبك ومعرفش ايه، الفستان شفاف، هتغيريه يا فريده دلوك وهچيبلك غيره

شهقت فريده بصدمه… اغيره دلوك، انت بتهزر يا عصام خلاص الناس اچوا والمأذون كمان، يلا يا عصام خلينا نعدي اليوم

هز عصام راسه باعتراض ومسك موبايله واتصل علي واحد من اللي يعرفهم

_ابعتلي كام فستان ابيض نختار منهم وابعتلنا واحده تظبط المجاسات

قفل عصام المكالمه وبصتله فريده برافعة حاجب

_عصام احنا هنفضل مستنيين كل ديه، ما يلا ننزل وعدي اليوم

قعد عصام وهز راسه بجدية… اجعدي يا فريده

قعدت جمبه فريده واتغيرت ملامحها من الضيق وضحكت… ااه علي الغيرة يا عصام، بس اني بحب اكده

ضحك عصام وفجأة دخل مىوان ومعاه ملك وكانوا بيتخانقوا

_ كيف يا مروان تنسي حاچه مهمه اكده

_ يا ملك والله نسيته، مش مهم ديه يعني ديه مچرد بروچ عليه اسمك هو يعني هيوقف الچوازة

حطت ملك ايديها علي وسطها وبصتله بضيق…. ايوه يا مروان ديه بجي هيوجف الچوازة، البروچ ديه كان هيتحط علي البدلة بإسمي وكان هيخلي الصور جميل جوي في الصور، اني بجي مش هتچوز غير لما تچيبه.

خبط مروان كف علي كف ونفخ بغيظ… استهدي بالله اكده بلاش چنان يا ملك

وقبل ما ملك تتكلم سمعت صوت سلمي وهي داخله الاوضة وهي بتعيط، جرت عليها فريده وملك بقلق

ملك… مالك يا سلمي بتبكي اكده ليه

بصتلها سلمي بصمت وعيطتت بقهر وقلقتهم اكتر