طفلة صعيدي الجزء الرابع

حطيت بتول ايدبها في وسطها… انت مشيت عادي اكده ونسيت حاچه مهمه

حمزة باستغراب.. نسيت ايه؟!

_انت لو كنت مهتم كنت عرفت

قالتها بتول وهي باصه للجهه التانيه، ضحك حمزة علي كلامها واتنهد… واني اعرف منين انتي مدايقه من ايه مادام انتِ مش موافجه تجولي، يلا يا ستي جوليلي في ايه وبلاش بجي حركات البنات ديه

_ انت مفتحتليش الباب كيف البنات،ولا مسكت ايدي ومشيت كده لوحديك، ولا علشان خلاص متچوزين يبجي مش هتعاملني زيهم، اني مش رايده اكمل وياك يا حمزة طلجني، طلجني يا حمزة.

ضحك حمزة وحط ايده علي راسه… صبرني يا رب عليها، هرومنات حمل وطلعت عليا، تولدي بس انتِ واني هدوجك من اللي انتِ بدوجهولي، ماشي يا ستي تعالي في لاول نطلب اكل وناكل وبعدين نطلج

قال حمزة كلامه وهو بيمسك ايديها وبيضحك وبيدخلوا المطعم

……..

وفي المطعم

كان قاعد كل واحد جمب حبيبته وبببصلها بعشق الا سلمي اللي حسيت انها لوحدها، كانت بصالهم وبتبص لنظراتهم لبعض وبتتمنالهم يفضلوا مع بعض دايما لكن في نفش الوقت كانت حاسه بحاجه نقصاها وكانت بتتمني تحس بنفس احساسهم، شخص يتمنالها الرضا ترضا، يجيلها ويقف قدامها ويقولها سلمي انا بحبك، وتعيش قصة حب كانت بتحلم تعيشها وفجأة سمعت صوت رجولي من وراها

_مساء الخير يا چماعه

بصت وراها وهي حاسه ان ااصوت ده مش غريب عليها ولقيته دكتور معاذ، اللي بصلها الاول قبل ما يسلم علي الكل ويقعد، قعد جمبها بعد ما نقل الكرسي جمبها

سلمي كانت مصدومه ومتفاجئة انه اجي، وقلبها دق بعنف لما قعد جمبها، بصيت لبتول اللي بصتلها وغمزتلها، ابتسمتلها سلمي بامتنان بعد ما فهمت انها اللي جابته

معاذ بص لسلمي وابتسم… عامله ايه؟!

حطت سلمي راسها في الارض بخجل واتكلمت بصوت مهزوز… الحمد لله

وبعد فترة كان الاكل محطوط قدامهم علي الطربيزة وبعد ما اكلوا، اخد كل واحد حبيبته وطلعوا من المطعم يتمشوا الا حمزة وبتول ويوسف اللي فضلوا قاعدين

حمزة حط الاكل قدام بتول بابتسامه وهمس في ودانها… كلي يا اللي عايزة تطلقي

ضحكت بتول … ما انت مفتحتليش الباب كيف الروايات

_لو ولدنا اللي في بطنك طلع شجي ومچنون اني مش هستغرب ما اكيد هيطلع كيف امه

ضحكت بتول، اما حمزة مسك ايديها وباسها بحنان، وقرب الاكل من يوسف واكله بحنيه كبيرة

…….

وعند عصام وفريده اللي كانت قاعده تبصله ومبتتكلمش