طفلة صعيدي الجزء الرابع

هزت بتول راسها بموافقه وقرب منها حمزة ببنتهم التانيه… هتسميها ايه بجي يا ستي

بتول بابتسامه

: ليلي، هسميها ليلي، ليلي وريان.

…………..

«بعد مرور ست سنين»

يوسف…. تعالي اهنيه يا نور اني چايبلك حاچات حلوة كتيرة جوي علشان عارف انك بتحبيها

نور اللي عندها خمس سنين جرت علي يوسف واخدت منه الشنطه اللي كان ماسكها وجرت بعيد عنه

يوسف جري وراها وهو بيضحك.. بجولك تعالي اهنيه يا نور، كل يوم علي اكده؟ تاخدي الحاچات منيا وتچري

فريده وبتول كانوا قاعدين ببحضروا الاكل قدام التليفزيون وبيضحكوا علي يوسف ونور، لحد لما قرب منهم ريان

ادم…. حور مش مش موافجة تلعب ويايا جولوليلها ياخالتو فريده تلعب ويايا

فريده ضحكت وبصت لبتول: ابعدي ولادك عن بناتي كل واد منهم مختارله بت وبيحبها

بتول… اعمل ايه ولادي بيحبوا بناتك التوأم وبعدين اوعي تفتكري اني هخلي ولادي يتچوزا من برا، لاه يوسف لنور وريان لحور حتي لو انتِ مش موافجه، وليلي بجي هنشوفلها ولد من برا

فريده….لاه يوسف وريان اشجيا كيف امهم اني هختار لبناتي التنين ولاد مؤدبين اكده

بتول شهقت بصدمه من كلام فريده وجرت وراها وهي بتضحك

بتول….. اني ولادي اشجيا ومش مؤدبين، هوريكي دلوك يا فريده

فريده وهي بتضحك…. اني مجصدش انتِ فهمتي غلط، استهدي بالله واجعدي نكمل الوكل عصام وحمزة هييجوا دلوك يجتلونا لو الاكل مش چاهز

فريده قالت كده ولقيت الباب بيتفتح وعصام وحمزة بيدخلوا منه

بتول شهقت لما لقيتهم اجوا قبل ما يعملوا الاكل و استخبت ورا الباب، حمزه دخل وضحك وقرب من بتول

_ست سنين يا بتول ولسه معجلتيش وبتتصرفي كييف الاطفال،جولت انك لما تچيبي واد وبت هتعجلي بس لسه ما عجلتيش، جومي اطلعي من اهنيه

_مش طالعة انت شكلك متعصب جوي، اهدي شوية واني هطلع وهجف جدامك، اني خايفه تتعصب عليَّ

حمزة وهو بيتنهد بنفاذ صبر.. جومي يا بتول متتصرفيش كييف الاطفال اني مش هتصعب عليكي بس جومي من مكانك

حمزة قال كلامه ومسكها من هدومها وقالها وهو بيبصلها بحاجب مرفوع

حمزة….. اني كنت عارف انك مش هتعملي واكل كيف كل يوم علشان اكده چيبت واكل واني چاي، مش ناوية تعملي واكل من يدك حتي لو مرة يابتول؟!

بتول… يعني هتخلي مرتك تعمل وكل مش كفاية بهتم بأدم ويوسف لاه وكمان احضر الوكل اني تعبت يا حمزة