طفلة صعيدي الجزء الرابع

فريده… اتكلمي يا سلمي جلجتينا، معاذ حصله ايه؟!

متكلمتش سلمي في الوقت ده دخل معاذ، فبصت فريده باستغراب

_ما مروان زين اهو، امال انتِ بتبكي ليه

سلمي بدموع… نسي بوكيه الورد ومش خابر نساه فين

اتنهد معاذ وقرب منها… سلمي بطلي چنان بتبكي علشان بوكيه ورد، ما اني جولتلك هچيبلك احسن منيه

سلمي… لاه، البوكيه ديه عاجبني ومفيش منيه تاني

في الوقت ده دخل حمزة واستغرب الوضع

_ مالكوا يا چماعه صوتكوا عالي، وخناجتكوا تافهه جوي، سامعكوا من برا، والله بتول العاجلة الوحيده منستش حاچه

دخلت بتول وبصت لحمزة بتزتر فقرب منها… مالك في ايه؟!

بتزل بتوتر.. اني بس نسيت اچيب من البيت حاچه بسيطه

_حاچة ايه يا بتول، نسيتي مناديل كتب الكتاب؟!

هزت بتول راسها بالنفي وابتسمتله بفخؤ.. لاه متجلجش المناديل ويايا، نسيت حاچه تانيه

حمزة.. نسيتي ايه

_نسيت اچيب يوسف

قالتها بتول وهي بتفرك ايديها بتوتر من ردة فعل حمزة

بصولها الجميع برافعة حاجب، اما حمزة خبط كف علي كف… نسيتيه كيف يعني يا بتول؟!

_ مش خابرة كيف يا حمزة بس انت خابر زين عاد، اليوم كله ضغط وفي تلات چوازات وبعدين اني واحده حامل في الشهر التاسع، اكيد ممكن انسي حاچات

اتنهد حمزة وبص لعصام ومعاذ ومروان… اني بجول يا چماعه متتچوزوش احسن وسيبوا البنات علشان حوارتهم كترت، وبعدين هو اني اخد ايه يعني من الچواز ما انتوا شايفين اهو.

قال حمزة كلامه وطلع من الأوضة اللي في الفندق اللي هيعملوا فيه كتب الكتاب وطلع وراه الرجاله وسابوا البنات

بتول خبطت رجليها في الارض بغيظ… بجي اكده يا حمزة، ماشي لما اولد بس مش هيحصل زين

ملك…. احنا اللي حوارتنا كترت!!!

بتول… والله يا يا جماعه اني خايفه اولد اهنيه، اني جعد اجولكوا من شهور بلاش نعمل كتب الكتاب دلوك غير لما اولد بس مسمعتوش كلامي

فريده طبطت عليها وطمنتها… متجلجيش وحتي لو الچوازات اتأجلوا كله يهون علشانك يا حبيبت جلبي

………..

بعد فترة كان الفندق مليان بالناس اللي جايين يشوفوا العرسان التلاته ويباركولهم

نزلت من اول اوضة فريده واللي كانت لابسه فستان ابيض فخم وعليه الطرحه البيضا الطويلة وماسكه في ايد عصام اللي ببصلها بنظرات كلها عشق

وهمس في ودنها… مش جولتلك الفستان التاني ديه هيبجي احلي جوي عليكي

ابتسمتله فريده بحب وهزت راسها بالايجاب ووقفوا علي السلم مستنيين الباقي