احتل وجداني دودو محمد
-انتوا بتعملوا ايه فى أوضى ومين انتم اصلا
سقطت الورقه من يد شروق على الأرض التفت له بتوتر وقالت بأسف
-ا ا انا اسفه بنتى دخلت هنا من غير ما احس بيها
اقترب إليها وقال بتساؤل
-مين انتى اصلا !؟
ابتلعت ريقها بتوتر وقالت
شروق :-ا ا انا شروق الجليسه الجديده
نظر لها نظره مطوله ثم قال بضيق
-اتفضلى خدى بنتك واطلعى من الاوضه ومحدش فيكم يدخل هنا تانى فاهمه
اومأت رأسها بالطاعه وحملت ابنتها وقالت
شروق :-ا ا انا اسفه لحضرتك
وتحركت باتجاه الباب
تكلمت سريعا بطفوليه وقالت بأعجاب
شمس :-عمو حضرتك رسمك حلو اوى أنا كمان بحب الرسم
أغلقت عينيها بضيق وقالت
شروق :-عيب يا شمس خلاص
تكلم سريعا وقال بنبره هادئه
-نزليها لو سمحتى
التفت له بتوتر وقالت
شروق :-مش عايزه أزعج حضرتك
حرك رأسه بالنفى وقال
-مافيش ازعاج نزليها
مالت بجسدها وانزلت ابنتها على الأرض
جث على ركبتيه حتى يكون بمستوى الطفله وابتسم لها وقال
-تعالى قربى متخافيش
تحركت إليه سريعا ووقفت امامه
حرك يده على وجهها وقال بتساؤل
-انتى اسمك شمس !؟
حركت رأسها بالتأكيد وقالت
شمس :-ايوه وانت اسمك ايه
ابتسم لها وقال بنبره هادئه
-اسمى رحيم وبحب الرسم اوى زيك
ثم أمسك الورقه من على الأرض وقال
-حتى بصى
لكنه أتصدم عندما وجد اضافات على رسمته نظر لها بأستغراب وقال
-مين اللى كمل الرسمه دى
ابتسمت له وقالت
شمس :-انا
نظر لها بأعجاب وقال
رحيم :-تعرفى انك شاطره اوى والرسمه بتاعتك جميله اوى اوى وخلت شكل رسمتى احلى من الاول
تعالت ضحكاتها الطفوليه وقالت
شمس :-عارفه
قبل وجينتها وقال بحب
رحيم :-يا واثق من نفسك انت يا عسل
ابتسمت على كلماتهم ثم تذكرت أوامر شريفه وخديجه اقتربت من ابنتها سريعا وحملتها بتوتر وقالت
شروق :-عن اذن حضرتك انا لازم امشى
وركضت سريعا إلى الخارج وغادرت المكان
نظر إلى أثرها بأستغراب ونزع سترته والقاها على السرير، بدل ملابسه ثم اتجه إلى غرفة والدته دلف إلى الداخل وابتسم لها وقال بنبره حنونه
رحيم :-خدوج حبيبت قلبي واحشتينى
جلس بجوارها وقبل رأسها
نظرت له بأستغراب وقالت بتساؤل
خديجه:-انت كنت بتتكلم مع حد بره دلوقتى
نظر لها بتوتر وقال
رحيم :-ها ل ل لا طبعا محدش موجود فى البيت اصلا
نظرت له بعدم تصديق وقالت
خديجه :-جايز
ابتسم لها بحب وقال بتساؤل
رحيم :-مقولتيش ايه رأيك فى الجليسه الجديده مرتاحه معاها ولا لا
