حب غير مسموح الجزء الثاني

الحلقة الرابعة والعشرون
ف اليوم التالي ف الصبح بدري
باب شقة شمس يخبط
تروح تفتح الباب هتلاقي علبة حمرا جميلة ملفوفة بشريطة كبيرة لونها روز
شمس فتحتها لقت جواها علبة قطيفة
هتفتحها هتلاقي اسورة فضة جميلة اوي
هتفضل تدور لحد ما تلاقي كارت
مكتوب فيه
“الي حبيبتي وزوجتي المستقبلية شمس ….الي نورت حياتي وخلتها كلها فرحة ….بحبك اوي وصدقيني دي اقل حاجة ممكن اقدمهالك ويارب تعجبك…انا سافرت انهارده الفجر اسكندرية انا وماجد ومعتز وراجع بكره ان شاء الله وهبقي اكلمك من هناك….بحبك”
امضاء:نادر محمود يحيي!!!!
شمس ماخدتش بالها من اسمه الثلاثي
شـمــس بفرحة:الله دي علشاني انا؟؟؟ربنا يخليك ليا يا نادر…انا مش مصدقة نفسي هو انا بحلم ولا ايه
شمس جريت علي جوه شقتها وكانت طايرة بالهدية والكارت
وسلمي فتحت الباب وصحيت وهي بتتاوب
سلمي:ايه يابنتي مالك؟؟هو مين الي كان علي الباب؟
شـمــس بفرحة:بصي نادر جابلي ايه؟؟وبصي كده الكارت ده
سلمي قرات الكارت وجت عند اسم نادر الي ف الاخر وبرقت وبلمت
شمس تلاحظ
“ايه يابنتي ؟؟؟مالك؟؟؟بلمتي كده ليه؟”
سلمي بارتباك:لا …لا ابدا مفيش
شـمــس بابتسامة:هاا ايه رايك بقي؟؟رومانسي اوي صح؟؟
سلمي بحزن:جداً…ربنا يسعدك يا شمس
شـمــس:ياااا رب ويعينك انتي كمان
سلمي بحزن:لا انا….انا حاسة اني خلاص بضيع
وبدات سلمي تعيط والضحكة الي كانت علي وش شمس اختفت تماما وبدات تحضنها وتهدي فيها
شـمــس:متقلقيش هنلاقيه وخالك مش ساكت
سلمي بعياط:يااا رب…انا هدخل بقي اكمل نومي علشان اصحي اذاكر
شـمــس بحنان:ماشي يا حبيبتي…يلا روحي
سلمي دخلت اوضتها وفجاة افتكرت موضوع اسم نادر الثلاثي
سلمي ف سرها:نادر محمود يحيي؟؟؟واخوه اسمه ماجد؟؟؟ازاي شمس ماخدتش بالها؟؟؟معقول يكون…….لالالالا ايه التخريف ده اكيد تشابه اسماء
———————————–
شمس دخلت الاوضة وهي فرحانة اوي
يرن هاتف شمس المتصل مصطفي و ترد شمس علي الموبايل
مصطفي بفرحة:عندي ليكي مفجأة
شـمــس بفرحة:خير يا خالي؟؟
مصطفي:قدرت اعرف عنوان الواد بتاع موضوع سلمي وشوية معلومات عنه
شـمــس باندهاش وسعادة:بجد؟؟؟؟؟؟؟؟؟؟
مصطفي:اه والله …انا فضلت بايدي وسناني لحد ما عرفت اوصل لمعلومات عنه
شـمــس: الحمدلله …الف حمد وشكر…حلو اوي اوي…هااا اديني بقي الي عرفته عنه
مصطفي:بصي يا ستي ساكن ف 6 شارع(……….)ف حي(……….) الدور الرابع شقة 2
شـمــس:يااااا تصدق يا خالي ان الواطي ده ساكن قريب اوي من نادر
مصطفي:بصي ياستي ….كمان خريج كلية اداب دفعة السنادي
شـمــس:اه دي معروفة….غيره
مصطفي:انا معرفتش اجيب رقم موبايله الشخصي بس عرفت اجيب رقم البيت
شـمــس وهو بتاخد ورقة وقلم
“ايوة ها مليني”
مصطفي:اكتبي عندك (…………)
شمس:تماااام خلاص كتبته…ها ف اي حاجة تانية؟؟
مصطفي:لا مفيش…خلاص كده
شـمــس:طيب تمام …انا هروح بقي افرح البت سلمي لحسن دي كانت بتعيط من شوية
مصطفي:عبيطة…فاكرة اننا مش هنعرف نعطر بيه…ده علي طول جبت كل معلومات عنه وباذن الله كله هيبقي تمام بس تركز علشان امتحاناتها
شـمــس:حاضر يا خالي وربنا المعين….سلام
مصطفي:سلام
وتغلق شمس الخط
شمس راحت اوضة سلمي
شـمــس:سلمي يا سلامة….اصحي يابت
سلمي بنوم:ف ايه يا شمس؟؟
شـمــس بفرحة:خالك جاب قرار الواد خلاص وهتفرج
سلمي بفرحة:بجد؟؟؟؟
شـمــس:امال مصحياكي اهزر معاكي….يلا يابت فزي علشان نشوف هنعمل ايه؟؟معانا عنوانه ورقم تليفونه الارضي…هااا عندك خطة؟؟
سلمي:مش عارفة
شـمــس:الله؟؟؟امال مين الي يعرف؟؟؟
سلمي:طيب سبيني بس اهدي علشان اعرف افكر
شـمــس:تتصوري انه ساكن قريب من نادر
سلمي بخضة:هاااا غريبة
شـمــس:عادي يعني مش دي قضيتي دلوقتي المهم هنتصرف ازاي؟؟
سلمي كانت لسه هتتكلم قاطعها رنة تليفون شمس
و ترد شمس علي الموبايل
شـمــس:زعلانة منك
نادر:ياساتر يارب من اولها كده
شـمــس:ايوة…كده بردو تسافر ومتقوليش
نادر بحنان:معلش يا شمس سامحيني انا ملحقتش والقرار كان مفاجا
شـمــس بدلع:خلاص محصلش حاجة
نادر بابتسامة:بجد؟؟؟؟
شـمــس:اممممممم
نادر:انتي عارفة انا قاعد فين دلوقتي؟
شـمــس بشغف:فين؟
نادر:قاعد انا واخواتي علي البحر
شـمــس:الله…بجد؟؟
نادر:اه…طب استني هتصور انا واخواتي علي البحر وابعتلك الصورة…ماشي؟
شـمــس:ماشي
نادر:دقيقة وهبعتهالك…سلام دلوقتي
شـمــس:سلام
وتغلق شمس الخط
سلمي:ده نادر؟؟؟
شـمــس بفرحة:اه…بيكلمني من اسكندرية
صوت ارسال رسالة علي تليفون شمس
شـمــس:استني ده بعت صورته هو واخواته علي البحر
شمس فتحتها وبصت فيها وهي مبسوطة اوي علشان شافته
شـمــس وهي بتشاور عليهم ف الصور:الله بصي كده….ده نادر…وده معتز…وده ماجد!!!!!!
سلمي اول ما شافت الصورة فضلت مبرقة ومبلمة ودمعة نزلت من عنيها لانها شافت ماجد جنب نادر وجنبهم اخوهم معتز
وشمس بقت مخضوضة ومش فاهمة سلمي وشها اتغير كده ليه
شـمــس بخضة:ايه؟؟؟ف ايه؟؟؟
سلمي فضلت بصة للصورة وتبص ل شمس وهي ساكتة
شـمــس بزعيق:ما تتكلمي….هو انتي توقفي قلبي من الخضة وتسكتي ومتنطقيش!!!فيه ايييه؟
سلمي بعياط:مفيش انا بس فرحنالك اوي يا شمس
شـمــس بارتياح:اووووف يا شيخة وقعتي قلبي انا قولت حصل مصيبة
سلمي وهي بتمسح دموعها:مفيش صدقيني …انا بس عايزة انام
شـمــس:طب مقولتليش هنعمل ايه ف موضوع…..
سلمي مقاطعة بعصبية:يا شمس اطلعي بره قولتلك عايزة انام
شـمــس ببرود:براحتك…عن اذنك
وتخرج شمس
سلمي بعياط وهي بتقفل الباب
“يا نهار اسووود بقي الي عمل فيا كل ده يبقي اخو الي شمس بتحبه وهتتجوزه”
سلمي وهي بتهدي:لالالا انا مستحيل اسكت ومستحيل اتكلم ومش عارفة اعمل ايه بس؟؟؟اعمل ايه؟؟؟؟ومقدرش حتي احدد رد فعل شمس لو عرفت….طب اعمل ايه بس؟؟؟
———————————–
شمس ف اوضتها متعصبة
“يوووو انا مش فاهمة البت دي جرا ف مخها ايه؟؟المفروض انها لما تعرف ان خلاص عرفنا سكة الواد الي اتنيلت اتجوزته عرفي …تفرح مش تتعصب وتزعق…انا لازم اتصرف
شمس طلعت تليفونها وجابت الورقة الي كاتبة فيها الرقم الارضي بتاع بيت ماجد
شمس جاية تسجلة مكنش عايز يتسجل لانه متسجل مرتين
شـمــس باندهاش:غريبة؟؟؟ده متسجل قبل كده…ده متسجل باسم نادر بيت!!!!!!!
شمس اتصلت ب مصطفي ويجيب مصطفي علي الهاتف
مصطفي:الووو
شـمــس:الوو ايوة يا خالي معلش اسفة علي ازعاجك
مصطفي:لا ولا يهمك يابنتي
شـمــس:ممكن بس تمليني رقم الولد تاني؟
مصطفي:حاضر…اكتبي عندك
شمس بدات تبص للرقم وتراجعه لقيته هو هو
شـمــس بارتباك:شكرا يا خالي….مع السلامة
وتغلق شمس الخط
شمس مبلمة ومش مستوعبة اي حاجة وقررت انها تتصل بالرقم
اتصلت بيه لقت جرس بس محدش بيرد
شـمــس:لالا ف حاجة غلط …طب انا هتصل ب نادر
شمس اتصلت ب نادر
ويرد نادر علي الموبايل
نادر بنوم:الووو
شـمــس:معلش يا حبيبي انا اسفة اني صحيتك من النوم
نادر:لا ابدا يا شمس ولا يهمك…خير ف حاجة؟؟
شـمــس:نادر معلش ممكن تديني رقم الموبايل الارضي بتاع بيتك
نادر:حاضر…بس عايزاه ليه؟
شـمــس:عادي يعني علشان يبقي معايا
نادر:ماشي خدي عندك يا ستي الرقم اهو(……………)
شمس راجعت الرقم مع نادر لقته هو هو نفس الرقم
شـمــس بهدوء:نادر ممكن تديني عنوانك بالظبط؟؟
نادر:حاضر…اكتبي عندك…6 شارع(……….)ف حي(……….) الدور الرابع شقة 2
شـمــس باندهاش وصدمة وهي مبلمة:ماشي يا نادر….شكرا….سلام
نادر:سلام
ويغلق نادر الخط
نادر بابتسامة وحب:بتتصل بيا علشان تاخد مني رقم البيت الارضي….هههههههه مجنونة بس بحبها
شمس ف بيتها قاعدة وحاطة ايديها علي دماغها ومش عارفة تفكر وخايفة يطلع الي ف دماغها صح
فضلت قاعدة لحد ما عنيها جت علي الكارت الي نادر بعتهولها مع الهدية
شـمــس بصوت مسموع:امضاء:نادر محمود يحيي
Flash back>
شـمــس:يا خالي انت جي تحلم هنا …هنلاقي الزبالة ده فين؟اذا كنا ولا عارفين رقمه ولا عنوانه
مصطفي بذكاء:من اسمه
شـمــس:اسمه؟؟؟صحيح هو اسمه؟
مصطفي وهو بيفتكر:اسمه….اسمه…ايوة افتكرت اسمه “ماجد محمود يحيي”
Back
Flash back>
نادر:احم ده ماجد اخويا خريج كلية اداب وده معتز اولي ثانوي السنادي
شـمــس باندهاش:اداب؟؟انا اختي سلمي تانية ادب
ماجد بحزن:سلمي؟
شـمــس باندهاش وهمس:اه….نادر ادخل بقي اعرفك علي خالي واقعدوا علشان تتفقوا
Back
شـمــس بصدمة:مستحيل….ده مستحيل….نفس الاسم ونفس العنوان ورقم الموبايل الارضي وعنده اخ اسمه ماجد
شـمــس جالها انهيار وقعدت تعيط وفهمت ساعتها ليه سلمي اتغيرت وبقت بتعيط لما شافت صورة نادر مع اخواته
شـمــس بعياط شديد وعصبية وصدمة:مستحيييييييييييل….مستحيييل …لالا…مستحيل تكون اختي ….لاااااا
سلمي ورضوي دخلوا عليها الاوضة بسرعة اول ما سمعوها بتعيط وبتصرخ
سلمي و رضوي بخضة:مالك يا شمس؟؟؟فيه ايه يا شمس؟
شـمــس وهي بتمسك سلمي من كتفها بعياط وصدمة:انتي عارفة الي انتي حامل منه ده يبقي مين؟؟؟
سلمي بعياط واستسلام:عارفة…يبقي ماجد اخو نادر!!!!
شـمــس بعصبية وعياط:ولما انتي عارفة مقولتليش ليه؟؟؟؟هااااا منطقتيش لييييه؟؟؟
سلمي:خوفت يا شمس…مكنتش عايزة اكسر قلبك وكمان لاني مكنتش متاكدة
شـمــس وهي مصدومة وبتمسح دموعها:بس انا اتاكدت بنفسي…كل حاجة بتاكد ان هو ده واكبر دليل علي كده انك لما شوفتي صورته عرفتيه
سلمي بعياط:والعمل؟؟؟؟
شـمــس بثقة وحسم:نادر لازم يعرف واخوه لازم يتجوزك يعني لازم يتجوزك وادام قدر يسمح لاخوه انه يتجوز عرفي يبقي مينفعنيش
سلمي بعياط:يا شمس ما يمكن مكنش يعرف
شـمــس بثقة:مستحيل اصدق انه مكنش يعرف….ايا كان خلاص جوازي انا وهو مستحيل يتم!!!!!
سلمي:لا يا شمس اوعي تعملي كده…حرام عليكي نفسك انتي بتحبيه وهو بيحبك بلاش تضحي التضحية الكبيرة دي ارجوكي
شـمــس:دي مش تضحية ده امر واقع ….اول ما يرجع من السفر انا لازم اوجهه بالحقيقة ايا كانت النتيجة….سبوني ف حالي دلوقتي
وتخرج سلمي ورضوي من الاوضة
شمس انهارت وبدات تعيط بحرقة ومكنتش عارفة تعمل ايه!!
مقدرتش تنام ابدا طول الليل وهي عمالة بتفكر ف المواجهة الي هتحصل بينها وبين نادر بكره
فا قررت انها تكلم خالها وتحكيله علي كل حاجة
شمس بتتصل ب مصطفي ويجيب مصطفي علي الهاتف
شـمــس:الووو ايوة يا خالي…انا عايزاك تجيلي حالا
مصطفي:خير يابني؟؟ف ايه؟؟قلقتيني
شـمــس:ارجوك يا خالي تعالي وانت هتفهم كل حاجة مش هينفع ف الموبايل
مصطفي:طيب انا جيلك اهو…سلام
شـمــس:سلام
ويجي مصطفي
مصطفي بلهفة:ايه يابنتي خضتيني….حصل ايه؟؟؟خلتيني جيت علي ملا وشي
شـمــس:معلش يا خالي انا عارفة اني قلقتك بس الموضوع مهم اوي
مصطفي بقلق:خير؟؟
شـمــس بعياط:الي سلمي حامل منه يبقي…….يبقي
مصطفي بقلق:يبقي ايه؟؟؟؟
شـمــس بعياط وانهيار:يبقي ماجد اخو نادر
مصطفي بصدمة:ايه؟؟؟؟اخو نادر؟؟؟
شـمــس هزت راسها وهي بتعيط
مصطفي بحنان:طب….طب اقعدي يا بنتي وهدي نفسك العياط مش هيحل حاجة
شـمــس بعياط:انا مش عارفة اعمل ايه؟؟؟هي مالها مقفلة معايا كده ليه ياخالي؟؟؟هو انا عملت حاجة وحشة علشان يحصلي كل ده؟؟؟
مصطفي:معلش يابنتي ده قدر واكيد ربنا ليه حكمة ف كده
شـمــس بعياط:ونعمة بالله…اللهم لا اعتراض
مصطفي بهدوء حزين:قوليلي….ناوية علي ايه؟؟
شـمــس وهي بتمسح دموعها:ناوية اواجهه بالحقيقة ويااما ياختار يصلح الغلطة الي اخوه عملها وينصف اختي يااما يقف ف صف اخوه
———————————–
نادر رجع من السفر هو واخواته وفتح باب الشقة
كل واحد دخل علي اوضته
قبل ما نادر يفكر يتصل ب شمس لقاها بتتصل بيه
مصطفي:يابنتي فهميني بس ناوية تقوليله ايه؟
شـمــس بهدوء وصوت ناحب:هخليه يجي عندنا….انت بس جهزلي ورقة الجواز
مصطفي باستسلام:حاضر
ويقوم مصطفي
يرد نادر علي الموبايل
“حبيبة قلبي…عرفتي منين اني رجعت من السفر؟؟؟”
شـمــس ببرود:ابدا اصلك قولت انك راجع انهارده خمنت انك ممكن تكون وصلت وحتي لو موصلتش مش هو ده الموضوع
نادر باندهاش وقلق:مالك؟؟صوتك متغير
شـمــس ببرود:مفيش…نادر معلش لو مش هيعطلك عايزاك تجيلي حالا
نادر باندهاش:حالا؟؟؟؟
شـمــس:اه وياريت تيجي لوحدك كمان
نادر ببرود:حاضر….مسافة السكة وهكون عندك….سلام
شـمــس:سلام
وتغلق شمس الخط
سلمي تدخل عليها
“ممكن تقوليلي بقي ناوية تعملي ايه؟”
شـمــس بعصبية:اسكتي انتي ملكيش دعوة ولا تدخلي واتفضلي بقي بره من هنا
سلمي بخوف:حاضر انا خارجة
وتمشي سلمي
شمس مقدرتش تتحمل اكتر من كده وحطت ايديها علي دماغها وفضلت تعيط لحد ما دخل مصطفي اوضتها وحط الوقة قدام وشها وهي قاعدة
مصطفي بهدوء وحزن:الورقة اهي
شمس اخدتها منه
شـمــس والدموع ف عنيها:من فضلك يا خالي امشي …انا لازم اواجه لوحدي
مصطفي بحنان:هتقدري؟؟
شـمــس بثقة:هحاول
مصطفي:براحتك…مع السلامة
شـمــس:مع السلامة
ويمشي مصطفي
بعد ربع ساعة
نادر بيخبط علي باب الشقة وتفتحله شمس
نادر بسعادة وفرحة:خير بقي؟؟؟طلبتيني ليه؟؟وحشتك صح؟؟
شـمــس ببرود:حمدلله علي السلامة يا نادر
نادر بحزن:ايه المقابلة البايخة دي؟
شـمــس ببرود ومكر:لاااا ده احنا كده لسه مبداناش ف البواخة…البواخة الاصلي جاية قدام يا نادر
نادر باندهاش:مش فاهمك….وضحي كلامك
شمس طلعت الورقة وحطيتها ف وشه
شـمــس بعصبية وعياط:ممكن تبص ف الورقة دي….ممكن؟؟؟
نادر كان خايف اوي ومستغرب من اسلوبها واخد الورقة بهدوء وقرا الي فيها ولما جه عند امضة اخوه ف الاخر فضل متنح ومبلم وبيبص ف الورقة بهدوء وهو مصدوم
شـمــس بعياط خفيف:اظن كده بقي انت فهمت….صح؟
نادر بهدوء وصدمة:بالعكس…انا حيرتي زادت زيادة….ايه ده؟؟؟
شـمــس بعصبية:انا الي بسالك ايه ده؟؟؟؟ازاي اخوك المتربي المتعلم يتجوز بنت عرفي من ورا اهلها لا ومش كده وبس كمان يسبها لما تحمل ويتخلي عنها!!!!!
نادر بصدمة:انتي….بتتكلمي بجد ولا بتهزري؟؟؟اخويا انا…يعمل كده؟؟
شـمــس بعصبية وعياط شديد:انا بتكلم جد ومبهزرش…اخوك ضحك علي اختي واتجوزها عرفي من ورنا وكان معشمها بالجواز بعد التخرج ولما اراد ربنا انها تحمل قالها انه هيتجوزها بعد ما يتخرج واتخرج وغير رقم تليفونه ومكنتش تعرفله عنوان وفضلنا ندور ندور لحد ما خالي عرف بيانات عنه علشان…..علشان اكتشف انه يبقي اخوووووك!!!!
نادر بتوسل ورجاء:صدقيني يا شمس والله العظيم انا معرفش اي حاجة عن الكلام ده
شـمــس بعدم تصديق:وهو معقول بردو اخوك هيخبي عنك حاجة زي دي؟؟
نادر:صدقيني انا بقولك الحقيقة وحياتك عندي يا شمس مكنتش اعرف
شـمــس بهدوء وبرود:ماشي حتي لو انت مكنتش تعرف….انا بقي مش هسكت والورقة الي معاك دي نسخة علي فكرة وانا ممكن اوديه ف 60 داهية علي الي عمله مع اختي
نادر بثقة:شمس…..انتي مش هتعرفي تعملي اي حاجة بالورقة دي وممكن اوي الموضوع كله يتقلب عليكي
شـمــس باندهاش وعصبية:ليه بقي؟؟؟
نادر بهدوء:علشان دي….. دي مش امضة ماجد!!!!!
.
.
الحلقة الخامسة والعشرون
نادر بثقة:شمس…..انتي مش هتعرفي تعملي اي حاجة بالورقة دي وممكن اوي الموضوع كله يتقلب عليكي
شـمــس باندهاش وعصبية:ليه بقي؟؟؟
نادر بهدوء:علشان دي…..مش امضة ماجد!!!!!
شـمــس بعصبية:نعم؟؟؟؟يعني ايه مش امضة اخوك؟؟؟انت هتستهبل؟؟؟
نادر بهدوء:ممكن تهدي ومتزعقيش…انا مقدر الي انتي فيه
شـمــس بعصبية وهي ماسكة فيه:انت ايه؟؟؟بتهددني ولا بتستفزني؟
نادر بعصبية:متزعقيش…اهدي علشان اعرف افهمك
شـمــس سكتت بس كانت بتبصله بعصبية شديد
نادر بهدوء:والله العظيم الامضة دي مش امضة اخويا
شـمــس بزعيق:يعني ايه بقي؟؟؟يعني اختي كدابة؟؟
نادر بهدوء وهو بيهديها:انا مقولتش اختك كدابة…بس اكيد مش هتوه عن امضة اخويا
شـمــس بزعيق:امال هتكون امضة مين؟
نادر بحسم:الله اعلم…بس صدقيني انا بحلف بشرفي ايا كان امضته او مش امضته لو اختك فعلا ليها حق انا مش هسيب حقها
نادر حطلها الورقة علي الترابيزة وفتح الباب ورزعه وراه وهي كانت متعصبة وبتعيط
طلعت سلمي من الاوضة
“ايه الي انتي قولتيه ل نادر ده؟؟”
شـمــس بعياط وهدوء:انا واجهته بالحقيقة ووريته ورقة الجواز ومتهيئلي هو ده الحل الصح
سلمي بحزن:يا شمس يعني هو نادر ممكن يقف معانا ضد اخوه؟؟؟اكيد لا طبعا
شـمس كانت بتصلها بحزن وسكتت
———————————–
نادر رجع بيته وهو مخنوق ومش طايق نفسه
ماجد كان قاعد ف الصالون مستنيه
ماجد بابتسامة وسخرية:ايه يابني اتاخرت ليه؟؟…كنت عند شمس بقي ايوة يا عم مين قدك
نادر بعصبية وزعيق:انا مش عايز اسمع ولا كلمة
ودخل اوضته ورزع الباب
نادر جوه اوضته حاطط ايده علي وشه وعمال بيعيط واعصابه كانت تعبانة
ودخل عليه ماجد
ماجد:ممكن اعرف مالك؟؟؟انت ايه اتخانقت مع شمس؟؟؟
نادر بصله بهدوء ومتكلمش
ماجد:يابني ما تفهمني مالك
نادر بهدوء وهو بيبصله بمكر:اطلع بره واقفل الباب وراك يا ماجد
ماجد بشك:ماشي
ويخرج ماجد
نادر مصدوم صدمة شديدة و قاعد بيفكر ف كلام شمس واعصابه متوترة وفي نفس الوقت مش عارف يصدقها ولا لا
———————————–
ف بيت شمس مصطفي خبط علي الباب وشمس فتحتله
مصطفي دخل بسرعة
مصطفي باعتراض:ممكن تفهميني بقي ايه الي عملتيه مع خطيبك ده؟؟؟ سلمي كلمتني وقالتلي علي كل حاجة وجيت علشان اشوف الي هببتيه…مش هو ده نادر الي قولتي بتحبيه؟؟
شـمــس بهدوء وثقة وهي بتبص ناحية سلمي:من قضلك يا خالي انا عارفة انا بعمل ايه؟
سلمي دخلت جوه اوضتها وقفلت الباب
مصطفي بهدوء:يابنتي المواضيع متتحلش بالاسلوب ده والولد احنا مشوفناش منه الا كل خير يبقي ليه مكلمتيهوش بالعقل ساعتها؟؟
شـمــس بزعيق:عقل؟؟؟عقل ايه والبنت هتتفضح ومستقبلها هيضيع….كنت عايزني اكلمه برقة ودلع واقولع من فضلك يا نادر خلي اخوك يستر علي اختي ويتجوزها رسمي؟؟؟؟
مصطفي:طب بس اهدي….هو قالك ناوي يعمل ايه؟
شـمــس بغيظ:مقالش…بس قال ان الامضة دي مش امضة اخوه
مصطفي بفزع وخضة:يعني ايه بقي؟؟؟
شـمــس:معرفش هو الي قال كده
مصطفي:ما يمكن…..
شـمــس مقاطعة:معرفش يمكن يكون صادق ويمكن بيقول كده علشان يدافع عن اخوه ويطلع اختي انا كدابة
مصطفي:لالا بس الثقة الي الواد ده كان بيكلم سلمي بيها اخر مرة تقلق وبتاكد ان ممكن يكون فيه حاجة غلط ف ورقة الجواز
شـمــس:يا خالي بالعقل كده مش امضته ازاي؟؟؟؟
مصطفي:الله اعلم بس لازم نحط كل الاحتمالات….اولا لو مش امضته فعلا…هنعمل ايييه؟؟
شـمــس بخيبة امل وحزن:مش عارفة…مش عارفة…مهو انا لو كنت اعرف منا كنت حليت الموضوع لوحدي ومدخلتكش فيه يا خالي
مصطفي بحزن:يعني مش كفاية انك عمرك ما طلبتي مساعدتي ف حاجة ومعتبراني غريب كمان ف محنتكوا دي مش عايزاي اساعدك
شـمــس بعياط وحزن:يا خالي والله ما اقصد حاجة انا كل الي بقوله اني لايصة مش عارفة يميني من شمالي….اصدقه ولا اكدبه ولا اتصرف ازاي…عقلي هينفجر يا ناس ارحموني
مصطفي وهو بيطبطب عليها:طب بس اهدي بالطول ولا بالعرض هتتحل
شـمــس وهي بتعيط:باذن الله
———————————–
نادر ف اوضته بعد تفكير طويل قرر انه لازم يتاكد بنفسه
نادر اتصل ب شمس وهي قاعدة مع خالها
شـمــس بارتباك:ده نادر يا خالي
مصطفي:طب ردي عليه بسرعة
شـمــس بتنهيد:حاضر
و ترد شمس علي الموبايل
شـمــس بتراجع:ال….الووو
نادر:شمس اسمعيني كويس…ممكن تديني رقم اختك؟؟
شـمــس باندهاش:ليه؟
نادر:معلش عايزه لغرض ف دماغي علشان اتاكد من حاجة
شـمــس بزعيق:هو انت بعد كل ده مش مصدقني؟؟؟وانا هكدب عليك ليه؟
نادر بزعيق:يا شمس افهمي الي بتتكلمي عنه ده اخويا يعني لازم اتاكد قبل ما اعمل اي تصرف مش يمكن الموضوع خدعة؟؟…خاصة ان الامضة الي علي وققة الجواز مش امضته
شـمــس باستسلام:ماشي…رقم سلمي (…………..)
نادر:تمام سجلته
شـمــس:قولي بقي هتعمل بيه ايه؟
نادر:هبقي اقولك بعدين….سلام
ويغلق نادر الخط
شـمــس بغيظ:اوووف اما نشوف اخرتها بقي
مصطفي بشغف:كان عايز ايه؟
شـمــس ببرود:اخد رقم سلمي ومرضاش يقول هيعمل بيه ايه؟
مصطفي:سيبيه نادر مش غبي نادر بني ادم ذكي جداً….وبيحبك هاااا…بيحــــــــــــــــــبك
شـمــس بحزن وزعيق:ما خلاص بقي يا خالي مش وقته دلوقتي
مصطفي بزهق:انتي حره انا ماشي….سلام
ويمشي مصطفي ويرزع الباب وراه من غيظه من عناد شمس والي بتعمله
شـمــس بغيظ وزعيق:يووووو ليه مش حاسين بيا كلكوا بتتعاملوا معايا علي اني انا الي غلطانة…..الاول بتحاسب علي ج/ريمة مرتكبتهاش ودلوقتي بتحاسب علي غلطة معملتهاش
سلمي خرجت من اوضتها
“يا شمس اهدي بقي”
شـمــس وهي بتهدي:سيبوني ف حالي وروحي شوفي مذاكرتك علشان امتحاناتك…ممكن؟
سلمي باستسلام:حاضر يا شمس
وتدخل سلمي اوضتها
شـمــس:اعمل ايه بس يارب؟؟؟انتحر علشان ارتاح من الدنيا؟؟
———————————–
ماجد قاعد ف اوضته
حد خبط علي الباب
ماجد:ادخل
ويدخل نادر بابتسامة ماكرة مفيهاش اي شك
“ماجد معلش عايز تليفونك اعمل مكالمة مهمة”
ماجد بمكر وابتسامة:آآآآه تلاقيك عايز تكلم شمس
نادر بابتسامة وخجل مصطنع:اه معلش اصل تليفوني فصل ومحتاج الموبايل ضروري دلوقتي
ماجد بابتسامة:ماشي يا عم خد الموبايل اهو بس متكترش هاا….انجز يا معلم
نادر بشك وابتسامة وهو بيبصله:ماااشي
ويخرج نادر من الاوضة
ماجد بابتسامة وسخرية:هههههههه هنيالك يا حبيب هههههه
نادر دخل اوضته بسرعة وبدأ يدور ف موبايل
نادر دور علي اسم سلمي لحد ما لقاه!!!!
وقارن الرقم الي ادتهوله شمس بالرقم المتسجل باسم سلمي لقاه هو هو
لان ماجد كان محتفظ بالارقام علي الموبايل مش الخط فا لما جه يغير الخط الارقام فضلت موجودة
ساعتها نادر فضل مبلم ومتنح واتاكد فعلا من كلام شمس
نادر بصدمة:يعني حقيقي؟؟؟حقيقي اخويا عمل كده ف بنت من بنات الناس من ورايا؟؟؟؟ويا عالم ممكن يكون ضحك علي مين غيرها
نادر دخل اوضة ماجد وحط الموبايل علي الكومودينو
ماجد بسخرية:خلصت مكلمتك يا عم الحبيب؟
نادر بهدوء وبرود:اه…خلصت مكالمتي
ماجد مسك الموبايل ودور ف السجل
“بس انت متصلتش”
نادر ببرود وغضب مكتوم:لقيت تليفونها مقفول
ماجد:قشطة ياعم…ابقي كلمها بكره
نادر يبصله بهدوء ويمشي ويسيب الاوضة وهو عمال يفكر هيعمل ايه؟
———————————–
ف اليوم التالي ف الساعة 10 الصبح
باب شقة شمس يخبط
شمس خرجت من المطبخ علشان كانت بتحضر الفطار
شـمــس:ياتري مين الي جي علي الصبح كده؟؟
تروح تفتح هتلاقيه نادر!!
شـمــس بارتباك:نادر؟؟؟
نادر:مفيش اتفضل؟؟
شـمــس بارتباك:هااا لا اتفضل طبعا
ويدخل نادر
شـمــس بقلق:خير؟؟؟
نادر وهو بيبص ف عنيها
“شمس….انا مصدقك وعارف ان اختك مستحيل تكدب علي اخويا ولا اختك ولا انتي…بس الي هيجنني ان الامضة مش امضته…انا لقيت رقمها علي تليفونه..بس مش معني كده انه اتجوزها فعلا”
شـمــس بزعيق:هو انت جي علشان تقول الكلمتين دول…انا افتكرتك جي تحل الموضوع الي اخوك السبب فيه
نادر بهدوء وتحذير:لولا اني مراعي حالتك لاخر دقيقة كنتي هتسمعي مني كلام ميعجبكيش…وزي ما اخويا غلطان اختك كمان غلطانة…محدش ملاك ف الموضوع ده كله
شـمــس بعصبية مكتوم وغيظ:قول الي عندك
نادر ببرود:لما تهدي الاول وتمسكي اعصابك…يا شمس حرام عليكي انا منمتش طول الليل
شـمــس وهي بتهدي: ماشي…انا تمام…اتكلم بقي
نادر وهو حاطط راسه ف الارض استعداد للي هيقوله
“انا عايز اقعد مع اختك لوحدنا اتكلم معاها وافهم منها كل حاجة”
شـمــس معترضة:اذا كان علي انك تقعد مع اختي مفيش مانع انما لوحدكوا لا….اسفة..انا لازم اعرف كل كلمة هتتقال وافهم كل حاجة
نادر معترض:مهو انتي وجودك مش هيخليني افهم منها كلمة…وعلي العموم خلاص مش مهم لوحدنا…اهم حاجة اقعد افهم منها
شـمــس باستسلام:ماشي
شمس ندهت علي سلمي فا طلعت من اوضتها وهي مكسوفة وقلقانة
شـمــس ببرود:نادر اخو ماجد الي ضحك عليكي عايز يقعد معاكي علشان تتفاهموا
نادر مقاطع:انا قولت نتكلم…مش نتفاهم…ف حبة حاجات لسه موضحتش بالنسبالي
شـمــس:ايا كان…اتفضلي اقعدي اما نشوف اخرتها
نادر مهتمش ل كلامها وبدا يوجه كلامه ل سلمي
نادر بهدوء:انتي….انتي تعرفي شكل اخويا؟؟؟؟
سلمي هزت راسها بقلق بمعني ايوة
شـمــس بسخرية:اكيد طبعا…مش حامل منه؟؟؟
نادر بزعيق:انا بتكلم مع سلمي…موجهتلكيش كلام يا شمس
شمس اتغاظت ومشيت علي اوضتها وسابتهم
نادر ارتاح لما مشيت لانه حس انه بكده هيقدر يتكلم مع سلمي براحتهم
نادر بهدوء:احكيلي بقي ايه الي حصل بالظبط؟؟
سلمي حكتله علي كل حاااااااااجة
نادر فضل يبصلها وهو مصدق نوعا ما ومزهول من كلامها
نادر بهدوء:طيب…الامضة الي علي الورقة جي مش امضته…والله العظيم انا متاكد انها مش امضته…هو مضاها قدامك؟؟؟
سلمي بعياط:لا…جبلي الورقتين عليها امضته جاهزة وانا مضيت علي الاثنين…واحدة معايا وواحدة معاه
نادر وفكرة جت ف دماغه:واحدة معاكي…….وواحدة معاه!!!
نادر بحنان:انتي ف الكام دلوقتي؟؟؟
سلمي بخجل:داخلة ف الشهر الثاني
نادر بحنان:متقلقيش…انا هجبلك حقك منه…بس الاول افهم كل حاجة علشان اعرف اتصرف
سلمي هزت راسها بابتسامة ونادر بصلها بابتسامة
نادر بحنان:مع السلامة…متقلقيش من حاجة..وخلي بالك علي نفسك
سلمي بابتسامة خفيفة:حاضر…مع السلامة
ويمشي نادر
شمس خرجت من المطبخ وفي ايديها صنية الشاي
شـمــس:الشا………ايه ده؟؟هو مشي؟
سلمي:اه…مشي
شـمــس بشغف:قوليلي يابت كان بيقولك ايه؟؟؟
———————————–
نادر رجع بيته بسرعة ودخل اوضة ماجد لانه عارف انه خرج ومش راجع دلوقتي وقعد يدور ف الدولاب والكومودينو وفي كل حتة لحد ما اخيرا لقي ورقة محطوطة ف حتة مخفية شوية!!!!
نادر بزهول واندهاش:معقولة هي دي النسخة الي مع ماجد؟؟؟
نادر فتحها بسرعة لقاها هي فعلا!!!!!
نادر فضل يدقق ف الامضة لقاها هي هي الامضة الي ف الورقة الي مع سلمي واتاكدت ساعتها من كل حاجة
فجاة نادر يبص بفزع وخضة ناحية الباب
يلاقي………………………..
.
.
الحلقة السادسة والعشرون والاخيرة
نادر رجع بيته بسرعة ودخل اوضة ماجد لانه عارف انه خرج ومش راجع دلوقتي وقعد يدور ف الدولاب والكومودينو وفي كل حتة لحد ما اخيرا لقي ورقة محطوطة ف حتة مخفية شوية!!!!
نادر بزهول واندهاش:معقولة هي دي النسخة الي مع ماجد؟؟؟
نادر فتحها بسرعة لقاها هي فعلا!!!!!
نادر فضل يدقق ف الامضة لقاها هي هي الامضة الي ف الورقة الي مع سلمي واتاكدت ساعتها من كل حاجة
فجاة نادر يبص بفزع وخضة ناحية الباب
يلاقي معتز واقف وبيبص عليه
معتز:انت..انت بتعمل ايه ف اوضة ماجد يا نادر؟؟
نادر بثقة وثبات:كنت بدور علي حاجة ضايعة مني
معتز بشك:ايه الورقة دي؟
نادر بزعيق:جري ايه يا معتز؟؟انت هتفتح محضر لاخوك الكبير؟؟
معتز بخوف:لا ابدا انا بس بسال مش اكتر
نادر بهدوء:تعالي يا معتز…عايز اسالك عن حاجة
معتز بيقرب من نادر بحذر وقعدوا هما الاثنين جنب بعض
نادر:معتز…انت عارف خط ماجد صح؟
معتز:اه عارفه….بتسال ليه؟
نادر:طب بص كده ف الورقة دي…قولي…ده خط ماجد؟؟؟
معتز بص ف الورقة وهز راسه بمعني لا ولكن كان مرتبك لما قرا الورقة
معتز بخضة:ايه ده؟؟؟دي ورقة جواز عرفي
نادر بهدوء وتنهيد:اه…ورقة جواز عرفي…واخوك هو الي حطنا ف المصيبة دي…بس الاول بص تاني واتاكد
معتز بثقة:انا متاكد…بس مش علشان ده مش خطه وبس…انا متاكد علشان انا شاكك ف حاجة تانية خالص
نادر باندهاش وشغف:ايه هي؟؟؟اتكلم؟؟
معتز:يعني هو موضوع معتبرتوش مهم وقتها بس هحكيلك
Flash back>
الباب خبط ف شقة نادر وماجد راح فتح الباب
ماجد:اهلا اهلا يا اتش…ازيك؟
هشام:انا تمام…ايه يابني طلبتني ليه؟؟؟انا جيلك علي ملا وشي
ماجد بهمس:تعالي بس ندخل جوه علشان انا عايزك ف مصلحة مهمة
هشام:خير؟؟
ماجد:تعالي ندخل
ماجد وهشام صاحبه يدخلوا اوضة ماجد
ماجد راح قفل الباب براحة
ماجد بهمس:بص بقي انا عايز منك خدمة
هشام:رقبتي يا معلم بس قولي ايه هي؟؟
ماجد طلع ورقتين من جيبه وحطهم علي الترابيزة
ماجد:هي حاجة سهلة جداً مش هتتعبك ف حاجة
هشام:مش فاهم
ماجد:بص يا سيدي انت هتمضي باسمي علي الورقتين دول تحت
هشام:وده ليه ده؟؟؟
ماجد:يا عم وانت مالك انت تعمل الي بقولك عليه وخلاص
هشام بقلق:شكلك بتعمل مصيبة وعايز تشركني معاك
ماجد:طيب….تاخد كام وتعمل الي بقولك عليه؟؟؟
هشام بطمع:اااه كده يبقي امضي وابصم بالعشرة كمان يا معلم…بس هتديني كام؟؟
ماجد:200 جنيه…ايه رايك؟؟
هشام بابتسامة:موافق طبعا هات وامضيلك
ماجد:ركز…هتمضي علي انك انا..هتمضي باسمي…ماشي؟؟
هشام بابتسامة:تمام…بس اوعي تكون هتنيل مصيبة؟؟
ماجد:يابني متخفش مش هيحصل حاجة…وادي ال200 جنيه اهم
هشام اخد ال200 جنيه ووحطهم ف جيبه ساعتها كان معتز بيسمعهم من ورا الباب وشاف كل حاجة
Back
نادر بصدمة وعصبية:يا نهار ابوك اسود….ده انا اخويا زعيم عصابة بقي
معتز:طب ممكن بقي تفهمني الموضوع كامل لاني لسه بردو مش فاهم
نادر حكي ل معتز علي كل الي حصل
نادر وهو حاطك ايده علي راسه من التعب
“ممكن تقولي بقي اعمل ايه ف المصيبة السودا الي اخوك حطنا فيها دي…الامضة مش امضته يعني الورقة دي بخ ولا ليها اي لازمة وصاحبه الي مضي بداله مستحيل طبعا يتكلم لانه يخاف من المشاكل…وبعدين…العمل ايه؟؟”
معتز:انا شايف انك لازم تواجهه لانه ممكن يقع بلسانه كده ولا كده
نادر:حتي ان وقع بلسانه نثبتها ازاي؟؟
معتز بابتسامة وفخر:انا عندي فكرة بمليون جنيه…شوفتها ف فيلم عربي قبل كده
نادر باهتمام:هااا قول
———————————–
شمس ف بيتها قلقانة رايحة جاية
سلمي كانت قاعدة علي الكنبة
“ممكن تهدي بقي علشان انتي خيلتيني؟؟”
شـمــس بحزن:انا قلقانة اوي ومش مرتاحة
سلمي:يابنتي سيبيها علي الله…انا واثقة ف نادر وعارفة قد ايه هو بني ادم طيب وشهم ومش ممكن يعمل حاجة تخالف ضميره ومبادئه
شـمــس بحزن وثقة:انا عارفة ومتاكدة من كده
سلمي:شمس…خفي عليه شوية…مكنش ينفع ابدا الاسلوب الي كلمتيه بيه…انتي كنتي شديدة اوي معاه ف كلامك وتصرفاتك وهو ملوش اي ذنب
شـمــس بعصبية:خلاص..خلصتي نصايح ومواعظ؟؟
سلمي ببرود:انا رايي تكلميه وتتاسفيله…الموبايل عندك
وتدخل سلمي اوضتها ببرود
شـمــس بغيظ وعصبية:اتاسفلة؟؟؟؟ده ف المشمش
———————————–
نادر وهو قاعد مع معتز بيتكلم معاه
يرن هاتف نادر المتصل شمس ويرد نادر علي الموبايل
مجرد ما نادر رد ملحقش حتي يقول الوو
شـمــس بندم:نادر انا اسفة اوي علي الطريقة الي كلمتك بيها انا كنت قليلة الذوق اوي معاك ارجوك متزعلش مني
نادر بابتسامة:ولا يهمك يا شمس…مكالمتك دي محت كل حاجة
شـمــس وهيبتفوق لنفسها بعصبية:بس لازم تفهم ان حق اختي لازم يرجع
نادر باندهاش كوميدي:بسم الله الرحمن الرحيم..انتي ايه عليكي عفريت دمه فاير كده طول الوقت…ده انتي لسه من دقيقة كنتي بتقوليلي اسفة
شـمــس بعصبية:يوووو اهو انا كده بقي
نادر بحب وابتسامة:وانا بحبك وانتي كده
شـمــس بعصبية:انت مش شايف ان الوقت مش مناسب
نادر وهو بيفوق لنفسه:اه صح صح…متقلقيش الموضوع هيتحل صدقيني…انا خلاص اتاكدت بنفسي
شـمــس ببرود:الحمدلله انك اخيرا صدقتنا…يعني مطلعناش كدابين ولا بنتبلي علي اخوك اهو
نادر:يا شمس حطي نفسك مكاني…ومع ذلك متقلقيش…كل حاجة هتتحل
شـمــس ببرود:اتمني فعلا ان كله يتحل…سلام
نادر:سلام
نادر قفل وهو زعلان وفاقد الامل ان علاقته ب شمس ترجع زي ما كانت
وبص ناحية معتز
معتز:الموضوع ده بقي مينفعش علي طول
نادر:يعني ايه؟؟
معتز:يعني لازم نستني شوية
نادر:قد ايه يعني؟
معتز بتنهيد:يومين كفاية علشان نخطط صح
نادر:تمام
معتز:اهم حاجة انت دلوقتي ترجع الورقة دي مكانها علشان ميحسش
نادر بسخرية:ياااا ده انت طلعت دماغ…اخويا رافت الهجان وانا معرفش؟؟
معتز:لا يا خفيف جيمس بوند…يلا روح رجعها
نادر قام يرجع الورقة مكان ما جابها
وماجد رجع من كليته ملقاش اي حاجة غريبة ف الاوضة وفضل اخواته يتعاملوا معاه بشكل طبيعي وعادي لحد ما عدي اسبوع وشمس كانت قلقانة وافتكرت ان نادر ضحك عليها لما وعدها ان الموضوع هيتحل فا بقت بتكره سيرته وحاولت كتير تكلمه وهو مكنش بيرد عليها
———————————–
بعد يومين
ف بيت شمس
شمس مع اخواتها وخالها وهي متعصبة
شـمــس بعصبية:وبعدين بقي…واضح ان نادر كمان ضحك علينا…ده بقاله يومين ولا حس ولا خبر وعمالة بكلمه مبيردش
مصطفي:يابنتي استهدي بالله ما يمكن بيشوف حل للموضوع وعايز يهدي من غير ضغط منك
شـمــس بزعيق:يوووو انا خلاااااص برج من دماغي هيطير…هتجنن يا خالي
مصطفي بسخرية:هو انتي لسه هتتجنني؟
سلمي ورضوي:هههههههههههه
شـمــس:عجبتكوا اوي؟؟؟وانتي ياست هانم ليكي نفس تضحكي ف البلوة الي انتي فيها؟
سلمي وشها اتقلب فجاة
مصطفي:سيبك من سلمي دلوقتي وخليكي ف نادر….انتي مش عارفة عنوانه؟
شـمــس ببرود:عارفاه
مصطفي:خلاص يبقي نروح و…….
شـمــس مقاطعة بزعيق:لا…محناش هنروح لحد احنا مش شحاتين
مصطفي:خلاص يبقي نصبر شوية كمان…محدش عارف هو بيدبر لايه
———————————–
نادر ف بيته كان عمال بيفكر وساكت ونفسيته مكنتش مظبوطة وكان مصدوم ف اخوه
نادر ف سره بتنهيد وخوف:خلاص هو ده اليوم الي لازم اواجه فيه ماجد…مينفعش افضل ف نظر شمس اني وعدتها وخليت بيها زي ما بتقول عليا دلوقتي
نادر قام ودخل اوضة ماجد
ماجد كان بيذاكر
نادر ببرود وعصبية مكتومة:ماجد….عايزك ف موضوع مهم
ماجد:معلش اصلي مش فاضي ممكن ناجله……
نادر مقاطعة بعصبية:لا…مش هناجله
ماجد باندهاش:الله؟؟انت بتزعق ليه؟؟
نادر فضل يبصله بعصبية وفجاة راح ضاربه بالقلم!!!!!
ماجد بزعيق:انت بتمد ايدك عليا؟؟
نادر بزعيق:واكسرلك دماغك كمان…لاول مرة من ساعة ما ابوك وامك ماتوا احس اني فشلت فاني اربيكوا واخليكوا رجالة بجد مش مجرد عيال صيع متعرفش الصح من الغلط
ماجد وهو حاطك ايده علي وشه:ما توضح كلامك…انا مش فاهم انت بتتكلم عن ايه؟
نادر بعصبية وغيظ مكتوم:ممكن تقهمني ايه دي؟؟؟؟
نادر طلع الورقة وحطها ف وشه وماجد ارتبك اوي وبدا يعرق لما شافها
ماجد بارتباك:ايه دي؟
نادر بعصبية:انت هتستهبل؟؟؟؟انا جايب الورقة من اوضتك ومن دولابك
ماجد بارتباك:انا معرفش عنها حاجة
نادر بعصبية:لا يا شيخ؟؟؟متعرفش عنها حاجة؟؟؟امال كانت ف دولابك بتعمل ايه؟؟؟
ماجد بثقة:بس الامضة الي عليها مش امضتي يبقي اكيد اي حد حطهالي علشان…..
نادر مقاطع:منا عارف انها مش امضتك…دي امضة هشام صاحبك الي ادتله 200 جنيه علشان يمضي بدالك وادتها للبنت المسكينة الي ضحكت عليها وهي مضت عليها وهي واثقة فيك….صح ولا انا غلطان؟؟؟؟
ماجد بارتباك وزعيق:ايه التخاريف دي؟
نادر:دي مش تخاريف…دي حقيقة…انا مكنتش اتصور ابدا ان اخويا يبقي بالحقارة دي
ماجد بارتباك وخوف:نادر هو انت عرفت منين انها حامل؟؟؟؟
نادر بحزن:انت عارف البنت دي تبقي مين؟؟؟؟
ماجد:مين؟
نادر:اخت شمس!!!
ماجد بفزع:ايه؟؟؟؟؟اخت شمس؟؟؟؟
نادر بهدوء:ايوة وهي الي عرفت بالصدفة انك اخويا وقالتلي علي كل حاجة…..ماجد البنت هتتفضح وانت ف ايدك دلوقتي تصلح الغلط الي عملته معاها
ماجد بسخرية:اتجوزها يعني؟؟؟
نادر بعصبية:طبعا تتجوزها…مش انت الي عشمتها بكده وحملتها…وجي تهرب منها وتقولها مفيش جواز
ماجد بجرأة:اه اتجوزتها وضحكت عليها وعشمتها بالجواز وخليت صاحبي يمضي بدالي علي الورقتين والي ف بطنها ده يبقي مني….ارتحت؟؟؟
نادر بعصبية:يابني حرام عليك الي عملته ف بنت الناس ده…اخويا انا يبقي زبالة للدرجادي…مش ده اخرة تعبي ف تربيتكوا بعد ما ابوكوا وامكوا ماتوا…فكر بعقلك علشان متندمش
ماجد:والله بقي اذا كان علي الي ف بطنها تنزله….اما بقي لو علي موضوع انها مدام يعني ف دكاترة كتير……..
ملحقش يكمل كلمته لان نادر لطشه بالقلم علي وشه
نادر بعصبية:هتتجوزها ورجلك فوق رقبتك
ماجد بعصبية:انا محدش يقدر يجبرني اتجوزها
نادر بثقة:ثانية واحدة
نادر طلع تليفونه وبعت منه حاجة لتليفون شمس وشمس شافتها
الحاجة دي كانت تسجيل
———————————–
ماجد بجرأة:اه اتجوزتها وضحكت عليها وعشمتها بالجواز وخليت صاحبي يمضي بدالي علي الورقتين والي ف بطنها ده يبقي مني….ارتحت؟؟؟
نادر بعصبية:يابني حرام عليك الي عملته ف بنت الناس ده…اخويا انا يبقي زبالة للدرجادي…مش ده اخرة تعبي ف تربيتكوا بعد ما ابوكوا وامكوا ماتوا…فكر بعقلك علشان متندمش
———————————–
شمس سمعت التسجيل ده اتصدمت وجريت علشان تسمعه ل اختها وخالها
———————————–
نادر بثقة:انت هتتجوز سلمي اذا مكنش برضاك هيبقي غصب عنك
ماجد:تقصد ايه؟؟
نادر وهو ماسك موبايله فتح التسجيل وسمعه ل ماجد وفضل ماجد مبرق وخايف طول ما هو بيسمع
نادر بثقة:التسجيل ده اتبعت حالا ل شمس…يعني فيه منه نسخة تانية…واذا فضلت مصمم انك متتجوزهاش انا هقدم التسجيل ده للبوليس وساعتها بقي هتتجوزها بس بفضيحة ليك وليها….هااا…قولت ايه؟
ماجد بعصبية:انت عايز تسجن اخوك علشان تطلع بطل قدام الي انت بتحبها!!!
نادر بثبات وثقة:لا…عايز اسجن اخويا علشان حق البنت المسكينة الي ملهاش اي ذنب….ذنبها الوحيد انها حبة واحد زبالة زيك
ماجد:وانا مبحبهاش ومستحيل اتجوز واحدة وافقت تتجوزني من ورا اهلها
نادر بابتسامة ومكر:بتحبها…او مبتحبهاش ف جميع الاحوال هتتجوزها علشان الي ف بطنها منك…..يااما اقسم بالله العلي العظيم انا هتصرف ف التسجيل ده واخليك تتجوزها بالبوليس
ماجد ف استسلام:انا موافق بس انا مش عايزها يعني هنتجوز وهطلقها بعدها
نادر:وهي كمان مش عايزاك تبقوا متفقين…تصلح غلطتك والواد يتكتب باسمك وكل واحد يروح لحاله
ماجد بغيظ:موافق
———————————–
شمس بعد ما سمعت سلمي وخالها التسجيل
مصطفي:بعتهولك امتي ده؟
شـمــس:لسه من 10 دقايق كده
مصطفي:علشان تصدقيني لما اقولك ان نادر جدع ومش ممكن يقف الا مع الحق
شـمــس:ما خلاص بقي يا خالي…هو بعت التسجيل انما متصلش علشان يقول ناوي علي ايه
مصطفي:اصبري شوية…ادام بعت التسجيل يبقي بكده اثبت حسن نيته…تلاقيه دلوقتي بيهدد اخوه بيه علشانك انتي واختك
شـمــس:خرجوني انا من الموضوع ده….علي العموم اما نشوف
سلمي كانت ساكتة ومتكلمتش ودخلت اوضتها بهدوء وشمس بصتلها بهدوء
بعد ساعتين بالظبط
الباب بيخبط بصوت عالي
شمس راحت تفتح الباب لقته نادر وبيبصلها ببرود وهدوء
شـمــس بزهول:ايه؟؟؟؟؟
نادر راح مادد ايده ومسك اخوه من قفاه ودخله وشمس كانت مزهولة وبعدها نادر دخل وراه الماذون
نادر بغيظ وعصبية:خش قدامي
شمس اندهشت واستغربت اوي وكانت مكسوفة منه جداً لانه مش زي ما كانت فاهمة انه ممكن يقف مع اخوه ضدهم
شمس اخدت نادر علي جنب
شـمــس بهمس:ممكن افهم بقي فيه ايه؟
نادر بغيظ:ولا حاجة زي ما سمعتي ف التسجيل واجهت ماجد بكل حاجة واجبرته انه يجي يتجوزها وجبت معايا الماذون وكلها 5 دقايق ويجي عمرو صاحبي يشهد علي الجواز معايا
شـمــس بحدة:الله الله كمان قولت لصاحبك وفضحتوا اختي
نادر بغيظ:هو ميعرفش اختك ولا يعرف اي حاجة…انا فهمته انه كتب كتاب عادي وهو جي يشهد عليه معايا
شـمــس باندهاش:انت الي هتشهد علي كتب كتاب اختي؟؟؟؟
نادر ببرود:ايوة وخالك هيبقي وكيلها
شـمــس سكتت ومتكلمتش لانها اتكسفت منه اوي ومن اسلوبها الحاد معاه
شمس دخلت اوضة سلمي علشان تقولها وسلمي طلعت وماجد فضل يبص عليها بندم وحزن وهي كانت متعمدة متوجهش نظرها ناحيته
وجه عمرو بعد 5 دقايق
نادر قام يسلم عليه
“ايه يابني اتاخرت ليه؟؟”
عمرو:معلش بقي المواصلات
نادر بقرف:طب اقعد بقي خلينا نخلص
عمرو بصلهم كلهم بابتسامة
“احم احم…الف مبروك يا جماعة”
كلهم ابتسموا ابتسامة صفرا وعمرو استغرب منها اوي ومهتمش
كتبوا الكتاب و مصطفي كان وكيل سلمي والشهود نادر وعمرو
ماجد كان جي يمضي ف الدفتر مسك القلم وهو متردد
نادر بزعيق:انت مستني ايه؟؟؟امضي!!!!
شمس طول الوقت كانت بتبص ناحية نادر وهو بيبصلها بنفس البصة المريبة
بعد كتب الكتاب
ماجد ببرود:ظن اانا كده بقي خلاص اتجوزتها ونفذت اتفاقي
شـمــس ببرود:وضح عايز تقول ايه؟؟
ماجد وهو بيبص ل سلمي بتمثيل ثبات وثقة
“انتي طالق!!!!!!”
شمس اتفزعت وسلمي من الصدمة قعدت علي الكرسي وبدات عنيها تنزل دموع
نادر فضل بيبصله وبعصبية وساكت
ماجد كان بيبص ل سلمي بشفقة وحب وفجأة فاق ل نفسه
ماجد بسخرية:ايه؟؟؟هو نادر مقلقوش انه اتفق معايا اني هطلقها ف نفس اللحظة ولا ايه؟؟
شمس ساعتها بصت ل نادر بصدمة ونادر كان مكسوف
سلمي دخلت اوضتها وهي منهارة من العياط
شـمــس بعصبية:امشي اطلع بررررره…..بررررره
ماجد ببرود:علي العموم متقلقوش….قسيمة الطلاق هتوصلها
ماجد بصها ببرود ومشي
نادر فضل واقف
شـمــس بعياط:متفق مع اخوك علشان يطلق اختي بمنتهي البجاحة والبرود قدامها…حتي مرعاش انها حامل ف ابنه وخاف علي مشاعرها وانت كنت عارف
نادر وهو بيهديها وبيمسح دموعها:صدقيني يا شمس انا حاولت احل الموضوع وده افضل حل توصلتله
شـمــس بعياط:حل؟؟؟حل يجرح قلب اختي وكرامتها؟؟؟؟
نادر:صدقيني ماجد ده طايش مش فاهم حاجة و……
شـمــس مقاطعة بهدوء والدموع نازلة من عنيها:خلاص…خلاص يا نادر….الموضوع ده اتقفل….زي ما موضوعنا اتقفل!!!!!!!
نادر بصدمة:تقصدي ايه بموضوعنا اتقفل؟؟؟
شـمــس بعياط وهدوء:بص يا نادر…كل الظروف بتقول ان جوازي انا وانت مستحيل..وانا مقدرش ابني سعادتي معاك علي حساب اوجاع اختي
نادر بتوسل والدموع ف عنيه:يا شمس حرام عليكي الي بتعمليه ده…مش معقولة بعد كل ده عايزة تنهي حبنا كده…حرام عليكي انا بحبك
شـمــس بحزن وعياط:وانا مقدرش اتجوز واحد اخوه جرح اختي وداس علي كرامتها
نادر:يا شمس اعقلي مش غلطة اتنين طايشين زي ماجد وسلمي هي الي هتفرق بينا
شـمــس وهي بتمسح دموعها بثقة:انا قولت الي عندي
شمس دخلت جابت الاسورة الفضة الي جابهالها وقلعت الدبلة وادتهاله ف ايده وهو كان زعلان اوي ومصدوم
بعدها ادتله ضهرها
شـمــس ببرود:نورت
نادر مقدرش يمسك نفسه من العياط وفتح الباب وخرج منه من غير ما يقفله
شمس راحت وراه علشان تقفل الباب وهي بتبص عليه وهو نازل علي السلم
———————————–
نادر رجع بيته وكان ماجد قاعد
ماجد بزعيق:هااا ارتحت؟؟؟عملت نفسك بطل قدام حبيبة القلب ووقفت معاها ضد اخوك
نادر بعصبية:ممكن تخرس!!!
ماجد ببرود:حاضر انا هخرس ومش هتكلم…وعيش حياتك بقي انت وست الحسن بتاعتك
ماجد وهو ماشي
نادر:ماجد!!!!
ماجد وهو بيلفله
“نعم؟؟؟؟”
نادر بهدوء والدموع ف عنيه:شمس سابتني!!!
———————————–
مصطفي مع شمس ف البيت بعد ما عرف منها انها سابت نادر
مصطفي بصدمة وزعيق:يا نهارك اسود ومنيل…..ايه الي عملتيه ده؟؟؟حرام عليكي الواد بيحبك وخلي اخوه يصلح غلطته ويتجوز البت يبقي كان ايه لازمته تسبيه؟؟؟
شـمــس:يووووو بقي يا خالي ..هو انا بحكيلك علشان تقولي الكلمتين دول؟؟؟خلاص انا اخدت قرار…وقرار لا راجعه فيه كمان
مصطفي:طب ممكن اعرف بقي ايه السبب الي يخليكي تسيبي واحد بتحبيه زي نادر؟؟؟
شـمــس بحزن:اكيد عارف ليه يا خالي
مصطفي بهدوء:عارف…..بس هو ذنبه ايه فلي عمله اخوه؟؟؟
شـمس مقدرتش ترد ومشيت وسابته
شمس ف اوضتها
شمس بتتصل ب رنا
و ترد رنا علي الموبايل
شـمــس بحزن:ازيك يا رنا؟؟
رنا بفرحة:الووو ايه مالك يا عروسة صوتك زعلان ليه؟؟؟ايه هنفرح بيكوا امتي؟؟؟
شـمــس بحزن وعياط:انا سبت نادر
رنا بفزع:نعم!!!!!شمس انتي بتتكلمي بجد ولا بتهزري؟
شـمــس بحزن:يارتني كنت بهزر
رنا بصدمة وفزع:يالهووووي….طب احكيلي سبتوا بعض ليه؟
شمس حكت ل رنا علي الي حصل
رنا:ياختييييييييييييييييي يعني الي اختك طلعت الي متجوزاه عرفي و حامل منه يبقي اخوه؟؟؟؟؟
شـمــس بحزن:ايوة ورمي عليها اليمين قدامنا من غير ما يتكسف ولا يعمل حتي حساب انها حامل وده ممكن يسببلها ضرر نفسي طول عمرها
رنا:يا شمس ايا كان….نادر ذنبه ايه ف كل ده؟؟هو يعني كان يعرف؟؟؟وبعدين مهو هدد اخوه وجابه وجاب معاه المأذون وكتب عليها يبقي فين بقي المشكلة؟؟؟
شـمــس:المشكلة ان اخوه جرح اختي…تقدري تقوليلي انا هقدر اعيش معاه ازاي سعيدة واختي كل لما هتشوفنا كده هتفتكر اخوه والي عمله….يا رنا قدري موقفي سلمي منهارة طول الوقت وبتعيط
رنا بتنهيد:انتي عارفة ايه الفرق بينك وبين نادر؟؟
شـمــس:ايه؟
رنا:انك عندك كبر انك تعترفي بحبك وبتدوسي علي قلبك وبتعذبي نفسك وانتي فاكرة انك بكده بتضحي….انما هو مهما كابر ف حبه بيعترف ف الاخر
شـمــس بزعيق:آآآآه يعني هو بقي طلع العاقل الراسي وانا العنيدة المجنونة
رنا:يا حبيبتي انا مقولتش كده…انا بس بحاول اقنعك ان نادر بيحبك اوي ومش هتلاقي حد بيحبك بجد زيه
شـمــس بهدوء:ده قرار انا اخدته ومش هرجع فيه
رنا:انا عارفة اني لو حاولت اقنعك من هنا للصبح مش هتقتنعي بس ارجووووكي حاولي….بلاش تعذبي نفسك وتعذبيه معاكي
شـمــس بحزن:سلام
رنا بخيبة امل:سلام
وتغلق شمس الخط
شمس كانت عمالة بتفكر ف نادر وبعدها قامت علي اوضة سلمي علشان تطمن عليها
سلمي كانت قاعدة ماسكة الكتاب وسرحانة
شـمــس مازحة:هو انتي هتمتحني ف شكل الحيطة ولا ايه؟؟؟ما تبصي ف الكتاب
سلمي وهي بتفوق:هااا معلش يا شمس اصلي سرحت
شـمــس بابتسامة:ولا يهمك….يلا بقي شدي حيلك عايزة تقدير كويس
سلمي بحزن:باذن الله
شـمس حاسة ان اختها زعلانة بس مش عارفة تهون عليها ازاي
شـمــس بابتسامة مصطنعة:اسيبك انا بقي علشان تذاكري….اعملك حاجة؟؟يعني شاي قهوة كركاديه…البوفيه كله تحت امرك
سلمي بابتسامة:لا شكرا….مش عايزة
شمس مشيت من اوضتها وهي صعبانة عليها اوي ف حالتها دي وبمجرد ما مشيت سلمي حطت دماغها علي الكتب وبقت بتعيط
———————————–
نادر ف اوضته
ماسك دبلة شمس ف ايده وعمال يبص عليها وهو زعلان
دخل عليه ماجد لقاه سرحان وزعلان ومبيتكلمش
ماجد:احم احم انت….انت مش هتتعشي؟؟؟؟
نادر بهدوء وحزن:مليش نفس….روحوا اتعشوا انتو
ماجد ببرود:ايه؟؟؟هتفضل حابس نفسك كده بتتفرج علي دبلتها ولا بتاكل ولا بتشرب؟؟؟؟
نادر بزعيق:اطلع بره وملكش دعوة بيا
ماجد:بقي حتة بنت زي دي تعمل فيك كده؟؟؟؟علي العموم انت حر…انت الي غاوي تقهر نفسك
نادر بصله بحزن ومتكلمش وماجد خرج من الاوضة
نادر بص قدامه وفضل يبص علي الدبلة
———————————–
ماجد ف اوضته
ماجد كان عمال بيفكر ف سلمي لكن كان بيكابر
ماجد ف سره:لا طبعا بحبها ايه….دي كانت مجرد تسلية مش اكتر…مستحيل يعني اكون حبيتها
———————————–
فضل الوضع زي ما هو
شمس كانت بتفكر ف نادر لانها فعلا بتحبه بس مقدرتش ترجعله علشان اختها
نادر رجع شركته القديمة فضلت حياته مملة مفيهاش اي حاجة ممكن تفرحه
ماجد اعترف لنفسه واكتشف اخيرا بعد تفكير انه بيحب سلمي!!!
———————————–
بعد شهر
سلمي ورضوي خلصوا امتحانتهم
مصطفي جالهم البيت علشان يسال عليهم
مصطفي بفرحة:هااا عاملين ايه؟
شمس وسلمي كانوا ساكتين ورضوي عمالة تبص عليهم
رضوي بابتسامة:الحمدلله يا خالي
مصطفي:الله مالك يا شمس؟؟مالك يا سلمي؟؟؟ف ايه؟
شـمــس بحزن:احم مفيش يا خالي احنا كويسين اهو
مصطفي فاهم كويس هما عاملين كده ليه
سلمي بحزن:ورقة طلاقي موصلتنيش يا خالي…ابقي….ابقي اتصل بيه اساله ليه موصلتنيش لحد دلوقتي
مصطفي فرح اوي بس محبش يبين قدامهم
———————————–
ف بيت نادر
نادر ف اوضته
وماجد يدخل عليه وهو زعلان
نادر باندهاش:مالك؟؟؟
ماجد بخجل وارتباك:انا….انا…مطلقتش سلمي!!!!
نادر باندهاش:ليه؟؟؟انت مش قولت هطلقها؟؟؟
ماجد بانفعال:مش قادر…مش قادر…كل لما اقول هروح للمأذون اطلقها ارجع ف كلامي
نادر بمكر:انت……………
ماجد بحزن:ايوة….انا غبي….غبي…انا باقي عليها يا نادر وعايز اعيش معاها هي وابني….انا اكتشفت اني بحبها….هي معملتليش اي حاجة هي واثقت فيا لاني حبيتها وانا خونت الثقة دي
نادر بفرحة وابتسامة:ومستني ايه؟؟؟؟؟يلا نروح نكلم خالها وتردها وتتجوزوا
ماجد بخجل:تفتكر هتوافق؟؟؟
نادر بحزن:مش عارف
ماجد:وبالمرة انت كمان…..ترجع ل شمس
نادر بحزن:لا موضوع شمس ده خلاص مفقود فيه الامل
ماجد بابتسامة:يااخي بلاش يأس …انا متاكد انها لو بتحبك فعلا هترجع….بس الي لاحظته ان راسها ناشفة شوية…محتاجة خطة
نادر:لا ابوس ايدك انا شبعت خطط
ماجد:هههههه طب اسمع احنا نكلم خالها وهو يتصرف
نادر بفرحة:فكرة بردو….ابوسك يا عم ماجد
ماجد:ههههههههه
نادر وماجد حضنوا بعض
———————————–
بعد حوالي 4 ساعات
باب شقة شمس يخبط
شمس كانت قاعدة وبتفكر وسلمي ف اوضتها
شمس راحت تفتح الباب لقت مصطفي
شـمــس:خير يا خالي فيه حاجة؟؟
مصطفي:ايه؟؟مفيش اتفضل؟؟
شـمــس:انا اسفة معلش…اتفضل
مصطفي دخل بس مقفلش الباب
شـمــس:ايه يا خالي ما تقفل الباب
مصطفي بهمس:جايبلك عريس….ومعايا دلوقتي
شـمــس بخضة وفزع:تاني؟؟؟؟؟؟؟؟؟؟؟؟تاني يا خالي؟؟؟عريس؟؟عريس ايه؟؟لالا خلاص انا مش عايزة اتجوز…انا صرفت نظر عن الموضوع ده…مشي الي انت جايبه معاك ده
مصطفي:يابنتي اهدي بس…بصراحة هو مش عريس واحد….هما اتنين
شـمــس بخضة:هاا كمان جايبلي اتنين….انت ايه يا خالي بقيت بتجيب عرسان بالجوز
مصطفي:لا يافالحة الاثنين مش ليكي…واحد ليكي وواحد ل سلمي
شـمــس:واحدة ليا وواحدة ل سلمي ازاي يعني يا خالي…لهو انت كمان دخلت سلمي من ضمن القائمة
مصطفي:يابنتي شوفيه بس وان معجبكيش يبقي ليكي الكلام
شـمــس باستسلام وحزن:ماشي….دخله
مصطفي وهو بيبص ناحية الباب:ادخل يا عريس
شمس لقت نادر دخل
نادر بابتسامة:ازيك يا شمس؟
شـمــس بفرحة وفزع:نادر؟؟؟؟؟؟
وفاق ل نفسها:لا….الي انتو بتفكروا فيه ده مستحيل
نادر بابتسامة وسخرية:بصي بقي يا ستي انا جايبلك ايه؟؟جايبلك زهرية …علشان لو معجبتكيش تديني بيها علي دماغي
الجميع:ههههههههههههههه
شـمــس بحدة:نادر من فضلك بقي الموضوع ده انتهي و…….
نادر مقاطع:استني بس مش لما تشوفي عريس اختك كمان
شـمــس بسخرية:هيكون مين يعني؟
ساعتها سلمي فتحت الباب علشان تشوف فيه ايه
لقت نادر جاب ماجد
وماجد دخل وكان بيبص علي سلمي بفرحة
شـمــس بحدة:ممكن افهم بقي ايه الي بيحصل هنا بالظبط؟
مصطفي كان جي يتكلم نادر شاورله علشان هو الي يتكلم
نادر:بصي بقي يا شمس….ماجد خلاص عرف غلطته ومش قادر يطلق اختك وعايز يعملها فرح ويكمل حياته معاها هو وابنه…حتي لو بعدها موافقتيش نرجع ل بعض….بس انا بقولك كفاية بقي لحد كده…بلاش عذاب اكتر من كده
شـمس بصتله بحب واقتناع
وسلمي كانت بتبص بحزن
ماجد راح لحد عندها
“انا اسف يا سلمي ارجوكي تسامحيني…..انا هتجوزك ونعيش مع بعض….انا بحبك”
ماجد حضن سلمي وسلمي استسلمت ومعرفتش تتكلم
نادر بسخرية:ادي واحدة واقتنعت اهي….فاضل علي الي دماغها زي الجزمة القديمة
شـمــس كانت بتبصله بحب وابتسامة خفيفة
نادر بحنان وبحب:بحبك يا مجنونة
شـمــس باستسلام وابتسامة:وانا كمان
شمس عيطت وحضنته
نادر و ماجد:لولولولولولولولولولولولي
الجميع:ههههههههههههههههه
بعد اسبوعين
فرح ماجد وسلمي
كان فرح حلو اوي فيه معازيم كتير
نادر وشمس واقفين ف مكان علي جنب
نادر بابتسامة وفرحة:يا سلااام قد ايه جو الافراح ده جميل
شـمــس بابتسامة:فعلا…ربنا يسعدهم يااا رب
نادر بتردد:عايز اسالك سؤال؟؟
شـمــس بابتسامة:ايه هو؟
نادر بسخرية:ايه رد فعلك لو انا اتجوزت عليكي؟؟؟
شـمــس بهدوء مرعب:لااااا السؤال هنا…ايه هوووو رد فعلك وانت بتتقطع وبتتحط ف اكياس؟؟
وراحت شدته من الكرافت
نادر بهزار:انا عايز افهم بقي هو انا خاطب فتوة؟…ياستي بهزر
شـمــس وهي بتضربه علي كتفه
“انا فتوة؟؟؟”
نادر بهزار:اه يا ست المعلمين
شـمــس:بااايخ
رنا كانت موجودة وجت عند شمس
رنا بفرحة وهي بتحضنها:الف مبروك ياشمس؟
شـمــس بابتسامة:الله يبارك فيكي…امال فين ياسر؟؟
رنا بابتسامة وهي بتغمز:بيسلم علي العريس….عقبالكوا
نادر وشمس بصوا لبعض
معتز جه وقف مع رضوي
معتز بخجل:ممكن نتعرف؟؟؟
رضوي مازحة بسخرية:وماله ميضرش
نادر وشمس وهما وقفين مع بعض
نادر:شمس انا مش كنت قولتلك اني بحبك وعايز نتجوز؟؟
شـمــس:اه
نادر:بعد موضوع الاكياس ده…انا غيرت رايي
————————————————–
تمت بحمد الله