حب غير مسموح الجزء الثاني

الحلقة الواحدة والعشرون
وفجاة جرس الباب يضرب
نيرة بابتسامة:نادر شكله جه يابابا
بسيوني بابتسامة:طيب كويس يلا بقي افتحوله الباب خلينا نكتب الكتاب ونخلص…الف مبروك يا حبيبتي
نيرة بفرحة:الله يبارك فيك يابابا
الشغالة راحت تفتح الباب وكل المعازيم بصوا نحيته ونيرة وباباها وقفوا يبصوا
الشغالة فتحت الباب لقت البواب
البواب:ف واحد ساب الجواب ده بره ومشي وقال ادوه للانسة نيرة
نيرة:واحد مين ده؟
البواب:معرفش والله يا ست هانم هو قالي ادي الجواب ده للانسة نيرة
نيرة بعصبية:طب غووور
نيرة مسكت الجواب وفتحته بعنف وبدات تقرا الي مكتوب فيه بهدوء
“السلام عليكم ورحمة الله وبركاته تحية طيبة وبعد الي نيرة بسيوني خليفة اعتذر عن عدم حضوري كتب الكتاب لاني مقدرش ارتبط بواحدة زيك لاني اخاف تقوليلي بوس ركب بابا زي يوم الخطوبة واكتشفت ان مهما ملكتي من مال فاانتي متملكيش حاجة خالص لان الي تعمل مؤامرات وتظلم واحدة ماذتهاش ف حاجة عمري ما هقدر آمنلها…وصدقيني انا حاولت كتير احبك انما منفعش كل مرة كنتي بتثبتيلي اني اخترت الانسانة الغلط …اه وقبل ما انسي دبلتك هتلاقيها ف الظرف…حظ سعيد يا انسة نيرة وربنا ينتقم من امثالك”
امضاء:من استعاد وعيه وافاق الي نفسه ف اللحظة الاخيرة:نادر محمود يحيي
نيرة اول ما قرات الجواب ده اتعصبت وطلعت الدبلة من الظرف وبقت عنيها بتغمز من الغيط وبدات تعيط
بسيوني:ايه مالك بتعيطي ليه؟؟؟الجواب ده فيه ايه؟؟وريني
بسيوني اخد منها الجواب وقراه
بسيوني بعصبية:الندل ده انا لا يمكن اخليه عندي ف الشركة انا لازم اوريه واطرده طردة الكلاب
رنا كانت واقفة بتتفرج علي المشهد ده وهي فرحانة و مستغربة وكان نفسها تعرف الجواب ده فيه ايه
نيرة بعياط:ده باعتلي الدبلة ف الظرف يابابا
بسيوني بعصبية وشك:ويقصد ايه بقي الحيوان ده من الواحدة الي انتي ظلمتيها؟؟
نيرة وهي بتمسح دموعها بخوف:هااا لا ده بس بيخرف انا معملتش حاجة يابابا ومش فاهمة اي كلمة من كلامه
بسيوني بغيظ:ماشي يا نادر بس لما اشوف خلقتك
رنا دخلت فيي مكان بعيد شوية عنهم واتصلت ب نادر
ويجيب نادر عن الهاتف
رنا بهمس:الو ايوة يا نادر
نادر:ايه ؟؟ف حاجة يا رنا؟
رنا بهمس:ايه الي انت نيلته ده…الدنيا مقلوبة…والجواب ده كان فيه ايه؟
نادر:قالها علي مضمون الرسالة
رنا:يانهااااار ده بسيوني بيه حالف ليرفدك
نادر:متقلقيش انا عامل سابي علي كل حاجة
رنا:ربنا يستر
نادر:قوليلي شمس عرفت
رنا:وهي هتعرف منين يا ذكي؟؟مهي ولا موجودة معانا ولا انا كلمتها اقولها
نادر:طيب حلو اوي احسنلها متعرفش دلوقتي…اهم حاجة انك مطلوب منك مهمة ممكن تبقي صعبة شوية بس ارجوووكي حاولي
رنا:مهمة ايه؟
نادر:بكره هكلمك واقولك المطلوب منك
رنا:تمام…سلام بقي دلوقتي
نادر:سلام
ويغلق نادر الخط
نادر:ايوووة كده كله تمام مش فاضل غيرك انت يا اكرم يازفت وابقي اخدت حقك يا شمس
———————————–
شمس ف اوضتها عمالة بتعيط لانها عارفة ان اكيد نادر كتب كتابه علي نيرة
سلمي تدخل عليها
“ايييييييييه؟؟؟مالك بتعيطي ليه؟؟؟”
شمس بعياط:مش مهم خلاص حتي العياط دلوقتي مبقاش هيفيد بحاجة
سلمي:انت مش مظبوطة اليومين دول …عارفة من امتي؟؟من ساعة ما عرفتي زميلك ده الي اسمه نادر او الي كان زميلك
شـمــس:هااا لا طبعا وهو ايه علاقته باي حاجة تخصني يعني؟
سلمي:اممممم ماشي يا شمس تصبحي علي خير بقي
شـمــس:استني
سلمي:ف حاجة؟
شـمــس:احنا لازم نروح الكلية انا وخالك نترجي العميد يرجعك
سلمي:امتي؟
شـمــس:اسرع وقت ممكن
سلمي:تمام تصبحي علي خير
شـمــس:وانتي من اهله
———————————–
ف اليوم التالي
نادر ف الشركة وسه واصل مكتبه
كل زمايله والوظفين بيبصوا ناحيته باندهاش وخضة
ف مكتب بسيوي خليفة
محي يدخل عليه
“نادر وصل يافندم”
بسيوني بعصبية:دخلي الزفت ده حاااالا
محي باستسلام:حاضر يافندم
محي راح عند نادر ف مكتبه
محي وهو بيجز علي سنانه:انت ايه الي جايبك انهارده؟؟انت مجنون؟؟
نادر بثقة:متخفش انا مش جي علشان المشاكل
محي:المدير عايزك جوه خلي بالك بقي علشان مزاجه مش رايق ومتعصب بسبب الي انت نيلته
نادر بابتسامة وثقة وهو بيخبط علي كتفه:قولتلك متخفش انا مظبط كل حاجة
محي:طب يا ادخل
ويمشي نادر
محي:استرها يا رب
نادر خبط علي الباب ودخل للمدير
اول ما المدير شافه اتعصب اوي
بسيوني بعصبية:انت؟؟؟انت يا…..
نادر مقاطع:يافندم الموضوع مش محتاج ان حضرتك تشتمني
بسيوني بعصبية:امال عايزني اعمل ايه بعد ما كسرت قلب بنتي وفضحتنا قدام…وليك عين تيجي كمان
نادر:مهو لو تعرف انا جي ليه مكنتش هتتعصب كل ده
بسيوني وهو بيحاول يهدي:اتفضل اتنيل
نادر بابتسامة:اشكرك…اولا انا جي علشان اقدم استقالتي…اتفضل اهي
نادر ادهاله والمدير بص ناحيته وبصله تاني بهدوء
بسيوني:وثانيا؟؟
نادر بابتسامة وثقة:تحب بقي ابدا القصة الي جي احكيهالك منين؟؟من اول ما نيرة اتفقت مع اكرم علشان يعملوا مكيدة ويرفدوا شمس ولا منين بالظبط؟؟
بسيوني بصدمة واندهاش:انت بتخرف بتقول ايه؟؟
نادر:اسمعني الاول وبعد كده احكم
بسيوني:اتنيل اتكلم
———————————–
شمس لبست وجهزت علشان تروح الشغل
يرن هاتف شمس المتصل اكرم و ترد شمس علي الموبايل
شـمــس:طب وبعدين؟؟؟ارد ولا مردش ولا اعمل ايه يعني؟؟؟معقولة يكون اكرم عمل كده؟؟لا انا مش هرد
شمس مردتش علي اكرم وحطت الموبايل ف الشنطة
اكرم:هي مبتردش ليه؟؟؟؟تصرفاتها بقت غريبة اوي واتغيرت ….يلا ميهمش تلاقيها مشغولة
———————————–
رنا عمالة تتصل ب شمس من الصبح وشمس مش عايزة ترد علي حد
وفجاة شمس ردت
شـمــس بعياط:رنا الحقيني انا واقعة ف مصايب ومش عارفة اتصرف؟
رنا:يالهوووي مصايب من اول المكالمة كده؟؟خير؟
رنا:ارجوكي انا بجد مبقتش قادرة اتحمل خلاص انا لازم احكيلك انا مش عارفة اتصرف ف اي حاجة
رنا:طب بس اهدي وانا هعدي عليكي انهارده بليل ونتكلم
شـمــس:ماشي…سلام
رنا:سلام
———————————–
ف مكتب بسيوني خليفة
بسيوني باندهاش:اكرم يعمل كده؟؟؟وبنتي كمان مشتركة معاه؟؟؟
نادر:ايوة
بسيوني:طيب انا مصدقك ف كل كلمة بس اهم حاجة سيرة بنتي متجيش ف الموضوع
نادر:متقلقش حضرتك سيرة بنتك مش هتيجي ف الموضوع خالص انا المهم عندي اني اكشف اكرم قدام الكل واثبت ان شمس بريئة
بسيوني:تعرف لو الكلام الي قولته ده طلع غلط او لعبة منك انا ممكن اعمل ايه؟؟كفاية اني عدتلك المصيبة الي عملتها امبارح مع انها حاجة لا تغتفر
نادر:صدقني هي دي الحقيقة وانا مبكدبش ومليش مصلحة ف اي حاجة بدليل اني جي وجايب استقالتي معايا
بسيوني بتصديق:ماشي…ايه بقي خطتك يا ابو العريف وايه المطلوب مني ف الخطة دي؟
نادر:المطلوب منك سهل جداً
بسيوني:ايه هو؟؟؟؟
———————————–
بليل نادر كان ف بيته
نادر بيتصل ب رنا و ترد رنا علي الموبايل
نادر:ايوة يا رنا قولت ل بسيوني بيه علي كل حاجة ومش باقي غير تنفيذ المطلوب منك علشان الموضوع يمشي ارجوكي براءة شمس وكشف البني ادم الزبالة ده متوقفة علي الخطة دي
رنا:متقلقش يااخي كله هيبقي تمام باذن الله وزي ما طلبت مني هنفذ بالظبط
نادر:تمام….و…..و اخبار شمس ايه؟
رنا:اسكت دي كلمتني انهارده وهي منهارة وانا هلبس دلوقتي علشان اروحلها
نادر بخضة:ايه مالها؟
رنا بابتسامة ماكرة:ياعم متتخضش كده عادي يعني انت عارفها اوفر اوي تلاقيها بس فاكراك كتبت كتابك فا نفسيتها زفت
نادر بحنان:طب ونبي يا رنا لما تروحي وترجعي ابقي طمنيني عليها
رنا بسخرية:حااااضر يا نادر هطمنك عليها متخفش…ايه رايك لو نقولها علي خطتنا علشان تطمن؟
نادر:هنقولها…بس مش دلوقتي خاااالص
رنا:امال امتي يعني؟؟
نادر:ف الوقت المناسب…المهم روحلها دلوقتي وابقي طمنيني
رنا:حاضر…سلام
نادر:سلام
———————————–
رنا ف بيت شمس
رنا:ايه يابنتي قلقتيني ف ايه؟
شـمــس:قولي مفيش ايه؟؟انا خلاص تعبت
رنا:يابنتي مالك بس؟
شـمس حكتلها علي موضوع سلمي وبعدها حكتلها علي موضوع اكرم والي نادر حكاهولها
رنا بصدمة:يالهووووي كل ده حصلك ومتقوليليش؟
شـمــس بعياط وعصبية:يعني كنتي عايزاني اقولك ايه؟؟اختي حامل من زميلها و هرب ومش عارفين نلاقيه ولا طلعت مخطوبة ل واحد مرتشي وكان السبب ف فضيحتي ورفدي من الشركة
رنا:طب اهدي بس يا حبيبتي ومتعيطيش
شـمــس وهي بتمسح دموعها:قوليلي انا بقي اعمل ايه؟؟هو انا ليه ياربي المصايب عمالة ترف علي دماغي كده؟؟هو انا استحق كل ده!!!
رنا بحنان:متخفيش كله هيبقي تمام وهتشوفي ادام ضاقت اوي يبقي اعرفي انها هتفرج من واسعة
شـمــس:يا رب بس الاول دبريني اعمل ايه ف موضوع اكرم؟؟ولا عارفة ارد عليه لما بيتصل بيا ولا قادرة اشوفه وحتي مش عارفة اخد قرار صح وشاكة ومش متاكدة او متاكدة …..يووووو مش عارفة بقي
رنا:احسن حل متجبلهوش سيرة خاااااااالص وتعاملي معاه طبيعي جداً لحد ما كله يتظبط
شـمــس:هو ايه الي يتظبط؟
رنا:هااا اقصد يعني لحد ما تتاكدي بنفسك والحاجات دي مبتستخباش وادام واخد رشوة يبقي هيتكشف علي طول
شـمــس:انا عمري ما كنت اتصور ان اكرم يعمل فيا كده…ده بني ادم حقير وزبالة
رنا بمكر:معلش متعرفيش ربنا مخبيلك ايه بردو؟؟؟ما يمكن يكون ف حد كده او كده
شـمــس باندهاش:كده وكده؟؟؟كده وكده ازاي يعني؟
رنا:متخديش ف بالك المهم انتي نامي واهدي وكله هيتصلح باذن الله
شـمــس:باذن الله
رنا:يلا انا همشي بقي قبل ما ياسر…..
شـمــس مقاطعة:عارفة عارفة يحدف عليكي اليمين
رنا:ههههههههه لا اسمها يرمي اليمين
شـمــس:هههههههههههه
رنا:ايوة كده اتضحكي وميهمكيش…ونبي كله هيتصلح وتقولي رنا قالت
شـمــس:يلا انتي بقي علشان متتاخريش
رنا:يلا سلام
شـمــس:سلام
———————————–
ف بيت بسيوني خليفة
بسيوني بعد ما حكي ل نيرة علي الي نادر قالهوله نيرة واقفة مبلمة ومبتتكلمش
بسيوني بزعيق:شوفتي بقي هبلك وطيشك وصلك لفين؟؟؟؟
نيرة:يابابا انا……….
بسيوني مقاطع بعصبية:انتي؟؟؟انتي ايه؟؟؟؟اسمعي بقي انا اهم حاجة عندي سمعة الشركة وانها متدخلش ف اي مشاكل ونادر وعدني انه مش هيجيب سيرتك ف الموضوع وفي المقابل انا هساعده ف الي هو عايزه
نيرة:وايه هو بقي؟
بسيوني:نادر حاطط خطة متخرش المياه علشان يكشف لعبة اكرم
نيرة:وهو ايه بقي مصلحته ف كده؟
بسيوني:مش عارف وميهمنيش اعرف كل الي عايزه منك انك تقوليلي اكرم لما اتفق مع الشركة الي رسي عليها العطا الي هي مصلحي شعلان…اتفق علي كام؟؟
نيرة بتردد وخجل:50 الف جنيه وطلب 50 الف تانين غيرهم تحت التهديد
بسيوني:تمام كده …انا كده عرفت المعلومات الي ممكن اتصرف بيها واخلص بقي من الموضوع ده
———————————–
رنا رجعت من عند شمس وبتتصل ب نادر
ويرد نادر علي الموبايل
نادر بلهفة:هااااا طمنيني مالها؟
رنا فكرت انها مش لازم تقوله علي حمل اختها وانها تكتفي بانها تحكيله علي موضوع اكرم
رنا:مفيش كلمتني ف موضوع اكرم ومتقلقش هي مصدقاك بس هي مترددة بتمر بظروف صعبة اوي واعصابها مشدودة
نادر بخضة:ظروف؟؟؟ظروف ايه؟
رنا:ياعم متقلقش دي 100 فل وعشرة انا سيباها كويسة هي بس محتارة ف موضوع اكرم ده
نادر:وانتي قولتلها ايه؟
رنا:قولتلها اتعاملي معاه عادي جداً ومتحسسيهوش بحاجة لحد ما تتاكدي مع الوقت
نادر بارتياح:طيب تمام حلو اوي كده…هااا المطلوب منك هتنفذيه بكره صح؟؟
رنا:ياعم متقلقش كله مترتب هنا…يلا سلام
نادر:سلام
———————————–
شمس ف البيت
اكرم بيتصل ب شمس و ترد شمس علي الموبايل
اكرم:ايه يا شمس كل ده مبترديش علي تليفونك ليه؟
شـمــس ببرود:معلش يا اكرم كان عندي شغل
اكرم:اممممم…طيب انا عايز اشوفك
شـمــس ببرود:معلش انا مش ف المود ومش رايقة
اكرن بعصبية:جري ايه يا شمس ما كنتي كويسة…ايه الي حصلك
شـمــس بعصبية:يوووو مش طايقة نفسي يااخي
اكرم بهدوء:خلاص تمام انا هقفل دلوقتي ولما تهدي كلميني…سلام
وتغلق شمس الخط
اكرم قفل مع شمس
“هي مالها قلبت كده ليه؟؟؟تكون شاكت ف حاجة؟؟؟لالا معتقدتش”
اكرم عمل مكالمة تانية
اكرم:الووو مصلحي بيه شعلان؟؟؟انا اكرم….ها الدفعة التانية الي طلبتها جاهزة؟؟طيب تمام اوي…طيب هستلمها امتي؟؟استني منك تليفون بكره يعني؟؟خلاص تمام اتفقنا…سلام
ويغلق اكرم الخط
“كده بقي ال50 الف دول علي ال50 الي فاتوا ابقي جبت مهرك يا شمس”
———————————–
بعد يومين ف الشركة
اكرم كان قاعد علي مكتبه ورنا وصلت
رنا:صباح الخير
الجميع:صباح النور
رنا:قولي صحيح يااكرم هو نادر مشي صح؟
اكرم بفرحة:اه ياستي طبعا المدير رفده انتي نسيتي الفضيحة الي عملها
رنا بمكر:آآآآآآآآآه قولتلي بقي
اكرم بسخرية:ايه؟؟كنتي عايزاه ف حاجة؟؟
رنا:لا وهعوزه ف ايه؟انا بس بسالك
اكرم:نادر ده فقري بقي يضحي بجوازة سقع زي دي ووظيفة مرتاحة
رنا بغيظ وتعمد:نادر عنده مباديء واخلاق وميقبلش يكون انتهازي وطماع زي ناس القرش عندها اغلي من امها وابوها
اكرم بخوف:تقصدي مين بالكلام ده؟
رنا:انا مقصدتش حد بالكلام ده
اكرم ببسمة وارتياح:آآآآآآآآه قولتيلي بقي
اكرم وهو قاعد علي مكتبه بيشتغل هيجيله تليفون
فا هياخد الموبايل ويدخل بيه الحمام
رنا هتروح وراه وهتسمع المكالمة
اكرم:ايوة….ايوة يا مصلحي بيه ….امتي؟؟؟بكره الاثنين الساعة 6؟تمام اتفقنا…مع السلامة
ويغلق اكرم الخط
قبل ما اكرم يفتح باب الحمام ويخرج رنا هتجري علي الممر التاني وتستخبي
اكرم هيرجع مكتبه عادي جداً وبعدها رنا هترجع مكتبها
وهي عمالة تبصله واكرم مش واخد باله وبعدها انتبه
اكرم باندهاش:ف حاجة يا رنا؟
رنا ببرود:لا ابدا مفيش
رنا ف سرها:يا عيني عليكي يا شمس ده انتي وقعتي ف ايد مجرم
بعد الشغل رنا طلعت من الشركة ونادر اتصل بيها
و ترد رنا علي الموبايل
نادر:هااا عملتي ايه؟
رنا:بكره الاثنين الساعة 6 معاده مع مصلحي شعلان
نادر:تماااام حلو جداً معرفتيش بقي فين؟
رنا:لا معرفتش
نادر:مش مهم انا هتصرف
رنا:هتعمل ايه يعني؟؟؟هتراقبه؟؟
نادر:صح
رنا:طيب تمام مش هنقول ل شمس بقي بدل ما هي هتتقهر كده
نادر:هتعرف ف اقرب وقت ممكن بس مينفعش تعرف دلوقتي
رنا:تمام يا نادر
نادر:رنا ارجوووكي متقوليلهاش…انا مقدر انك زعلانة علشان حالتها النفسية بس صدقيني انا كمان زعلان علشانها بس مش من مصلحتها تعرف حاجة دلوقتي
رنا:تمام يا نادر متقلقش انا فاهمة كوي الي بتقوله…سلام
نادر:سلام
ويغلق نادر الخط
“بكره هتبقي نهايتك يا اكرم الزفت”
———————————–
ف اليوم التالي
ف الصباح الساعة 9 الصبح
شمس ومصطفي راجعين من عند العميد ف كلية سلمي وشمس بتفتح باب الشقة
سلمي بقلق:هااا طمنيني يا شمس
شـمــس مازحة:استني بس اخد نفسي
سلمي:يووووو يا شمس اتكلمي بقي
مصطفي بفرحة:الحمدلله عملنالك اعادة قيد ف الكلية
سلمي بفرحة:الحمدلله
مصطفي:بس العميد قال لو محضرتيش اي محاضرات تاني مش هيرضي يرجعك تاني ابدا
سلمي:باذن الله مش هغيب عن اي محاضرات تاني وهشد حيلي علشان اعوض الي فات
شـمــس بارتياح وفرحة:اسكتي ده احنا كنا هنبوس بنطلونه علشان يوافق
سلمي وهي بتبوس شمس
“ربنا يخليكي ليا يا احلي اخت”
وتمشي سلمي ف فرحة
شـمــس بقلق:انا قلقانة اوي …البت دي هتروح ازاي المحاضرات و الامتحانات وهي حامل
مصطفي مهونا:سيبيها علي الله الي خلقها مش هينساها وربنا ميرضاش بالظلم ولا بالفضيحة لحد ضحية زيها
شـمــس:بس ده ميمنعش انها غلطانة
مصطفي:معلش شوية بالشدة وشوية بالين
شـمــس:ماشي يا خالي معلش عطلتك يلا روح بقي شوف شغلك
مصطفي:اوعي تقولي كده….يلا سلام
شـمــس:سلام
ويمشي مصطفي
———————————–
الساعة ال 6 بليل
اكرم رايح يقابل حد ف مكان مقطوع
اكرم واقف مستني لحد ما تيجي عربية
ينزل منها مصلحي شعلان
اكرم:ف معادك بالظبط يا باشا
مصلحي:طبعا انا شغلي كله مواعيد
اكرم:المهم المبلغ جاهز؟؟
مصلحي بتحذير وغضب:طبعا جاهز بس اتمني انك مترجعش تبتزني تاني بعد ما تاخد ال50 الف التانين الي طلبتهم لان انت عارف كويس اوي انك ملكش تمن ولو لعبت معايا هتضيع نفسك
اكرم بابتسامة:متقلقش ياباشا دي اخر دفعة هطلبها منك
مصلحي طلع شنطة من العربية واكرم فتحها يبص فيها وحطها ف عربيته
مصلحي بغيظ:تمام كده؟
اكرم بابتسامة:تمام
مصلحي مشي وف عنيه نظرة غيظ وغضب
اكرم ببرود:مع السلامة يا باشا
اكرم ركب عربيته وفتح شنطة الفلوس وكان بيبصلها بابتسامة
“خلاص مهرك جاهز يا شمس …هتفرح اوي وهتتمسك بيا اكتر لما تشوف الفلوس دي هههههههه”
اكرم طلع بالعربية بسرعة وكان نادر ماشي وراه لقاه رايح بيت شمس!!!!!!!
نادر مسك الموبايل بسرعة بعصبية وبيحاول يتصل ب شمس بس تليفونها كان مشغول
نادر بعصبية:يوووووووووو ردي بقي يا شمس ردي ابوس ايدك
اكرم وصل بيت شمس ونادر لسه موصلش
وطلع وخبط علي الباب
شمس فتحتله الباب
شـمــس بخضىة:اكرم؟انت ازاي جي كده من غير ما تقولي؟؟
اكرم بخوف وهمس:معلش يا شمس انا اسف دخليني بس بسرعة
شـمــس بخضة:ف ايه؟
اكرم دخل
اكرم:اقفلي الباب
شـمــس:حاضر
شمس قفلت الباب وهي مخضوضة
اكرم فتح الشنطة ووقف بيها قدامها
شـمــس وهي بتبص عليهم باندهاش:ايه دول؟
اكرم بفرحة:مهرك يا شمس
شـمــس بعصبية وشك:وياتري بقي مهري ده جي منين يااكرم؟؟؟من سكة مشروعة ولا………..
اكرم بارتباك:تقصدي ايه؟؟؟
شـمــس بعصبية:انا عرفت كل حاجة….كل حاجة يااكرم…انا مكنتش اعرف انك بني ادم حقير وزبالة للدرجادي وانك ممكن تدوس علي سمعة اي حد علشان اطماعك ومصلحتك…انا مش عايزة اشوف خلقتك تاني…برررره
اكرم بحزن:يا شمس انا بحبك وعملت كده علشان تكوني ليا
شـمــس:وانا مش عايزة اشوف وشك تاني…لانك بني ادم غير شريف ومرتشي واتفضل بقي من غير مطرود
اكرم بعصبية:مستحيل بعد ما عملت كل ده علشانك اسيبك تضيعي مني
اكرم هجم علي شمس ومكنش ف حد ف البيت غيرها
شمس فضلت تصرخ وتزقه انما معرفش يسبها ابدا
نادر كان طالع علي السلم بسرعة لحد ما وصل لشقة
فضل يرن الجرس واكرم مهموش من الجرس وكان كاتم بقها وهي ادتله بالشلوت ف رجله وزقته
شـمــس بصريخ:الحقووووني
نادر سمع الصوت ده اتعصب وخاف عليها
“اكيد بيعمل فيها مصيبة جوه انا مش هستني لما يعملها حاجة”
نادر فضل يحاول لحد ما قدر يكسر الباب ودخل الشقة ومسك اكرم ضربه ضرب مبرح لحد ما اكرم مبقاش قادر يقاوم
وبدون وعي نادر اخد شمس ف حضنه
شمس كانت بتبصله وهي مخضوضة بس ف نفس الوقت مطمنة
اكرم كان بيبص عليهم بغيظ
وبعدها سابت نادر وبصت ل اكرم بنظرة عتاب
“ليه تعمل فيا كده؟؟؟انا اذيتك ف ايه؟؟؟هو الي بيحب حد وعايز يرتبط بيه بياذيه”
اكرم كان بيبصلها بعصبية ومش قادر يرد
نادر بابتسامة اطمئنان:خلاااااااص هانت يا شمس كل حاجة هتتحل دلوقتي
اكرم بخوف:انت تقصد ايه؟
فجاة………..
.
.
الحلقة الثانية والعشرون
وبعدها سابت نادر وبصت ل اكرم بنظرة عتاب
“ليه تعمل فيا كده؟؟؟انا اذيتك ف ايه؟؟؟هو الي بيحب حد وعايز يرتبط بيه بياذيه”
اكرم كان بيبصلها بعصبية ومش قادر يرد
نادر بابتسامة اطمئنان:خلاااااااص هانت يا شمس كل حاجة هتتحل دلوقتي
اكرم بخوف:انت تقصد ايه؟
فجاة البوليس يدخل ويقبضوا علي اكرم وياخدوا شنطة الفلوس
اكرم بعصبية وغيظ:عملتها يا نادر؟؟؟عملتها انت وشمس؟
شـمــس بخضة:انا مش فاهمة حاجة ومعملتش حاجة
نادر بحنان:اهدي وانا هفهمك دلوقتي
نادر رجع وبص لاكرم
نادر بفخر وسعادة:امال كنت عايزني اسيبك تضحك عليها وتتجوزها…لا مش انا…انا عرفت كل حاجة وسمعتك وانت بتتكلم مع نيرة وراقبتكوا…يلا اتمنالك حظ سعيد ف السجن يا اكرم
البوليس اخد اكرم وهو متعصب جداً
وشمس كانت مخضوضة ومزهولة ومش فاهمة حاجة وفضلت بصة ل نادر وهي مش قادرة تتكلم ونادر كان بيبصلها بابتسامة وفرحة
رنا بعد ما البوليس اخد اكرم وخرج دخلت بسرعة بخضة وقلق
رنا بخضة:ايه يا نادر؟؟حصل ايه؟
نادر بفخر:متخفيش جت سليمة الحيوان ده كان عايز…..بس ربنا سترها وجيت ف الوقت المناسب والبوليس قبض عليه
رنا بارتياح:اووووف الحمدلله…خطتنا نجحت وخلصنا من الموضوع ده
شـمــس بتعجب وعصبية:خطة؟؟؟خطة ايه؟؟ما تفهمووووني ولا انا خلاص مليش لازمة عند حد ومش مهم افهم …كنتوا بتخططوا لايه من ورايا؟؟
نادر بهدوء:يا شمس هدي اعصابك بس
شـمــس بعصبية:لا مش ههدي الا لما افهم ولا انا زي الاطرش ف الزفة ف كل حاجة
نادر بعصبية:ما تهدي بقي يا شمس انا مش فاهم ايه الداعي ف العصبية دي كلها؟؟
شـمــس بعصبية واندهاش:الداعي؟؟؟؟؟الداعي ان لقيتك بتكسر باب شقتي والبوليس دخل بيتي وانا مش فاهمة اي حاجة
نادر بعصبية وهو بيمسك ايديها جامد:هو انتي ايه؟؟؟متعرفيش تتفهمي الا بالزعيق والضرب
شـمــس بعصبية وهي بتبعد ايده:ايوة مبعرفش اتفاهم الا بالزعيق والضرب ومن ساعة ما شوفت خلقتك والمصايب نازلة ترخ علي دماغي زي المطر واتفضل بقي بره بدل مااكسر البيت علي دماغك زي ما كسرت الباب
نادر بهدوء:اهدي واقعدي واحنا هنفهمك
شـمــس وهي بتهدي:اتفضلوا فهموني حالا ايه الي بيحصل هنا؟؟
نادر:بصي يا شمس انا اتفقت مع بسيوني خليفة علي اتفاق لما عرفت ان اكرم هو الي سرب العطا بالاتفاق مع نيرة
Flash back>
بسيوني:تعرف لو الكلام الي قولته ده طلع غلط او لعبة منك انا ممكن اعمل ايه؟؟كفاية اني عدتلك المصيبة الي عملتها امبارح مع انها حاجة لا تغتفر
نادر:صدقني هي دي الحقيقة وانا مبكدبش ومليش مصلحة ف اي حاجة بدليل اني جي وجايب استقالتي معايا
بسيوني بتصديق:ماشي…ايه بقي حطتك يا ابو العريف وايه المطلوب مني ف الخطة دي؟
نادر:المطلوب منك سهل جداً
بسيوني:ايه هو؟؟؟؟
نادر بابتسامة:سيادتك كل المطلوب منك انك تبلغ النيابة عن اكرم ويحطوه تحت المراقبة الفترة دي بالذات علشان يثبتوا عليه التهمة وفي المقابل سيرة بنتك مش هتيجي ف اي حاجة
بسيوني باقتناع:امممممم ماشي بس كده؟؟
نادر:لا مش بس كده…حضرتك كمان هتبلغ بنتك بالكلام ده وتسالها عن تفاصيل اتفاق اكرم مع مصلحي شعلان علشان اقدر اعرف امتي الوقت الي ممكن نمسك عليه فرصة ويتقبض عليه
Back
نادر:وعرف من بنته وبلغني ان اكرم بيبتز مصلحي شعلان وطالب دفعة تانية
رنا بفرحة:وانا بقي كنت براقب مكالماته وعرفت المكان والزمان وبلغنا البوليس
نادر:كنت ماشي وراه لما طلع بالعربية كانت فاكره رايح البيت ولما لقيته دخل الحي الي ساكنة فيه حبيت انبهك علشان خوفت عليكي منه…حاولت اتصل بيكي بس مردتيش والباقي اكيد انتي عارفاه
شمس بتسمع الكلام ده وهي بتبصلهم ومزهولة
رنا بابتسامة وهي بتحضنها
“مبرووووك البراءة يا عسل دلوقتي زمان الشركة كلها عرفت الي حصل”
شمس وهي حاضنة رنا كانت بتبص ل نادر بنظرة حزن
شـمــس بتردد وندم:نادر؟؟؟
نادر وهو بيبصلها ببرود مصطنع
“نعم”
شـمــس بحزن وهدوء:شكرا
نادر بابتسامة خفيفة:علي ايه؟؟دي حاجة بسيطة علي الاقل ردتلك اعتبارك وكفرت عن غلطتي
شـمــس بحزن:اه صحيح…مبروك علي كتب الكتاب
نادر:ههههههههههههههههه
رنا:ههههههههههههه الله يحظك يا شمس
شـمــس باندهاش:ايه؟؟هو انا قولت حاجة تضحك؟؟
رنا:ههههههه كتب الكتاب متمش يا شمس
شـمــس باندهاش:متمش ازاي يعني؟؟؟؟؟؟؟؟
نادر ورنا حكوا ل شمس علي الي حصل يوم كتب الكتاب
شـمــس بابتسامة عريضة:يعني كتب الكتاب محصلش؟؟؟
نادر بمكر:ومالك فرحتي كده ليه؟
شـمــس وفاقت ل نفسها:هاااا لا ابدا انا زعلانة جداً ان محصلش نصيب
نادر ورنا بمكر:ياشيييييييخة؟؟؟؟؟؟
شـمــس بارتباك:اه طبعا امال انتو فاكرين ايه؟
نادر بمكر:آآآآآآآآه طيب انا لازم اروح بقي معلش
شـمــس بحزن:ليه ما تخليك قاعد؟
نادر بفرحة:معلش اصل من بكره الصبح هنزل ادور علي شغل
رنا:هو انت خلاص كده مش هترجع تاني شركة بسيوني بيه؟
نادر:للاسف لا وبعدين انا عندي كرامة مينفعش بعد الي حصل ده اقوله ونبي خليني عندك ورايا مصاريف
شـمــس:طب ايه رايك تروح شركتك القديمة الي كنت بتشتغل فيها؟
نادر بابتسامة:هي فكرة حلوة بس مش عارف ممكن الاقيلي مكان ولا لا
شـمــس مهونة:ان شاء الله هتلاقي قول انت بس يارب
نادر بابتسامة وهو بيبص ف عنيها:شمس؟؟؟
شـمــس بتعجب:نعم؟؟؟
نادر:شمس انا……
رنا مقاطعة بسرعة:ناااااااااااااادر مش وقته دلوقتي بعدين بعدين
شـمــس:الله؟؟؟؟هو ايه الي مش وقته وبعدين وانت ايه اصلا الي كنت عايز تقوله؟؟؟
رنا بارتباك وسرعة:يلا بقي علشان نسيب شمس تهدي اعصابها من الي حصل…سلام يا شمس
رنا شدت نادر ومن ايده وخرجت بيه من الباب بسرعة
شـمــس باندهاش:سلام يا رنا
نادر و رنا ف الشارع
نادر:ممكن اعرف بقي ليه مخلتنيش اقولها؟؟؟
رنا بزعيق:انت اتجننت؟؟؟مش هو ده الوقت المناسب الي تعترفلها بيه بحبك يا غبي استني لما تطلب تقابلها بره وتتكلموا وتاخدوا وتدوا مع بعض مش قدام اي حد حتي لو قدامي
نادر بتنهيد: عندك حق….يعني اتصل واخد معاد؟؟؟
رنا:بالظبط
نادر:تمام انا هروح بقي ….سلام
رنا:سلام
ونادر و رنا يروحوا
شمس ف بيتها
سلمي و رضوي يدخلوا يلاقوا الباب مكسور
سلمي بخضة:يالهوووي ايه الي كسر الباب كده؟؟
رضوي بخوف:ايه الي حصل؟
شـمــس:ده موضوع طويييييييييل هحكيلكوا عليه… تعالوا اقعدوا
———————————–
نادر رجع بيته
ماجد:ايه يابني شكلك مبهدل كده ليه؟؟
نادر:مفيش…الحمدلله ربنا سترها
ماجد:لالالا انت تقعد تحكيلي وتفهمي بقي
نادر حكي ل ماجد علي الي حصل
ماجد باندهاش:كل ده حصل؟؟؟
نادر:اه
ماجد:امممممم وانت بقي عايز طريقة ما علشان تقولها بيها اننك بتحبها وعايز ترتبط بيها
نادر:عليك نوووووووور….دبرني بقي يا حلو بطريقة
ماجد وهو بيفكر:امممممممم انا رايي تتصل بيها وتاخد معاد وتقابلها ف مكان هادي شاعري
نادر:تفتكر هتوافق؟
ماجد:مؤكد مش بتقول ان هي كمان بتحبك بس بتقاوح
نادر:ومش اي مقاوحة…دي مقاوحة بالكلام والايد
ماجد:خلاص انت الاول تختبر حقيقة مشاعرها
نادر باهتمام:يعني اعمل ايه؟
ماجد بفخر وابتسامة:هقولك
———————————–
شمس ف بيتها
يرن هاتف شمس المتصل نادر و ترد شمس علي الموبايل
شـمــس ببرود مصطنع:الووو ازيك يا نادر؟؟
نادر بفرحة:انا الحمدلله تمام
شـمــس بارتباك:خير؟؟فيه حاجة؟؟
نادر بخجل:بصراحة كنت عايز اقابلك بكره…ينفع؟
شـمــس بفرحة:مفيش مانع
وفاقت لنفسها:اقصد عادي يعني مفيش مانع…تحب نتقابل امتي وفين؟
نادر:بكره الساعة 4 ف كافية الي ف شارع(………..)
شـمــس:ماشي تمام….سلام
نادر بابتسامة:سلام
وتغلق شمس الخط
“وده عايز ايه ده؟؟؟؟يلا يا خبر بفلوس”
شمس كانت فرحانة علشان تقابله بس ف نفس الوقت مستغربة
———————————–
ف اليوم التالي الساعة 4
نادر وشمس قاعدين علي ترابيزة
نادر بخجل:احم احم
شـمــس بارتباك:نادر انت قولتلي عايزك ف موضوع ….خير؟
نادر:اولا عايز اعتذرلك عن الي حصل مني
شـمــس بابتسامة خفيفة:محصلش حاجة انا الي لازم اشكرك علشان ساعدتني ف كل الي حصل
نادر بابتسامة:لا شكر علي واجب
شـمــس بخجل:وياتري بقي بعد ما سبت نيرة…يعني ….آآآآآ ف مشروع ارتباط تاني؟
نادر بمكر:اه طبعا اكيد
شـمــس بخضة:بجد؟
نادر بابتسامة ماكر:امممممم بحب ياستي وهرتبط….عقبالك
شـمــس بصدمة:ازاي يعني؟
نادر بابتسامة ماكرة:هو ايه الي ازاي!!!!عادي يعني
شـمــس بغيظ وغيرة مكتومة:امممممم وشكلها ايه دي بقي؟
نادر بابتسامة ومكر:شبهك كده بالظبط متفرقش عنك حاجة
شـمــس بغيظ:شبهي انا؟؟
نادر:اه
شـمــس:امممم ودي بقي بتشتغل ايه؟
نادر بخبث:كانت زميلتي….ف الشركة القديمة
شـمــس بغيرة:واسمها ايه دي بقي؟
نادر:اول حرف من اسمها (ش)
شـمــس:آآآآه يبقي اكيد ياما (شيماء-شاهنده-شهيرة) اختار بقي
نادر بسخرية:يااااااا ماشاء الله عليكي عرفتي تطلعي كل الاسماء الي بحرف ال (ش)
شـمــس:طبعا امال انت فاكرني ايه؟
نادر بخيبة امل:طيب علي العموم هي مش واحدة من الاسماء دي خالص
شـمــس باندهاش:امال ايه؟؟؟اسم رابع غير دول؟؟؟؟؟
نادر بعصبية خفيفة:اه اسم رابع غير دول
شـمــس:طيب سيبك من الاسم….معندكش صورة ليها؟؟
نادر بابتسامة مكر:لا…ياريت
شـمــس كانت هتفرقع من الغيظ والغيرة
نادر:تعرفي يا شــــــــــــمس انا بحبها اوي اوي مش متخيل حياتي من غيرها
شـمــس بغيرة وحزن:بتحبها؟؟؟ولما انت بتحبها ارتبط ب نيرة ليه؟
نادر بمكر:غلطة…والحمدلله خلاص هنصلحها اهو
شـمــس بحزن:وهي بتحبك؟؟؟
نادر بابتسامة:اه بتحبني
نادر وهو بيلقح عليها بالكلام وبعصبية خفيفة:بس تقولي ايه بقي ف دماغها الي زي فردة الجزمة ولا هي عايزة تعترف بده ولا حتي تفهم
شـمــس بسخرية:يعني انت مصرحتهاش؟؟
نادر بغيظ:اديني بحاول اهو….يا مسهل
شـمــس:احم احم وهي عندها كام سنة بقي؟
نادر وهو بيدقق ف شمس
“يعني متزدتش عن 23 او 22 ”
شـمــس باندهاش:غريبة؟؟دي قدي ف السن
نادر بغيظ:امممممممم اه قدك ف السن
شـمــس بغيرة:و….يعني هي جميلة؟؟؟؟
نادر وهو بيبصلها باعجاب:جداً
شـمــس بحزن:ربنا يوفقك ويسعدك معاها
نادر بسخرية:شمس معلش بس ممكن تستهجي اسمك
شـمــس باندهاش:ليه؟
نادر:معلش استهجيه بس
شـمــس:احم احم ش-م-س
نادر:طب اول حرف ايه؟؟؟
شـمــس بسخرية:ش يابني انت ايه مبتعرفش عربي عاملي فيها اجنبي؟؟
نادر بعصبية:قومي يا شمس من هنا بدل ما امد ايدي عليكي
شـمــس باندهاش:الله هو فيه ايه يا نادر؟
نادر بعصبية:يا شمس من الصبح بقولك الي بحبها كانت زميلتي واسمها بيبدا بحرف ال(ش) وسنها ميزدتش عن 22 او 23 سنة
شـمــس:الله؟؟؟وانا ايه علاقتي بكل ده؟؟؟هو انا اعرفها
نادر بغيظ:يا مثبت العقل والدين يارب ….اشكو اليك….الهي انت تعلم كيف حالي
شـمــس:ايه ياعم هو انت جي تتوب هنا؟
نادر بعصبية:اعمل ايه؟؟؟مهو من فرستي منك…هتجبيلي العصبي
شـمــس:طب ما تفهمني؟
نادر بعصبية:علي بلاطة كده….انا بحبك انتي يا شمس
شـمــس كانت مصدومة ومزهولة من الكلام الي قاله
شمس بدات تفكر ف مواصفات البنت الي قال انه بيحبها وكانت بتبصله بصدمة
شمس بتردد:شكرا علي مشاعرك دي يا نادر…بس انا اسفة انا مبحبكش
نادر بثقة وابتسامة:كدابة…انا متاكد انك بتحبيني زي ما بحبك بالظبط وده الي شايفه ف عنيكي والا حتي مكنتيش توافقي تقابليني بعد الي حصل
شـمــس بخوف وتردد:طب وافرض؟؟
نادر بابتسامة:يعني بتحبيني صح؟
شـمــس وكانت هتضعف بس مسكت نفسها:لا مبحبكش ولا حاجة وياريت بقي تنساني خالص وتسبني ف حالي
شمس قامت واخدت شنطتها ومشيت ونادر مشي وراها
نادر:يا شمس استني ارجوكي متهربيش انا متاكد انك بتحبيني
شـمــس بخوف:ابعد عني يا نادر ارجوك
نادر بتهديد:يعني ده اخر كلام عندك؟؟
شـمــس بثقة:ايوة ده اخر كلام عندي
نادر وهو ماشي ف الشارع وراها لقي مكبر صوت مع واحد راح اخده منه
نادر وهو بيتكلم ف مكبر الصوت:يا شمس بحبك يا شمس اقفي عندك يا شمس بقولك بحبك وعارف انك بتحبيني
شـمس جريت عليه لان الناس بدات تبص عليهم
شـمــس بهمس:اسكت يا مجنون
نادر ف مكبر الصوت:ابداااااااااا الا لما تعترفي يا شمس
شـمــس:خلاص خلاص انا ب….ب…
نادر:زي بعضه خليني بقي اتكلم انا ف المكبر ده كده لحد ما تعرفي انتي بت ايه بالظبط
شـمــس بخوف وهمس:خلاص خلاص انا بحبك يا نادر
نادر ف مكبر الصوت:احمدك يارب مش مصدق نفسي قوليها تاني تاني
شـمــس بخوف وتوتر:بطل تتكلم ف الهبابة دي ابوس ايدك خلاص مش قولتلك بحبك
نادر شالها من علي بوقه وحطها فوق عربية من العربيات
نادر بابتسامة:بحبك يا شمس
شـمــس بعياط:وانا كمان والله
نادر بحزن:انتي بتعيطي؟
شـمــس بسخرية:لا اصلي عطشانة قولت اشرب دموعي
نادر:ههههههه بحبك
شـمــس بابتسامة:مجنون هقول ايه؟
نادر:مش اجن منك…فاكرة البونيه الي كنتي هطيري بيها عيني
شـمــس:ههههههههههههه طب فاكر انت فرغلي؟
نادر و شمس:هههههههههههههه
نادر:يلا بقي علشان اوصلك وبالمرة حدديلي معاد مع خالك علشان اكلمه ف موضوعنا
شـمــس بكسوف وابتسامة:علي طول كده؟
نادر:طبعا ….خلاااااص معندناش وقت نضيعه انا وانتي هنتخطب علي طول
شـمــس بابتسامة:بحبك
نادر بعياط كوميدي:وربنا انا هعيط اخيرا سمعتها قبل ما اموت
شـمــس بحنان:بعد الشر عليك
نادر بسخرية:اصلك متعرفيش الكلمة دي كان مفقود فيها الامل ازاي؟
شـمــس:كده بردو؟؟؟
نادر بحنان:خلاص متزعليش يلا بقي اوصلك واطلع شقة خالك اطلبك منه
شـمــس بفرحة:يلا
———————————–
نادر وصل شمس ل شقتها
نادر بفرحة:مع السلامة
شـمــس بفرحة:الله يسلمك
نادر:هشوفك امتي تاني؟
شـمــس بمكر:اول ما اكلم خالي وتقابله علي طول
نادر بابتسامة:تمام…بلغيني بالمعاد ف الموبايل
شـمــس بفرحة:حاضر
شمس تروح بيتها ونادر من بعيد بيبص عليها وهو مبتسم
———————————–
شمس راجعة بيتها مبتسمة وفي عالم تاني
سلمي:ايه مالك؟؟؟؟راجعة مفرفشة يعني
شـمــس بابتسامة وفرحة:سلمي….باركيلي انا هتخطب
سلمي بفرحة:بجد؟؟؟؟؟؟؟؟؟؟مين؟؟
شـمــس بابتسامة:هيييييييييح نادر
سلمي:نادر؟؟؟؟؟؟
شـمــس:ايه مالك؟؟؟؟
سلمي:ههههههه اصل ده اخر واحد اتوقع انك ترتبطي بيه….عمرك ما جبتي سيرته حتي
شـمــس بابتسامة:هو ده الي انا بحبه يا سلمي وكنت بكابر وبعترف دلوقتي ان انا بحبه
سلمي بتفاجا:بتحبيه؟؟
شـمــس بفرحة:اه بحبه وهو كمان بيحبني
سلمي:لالالالا انتي تحكيلي بقي ايه الخروجة الي شقلبت كيانك كده؟؟
شـمــس:تعالي وانا هحكيلك
شمس دخلت اوضة سلمي ورضوي وحكت ل سلمي علي كل حااااجة
سلمي باندهاش:معقولة كل ده بتحبيه وعاملة نفسك مش طيقاه وبتهزقيه وبتتعصبي بسببه
شـمــس:كنت بكابر بس دلوقتي اتاكدت من حبي ليه لما هو اعترفلي
سلمي:امممممم
شـمــس بحزن:سيبنا بقي من الموضوع ده…قوليلي اخبار الحمل ايه والكلية والمحاضرات؟
سلمي بحزن:الحمدلله يعني ماشي الحال…انا خايفة اوي مش عارفة هعمل ايه لما بطني تكبر؟؟
شـمــس:متقلقيش هنلاقيه يعني هنلاقيه هو يعني هيروح فين؟
———————————–
نادر رجع بيته فرحان اوي
ماجد:ايه طمني؟؟هاااا عملت ايه؟؟
نادر بفرحة:قولتلها اني بحبها وقالتلي انها بتحبي وهتاخد معاد من خالها علشان اروح اتقدم
ماجد بفرحة ومزاح:لولولولولولولولي الف مبروك ياخويا ونبي فرحتلك من قلبي
نادر بسخرية:عقبال ابنك يا ام محمد
ماجد بصدمة:ابني؟؟؟؟
نادر:عارف يا ماجد الكبر ده حاجة وحشة اوي ممكن تضيع اي اتنين بيحبوا بعد لما حد بيحب حد بجد وبيكابر بيبقي بياذي نفسه مش بيحافظ علي كبريائه
ماجد بيسمع الكلام ده وافتكر سلمي وهو مصدوم
نادر:ماجد؟؟؟؟
ماجد:هااا ايوة ايوة انا معاك معلش بس انا ورايا حاجة لازم اعملها عن اذنك
نادر بشك:طيب روح يلا
ماجد دخل اوضته وهو عمال بيفكر ف سلمي والي حصلها
“ياتري عاملة ايه ف حملها؟؟؟؟عاملة ايه بعد ما ضحكت عليها وسبتها؟؟؟يا عم انت شاغل دماغك ليه ما تولع مش المهم اخدت الي انت عايزه….صح كده….سلمي دي اصلا انا محبتهاش ومتهنيش”
———————————–
شمس ف اوضة سلمي ورضوي بعد ما حكتلهم علي كل حاجة
سلمي:طيب يلا روحي بقي كلمي خالي علشان يجي يتقدملك
شـمــس بفرحة:فرييييييييييرة
شمس طلعت ل شقة خالها علشان تكلمه ف موضوع نادر
شـمــس بفرحة:عايزاك ف موضوع مهم
مصطفي:اااه بصي بالنسبة ل موضوع سلمي انا
شـمــس:ياخالي انا مش جاية اكلمك ف موضوع سلمي
مصطفي:امال موضوع ايه؟
شـمــس بابتسامة:نادر عايز يجي يتقدملي
مصطفي:مين نادر ده؟
شـمــس بابتسامة:نادر الي انقذني من اكرم لما جه هنا وهو الي عمل خطة علشان يتقبض عليه ويثبت براءتي
مصطفي:ايوة ايوة افتكرته…مش هو ده كمان الي كان زميلك ف الشركة؟؟
شـمــس بفرحة:هو يا خالي….بصراحة بقي انا اكتشفت اني بحبه وهو كمان صارحني بحبه وكان بيستاذن يعني ياخد معاد علشان يطلبني منك
مصطفي:ينور ف اي وقت…اقولك قوليله يجي بكره الساعة 7
شمس قامت باست خالها
“يا حبيبي يا خالو”
مصطفي بابتسامة:ههههههههه البت اتهبلت…هو ده الي مش عايزة تتجوز!!!بنات اخر زمن
وجريت بسرعة علي شقتها
شمس بتتصل ب نادر ويرد نادر علي الموبايل
نادر بفرحة:ايه يا حبيبتي؟
شـمــس بابتسامة:خالي وافق وقالي خليه يجي بكره الساعة 7
نادر:تمام يا حبيبتي مش هتاخر عليكي
شـمــس:سلام بقي علشان اقول ل رنا
نادر:سلام
ويغلق نادر الخط بفرحة
———————————–
شمس بتتصل ب رنا و ترد رنا علي الموبايل
قبل ما رنا تقول ولا كلمة
شـمــس بابتسامة وفرحة جنونية:نادر هيجي يخطوبني بكره يهووووووووو لولولولولولولولي
رنا:ههههههههههههههه بتتكلمي بجد؟؟
شـمــس:اه وحياة ربنا
رنا بمكر:نادر؟؟؟مش نادر ده بردو الي مكنتيش طيقاه
شـمــس:لا دي كانت حركات كده كنت بداري بيها بس صدقيني انا فعلا بحبه بجد ومصدقت انه صارحني بكده
رنا:طيب يا ستي ربنا يزيد المحبة بيكوا….وعلي العموووووم انا كنت عارفة من زمان من ايام ما كنتو بتشتغلوا ف الشركة بس يلا بقي ربنا ستار حليم هههههههه
شـمــس مازحة:رخمة من يومك
رنا:خدي الكبيرة بقي…انا تعمدت اعزمه ف فرحي علشان انتي جاية….علي اساس يعني بحط النار جنب البنزين
شـمــس:هههههههههه يابنت اللذين وكنتي بتصيعي عليا وتقوليلي عازمة زمايلي
رنا:المهم جي يخطبك امتي؟
شـمــس بفرحة:بكره الساعة 7
رنا بهزار:لولولولولولولولولي عقبال كتب الكتاب
شـمــس:ياااا رب
رنا:طيب اقفلي بقي علشان اكلمه اباركله هو كمان يخربيت فقرك
شـمــس:طيب ….سلام
رنا:سلام
وتغلق رنا الهاتف
رنا بتتصل ب نادر ويرد نادر علي الموبايل
رنا:الوو
نادر:ازيك يا رنا؟؟؟ايه انتي عرفتي؟
رنا:طبعا وهي شمس بيتبل ف بوقها فولة
نادر:ولو بحبها بردو
رنا بمكر:احكيلي بقي عملت ايه؟خليت البت اعترفت وطايرة كده
نادر حكالها علي الي حصل
رنا:اخوك ده شيطان وافكاره شيطانية….ده لعيييييب
نادر بسخرية:طبعا يابنتي…بس مش عارف ليه بخاف منه ومن افكاره
رنا: يابني عادي كل الي ف سنه كده….يلا ربنا يتمم بخير….سلام
نادر:سلام
———————————–
شمس ف بيتها بتكلم الكهربائي ف الموبايل
“ايوة ايوة يا اسطا محمد الجرس بتاعنا بيكهرب …اي حد بيلمسه بيتكهرب علي طول لازم تيجي تصلحه انهارده….بكره ايه بقولك انهارده…..اوووووف يعني مفيش فايدة تيجي انهارده؟؟؟؟طيب خلاص مع السلامة”
سلمي خرجت من اوضتها
“ايه فيه ايه؟”
شـمــس بتنهيد:الجرس بيكهرب ولازم الكهربائي يجي يصلحه ونادر جي الساعة 7 وخايفة يتكهرب منه
سلمي:ما تكلميه تقوليله طيب
شـمــس:قافل تليفونه
سلمي:معلش شوية وهيفتحه وابقي قوليله
الساعة 7 نادر قدام الباب ومعاه معتز وماجد!!!!!
نادر جي يرن الجرس ….
.
.
الحلقة الثالثة والعشرون
شـمــس بتنهيد:الجرس بيكهرب ولازم الكهربائي يجي يصلحه ونادر جي الساعة 7 وخايفة يتكهرب منه
سلمي:ما تكلميه تقوليله طيب
شـمــس:قافل تليفونه
سلمي:معلش شوية وهيفتحه وابقي قوليله
الساعة 7 نادر قدام الباب ومعاه معتز وماجد!!!!!
نادر جي يرن الجرس
نادر جاله تليفون
“يووو معلش نسيت اقفل الموبايل”
ماجد:طيب يلا اقفله
ماجد رن الجرس واتكهرب ووقع ف الارض ونادر ومعتز اتفزعوا وشالوه
نادر بفزع:يانهار ابيض اخوك ماله مبينطقش ليه؟؟
معتز بقلق:طب يلا نشيله نوديه للمستشفي
نادر بتردد:طب و….وشمس؟
معتز:ياعم نبقي نجيلها وقت تاني يلا شيل معايا
نادر:اوووووف ايه النحس ده بس!!
ويروح نادر ومعتز وهما شايلين ماجد علي المستشفي
———————————–
شمس ف بيتها ومعاها خالها واخواتها
شمس قلقانة لان نادر لسه موصلش
شـمــس بقلق:يووووو هما ليه اتاخروا كده؟؟انا قلقانة اوي
مصطفي:معلش يابنتي الغايب حجته معاه
شـمــس:لالالا انا هتصل بيه اشوفه اتاخر ليه؟؟
نادر ف الوقت ده كان بيحاول يتصل ب شمس
شـمــس وهي بتشيل الموبايل من علي ودنها
“يوووو بردو مشغول”
مصطفي:طيب اصبري شوية يمكن يتصل هو
شـمــس:ياااا رب ميكنش حصل حاجة
نادر وهو ف المستشفي مع ماجد وجنبه معتز
معتز:ايه؟؟بتعمل ايه؟
نادر:بحاول اكلم شمس من الصبح مشغول
معتز:طيب حاول تاني
نادر اتصل بيها واخيرا كان جرس وشمس ردت
نادر بلهفة:الووو ايوة يا شمس
شـمــس بقلق:ايوة يا نادر مجتش ليه؟
نادر:معلش يا شمس ماجد اخويا جه يرن الجرس و….
شـمــس مقاطعة:بس متكملش…اتكهرب صح؟؟
نادر باندهاش:اه…انتي كنتي عارفة؟
شـمــس:ايوة وكنت بتصل بيك علشان اقولك بس كان تليفونك مقفول
نادر:معلش قدر الله وماشاء قعل…انا دلوقتي مع اخويا ف المستشفي لو ينفع نحدد معاد تاني لاني مش هقدر اجي انهارده
شـمــس:ثواني اسئل خالي
شـمــس:خالي نادر بيقول ان اخوه اتكهرب من الجرس ودخل المستشفي ومش هيعرف يجي انهارده…ممكن معاد تاني؟
مصطفي بتنهيد:لا حول ولا قوة الا بالله …خلاص خليها بكره ف نفس المعاد
شـمــس:ايوة يا نادر خالي بيقولك بكره ف نفس المعاد
نادر بفرحة:اتفقنا….وحشتيني
شـمــس بابتسامة وخجل:وانت كمان
نادر:هيييييح معلش مليش نصيب اجي اخطبك انهارده بس متقلقيش جايلك بكره يا حبيبتي
شـمــس بفرحة:تيجي بالسلامة
مصطفي كان واقف ورا شمس
مصطفي:انتو بتقولوا ايه؟؟؟؟؟يلا اقفلي …مفيش الكلام ده الا بعد الخطوبة
شـمــس بخضة:احم احم حاضر يا خالي
نادر بنتهيد:اوووووف معلش بكره هخطبك ومحدش هيقولنا تلت التلاتة كام
شـمــس بحزن:سلام يا نادر
نادر:سلام يا روح نادر
نادر قفل الخط وفضل باصص للموبايل واخده بالحضن
معتز مناديا ببرود:انت يا سي نادر….انتي يا عم روميو
نادر بقرف:ايه يابني حرام عليك قليت مزاجي مش كفاية خالها
معتز:يابني سيبك من شمس دلوقتي وخليك ف اخوك المتكهرب ده
نادر:ماشي اما نشوف الدكتور هيقولنا ايه
———————————–
ف اليوم التالي
شمس ف بيتها واقفة مع رنا
شـمــس:هااا تفتكري فستاني كده حلو؟؟
رنا:يوووو دي رابع مرة تساليني واقولك زي القمر يا شمس خلصينا بقي
شـمــس بقلق:انا خايفة خايفة اسمعي قلبي كده….فرقة مزيكا
رنا:ههههههههه طبيعي يابنتي مهو بردو انا وياسر كنا قصة حب ولما جه يتقدملي حصلي كده بردو …بس كنت اعقل شوية
شـمــس:يعني تقصدي ان انا مجنونة؟؟؟
رنا:يا حبيبة قلبي انتي ست العاقلين اخلصي بقي واجهزي علشان زمانه علي وصول وانا همشي بقي
شـمــس بارتباك:ما تخليكي ونبي يا رنا عايزة تسبيني ف لحظة زي دي
رنا:يا حبيبتي مهو لو كان جه امبارح يتقدملك مكنتش هبقي موجودة بردو….معلش انا لازم امشي….سلام
شـمــس:سلام
وتمشي رنا
شمس خرجت من اوضتها وكان مصطفي قاعد
مصطفي:اهدي شوية لسه نص ساعة علي المعاد
شـمــس بترجي:ونبي يا خالي ما تشدد عليه ف الطلبات
مصطفي بابتسامة:هههههه متقلقيش مش هشد عليه ف حاجة
سلمي خرجت من اوضتها
شـمــس بفزع:ايه رايحة فين؟
سلمي باستعجال:معلش يا شمس عايزة اروح اذاكر عند صحبتي علشان حبة حاجات واقعة مني كده
شـمــس بحزن:وهتسبيي ف يوم زي ده؟؟
سلمي:معلش بقي يا شمس الامتحانات قربت وبعدين مهو خالي موجود هو ورضوي وهما الخير وبالبركة
شـمــس بتحذير:ماشي بس خلي بالك علي نفسك هااا وحاولي تشفطي بطنك شوية
سلمي:حاضر يا شمس….يلا سلام
شـمــس بحزن:سلام
وتمشي سلمي
مصطفي:متقلقيش علي اختك بطنها لسه صغيرة….خليكي دلوقتي ف موضوعك
شـمــس:ماشي…يا مسهل
الباب يخبط وشمس تفتح الباب
تلاقيه نادر
شـمــس بابتسامة:اهلا اهلا اتفضل يا نادر
نادر:احم ده ماجد اخويا خريج كلية اداب وده معتز اولي ثانوي السنادي
شـمــس باندهاش:اداب؟؟انا اختي سلمي تانية ادب
ماجد بحزن:سلمي؟
شـمــس باندهاش وهمس:اه….نادر ادخل بقي اعرفك علي خالي واقعدوا علشان تتفقوا
نادر:حاضر
ويدخل نادر يسلم علي خالها
ويقعد نادر واخواتها وشمس جت تقعد جنب نادر خالها شاورلها بمعني لا
نادر:انا اسف اوي اني مجتش امبارح بس حضرتك اكيد عرفت الي حصل ل ماجد اخويا
مصطفي:ولا يهمك الف سلامة عليه
ماجد:الله يسلم حضرتك
مصطفي:طيب مش ندخل ف الموضوع!!!
نادر بخجل:احم احم طبعا حضرتك عارف انا جي انهارده ليه؟
مصطفي:طبعا وانت شرفتنا بزيارتك دي
نادر بفرحة:ربنا يخليك…حضرتك انا كنت جي اطلب ايد شمس فا كنت عايز اعرف طلبات حضرتك ايه؟
مصطفي:يعني الطلبات مش طلباتي الي هي هتقول عليه اهم حاجة طبعا الشقة انت عارف
نادر:انا الحمدلله عندي شقة تحت الشقة الي ساكن فيها مع اخواتي بالنسبة للمهر والشبكة معنديش اي مشكلة
مصطفي:تمام….اهم حاجة موافقتها هي
شـمــس:يوووو يا خالي بقي …انا موافقة يلا بقي نقرا الفاتحة
مصطفي:يابنتي استني
شـمــس:يلا يا نادر
نادر وشمس واخواته قراوا الفاتحة ورضوي طلعت بسرعة تقراها معاهم فا خالها ملقاش غير انه يقراها معاهم هو كمان
وبعد الفاتحة نادر طلع الدبل ولبس شمس دبلتها ولبسته هي دبلتها واخواته كانوا فرحانين اوي ومصطفي كان مستغرب من السرعة الي هما فيها ومن استعجالهم بس ملقاش غير انه لازم يبقي فرحان علشان الخطوبة تمت
شـمــس بخجل:نادر …تسمحلي؟
نادر باندهاش:بايه؟
شـمــس:لولولولولولولولولولولولي
نادر:ههههههههههه يا مجنونة
مصطفي:ياااا ده انتو مجهزينها سوا بقي
شـمــس بفرحة وخجل:يا خالي انا موافقة عليه وشايفة اننا نعرف بعض كفاية علشان نلبس دبل علي طول
مصطفي بفرحة:الف مبروك ليكوا انتو الاثنين
رضوي بهزار:خووونة كنتوا هتقراوا الفاتحة من غيري
الجميع:هههههههههههه
شـمــس بحزن:ياااا لو كانت سلمي معانا…معلش اصلها عندها امتحانات
نادر:ربنا معاها
بعد ما نادر قعد مع شمس و خالها ورضوي شوية
نادر قام هو واخواته وسلم علي مصطفي وكان بيبص لشمس بابتسامة وهي كمان ومشي نادر هو واخواته
بعد ربع ساعة
سلمي وصلت البيت
“معلش يا شمس حقك عليا والله كان لازم اروح لصحبتي ضروري”
شـمــس بابتسامة:خلاص يا حبيبتي ولا يهمك…بصي علي ايدي
سلمي بفرحة:ايه ده؟؟اتخطبتي؟؟؟لولولولولولولولي
شـمــس:هههههههه يخربيت جنانك…اه يا ستي اتخطبت انا ونادر لبسنا دبل
سلمي مازحة:علي طول كده من اول مرة يتقدملك خطوبة ف نفس اليوم …مالكوا مستعجلين كده ليه؟
شـمــس بفرحة:ياستي خلينا نخلص بقي وقريب باذن الله كتب الكتاب بس بعد امتحاناتكوا
سلمي:باذن الله…الف مبروك يا شموسة ….يلا انا ادخل بقي علشان اراجع علي شوية حاجات
شـمــس:طيب يلا ادخلي
سلمي باست شمس وحضنتها ودخلت
سلمي دخلت اوضتها
نادر بيتصل ب شمس و ترد شمس علي الموبايل
نادر:حبيبة قلبي
شـمــس بفرحة:خير بتتصل بيا ليه؟
نادر:مكنتيش عايزاني اتصل بيكي؟
شـمــس بخجل:هااا لا ابدا اتصل براحتك
نادر:مقدرتش مقولكيش تصبحي علي خير
شـمــس:وانت من اهله يا حبيبي…سلام
نادر بابتسامة:سلام
ف اليوم التالي ف الصبح بدري
باب شقة شمس يخبط
تروح تفتح الباب هتلاقي…………………