حب غير مسموح الجزء الثاني

الحلقة الثامنة عشر
نادر فضل ماشي ورا اكرم بالعربية لحد ما وصل لكافيه
نادر لبس نظارة شمس وقعد ف ترابيزة قريبة من ترابيزة اكرم
اكرم قاعد مستني شخص معين يجيله
وفجاة ييجي شخص ما ويقعد علي ترابيزة اكرم
نادر ف صدمة:انا مش مصدق عنيا معقول يكون……………. نيرة!!!! نيرة هي الي اكرم متفق معاها علي كده؟
نيرة علي الترابيزة مع اكرم
نيرة:اتاخرت عليك؟
اكرم:لا ابدا ف معادك ياانسة….بس خير عايزاني ف ايه؟
نيرة:بص بقي موضوع الشركات المتضررة من العطا ده انت متشغلش بالك بيه قدام الناس كلها شمس هي الي سربت العطا….انت فاهم؟
اكرم:تمام….وطب وبالنسبة للدفعة التانية الي طلبتها؟
نيرة:اممممم ده طمع بقي؟
اكرم:لا ابدا ده حق مش طمع
نيرة:طب اسمع بقي موضوع شمس ده احنا الاثنين لينا مصلحة فيه منه ابعدها عن سكة نادر ومنه تبقي ليك وتوافق علي ارتباطكوا من غير تردد
نادر وهو بيسمعهم
“ياااااااا قد كده انا كنت اعمي وغبي …..معقولة نيرة تعمل كده؟؟”
نيرة بتكمل كلامها:وخلاص كل واحد نال مراده من الموضوع ده….انا كتب كتابي علي نادر كمان يومين وانت وهي خلاص اتخطبتوا وهتتجوزوا قريب يبقي مفيش داعي بقي للطمع ده وكفاية اوي الي اخدته
اكرم بزعيق:لاااااا ده انا اقلب الترابيزة علي الكل
نيرة:طب وطي صوتك وانت بتتكلم مش عايزين فضايح…اول واحد الترابيزة هتتقلب عليه هو انت….انا بنت صاحب الشركة يعني مفيش عليا لوم انما انت مجرد سكرتير
اكرم خاف اوي من اسلوبها
“ماشي….خلاص…انا همشي بقي علشان واخد اذن نص ساعة بس ….سلام”
نيرة:سلام
ويمشي اكرم
نيرة هتفضل قاعدة
نادر فكر انه يقوم ل نيرة ويعرفها انها اتكشفت علي حقيقتها انما قرر انه ميعملش كده
نادر ندمان اوي علي الي قاله ل شمس وكل لما يفتكر كلامه ليها ومعملته ليها يزيد ندم وكره لنفسه
نادر ف سره:شمس لازم تعرف حقيقة اكرم…لازم…وكتب كتابي انا ونيرة مش هيتم…احسن حل اتكلم مع شمس انهارده واقولها علي حقيقة السافل الي اسمه اكرم
———————————–
شمس ف البيت مع سلمي ورضوي
شـمس رايحة جاية من القلق
شـمــس:يعني هيكون اتاخر ليه؟
رضوي:اقعدي بقي يا شمس خيلتينا
شـمــس:يوووو اعمل ايه بس قلقانة
وتتلقي شمس اتصال تليفوني المتصل ميادة (زميلتها ف الشغل الجديد)
و ترد شمس علي الموبايل
شـمــس:ازيك يا ميادة؟
ميادة:ايه يابنتي مجتيش الشغل ليه؟
شـمــس بارتباك:معلش حصلت ظروف
ميادة:طيب تمام ….اصل المدير سال عليكي
شـمــس:طيب قوليله حصلي ظروف طارئة
ميادة:طيب ….سلام
شـمــس:سلام
وفجاة الباب يخبط
تروح شمس تفتح بسرعة
مصطفي يدخل
شـمــس بقلق:ايه ياخالي اتاخرت ليه؟
مصطفي:معلش سبيني بس اقعد اخد نفسي وانا هقولك علي كل حاجة
شـمــس باستعجال:يووووو لسه هتقعد….ما تتكلم بقي سيبت ركبي
كان ف كباية شاي مصطفي اخدها يشربها
“طيب اصبري بس اشرب الشاي وهحكيلك”
شـمــس وهي بتاخدها من ايده: لسه هتشرب الشاي؟؟؟ياجماعة حرام عليكوا انتو مش مقدرين خطورة الموقف الي احنا فيه …احكي وخلصنا
مصطفي:طيب
شـمــس باستعجال:يلا يا خاااالي احكي بقي
مصطفي:طيب اصبري هحكي اهو….بصي يا ستي صعب اووي اووي اننا نعطر ف الواد ده من اسمه ورقم الموبايل الشركة باعته لحد تاني وبقي باسم حد تاني اما بقي من الكلية فا هما مستحيل يسربوا معلومات عن الطلبة لحد
شـمــس بعصبية:يا نهااار اسود…يعني ايييه؟يعني خلاص مش هنعرف نلاقيه؟
مصطفي:يابنتي هندور عليه ف كل حتة وباذن الله هنلاقيه
شـمــس بقلق:ياربي حلها من عندك يارب
سلمي لما سمعت كده بدات تعيط
شـمــس:يابنتي كفاية بقي مش وقت بكي ونواح الوقت ده وقت تدبير وتفكير لحد ما نلاقي ابن الندلة ده الي عمل عملته وهرب
مصطفي:ماشي احنا هندور علشان نلاقيه…هنلاقيه فين؟
شـمــس:بص بقي ياخالي انت هتدور علي الواد ده ف بيت بيت حارة حارة زنجة زنجة لحد ما نلاقيه….هتدور عليه فييين؟
مصطفي:زنجة زنجة؟؟؟جري ايه شمس انتي قلبتي القذافي من الصدمة ولا ايه؟
شـمــس بغيظ:ماشي يا خالي….الواد ده احنا لازم نجيبه من تحت الارض حتي …اما كده اما البنت هتتفضح
———————————–
نادر كان طالع للعمارة الي ساكن فيها وكان البواب قاعد مع واحد وبيتكلموا
البواب:الست الي بتيجي تنضف الشقق اكيد هي الي سرقت الخاتم الدهب بتاع مدام رجاء
الشخص الي معاه:ياااا دي اكيد بقي متعودة علي سرقة الشقق
نادر اتعصب اوي لما سمع كلامهم
نادر بعصبية:انت يا بجم انت وهو انتو ازاي بتتهموا حد من غير دليل
البواب:يا باشمهندس نادر اكيد هي الي سرق
نادر بعصبية:وانت ايش عرفك الحقيقة فين؟هو انت غبي انت ازاي بتحكم علي حد من غير دليل قاطع؟
البواب:معاك حق ياباشمهندس يمكن تطلع مش هي
نادر بعصبية:ولما انت عارف انها يمكن تطلع مش هي عملت كده ليه انت غبي غبي….يووووو حاجة تفلق
ويمشي نذهب نادر ف غضب
نادر قال الكلام الي كان المفروض يقوله لنفسه لما ظلم شمس من غير ما يسمعها
نادر بعد ما دخل بيته بيفكر ف موضوع شمس واكرم ومش قادر يتصور انها مخطوبة للفضحها
وتسبب ف رفدها
يرن هاتف نادر المتصل نيرة
نادر:انا لازم محسهاش بحاجة لحد مااعرف شمس الحقيقة
ويرد نادر علي الموبايل
نادر بتمثيل:الووو ازيك يا حبيبتي
نيرة باندهاش:حبيبتك؟؟؟اول مرة تقولها يعني
نادر:طبعا بيبتي وروحي وحياتي…خير ف حاجة؟
نيرة:اه كنت عايزاك تنزل معايا علشان تنقي الفستنان الي هنعمل بيه كتب الكتاب
نادر ف سره:كتب الكتاب ده بعينك يا نيرة
نادر:طبعا هنزل معاكي علشان ننقيه بس امتي؟
نيرة:بكره مناسب اوي….ايه رايك؟
نادر:مفيش مانع بكره هتلاقيني عندك
نيرة:ماشي ياحبيبي…. باااي
نادر بقرف:باي
نادر حاول يتصل بشمس بس لقي تليفونها مقفول وقرر انها لازم يقابلها بنفسه ويعرفها الحقيقة
———————————–
الساعة 7 بليل
اكرم مستني شمس تحت البيت وشمس تنزله
شـمــس بابتسامة:اتاخرت عليك
اكرم بابتسامة:لا ابدا انتي تتاخري براحتك….يلا بينا…تحبي روح فين؟
شـمــس:اي مكان
اكرم:هوديكي مكان تحفففففه
شـمــس بفرح:فين؟؟؟
اكرم:احلي مطعم مشويات
شـمــس:هييييييييييييييه
اكرم:بحبك يا مجنونة
شـمــس اتكسفت اوي وفضلت مبتسمة وساكتة رغم انها بداءت تحس بمشاعر حلوة ناحية اكرم بسبب معاملته وحبه ليها بس مقدرتش تبادلة نفس شعور الحب وافتكرت ان الحب جي بعدين
ويروحوا مع بعض المطعم
اكرم:شمس انتي مبسوطة؟
شـمــس بتردد:اوي
اكرم:امال ليه مش حاسسها ف عنيكي؟
شـمــس:لا ابدا يمكن بس علشان لسه منعرفش بعض
اكرم:اتكلمي عن نفسك انتي بس الي متعرفنيش انما انا اعرفك كويس وعلشان كده حبيتك
شـمــس بخجل:شكرا بجد يااكرم علي كلامك ده
اكرم بحنان:متشكرنيش علي مشاعري يا شمس
شـمــس:آآآآآ هنطلب ايه؟
اكرم:الي تحبيه
شـمــس:ماشي متهيئلي ده كويس صح؟
اكرم بحب:كل حاجة تختاريها كويسة
بعد ما يخلصوا اكل الجارسون هيشيل الاطباق
شـمــس:وريني الحساب كام
اكرم:لا معلش انا الي هدفع
شـمــس:اكرم مينفعش انا لازم ادفع حسابي
اكرم:معلش يا شمس مفيش فرق بينا انا هتدفعه وارجووووكي متحرجنيش
شـمــس بابتسامة:ماشي بس المرة دي بس
اكرم بحب:تامريني
شـمــس:طيب انا اتاخرت اوي يلا بينا نقوم
اكرم:تمام يلا هوصلك
شـمــس:لا معلش انا هروح لوحدي البيت مش بعيد عن هنا
اكرم:الي يريحك….مع السلامة
شـمــس:مع السلامة
اكرم يروح ويشاور ل شمس من بعيد وهي تشاورله بابتسامة
شمس لسه جاية تمشي لقت نادر وقف بالعربية قدامها ونزل منها واخدها من ايديها علشان يركبها
شـمــس بعصبية:انت ايه مجنون؟؟؟ايه الي بتعمله ده سبني؟
نادر بحذر:شمس اركبي معايا وبلاش فضايح عايزك ف موضوع مهم
شـمــس بعصبية:يا نهارك اسود وكمان سكران
نادر:اه سكران واتفضلي بقي علشان هتركبي معايا
شـمــس بعصبية:انا مش عايزة اركب معاك ولا اشوف وشك يااخي
نادر بتحذير:انتي هتركبي معايا بالذوق ولا لا
شـمــس:لا لا لا
نادر بتحذير:شمس اركبي معايا ومتبقيش عنيدة
شـمــس بسخرية:ياااا معقولة عايز تركب واحدة رخيصة معاك ف العربية؟؟؟؟مش هو ده بردو الي قولته عليا
نادر بندم وحنان:شمس ارجوكي انا اسف ارجوكي تسامحيني انا غلطت ف حقك ممكن بقي تركبي معايا؟
شـمــس:وانا مش عايزة اشوف خلقتك تاني ومش هركب معااااك
نادر:بجد مش عايزة تشوفيني تاني؟؟طب عيني ف عنيك كده
شـمــس بارتباك:آآآآآ ابعد عني بدل ما اصوت والم الناس عليك
نادر:ارجووووكي هما دقيتين بس وانزلي
شـمــس:لا يا نادر لا والف لا وسبني بقي ف حالي
نادر بعصبية جامدة شدها من ايديها وركبها بالعافية
شـمــس بصراخ:سبني يااخي سبني بقي والله هلم عليك الناس…سبني يا سكرااااان
شمس بعد ما ركبت معاه بالعافية
شـمــس بعصبية شديدة:انت لازم تفهم ان انا دلوقتي مرتبطة ومينفعش الي انت بتعمله ده
نادر بثقة:يمكن لما تسمعي كلامي ده حاجات كتير تتغير
شـمــس بسخرية:هههههه لما نشوف
نادر طلع بالعربية
شـمــس بارتباك:ايه ده؟؟؟انت رايح فين؟
نادر بحنان:هوصلك
شـمــس بعصبية:انا مش عايزة منك توصيل ولا زفت انا عايزة افهم بقي ف ايه؟؟هو انت بتراقبني ولا ايه؟
نادر بسخرية:ماشاء الله عليكي نبيهة وياتري عرفتيها لوحدك؟
شـمــس بعصبية:نادر انا مبهزرش
نادر بعصبية اكبر:وانا مش جايبك علشان اهزر معاكي
نادر حس انه اتعصب زيادة اوي وشمس خافت منه
نادر بهدوء:يا شمس ارجوكي الموقف ميحتملش الي بتعمليه ده
شـمــس:نادر نزلني انا مش عايزة اسمع حاجة
نادر بعصبية:لا هتسمعي بالذوق بالعافية هتسمعي
شـمــس بعياط:نادر كفاية بقي ما تسبني ف حالي يااخي سبني اعيش حياتي مع الي بيحبني وانسي اي حاجة زعلتني انت تسببت فيها
نادر بغموض وثقة:الي انتي فكراه موسي طلع فرعون
شـمــس باندهاش:تقصد ايه من كلامك ده؟
نادر بهدوء وهو بيستعد لمواجهة شمس بالكلام الي عرفه
“شمس….اكرم هو الي سرب العطا بالاتفاق مع نيرة علشان يرفدوكي من الشركة علشان يقدر يتقدملك وساعتها مستحيل ترفضي طلبه لانه كان بيمثل عليكي انه مصدقك مع انه عارف ومتاكد انك مش انتي الي عملتيها”
وحكالها ازاي عرف الكلام ده
شمس بتسمع الكلام ده وهي مصدومة ومش عارفة ترد
نادر بيكمل كلامه بنفس الهدوء:هي دي الحقيقة يا شمس ….انتي مخطوبة لواحد مرتشي وزبالة
شـمــس بصدمة:انت…انت كداب كداااااااااب فاهم يعني ايه كداب! …انت كداب وسكران وانا لا يمكن اصدقك
وجابت ازازة مياه كانت ف العربية ورشته بيها علي وشه
شـمــس بعصبية وعياط:فوق بقي لنفسك يااخي انت ايه؟مستكتر عليا الفرحة
نادر اتعصب منها لانها دلقت المياه علي وشه بس لقي انه لازم يتمالك اعصابه
نادر:صدقيني يا شمس احلفلك باغلي حاجة عندي ان هي دي الحقيقة وانا لو كدبت علي العالم كله مستحيل……مستحيل اكدب عليكي
شمس بصتله بتصديق واهتمام
شـمــس بتمثيل عدم تصديق وعصبية:واشمعني انت عايزني اصدقك دلوقتي وانت مصدقتنيش!
نادر:صدقيني انا ندمان علي الي قولتلهولك وندمان علي كل حاجة وكل دقيقة حالتي بتسوء زيادة بسبب الي عملته
شـمــس بسخرية وعصبية:وتندم ليه بقي وتعمل ف نفسك كل ده؟؟؟
نادر مسكها من دماغها فجاة وهي كانت خايفة
نادر بزعيق وهو بيبص ف عنيها:علشان….علشان انا بحبك ….بحبك يا شمس!!!!!
.
.
الحلقة التاسعة عشر