حب غير مسموح الجزء الثاني
نادر مسكها من دماغها فجاة وهي كانت خايفة
نادر بزعيق وهو بيبص ف عنيها:علشان….علشان انا بحبك ….بحبك يا شمس!!!!!
شمس مسمعتش الكلمة دي منه لان العربية دخلت بيهم ف شجرة!!!
نادر كان سكران و كان مركز معاها اوي ف الكلام فا منتبهش للطريق
نادر فاق بسرعة وهو سليم ومفيهوش اي جروح وفجأة بص ناحية شمس بسرعة لقاها مجروحة ف راسها ومغمي عليها
نادر بفزع:شمس!!!!! شمس قومي….يا شمس فوقي …..شمس!!!
لما لقاها مبتردش عليه شالها بسرعة ووقف تاكسي
نادر بلهفة:علي اقرب المستشفي بسرعة وحياتك
السواق:حاضر اتفضل اركب
نادر ركب جنب السواق ونيمها علي الكنبة الي ورا وطول الطريق عمال يبص عليها
اول ما وصلوا المستشفي نزل من العربية وشالها علي الاستقبال
شمس ف اوضة الكشف نايمة علي سرير الكشف ونادر معاها
نادر بلهفة وقلق شديد:طمني يا دكتور هي مالها؟
الدكتور:متقلقش اوي كده حضرتك دي شوية جروح وكدمات بسيطة وهتخف علي طول
نادر بارتياح:الحمدلله
الدكتور:واضح انك بتحب المدام اوي
نادر:هااا المدام؟؟؟اه اه
الدكتور:طيب ماشي هي هتفوق علي طول وهتروح معاك متقلقش
نادر بتمني:يااارب
الدكتور خرج ونادر شد كرسي وقعد جنبها وفضل باصصلها
نادر كان شايل معاه موبايلها هيلاقيه فجاة يرن المتصل اكرم
نادر بابتسامة صفراء:طبعا تلاقيك بتتصل علشان تطمن علي الي خدعتها وفهمتها انك ملاك بيحبها
نادر قفل الموبايل
اكرم:الله….هي قافلة تليفونها ليه؟؟؟تلاقيها نامت ومش عايزة حد يزعجها ولا حاجة
نادر قاعد جنب شمس وهي محطوطلها بلاستر ف دماغها
شمس بتفوق تتدريجيا
شـمــس وهي مش قادرة تتكلم:آآآآه…آآآه…نادر…..نادر
نادر بلهفة وحنان:انا جنبك اهو…حمدلله علي السلامتك…انتي كويسة؟
شـمــس بفزع وخضة:ايه ده؟؟؟نادر؟؟انا فين؟
نادر بحب:متتخضيش انتي ف المستشفي
شـمــس:مستشفي؟؟مستشفي ليه؟حصل ايه؟
نادر بخجل:يعني…حادثة بسيطة كده…بس الحمدلله جت سليمة..انتي كويسة
شـمــس بعصبية:طبعا لازم نعمل حادثة علشان سيادتك بتسوق وانت سكران
نادر بهمس:وطي صوتك شششششش هتفضحينا
شـمــس:اديني وطيت صوتي اهو اما نشوف اخرتها معاك…انت ايه يااخي مش كفاية اهنتني وعايز تفرق بيني وبين خطيبي الي بيحبني بجد وعايز تضيع فرحتي كمان فوق ده كله عايز تموتني
نادر بعصبية:اسمعي بقي انا اتحملت صوتك العالي كتير اوي …دي كانت حادثة وانا مكنتش اقصد اما بقي بالنسبة للشرب الي شربته فا كان بسببك
شـمــس:بسببي انا؟؟ليه بقي وانا الي قولتلك روح اشرب؟
نادر باندهاش:هو انتي ايه؟؟مش فاكرة اي حاجة؟؟
شـمــس:طبعا فاكرة….فاكرة انك بتعمل مكيدة علشان توقع بيني وبين اكرم بس انا مش هديك الفرصة دي
نادر اتاكد انها مسمعتوش وهو بيعترفلها بحبه فا زعل اوي وزاد حزنه وقلقه
نادر:يا شمس افهمي ابوس ايدك اكرم هو الي عملك مكيدة علشان يرفدك ابوس ايدك الموقف ميحتملش الي بتعمليه الموقف صعب
شـمــس بسخرية:لا برافو عليك فعلا عاملي فيها واعظ طب لما انت مفتح اوي كده ليه محستش اني ممكن اكون مظلومة
نادر بسرعة:عميت….ارتحتي؟؟علشان انا كنت اعمي بس دلوقتي خلاص الغشاوة اتشالت وفتحت
شـمــس كانت مصدقاه بس عقلها مش قادر يستوعب حيرانة ومش مصدقة ان اكرم ممكن يكون عمل كده
شـمــس بتحدي:وانا مش مصدقاك يا نادر واوعي بقي من سكتي علشان اروح
نادر:هوصلك لحد بيتك بتاكسي
شـمــس:الف شكر انا عارفة سكتي كويس وعارفة مصلحتي كمان
نادر:مش هسيبك تروحي لوحدك
شـمــس بعصبية:وانا بقولك سبني ف حالي يا نادر
شمس كانت لسه جاية تخرج لقت الدكتور
الدكتور:معلش يا مدام الاول بس نطمن عليكي وبعدها تخرجي
شـمــس باندهاش:مدام؟؟؟
الدكتور:اتفضلي اطمن بس عليكي قبل ما تمشي…علي فكرة جوز حضرتك كان قلقان عليكي اوي ربنا يخليكوا لبعض
شـمــس بصت ل نادر ساعتها بكسوف ونادر بصلها بصة حزن
الدكتور خلص كشف عليها
“تمام اوي دلوقتي تقدري حضرتك تمشي…اتفضلوا”
شمس خرجت من المستشفي ونادر دفع الحساب وطلع وراها
وهي ماشية وبتوقف تاكسي لقت فجاة شباب بيعاكسوها
الشاب:ايه؟الجميل بيعمل ايه هنا الساعة دي؟
شاب اخر:ما تيجي معانا يا قمر ولا انت مكسوف
شـمــس:ابعدوا عني يا زبالة انت وهو
الشاب الاول:احنا زبالة يا بت ماشي انا هوريكي
شـمــس بصريخ:الحقووووووني الحقووووني
نادر كان خلاص هيمشي ويسبها اول ما سمع صوتها جري عليها علي طول ونزل فيهم ضرب وهي كانت بتعيط وخايفة
جريوا كلهم بعد ما نادر ضربهم وشمس كانت بتبص وهي منبهرة
نادر بابتسامة و غرور:اممممممممم تيجي معايا اوصلك ولا اسيبك هنا علشان الشباب القمامير دول يتحرشوا بيكي؟؟؟
شـمــس بغيظ:عاااااااا يلا اتفضل وصلني بس خد بالك دي اخر مرة هشوف فيها خلقتك
نادر بابتسامة صفراء:يا سلام ده انت تؤمريني
———————————–
ف بيت شمس
سلمي ف اوضتها ومعاها رضوي
سلمي:يووووو شمس موبايلها مقفول ومبتردش انا خايفة يكون جرالها حاجة
رضوي:ياستي متقلقيش هي مش قالت خارجة مع اكرم تلاقيها معاه
سلمي وجت ف دماغها فكرة:اكرم؟؟؟ايوة صح انتي عبقرية
رضوي بغرور:ياسلاااام هي دي حاجة جديدة طب ماانا عارفة
سلمي:امممممم بعيدا عن غلاستك يا ست رضوي انا بقي هتصل ب اكرم اساله عن شمس
رضوي:ماشي ياستي اتصلي ونشوف
سلمي اتصلت ب اكرم وهو نايم وصحي فجاة يرد عليها
اكرم بنوم:الوووو
سلمي:الوووو ايوة يا اكرم….انت نايم؟؟؟؟؟
اكرم:اه كنت نايم
سلمي بفزع:ايه ده؟؟؟هو انت مش مع شمس؟
اكرم:لا انا روحت وشمس قالت انها هتروح لوحدها
سلمي:يا نهاااار امال شمس راحت فين؟دي مرجعتش لحد دلوقتي….الساعة داخلة علي 11
اكرم بخضة:بتقولي ايه؟؟؟يعني ايه مرجعتش؟؟؟طب استني انا هلبس وجايلك حالا
سلمي:طب يلا بسرعة وحياتك
وتغلق سلمي الخط
رضوي:ايه مالك؟؟؟ف ايه؟؟شمس حصلها حاجة؟
سلمي:مصيبة….مصيييييييييبة
رضوي:اكتر من المصايب الي احنا فيها؟قولي قولي
سلمي:اكرم روح من بدري ونام وشمس مش معاه
سلمي تحس بدوخة وتعب جامد
رضوي بتريقة:لا ابوس ايدك امسكي نفسك شوية علشان العيل الي ف بطنك يا شابة
سلمي تفتكر انها حامل وتضايق اوي
سلمي:اخرسي يابت انتي بتتريقي عليا؟؟
رضوي:فشر انا اقدر بردو…ونبي ما وقته خلصينا بس نشوف موضوع شمس ده لا تطلع مخطوفة والعصابة تطلب فدية
سلمي:يخربييييتك انتي خلاص الافلام اثرت علي دماغك ولحست مخك….بزمتك حد يقول علي اخته كده؟
رضوي:امال يعني هتكون راحت فين بقي؟
سلمي:الله اعلم
———————————–
شمس مع نادر وهما راكبين تاكسي جنب بعض
شـمــس وهي بتجز علي سنانها:انا مش طيقاك يااخي تقعد جنبي
نادر:ومين سمعك انا كمان مش طيقك بس ما باليد حيلة مضطر اوصلك
شـمــس بغيظ:انت مستفز
نادر:وانتي قليلة الذوق ده بدل ما تشكريني علي انقاذي ليكي من العيال دي
شـمــس بعصبية:وهو كان مين اصلا الي جابني ف المكان ده وركبني معاه بالعافية مش انت؟
نادر بعصبية:ركبت معايا علشان اتحرش بيكي مثلا….مش علشان افهمك علي الحقيقة الي انتي لحد دلوقتي مش مستوعباها ولا عايزة تصدقيها
السواق:ف حاجة يا اساتذة
نادر وشمس بعصبية:مفيييش سوق وانت ساكت
نادر بيكمل كلامه:يعني سيادتك مش عايزة تصدقيني وزعلانة اوي علشان مصدقتكيش انما القلم الي انتي ادتيهولي ده عادي صح
شـمــس:مهو انت الي استفزتني
نادر:خلاص انتي حرة تصدقي او متصدقيش انا هوصلك علي البيت واتكل علي الله علي بيتي
شـمــس سكتت بس كانت متغاظة ومتعصبة منه
———————————–
اكرم اول ما عرف ان شمس مرجعتش البيت لبس هدومه ونزل بسرعة علي بيتها
ف بيت شمس
سلمي وخالها ورضوي قاعدين
مصطفي:الوقت اتاخر اوي الساعة داخلة علي 12 ولسه ماجتش ربنا يستر يارب
سلمي بقلق:انا قلقانة اوي يا خالي علي شمس ده اكرم بيقول انه سابها وروح
رضوي:متقلقيش ان شاء الله هترجع هي يعني هتروح فين؟
سلمي بقلق:مصيبة لا تكون اتخطفت زي ما انتي قولتي
مصطفي بفرزع:اتخطفت؟؟؟لالا هو احنا ناقصين ياربي
مصطفي بهمس:مش كفاية موضوعك
رضوي:وربنا المعبود مهو واقته يا خالي خلينا بس نشوف شمس راحت فين
وفجأة الباب يخبط
سلمي بفرح:شمس!!! الحمدلله اكيد رجعت
مصطفي بفرح:طب افتحلها بسرعة
سلمي تفتح الباب تلاقيه اكرم
سلمي بخيبة امل:يووووو هو انت! ده احنا افتكرناك شمس
اكرم بقلق:هي لسه مرجعتش؟
سلمي:لا
مصطفي:يابني هي مش كانت معاك؟
اكرم بقلق:ايوة كانت معايا بس مش عارف ممكن تكون راحت فين!!!انا هبلغ البوليس
مصطفي:لا بوليس ايه يابني!!…مينفعش قبل ما يعدي علي اختفاءها 24ساعة
اكرم بقلق:ايه ده هو احنا هنستني لما يعدي 24 ساعة؟؟….طب ثواني انا هحاول اتصل بيها
اكرم اتصل ب شمس تاني بس بردو كان الموبايل مقفول
———————————–
شمس مع نادر ف التاكسي
شـمــس ببرود:شنطتي فين يا نادر؟
نادر وهو بيديها الشنطة:اتفضلي شنتطك اهي
شـمــس بعصبية:وشايلها معاك ليه بقي؟
نادر بهدوء:علشان انتي كنتي ف المستشفي ومكنش ينفع اسيبها ف العربية
شـمــس تحس انه ساعدها ووداها المستشفي وشال معاه شنطتها وهي احرجته بكلامها
شـمــس بحزن:شكرا
نادر بحزن:العفو يا شمس
نادر ف سره:آآآآه لو كنتي سمعتي اخر كلمه قولتهالك قبل الحادثة كنتي تعرفي انا ليه بعمل كل ده علشانك؟
نادر وشمس وصلوا قدام بيتها
———————————–
اكرم ف بيت شمس
اكرم بعصبية:لالالا انا مش هستني اكتر من كده انا هنزل ادور عليها
مصطفي:يابني اقعد بس هتدور عليها فين؟
اكرم:ان شالله اقلب عليها البلد كلها لحد ما الاقيها مهو مش ممكن نفضل قاعدين كده وهي ممكن تكون ف خطر
مصطفي:يابني ان شاء الله ميكنش ف خطر ولا حاجة اقعد بس استني
اكرم مسمعش كلامه وفتح الباب ونزل علي السلم وكانت شمس بتنزل من التاكسي ونادر عمال بيبص عليها وهي بتتحاول تتجاهله نادر نزل من التاكسي وراها
اكرم اول ما شافها ونادر
اكرم بعصبية:انتي كنتي فين لحد دلوقتي؟؟؟؟و ايه الي عمل كده ف دماغك….وبتعملي ايه مع نادر؟
شـمــس:هاااا انا …اصلي …معلش ياكرم
نادر اتغاظ اوي من خوفها منه واسلوبها معاه رغم الي عرفته
نادر ببرود:شمس عملت حادثة يااكرم وكانت ف المستشفي ومن فضلك بقي كفاية كلامك ده
اكرم بعصبية:والله بقي دي خطيبتي وبتكلم معاها وانت متتدخلش ثم انت ازاي جي معاها وازاي اتقابلتوا؟
نادر ببرود:ملكش دعوة
شـمــس بهدوء:خلاص يااكرم بقي مش وقته
اكرم بعصبية:لا يا هانم انتي مش مخطوبة ل سوسن انا من حقي اعرف انتي كنتي فين معاه وبتعملوا ايه لحد الساعة 12 بعد نص الليل
نادر سابه ومشي
اكرم بعصبية:اقف عندك يا نادر انا بسالك
نادر بعصبية:وانا قولتلك ملكش دعوة هو ايه البعيد غبي مبيفهمش
اكرم بعصبية وتوعد:ماشي يا نادر انا غبي طب انا هوريك
اكرم ضرب نادر والاثنين نزلوا ضرب ف بعض وشمس كانت بتعيط
شـمــس بعصبية وعياط:كفااااية بقي انتو الاثنين
اول ما لقيتهم لسه بيضربوا ف بعض بدات تحوشهم عن بعض لحد ما سابوا بعض
شـمــس بعصبية:انتو ايه اتجننتوا… احنا ف الشارع
نادر:هو الي بدا وفهمته كذا مره انه ميدخلش فلي ميخصهوش علشان ميندمش….فاهمني يااكرم
اكرم بزعيق:انت تقصد ايه بكلامك ده؟
نادر:اقصد الي اقصده….انا همشي
ويمشي نادر
شمس كانت عمالة تبص ل نادر بحزن
اكرم:سيبك من المجنون ده؟
شمس حودت نظرها عند اكرم وبقت بتبصله ب شك غريب
اكرم:شمس انتي بتبصيلي كده ليه؟
شـمــس بمكر وغضب:مفيش….تصبح علي خير
وتمشي شمس
شمس طلعت شقتهم وكان سلمي ورضوي ومصطفي قاعدين
سلمي بلهفة:حمدلله علي السلامة يا شمس وايه الي ف دماغك دي؟سلامتك
شـمــس كانت سرحانة
سلمي:يا شمس…يا شمس انا بكلمك
شـمــس:هاااا معلش يا سلمي مكنتش سمعاكي
سلمي:بقولك ايه الي ف دماغك ده؟
شـمــس:حادثة بسيطة كده متشغليش بالك
سلمي:امال انتي كنتي فين بقي؟وايه الي جاب معاكي نادر؟مهو احنا شوفنا الخناقة من البلكونة
شـمــس:يووووووو يا سلمي انا مش متحملة عن اذنكوا بقي علشان تعبانة
شمس تدخل اوضتها
شـمــس ف سرها:يااااا معقولة يكون كل كلام اكرم ليا وانه مصدقني وبيحبني ….كل ده تمثيل؟؟؟ونادر اصلا ايه مصلحته ف انه يقولي الكلام ده….ياربي انا هيحصلي جنان ف دماغي
مصطفي خبط الباب علي اوضة شمس
شمس:ميين؟
مصطفي:افتحي يا شمس انا خالك
شمس فتحت الباب ودخلته
شـمــس:خير ف حاجة؟
مصطفي:ايه انتي نسيتي ولا ايه؟
شـمــس:آآآآه صح قولي عملت ايه ف موضوع الواد الياه؟؟؟؟
مصطفي بخيبة امل:فص ملح وداب
شـمــس:طب وبيناته الي ف الكلية؟
مصطفي:منا قولتلك قبل كده ممنوع
شـمــس بخضة:يالهووووي يعني خلاص مستقبل البت ضاع
مصطفي:يا شمس اهدي اكيد ف حل…هي ورقة الجواز مش معانا
شـمــس:معانا
مصطفي:طيب قلقانة ليه؟دي لوحدها توديه ف داهية
شـمــس:بس كون انه يقولها بليها واشربي مياتها يبقي هو مش خايف
مصطفي:متهيئلك…يمكن قال كده علشان يضعفنا ونفتكر انها مش هتعمل حاجة فا منشتكيهوش بيها
شـمــس:وجهة نظر بردو…طب والعمل؟؟بطن البت هتكبر
سلمي دخلت فجاة:شمس
شـمــس:نعم؟ عايزة ايه؟
سلمي:عايزة بطيخ
شـمــس:ايه؟؟بطيخ؟؟وده اجبهولك منين ده بقي ان شاء الله؟؟مش الموسم بتاعه
سلمي:مليش دعوة عايزة بطيخ
مصطفي:الحقي دي بتتوحم
شـمــس:الله
مصطفي:حي
———————————–
اكرم ف اوضته
اكرم:مستحيل يكون نادر عرف حاجة وراح قالها هو يعني هيعرف منين بس نظراته مش مريحة شكله كده عرف بس هي كانت طبيعية اوي…واضح اوي انه بيحبها…نادر شكله مش هيجبها لبر
———————————–
نادر ف بيته
نادر بعصبية:بعد كل ده مصدقتنيش؟…انا مش فاهم هي ليه مكنتش عايزة تصدقني؟…هي شكلها بتحبه…انا مستحيل اسيبها تتجوز اكرم…علي ج/ثتي…علي ج/ثتي يا شمس…طب اعمل ايه بس ياربي؟؟
نادر سهر طول الليل يفكر ازاي يخليها تقتنع بالحقيقة الي قالها لحد ما لقي فكرة كويسة
نادر:بس لقيتها هو ده الحل………
.
.
الحلقة العشرون
نادر سهر طول الليل يفكر ازاي يخليها تقتنع بالحقيقة الي قالها لحد ما لقي فكرة كويسة
نادر:بس لقيتها هو ده الحل…انا لما هشوف رنا بكره ف الشغل لازم احكيلها علشان تساعدني بس علي الله تصدقني
ف اليوم التالي اكرم ف الشغل ونادر لسه موصلش
نادر اول ما وصل الشغل بقي بيبص ناحية اكرم بغيظ واكرم بيبادله نفس نظرة الغيظ
نادر بمكر:صباح الخير
اكرم ببرود:صباح النور
نادر:هي رنا جاية امتي يا شريف؟
اكرم بشغف:بتسال ليه يا نادر؟
نادر:انا سالت شريف علي فكرة
شريف:يعني علي وصول شكلها
رنا وصلت
“ايه صباح الفل يا شباب”
الجميع:صباح النور
نادر:ازيك يا رنا؟
رنا ببرود:الحمدلله يا باشمهندس
نادر:معلش يا رنا عايزك علي جنب
رنا:خير يا نادر عايز مني ايه؟
نادر:تعالي بس
نادر اخدها ف حتة بعيدة عن زمايله وفضل يبص يمين وشمال
نادر بهمس:عايزك بعد الشغل
رنا بفزع:نعم؟
نادر:يا رنا ابوس ايدك متفهمنيش غلط…ده موضوع مهم جداً…بخصوص شمس
رنا بفزع:شمس؟؟؟مالها شمس؟
نادر:يادي النيلة…ياستي شمس بخير…لحد دلوقتي يعني
رنا:نعم؟؟؟؟مش فاهمة وضح كلامك
نادر:لما اشوفك هبقي احكيلك…المهم بس توافقي نتقابل
رنا بتنهيد:مفيش مانع…الساعة كام؟
نادر:بعد الشغل علي طول
رنا:تمام…مستنياك…انا رايحة بقي اشوف شغلي
نادر:اتفقنا
نادر رجع مكتبه تاني واكرم عمال بيبص ناحيته ونادر مش واخد باله
وفجاة يجي بسيوني
بسيوني:صباح الخير يا نادر
نادر:صباح النور
بسيوني:متنساش هتنزل انت ونيرة انهارده زي ما اتفقتوا علشان تختار معاها فستان كتب الكتاب
نادر بسخرية:طبعا طبعا
بسيوني:طيب تمام ربنا يتمملكوا بخير
نادر:شكرا يا فندم
شريف:هنيالك ياعم كتب كتابك بكره…الف مبروك
نادر ف سره:مش هيتم …بعينك يا نيرة
اكرم بسخرية:الف مبروك يا نادر
نادر:الله يبارك فيكوا
———————————–
شمس ف الاتوبيس ف الطريق ل شغلها الجديد بتكلم خالها ف الموبايل
شـمــس:ايوة يا خالي…ها وصلت لحاجة؟
مصطفي:يعني اهو بحاول…اهم حاجة انا هدور علي الواد ده من ناحية وانتي تدوري علي البطيخة الي اختك بتتوحم عليها من ناحية التانية
شـمــس بعصبية:بطيخة؟؟بطيخة ايه يا خالي؟اجبلها بطيخ منين مش الموسم بتاعه
مصطفي:معلش اتصرفي بدل ما الواد يطلعله بطيخة ف حتة كده ولا كده
شـمــس:ماشي يا خالي …سلام
مصطفي:سلام
وتغلق شمس الخط
شمس بتسال الست الي جنبها
“متعرفيش حد يكون بيبع بطيخ يا حاجة؟؟”
———————————–
بعد الشغل رنا واقفة مستنية نادر قدام الشركة
نادر:رنا عايزك ف موضوع مهم اوي
رنا بقلق:يااخي قول قلقتني
نادر:طب تعالي نقعد ف اي حتة وانا احكيلك
رنا:يلا
نادر ورنا ف كافية بعد ما حكالها كل الي حصل
رنا لما سمعت الكلام ده كانت بتشرب العصير وشرقت
رنا بخضة:هاااااا بتقول ايييييه؟
نادر بحزن:والله العظيم هي دي الحقيقة ارجوكي تصدقيني
رنا باندهاش:معقولة اكرم يعمل كده؟؟؟طب ازاي؟؟ده…ده انا كنت فكراه بيحبها
نادر:واضح فعلا انه مثل عليها دور الحب صح لانها مصدقتنيش
رنا بابتسامة:بالعكس بقي الي عملته شمس ده اكبر دليل انها مصدقاك هي يمكن بس اتصدمت ومعرفتش تفكر
نادر بحزن:واضح انها بتحبه اوي علشان كده مترددة
رنا بمكر:نادر؟؟؟؟؟؟هات من الاخر …انت ايه الي يخليك تعمل كده؟؟و ليه يهمك اوي انها تصدقك؟؟….واوعي تكدب
نادر بارتباك:تقصدي ايه؟
رنا:بص بقي يا نادر اذا كنت فاكر ان انا مش عارفة انت عملت كده ليه؟؟تبقي غلطان…انا عارفة ومتاكدة انك بتحب شمس من زمان علشان كده مقدرتش تشوفها ف خطر ومتحذرهاش حتي لو مصدقتكش
نادر بخيبة امل:ويفيد بايه بقي حبي ليها ادام بتحب اكرم!!!
رنا:يانادر شمس مبتحبش اكرم وعمرها ما فكرت فيه
نادر:امال هي بقي اتخطبتله ليه يا ام العريف؟
رنا:علشان حست ان هو الي صدقها وكمان علشان تنسي الجرح النفسي الي انت سببتهلها وعملت زيك زي باقي الموظفين
نادر:والله العظيم انا ندمان ونفسي تسامحني…بس انتي عرفتي منين انها مبتحبوش؟
رنا:هي الي قالتلي كده بلسانها
نادر بفرحة:بجد؟؟
رنا:لا بهزار
نادر باندهاش:امال هي بتحب مين؟
رنا ببرود:سؤال غبي مش هرد عليه
نادر بفرح واندهاش:معقولة؟؟؟؟
رنا هزت راسها بمعني ايوة وهي حاطة ايدها علي خدها
رنا:بس انا عارفة شمس كويس عندها كبرياء وعمرها ما هتعترف لحد بده حتي لنفسها
نادر:طب والعمل؟
رنا:قولي انت ايه العمل ف كتب كتابك الي بكره ده؟ده بسيوني بيه عازم كبار رجال الاعمال
نادر بثقة وحسم:مش هيتم
رنا بشغف:ليه؟؟هتعمل ايه؟
نادر:انا هتصرف ملكيش دعوة علشان لازم احل الموضوع ده بسرعة علشان افوق بقي ل سي اكرم ده ونشوف ياانا يا هو
رنا:يعني بردو مقولتليش ناوي علي ايه؟
نادر:هتعرفي كل حاجة ف وقتها …المهم دلوقتي ان شمس لازم يبقي عندها يقين من جواها مش مجرد شك ان كل الي قولته ده حقيقة
رنا بثقة:هتقتنع متقلقش…من جهة شمس سيبلي الموضوع ده انا هحاول اتصرف انا ليا طريقتي
فجاة شخص يجي من ورا رنا
الشخص بعصبية:الله الله مين ده يا هانم الي قاعدة معاه؟
رنا بخوف:يا ياسر افهم ده يبقي……
نادر مقاطع:ده ياسر جوزك يارنا…اهلا اهلا اتشرفت بيك يا استاذ
ياسر بعصبية:وكمان ليك عين تتكلم!!
ياسر كان لسه هيضرب نادر رنا حاشته
رنا بفزع:يالهوي يا ياسر افهم حرام عليك انت مش فاهم حاجة
ياسر:ولا كلمة قدامي علي البيت لحسن اقسم بالله……
رنا مقاطعة:لا بلاش ونبي استهدي بالله وانا هفهمك
ياسر بزعيق:اتفضلي فهميني
رنا:ده يبقي زميلي ف الشغل وخطيب بنت المدير وكتب كتابه عليها بكره وكان بيكلمني ف موضوع بخصوص زميلة لينا
ياسر قام يسلم علي نادر
ياسر:معلش انا اسف ياباشمهندس حقك عليا…..انا كنت فاهم الموضوع غلط
نادر:ولا يهمك انت عندك حق ف الي عملته
ياسر:طيب تمام انا كده فهمت استاذن انا بقي
نادر:لا انا الي استاذن معلش ورايا حبة حاجات…عن اذنكوا…سلام
رنا و ياسر:سلام
———————————–
شمس ف الشغل
يرن هاتف شمس المتصل رنا
و ترد شمس علي الموبايل
شـمــس:الووو ايوة يا رنا ازيك؟
رنا:انا الحمدلله تمام يا شمس واخبارك ايه؟؟واخبار اكرم؟
شـمــس بارتباك:هاااا الحمدلله تمام
رنا:بقولك ايه يا شمس؟ انا كنت بتصل بيكي علشان اسئلك علي محل فساتين يكون كويس
شـمــس:اه اعرف بس ليه؟
رنا بمكر:اصلي عايزة اجيب فستان حلو احضر بيه كتب كتاب بنت المدير بكره
شـمــس بحزن:ايه ده؟؟هو كتب كتابها علي نادر بكره؟
رنا بابتسامة ماكرة:اه ياستي بصراحة نادر كان مستعجل اوي
شـمــس بحزن:الف مبروك
رنا بمكر:الله يبارك فيكي عقبالك انتي واكرم
شـمــس:هااا اه طبعا
رنا:ماشي يلا بقي اديني اسم المحل
شـمــس:محل ايه؟
رنا بمكر:محل الفساتين يا شمس
شـمــس وهي بتفوق:اه اه ايوة افتكرت….اسمه (………….) ف شارع……….
رنا بابتسامة خبيثة:الف شكر يا حبيبتي يلا سلام
شـمــس:سلام
وتغلق شمس الخط
شـمــس بحزن:كتب كتابهم بكره؟؟بكره ازاي يعني؟؟؟بسرعة كده؟؟
شـمــس وفاقت لفسها وبثقة
“وانا ايه الي يهمني يعني؟ ما يتجوزوا ولا ميتجوزوش دي حاجة تقرف”
———————————–
رنا بعد ما قفلت مع شمس بتتصل ب نادر
ويرد نادر علي الموبايل
رنا:ايوة يا نادر انت فين؟
نادر وهو بيبص ل نيرة وبيتكلم بهمس
“انا مع نيرة ف محل فساتين علشان تختار فستان كتب الكتاب”
رنا:طيب تمام اوي كله ماشي عال العال…انا كمان كلمت شمس وشعللتها شوية
نادر بشغف:قولتلها ايه؟
رنا:غيظتها بكتب كتابك انت ونيرة
نادر بابتسامة وفرحة:وعملت ايه؟
رنا:يوووووووو نبرة صوتها اتغيرت 180 درجة كانت هتشيط ف الموبايل…المهم خليك انت بقي فلي انت فيه
نادر:ماشي يا رنا سلام
رنا:سلام
ويغلق نادر الخط
نادر:معلش يا نيرة كان معايا مكالمة مهمة
نيرة:طيب تعالي بقي ندخل المحل ده نشوف الفساتين الي فيه
نادر بخبث:ملوش لزوم الفستان ده…هتتعبي نفسك علي الفاضي
نيرة بخضة:تقصد ايه؟
نادر:هاااا اقصد يعني ان انتي كده زي القمر مش محتاجة فستان ولا حاجة
نيرة بابتسامة:لا طبعا لازم فستان وفستان غالي كمان ده مش كتب كتاب اي حد
نادر بابتسامة خبيثة:طب يلا يلا نروح نشوف المحل الي شاورتي عليه
نيرة:يلا
———————————–
الساعة 7 بليل
شمس ف البيت
شمس دخلت البيت بعصبية ورزعت الباب وراها
سلمي:ايه مالك داخلة متعصبة كده ليه؟
شـمــس بعصبية:مفيش مش طايقة نفسي لفيت مصر كلها علشان البطيخة الي بتتوحمي عليها….اتفضلي اهي
سلمي بمكر:ياااا معقولة البطيخة الي طلبتها هي الي معصباكي كده
شـمــس:امال هيكون ايه يعني؟
سلمي بمكر:شمس؟؟؟؟الحركات دي مش عليا…حصل حاجة كده ولا كده؟؟حصل حاجة بينك وبين اكرم؟
شـمــس:اكرم؟؟؟؟لا ابدا انا بس اتبهدلت عبال ما لقيت البطيخة
سلمي:ماشي انا داخلة اكلها ف المطبخ قبل ما البت رضوي تصحي وتقولي هاتي حتة
شـمــس:يلا روحي
شمس دخلت اوضتها
وبعد ما غيرت هدومها وعدت من جنب اوضة سلمي ورضوي
وسمعت رضوي بتتكلم ف الموبايل
رضوي:ايوة يا عمر….عامل ايه؟؟انا كويسة ..لا متقلقش مفيش حد معايا…معلش اصل عندنا حبة ظروف وكده
شمس دخلت عليها فجاة
“حتي انتي يالي مطلعتيش من البيضة بتستغفليني وبتكلمي ولاد”
رضوي بخوف:يا شمس انا….انا هفهمك انتي مش فاهمة
شـمــس:الموضوع ده ميتكررش تاني والموبايل هاخده منك ولو عرفت انك عملتي كده تاني انتي حره
وتمشي شمس
شمس راحت اوضتها وسلمي جت وراها
سلمي:ايه يا شمس رضوي بتعيط وبتقول انك اخدتي الموبايل منها علشان خاري يا شمس سمحيها ورجعلها الموبايل وهي مش هتعمل كده تاني
شـمــس:انتي بالذات تسكتي خالص…اختك عيلة مقدور عليها الدور والباقي عليكي انتي والمصيبة الي نيلتيها
سلمي:اهو خالي بيدور وربنا يسهل بقي
شـمــس بحنان:عاملة ايه؟؟الحمل تاعبك؟؟
سلمي:يعني
شـمــس:مين بس يلايمني علي الواطي ده وانا اعرفه مقامه؟
سلمي بحزن وندم:محناش عايزين مشاكل المهم يتجوزني وخلاص…قوليلي بقي ايه الي كان معصبك؟
شـمــس:مفيش موضوع كده…يلا انا هروح بقي احضر العشا…تعالي حضريه معايا
سلمي:يلا
———————————–
ف بيت نادر
نادر داخل من باب الشقة
نادر:ماجد عايزك ف موضوع مهم
ماجد:خير ف ايه؟داخل علي طول كده وعايزني ف موضوع مهم…ايه لاقتلي شغل؟
نادر:يااخي انت كل الي همك الشغل؟لا ياسيدي مش شغل موضوع تاني خالص يخصني
ماجد:ماشي تمام تعالي ندخل جوه واحكيلي
بعد ما دخلوا
نادر:طبعا انت عارف ان كتب كتابي بكره
ماجد بابتسامة بهزار:اه طبعا عارف…الف مبروك يا عرييييس
نادر:طيب اسمع بقي كتب الكتاب ده مستحيل يتم
ماجد:نعم؟؟؟؟؟؟؟؟؟؟
نادر:اسمع مني بس وانا هحكيلك
نادر حكي ل ماجد علي كل حاجة
ماجد:ده كلام غريب اوي…مش اي حد يعقله
نادر:مهو علشان كده حكتلك
ماجد:يعني انت مش عايز كتب كتابك علي نيرة يتم؟
نادر:لا
ماجد:يابني انت مجنون؟؟هتضحي بواحدة زي نيرة علشان بتحب واحدة تانية اقل منها ف كل حاجة؟؟
نادر بعصبية:عندك!!!…انا مسمحلكش تتكلم عن شمس كده….هي شمس صحيح مش علي نفس مستوي نيرة المادي انما هي عندها حاجات كتير اوي نيرة عمرها ما تملكها
ماجد:آآآآآآآآآآآآآه هي دي بقي شمس؟؟؟؟؟
نادر بابتسامة:ايوة هي…الي قابلتها اول مرة لما رجعتلها محفظتها الي اتنشلت ف الاتوبيس والي لقيت نفسي فجاة بشتغل معاها ف نفس الشركة والي ظلمتها واتجنيت عليها وجرحت مشاعرها والي دلوقتي صارحت نفسي واتاكدت اني بحبها
ماجد بسخرية:يا عيني يا اخويا ده انت حالتك صعبة اوي
نادر:اتلم ياولا
ماجد:المهم دلوقتي انت ناوي علي ايه ف موضوع كتب كتابك؟
نادر بثقة وابتسامة:اقولك
———————————–
ف اليوم التالي
الساعة 9 بليل
ف بيت بسيوني خليفة
معازيم كتير موجودة والماذون قاعد ونيرة كانت قاعدة مستنية نادر وهي متوترة
بسيوني يجي ناحيتها
“ما تكلميه يابنتي شوفيه اتاخر ليه؟”
نيرة بقلق:مش عارفة يابابا انا بكلمه من بدري تليفونه مقفول
بسيوني:طب وبعدين ده احنا متفقين علي الساعة 8 والساعة دلوقتي بقت 9
نيرة بعياط:يوووو مش عارفة بقي انا اعصابي باظت خالص
بسيوني:يابنتي اهدي معلش زمانه جي
رنا كانت واقفة من ضمن المعازيم مع جوزها
“ياربي بس لو اعرف نادر مخطط ل ايه كنت ارتاح انما انا مش فاهمة حاجة”
ياسر:اهدي بس هو شكله مرتب لكل حاجة
رنا:يا رب
وفجاة جرس الباب يضرب
نيرة بابتسامة:نادر شكله جه يابابا
بسيوني بابتسامة:طيب كويس يلا بقي افتحوله الباب خلينا نكتب الكتاب ونخلص…الف مبروك يا حبيبتي
نيرة بفرحة:الله يبارك فيك يابابا
الشغالة راحت تفتح الباب وكل المعازيم بصوا نحيته ونيرة وباباها وقفوا يبصوا
الشغالة فتحت الباب لقت………………………………………………….
