حب غير مسموح الجزء الثاني

الحلقة الخامسة عشر
اكرم:شمس انا مش جي اتضايف
شـمــس باندهاش:امال انت جي ف ايه؟
اكرم بدون سابق انذار وفجاة
“شمس انا بحبك…..تتجوزيني؟؟؟
شـمــس باندهاش وصدمة:اكرم انت ….انت بتقول ايه؟
اكرم وهو واثق من كلامه:بقولك بحبك….تتجوزيني؟؟؟؟؟؟؟؟
شـمــس:اكرم انت فاجئتني اوي بكلامك ده….انا ف ظروف نفسية متسمحش اني ارتبط دلوقتي
اكرم:ليه يعني؟؟علشان موضوع…..
شـمــس مقاطعة:ايوة علشان موضوع العطا ومن فضلك بقي متضغطش عليا….اكرم انت الف واحدة تتمناك انما انا منفعكش وارجوك بقي متفتحنيش تاني ف الموضوع ده
اكرم:يا شمس صدقيني انا بحبك من زمان اوي من اول يوم شوفتك فيه ومستعد استناكي العمر كله بس انتي اديني فرصة….فرصة واحدة بس
شـمــس تفتكر نادر ف اللحظة دي والي قاله فا تبتدي تميل ل كلام اكرم
شـمــس:بس انا ليا هدف ولازم احققه ساعتها بس ممكن نتجوز
اكرم بشغف:ايه هو؟
شـمــس:اني اعرف مين الي سرب العطا ولبسها فيا ورفدني من شغلي وفضحني….واثبت للكل اني مش انا الي تعمل كده
اكرم بحسم:وانا معاكي لحد ما نلاقيه وتعرفي مين هو ….بس لحد ما كل ده يتم…تقبلي نرتبط؟؟؟؟
شـمــس مااخدتش وقت طويل علشان تاخد قرار خاصة بعد الي حصل مع نادر
شـمــس برد سريع وحزن:انا موافقة
اكرم كان مبسوط اوي
شـمــس:بس لازم تخطبني من خالو الاول
اكرم:حاضر هروح حالا اطلبك منه
ويمشي اكرم
شـمــس ف سرها:طبعا مش مقتنعة بالقرار الي اخدتيه بس هو بيحبني بجد وصدقني رغم كل حاجة مجرحنيش ومرضاش يسمع مني زي ما غيره عمل
———————————–
نادر بعد عودته الي البيت
نادر ببرود:سلام عليكم
ماجد:ايه يابني مالك مكشر كده ليه؟
نادر:مفيش
ماجد:طب بقولك ايه؟اقعد اتفرج معايا علي فيلم شمس الزناتي
نادر بعصبية:متجبليش سيرة شمس
ماجد وهو يحاول تهدئته:خلاص خلاص …بلاش شمس الزناتي تعالي نقلب نشوف حاجة تانية
ماجد يحود علي قناة تانية
ماجد:الله انا بحب الفيلم ده اوي ده بتاع شمس البارودي
نادر بعصبية:يووووووووووووو شمس بردو
ماجد:خلاص خلاص اقولك بلاش افلام ومسلسلات
ماجد يقلب علي قناة تانية
ماجد:بص بقي يا سيدي ولا افلام ولا مسلسلات اهو قناة وثائقية جايبة ظاهرة كسوف الشمس
نادر:يوووو اقولك علي حاجة انا قايم انام بلاش قرف
ويمشي نادر
ماجد:الله هو متضايق كده ليه؟؟؟وايه موضوع شمس ده؟؟
———————————–
نادر ف اوضته
يرن هاتفه المتصل نيرة ويجيب نادر عن الهاتف
نادر:الو
نيرة:ازيك يا حبيبي؟
نادر بزهق:الحمدلله
نيرة:شوفت الي حصل مع البنت السكرتيرة بتاعة بابا
نادر:اه عرفت
نيرة:مش انا قولتلك البنت دي مبرتحلهاش
نادر بعصبية:ما خلاص بقي يا نيرة مش عايز اتكلم ف الموضوع ده واظن كلامي واضح جداً
نيرة:خلاص خلاص هدي نفسك
نادر:عايز اشوفك
نيرة بفرح:بجد؟؟
نادر:اه بجد….عايز اشوفك علشان….علشان وحشتيني…ينفع؟
نيرة:طبعا ينفع
نادر:خلاص يبقي بكره الساعة 8 ونص ف الكافية الي علي اول الشارع
نيرة:ماشي مستنياك بكره
نادر:سلام
نيرة:سلام
نادر قرر انه هيلتفت ل نيرة وينسي اي حاجة شغلت تفكيره ويرمي القديم والي فات ورا ضهره
———————————–
ف بيت شمس
مصطفي يدق الباب وتفتحله شمس
شـمــس:اهلا يا خالو اتفضل
مصطفي:صحيح انك قولتي لزميلك ده الي اسمه كريم ولا مااعرف ايه انك موافقة تتجوزيه؟
شـمــس بحزن:اكرم ياخالو….اه قولتله اني موافقة
مصطفي:وده من امتي ده ان شاء الله!! منا ياما جبتلك وكنتي بتقوليلي مش عايزة تتجوزي علشان المسؤليات الي وراكي
شـمــس:اعتبره من انهارده انا خلاص هرتبط وهتجوز وهعمل كل الي انتو عايزينه
مصطفي:ربنا يكملك بعقلك يابنتي…بس….
شـمــس:بس ايه ياخالو؟
مصطفي:مش عارف ليه مش حاسك مبسوطة
شـمــس بتمثيل:انا؟؟؟لا ابدا ده انا هطير من الفرحة اكرم شاب كويس ومعتقدتش اني ممكن الاقي زيه
مصطفي بشك:ماشي ادام انتي فعلا حاسة بكده….قوليلي صحيح فين سلمي؟
شـمــس:ليه عايزها ف ايه؟
مصطفي:موضوع كده؟
شـمــس بشك:موضوع ايه الي بينك وبين سلمي وانا معرفوش؟
مصطفي:هااا احم احم ونبي يا شمس هاتيلي كباية مياه علشان شرقان بس
شـمــس:حاضر
وتمشي شمس
وتخرج سلمي
“انت هنا يا خالو؟؟”
مصطفي بهمس:وطي صوتك اختك جوه….ها طمنيني؟؟ايه الاخبار؟؟
سلمي بهمس:قولتلك يا خالو فاضل اسبوع علي التخرج ولسه معداش
مصطفي:اهم حاجة ان الورقة معاكي؟؟
سلمي:اكيد طبعا
مصطفي:خلاص اديهاني اشيلها معايا لا تضيع منك
سلمي:حاضر
سلمي تقوم تجيبها وترجعله تاني
“اتفضل”
شمس تخرج من المطبخ
“المياه ياخالو”
مصطفي بارتباك:الف شكر يا شمس
شـمــس وهي بتبص للورقة:ورقة ايه دي يا خالو؟
مصطفي:هااا لالا دي بتاعتي ماتشغليش بالك
شـمــس:ماشي
مصطفي:اه بالمناسبة اكرم زميلك الي جه يتقدملك بيقول اننا لازم نحدد معاد الخطوبة
شـمــس بحزن:اكيد طبعا
مصطفي:تحبي تكون امتي؟
شـمــس:المعاد الي هتحددوه مش هتفرق
مصطفي:علي خيرة الله ايه رايك لو يبقي الجمعة الجاية؟
شـمــس:ماشي
مصطفي:انا هتصل بيه بقي علشان ابلغه
شـمــس بحزن:ماشي يا خالو
مصطفي:انا همشي بقي وهبقي اعدي عليكي بكره
شـمــس:خالو انا كنت عايزاك ف موضوع علي انفراد
مصطفي:خير؟؟
شـمــس:لا مفيش بس تعالي نتكلم ف الصالون بعيد عن البنات
مصطفي:ماشي يلا
شمس وخالها ف الصالون
مصطفي:خير؟
شـمــس:انا كنت عايزة منك فلوس سلف علشان…..علشان….علشان انا اترفدت
مصطفي:ايه؟؟؟حصل ازاي ده؟؟؟
شمس حكت لخالها علي الي حصل
مصطفي:يانهار ابيض كل ده حصل ومقولتلناش
شـمــس:مكنتش عايزة اشيلكوا الهم بس ارجوك يا خالو متقولش حاجة للبنات
مصطفي:طبعا يابنتي طبعا…المهم عايزة فلوس ف حدود كام يعني
شـمــس:الي تقدر عليه لحد ما الاقي شغل تاني
مصطفي:ماشي خدي دول 600جنيه الي ف جيبي دلوقتي يكفوكي؟؟؟
شـمــس:اه حلوين اوي اهو لحد ماالاقي شغل بس ونبي متجبش سيرة لحد
مصطفي:حاضر متقلقيش….استاذن انا بقي
شـمــس:سلام
ويمشي مصطفي
———————————–
ف اليوم التالي الساعة 8 نادر ونيرة ف الكافية
نادر سرحان ومش مركز مع نيرة خااااالص
نيرة:انا مش فاهمة انت كل شوية بتسرح ليه؟؟مالك؟
نادر:هااا لا ابدا مفيش يمكن تعبان بس
نيرة بقرف:اممممممم طيب ….علي فكرة بقي بابا قال انه لازم نحدد معاد كتب الكتاب الاسبوع ده
نادر:آآآآ اه طبعا حددوا المعاد الي يريحكوا
نيرة:تمام يعني الخميس الي بعد الجي مناسب
نادر:اه مناسب …..مناسب جداً….نيرة يلا نقوم انا تعبان وعايز اروح
نيرة ببرود:ماشي يلا بينا نقوم
———————————–
يوم الجمعة تتم خطبة شمس واكرم
شمس كانت زعلانة طول الخطوبة بس اكرم كان فرحان اوي علشان اخيرا خطبها
اخواتها يلاحظوا انها زعلانة
بعد ما تخلص الخطوبة
اكرم:ايه رايك لو نخرج نحتفل؟
شـمــس:معلش يااكرم خليها يوم تاني
اكرم بحزن:برحتك….استاذن انا
شـمــس:سلام
اكرم:سلام
شـمــس ف سرها:ايه ياربي الي بعمله ده؟؟انا بظلم المسكين ده معايا وهو بيحبني بجد انما انا عمري ما حسيت تجاهه باي شعور
شمس تدخل اوضتها وسلمي تدخل وراها
سلمي:مالك يا شمس؟طول الخطوبة وانتي مكشرة ليه؟
شـمــس ف حزن:مفيش
سلمي:امال مكشرة ليه؟
شـمــس:هاااا قوليلي صحيح اخبار مذاكرتك ايه؟
سلمي وهي فاهمة انها بتتهرب:يعني
شـمــس:لا شدي حيلك عايزة تقدير حلو
سلمي ف سرها:شكلي حتي مش هعدي السنة
سلمي:طبعا يا شمس
شـمــس:يلا تصبحي علي خير
سلمي:وانتي من اهله
وتمشي سلمي
شـمــس:هو انا ليه حاسة انهم مخبين عني حاجة؟؟؟تصرفاتهم اليومين دول غريبة…يلا ربنا يعديها علي خير
———————————–
نادر ف الشركة
نادر قاعد علي مكتبه سرحان
ياتي زميل اخر له
“عرفت اخر الاخبار؟؟”
نادر:ايه؟خير؟ فرحني
الزميل:مش اكرم خطب
نادر ف فرح:بجد؟؟؟طب الف مبروك
الزميل بسخرية:الله يبارك فيك ياسيدي…عارف بقي خطب مين؟
نادر:مين؟
الزميل:مش هتصدق
نادر:لا هصدق قول
الزميل:خطب شمس!!!
نادر بصدمة:شمس مين؟
الزميل:شمس الي كانت بتشتغل معانا هنا واترفدت علشان سربت العطا
نادر بعصبية وصدمة:انت بتقول ايه؟؟؟؟!!!!!!!
.
.
الحلقة السادسة عشر
الزميل:مش اكرم خطب!!
نادر ف فرح:بجد؟؟؟طب الف مبروك
الزميل بسخرية:الله يبارك فيك ياسيدي…عارف بقي خطب مين؟
نادر:مين؟
الزميل:مش هتصدق
نادر:لا هصدق قول
الزميل:خطب شمس!!!
نادر بصدمة:شمس مين؟
الزميل:شمس الي كانت بتشتغل معانا هنا واترفدت علشان سربت العطا
نادر بعصبية وصدمة:انت بتقول ايه؟؟؟؟!!!!!!!
الزميل:يااا ومالك اتحمقت كده ليه؟؟ده انت المفروض تتحسر عليه مش بعيد كمان تسرب معلومات عن حياتهم الزوجية ههههههه
نادر بعصبية:ممكن تسكت يا شريف
شريف:خلاص خلاص سكت اهو انا رايح بقي اشوف بقيت الفيلات….عن اذنك
نادر بهمس:غور
نادر مش علي بعضه ومتعصب اوي من ساعة ما عرف الموضوع ومستغرب هو ليه زعلان كده ما يتخطبوا ولا ميتخطبوش عادي يعني وفي نفس الوقت كان بيحاول يقنع نفسه انه مضايق علشان القلم الي ضربتهوله
ويجي اكرم
اكرم:صباح الخير
نادر ينتبه
نادر ببرود:صباح الزفت
اكرم باندهاش:ايه مالك؟؟؟قرفان ليه علي الصبح كده؟
نادر بغيظ:انت خطبت شمس
اكرم بفخروابتسامة:انت عرفت؟
نادر بعصبية:طبعا عرفت …انت ازاي تعمل كده؟
اكرم باندهاش:اعمل ايه؟؟هو انا ارتكبت ج/ريمة؟
نادر بتسرع:طبعا…انت….اقصد يعني انت ازاي تخطب واحدة سمعتها مش كويسة!!
اكرم:عندك!!…..شمس دي احسن واكفء واحدة هنا
نادر:تقصد كانت
اكرم:ايا كان …انا خلاص ارتبط بيها وهتجوزها….ثم انت مالك مضايق كده ليه؟؟؟هو انت ولي امري…انا حر
نادر يسكت وميردش بس متغاظ اوي
اكرم ببرود:معلش بقي ورايا شغل ….عن….عن اذنك
ويمشي نادر ف غضب
اكرم ف سره:ياااا للدرجادي شمس تهمه كده بس معلش شمس خلاص بقت خطيبتي وقريب اوي هنتجوز
———————————–
شمس ف البيت وتتحدث ف الهاتف مع اكرم
شـمــس:قولتلك يااكرم 100 مرة انا مش هقدر احدد معاد فرح ولا نتجوز الا لما اعرف مين الي سرب العطا ولبسها فيا ورفدني من شغلي
اكرم بزهق:انا مش فاهم انتي ليه مش عايزة تنسي الموضوع ده وتفتحي صفحة جديدة
شـمــس:مش هنسي وعمري ما هنساه ومتنساش انك وعدتني بكده
اكرم بقلق:طبعا طبعا وعدتك بس مش كل لما هكلمك هتفتحيه معايا
شـمــس:هو ده اخر كلام عندي يااكرم واظن انك لازم تنفذ وعدك معايا مش هقدر اعيش كده بقيت حياتي وانا مفضوحة والناس كلها فكراني مرتشية انا لازم اثبت براءتي
اكرم:الي يريحك انا هعدي عليكي ونفكر سوا ماشي؟؟
شـمــس:ماشي….سلام
اكرم:سلام
شمس بعد ما تقفل مع اكرم
رنا تتصل بيها
شـمــس:الو
رنا:كده يا نادلة يا واطية يا خاينة للصحبية والعيش والملح
شـمــس:ف ايه يا رنا نازلة فيا تهزيق ليه؟
رنا:تبقي اتخطبتي واعرف زيي زي الغرب ومتعزمنيش يا زبالة وابقي لسه معاكي مبقاليش كام يوم ومتجبليش سيرة افهم انا ايه بقي من الكلام ده؟؟؟
شـمــس:طب ممكن تهدي وتسمعيني
رنا:اتفضلي اما نشوف هتدافعي عن نفسك وتقولي ايه؟
شـمــس:رنا انا محتجالك اوي …انا عقلي مكنش فيا معرفش ازاي وافقت وازاي اتخطبت وازاي كل ده؟؟؟هو واضح انه بيحبني اوي من تصرفاته …انما انا…انا
رنا:يانهار مدوحس…هو انتي مبتحبيهوش؟؟؟
شـمــس:بصراحة……………لا!!!!
رنا:امال وافقتي عليه ليه يا منيلة؟
شـمــس:معرفش بقي كنت زي الغريق الي متعلق ف قشايا اول ما لقيته بيقولي بحبك وتتجوزيني وانه كمان صدقني ف الموضوع الياه لقيت نفسي موافقة مش عارفة ايه السبب؟
رنا ف سرها:اكيد اتخطبتيله يا حبيبة اختك اما علشان فقدتي الامل ف الي بالي بالك او اما علشان تغيظي بردو الي بالي بالك بس لاسف محدش هتاذي ولا يتغاظ ويتفرس غيرك يا شمس
شـمــس:رنا….رنا…. سرحتي ف ايه؟
رنا:هااا لا انا معاكي كملي….ولا اقولك بصي الحوار ده مينفعش ف الموبايل انا لازم اشوفك
شـمــس:مش هينفع علشان اكرم جي دلوقتي
رنا:ماشي بعد ما يمشي كلميني علشان اجيلك
شـمــس:حاضر…..سلام
رنا:سلام
———————————–
اكرم مع شمس ف البيت
شـمــس:اتفضل القهوة
اكرم بابتسامة:تسلم ايدك يا شمس
شـمــس بخجل:آآآآآ مش نخلينا ف موضوعنا بقي
اكرم بابتسامة:موضوع كتب الكتاب؟
شـمــس:لا موضوع اننا نشوف مين الي ممكن يعمل كده فيا
اكرم بيخبة امل:اه بصي يا شمس هو ممكن يكون حد مش من مكتب السكرتارية اساسا
شـمــس:ممكن……وممكن يكون من مكتب السكرتارية
اكرم:هيكون مين يعني؟
شـمــس بخيبة امل:معرفش..معرفش بس انا مش هرتاح ولا ههدي الا لما اعرف مين الي عمل كده
اكرم وهو بيمسك ايد شمس:ممكن بقي تنسي كل ده وتعيشي حياة سعيدة معايا
شـمــس وهي بتسيب ايده:صدقني يااكرم انا مش هقدر اكمل حياتي كده
اكرم:طب انتي عايزة ايه وانا اريحك؟
شـمــس:عايزة انتقم من الي عمل فيا كده
اكرم:حاضر هساعدك…بس الاول ممكن اقول حاجة؟
شـمــس:ايه؟
اكرم:بحبك اوي
شـمــس بارتباك:هاااا شكرا
اكرم:حقيقي بحبك ومش حاسس نفسي اقدر اعيش من غيرك
شـمــس ف سرها:وبعدين بقي؟؟ كلامك ده بيعذبني وبيحسسني بالذنب بطل تقوله ارجوك
اكرم:انا علي اتم استعداد اني اعمل اي حاجة علشانك بس تبقي مبسوطة
شـمــس بخجل:طيب …طيب يااكرم انا خلاص هنسي زي ماانت عايز
اكرم بفرح:بجد
شـمــس:اه بجد
اكرم:طيب معلش بقي استاذن انا وهبقي اشوفك تاني
شـمــس:ماشي يااكرم…..سلام
اكرم:سلام
ويمشي اكرم
بعد ما اكرم يمشي شمس تتصل ب رنا علشان تيجي
وجت رنا
رنا بعصبية:ممكن تفهميني بقي ايه المصيبة السودا الي نيلتيها دي؟
شـمــس:طب ممكن تقعدي بس وهفهمك
رنا:احكي يا شهرزاد
شـمــس:انا ملقتش قدامي غيره وبصراحة ضميري مانبني مش قادرة اسمعه وهو بيقول انه بيحبني وانا مش حاسة تجاهه باي مشاعر
رنا:اممممممم خلاص اتحلت
شـمــس:قولي يا ام العريف
رنا:تقوليله بصريح العبارة
رنا بصوت كوميدي:احم احم اكرم….انا مش حاسة تجاهك باي مشاعر ومش حاسة اني هبقي سعيدة معاك انا اتمنالك السعادة من كل قلبي مع واحدة تحبك وتقدرك الودااااااع
شـمــس بخيبة امل:لا طبعا انا مقدرش اقوله الكلام ده
رنا:يالهوووووووووووووي اصوت يقولوا اتجننت …امال انتي عايزة ايه؟
شـمــس:انا….انا …عايزة طريقة اقوله بيها كل الكلام ده بس من غير ما اجرح مشاعره….فاهماني؟
رنا:اقطع دراعي اذا كنت فاهمة منك كلمة واحدة…..شمس ريحيني وريحيه وريحي نفسك…انتي عايزة اييييييه؟
شـمــس بعياط:مش عارفة….مش عارفة….انا خلاص تعبت
رنا:طب بس اهدي يا حبيبتي متعيطيش العياط مش هيحل حاجة ….انا خلاص فهمتك وعندي الحل
شـمــس:ايه هو؟؟
رنا:انا اتصل بيه واخد معاد واقوله الكلام ده
شـمــس:لالا بس ….ده ممكن يسببلك مشاكل وكده
رنا:متقلقيش مهو جوزي هيبقي معايا
شـمــس:اه …طيب قوليلي الاول هتقوليله ايه؟
رنا:الكلام الي قولته من شوية انك ……
شـمــس:بصراحة خايفة اجرح مشاعره وهو بيحبني
رنا:لو كده فعلا….بلاش تسبيه قدام بيحبك وصدقك وقدرك
شـمــس:انتي شايفة كده؟
رنا:اه انا شايفة كده….خليكي معاه يا شمس….خليكي مع الي بيحبك وانسي اي حد ظن بيكي ظن وحش اسمعي كلامي هتكسبي
شـمــس وهي بتفكر ف كلام رنا وكانها حاسة ان رنا فاهمة الي جواها كويس اوي وبتصيب الكلام ف المكان الصح فا قررت انها مش هتسيب اكرم وهتحاول تحبه لان هو ده الي وقف جنبها
شـمــس بابتسامة:خلاص انا اقتنعت بكلامك….خليني مع الي صدقني وبيحبني وهنسي كل حاجة ضايقتني
رنا:ايووووة كده هي دي شمس العاقلة الي انا بحبها
شـمــس مازحة:عاقلة؟؟؟؟انتي بتشتميني ولا ايه؟هههههههه
رنا:هههههههههه
شـمــس زعلت فجأة
رنا:مالك؟؟؟ايه وشك قلب تاني ليه؟
شـمــس:عايزة اشتغل….الفلوس الي ادهالي خالي من اسبوع خلصت وانا محتاسة وعايزة شغل وخالي وراه مصاريف وميقدرش علي مصاريفنا احنا كمان
رنا:اه…..طب استني انا افتكر ان معايا…
شـمــس مقاطعة:متكمليش …هو انا بقولك كده علشان تديني فلوس…انا بقولك عايزة شغل
رنا:اخص عليكي يا شمس هو احنا فيه فرق بينا
شـمــس:يا رنا مقصدش ….بس انتي عارفاني مبحبش السلف والدين الا ف اضيق الظروف
رنا:مهو ده ظرف صعب وبعدين
شـمــس مقاطعة:خلااااااص قولتلك لا
رنا:ماشي علي العموم هكلم جوزي من ناحية وانا من ناحية وربنا يسهل
شـمــس ف فرح:ماشي
يرن هاتف شمس المتصل اكرم
و ترد شمس علي الموبايل
اكرم ف فرح:لقيتلك شغل
شـمــس بسعادة:بجد؟؟؟بس انا مطلبتش منك تشوفلي شغل
اكرم:يا شمس انا عارف كويس الظروف الي بتمري بيها وحاولت اساعدك والحمدلله ربنا وفقني ولقيتلك شغل
شـمــس:فين؟
اكرم:ف شركة كمبيوتر بردو بس علي قدها شوية
شـمــس:مش مهم اي حاجة المهم ان ف شغل….صح؟
اكرم بابتسامة:صح
شـمــس:هااا اجي استلم امتي بقي ولا اعمل ايه؟
اكرم:من بكره لو تحبي
شـمــس بخجل:طب لو مفيهاش تناحة يعني…المرتب كام؟؟؟
اكرم:هو حلو معقول يعني
شـمــس:طيب اكرم هما عارفين انا كنت بشتغل فين؟؟؟ومشيت منها ليه؟
اكرم:لا متقلقيش قولتلهم انك اول مرة
شـمــس:تمام ….تمام اووووي الف شكر يااكرم مش عارفة اقولك ايه؟
اكرم بحنان:انتي ازاي بتشكريني ده انا خطيبك وقريب باذن الله هبقي جوزك
شـمــس:هااا اه ان شاء الله…طب سلام بقي
اكرم:سلام
وتغلق شمس الخط
رنا:هااا كان بيقولك ايه؟
شـمــس:جايبلي شغل
رنا بفرحة:طب حلو اوي الف مبروك…مهو الواد طلع كويس اهو وابن حلال…نهدي بقي ونعقل ونشوف مصلحتنا ونسبنا من الانتقام وشغل المسلسلات التركي ده
شـمــس بابتسامة:ماشي
رنا:انا همشي بقي قبل اتاخر وياسر يحدف علي اليمين
شـمــس:يحدف؟؟؟اسمها يرمي
رنا:ياستي يرمي…يحدف..المهم ان ف الاخر هيقع عليا هههههههههه
شـمــس:هههههههه صح كده….سلام
رنا:سلام
وتمشي رنا
———————————–
الساعة 8 بليل
نادر ف اوضته
نادر ف غضب:اتخطبت؟؟؟اتخطبت ازاي؟؟؟ولمين؟؟اكرم؟؟…..هي واكرم؟؟؟لالالا مستحيل
ماجد يدخل عليه
“مالك يابني راجع بتغلي ف نفسك كده ليه؟”
نادر بعصبية:سبوني ف حاااااااااالي ممكن تخرج برررره
ماجد:اوكي اوكي خلاص طالع بره
ويمشي ماجد
ماجد يروح يتصل ب سلمي وترد عليه
مصطفي كان جنبها
“مين الي بيكلمك ده؟هو؟”
سلمي بهمس:شششش وطي صوتك يا خالي هو ميعرفش ان حد عرف
مصطفي:ماشي اقفلي معاه
سلمي:طيب يا ماجد معلش شوية وهكلمك…سلام
ماجد:سلام
ويغلق ماجد الخط
“يوووو يعني ولا عارف اشوفها ولا عارف اكلمها”
سلمي مع خالها
“ف ايه يا خالي؟”
مصطفي:انتي لازم توعديني انك متكلميهوش لحد ما يتجوزك رسمي
سلمي:بس ده يعتبر جوزي وابو ابني الي حامل فيه
مصطفي بحدة:الي بقوله يتنفذ من غير مناقشة كفاية عدتلك عملتك السودا ومقولتش ل شمس
سلمي باستسلام:ماشي يا خالي…حاضر مش هكلمه تاني
———————————–
الساعة 11 بليل
حد يخبط علي الباب بصوت عالي اوي ف بيت شمس وشمس تقوم مفزوعة
“ايه ده؟؟مين الي بيخطب الساعة دي بالشكل الفظيع ده؟ استر يارب”
شمس تفتح الباب
هتلاقيه نادر
نادر يدخل ويرزع الباب
شـمــس بعصبية:ايه ده؟؟؟نادر؟؟انت ازاي تيجي ف وقت زي ده وانت عارف اننا عايشين لوحدنا انت مجنون؟
نادر شدها من دراعها
نادر وعينيه كلها غضب وشر:انتي اتخطبتي ل اكرم؟
شـمــس بتحدي:ايوة اتخطبتله
نادر بعصبية:لييييه؟
شـمــس بعصبية:وانت مالك انت؟؟هو انت ولي امري؟؟اتفضل بقي اطلع بره
نادر هيشدها من دراعها
“انتي بتتحديني؟؟”
شـمــس:انا مبتحداش حد…انا حره ثم انت ليك عين اصلا تكلمني ولا تجيلي انا مش عايزة اشوف وشك ولا اعرفك لا انت ولا حد من طرفك واتفضل بقي بره
اخواتها صحيوا وخرجوا
رضوي:ف ايه يا شمس؟
نادر ارتبك اوي
شـمــس بهدوء وثقة:مفيش حاجة يا حبيبتي ده موضوع وكان لازم يتحل
شمس تفتح الباب وتشاور علي بره
“اتفضل بقي مع السلامة عندي شغل عايزة استلمه بكره”
يمشي نادر ف هدوء مرعب وكان متعصب جداً بس مقدرش يقولها اي حاجة وهي كانت مبسوطة لانها حست انها انتصرت عليه
———————————–
نادر بعد ما رجع بيته
“ماشي ….ماشي يا شمس..انا تتحداني وتطردني …ماشي”
ماجد:ايه ده؟؟؟انت خرجت ف ساعة زي دي ليه؟؟هو انت مش عندك شغل الصبح؟؟
نادر:ملكش دعوة
ماجد:طب اقعد بس احكيلي
نادر بعصبية:قولتلك ملكش دعوة
ويدخل نادر اوضته
ماجد:لالالا ف حاجة مش مظبوطة بتحصل معاه
———————————–
شمس ف البيت
سلمي:ممكن اعرف بقي زميلك ده بيعمل ايه عندنا ف ساعة زي دي؟
شـمــس:وانا ايش عرفني مش هو الي جه؟
سلمي:مش هو ده بردو الي خلصك من فرغلي؟؟؟وهو هو الي جابلك المحفظة علي ما اعتقد؟
شـمــس:هو
سلمي:اممممممم وده بردو يبقي خطيب بنت صاحب الشركة الي بتشتغلي فيها
شـمــس ف سرها:تقصدني كنت …ده انا مرفودة وبفضيحة كمان
شـمــس بارتباك:هو
سلمي:ياااا انتي مش ملاحظة انه ليه صلة بحاجات كتير تخصك؟؟؟
شـمــس:تصدقي اول مرة الاحظ
سلمي:ما علينا…انا هدخل انام بقي…تصبحي علي خير
شـمــس:وانتي من اهله
وتمشي سلمي
شـمــس:ياسلااااام احسن حاجة اني ضايقته زي ما ضايقني ….يلا خليه يتفلق
———————————–
ف اليوم التالي
شمس جهزت علشان تروح شغلها الجديد
شمس راحت مع اكرم علشان تستلم
شـمــس:شكرا يااكرم
اكرم:اوعي تقولي شكرا دي تاني…هزعل منك
شـمــس بابتسامة:ماشي خلاص مش هقولها تاني
اكرم:انا مضطر امشي بقي واسيبك مع شغلك الجديد….سلام
شـمــس:سلام
———————————–
بعد 3 ايام
تخرج ماجد من الكلية
ماجد كان معاه نادر
نادر بفرحة:الف مبروك يا ماجد عقبال الماجستير يا بطل
ماجد:ماجستير ايه يا عم؟؟الحمدلله اني خلصت الليسانس
نادر:هاا اجدعن بقي علشان تشتغل و……اشوفلك عروسة كده تشرح القلب
ماجد:آآآآآه انا قولت بردو انك ناوي علي موتي
نادر:هههههههه ليه هو الجواز موت؟
ماجد:طبعا….علي العموم متشغلش بالك انا هتصرف ف موضوع العروسة ده…اهم حاجة الشغل…الفلووووووس
نادر:اااه عارفك طماع ….متقلقش هلاقيلك شغل
ماجد:امتي؟
نادر:ياعم انت مستعجل ليه؟؟ده انت يا دوب متخرج انهارده
ماجد:ماشي نستني
———————————–
سلمي ف البيت مع رضوي ومصطفي بتحاول تكلم ماجد
مصطفي:ايه؟؟مبيردش؟
سلمي:لا …انا عارفة ان انهارده تخرجه بس مبيردش ….كنت عايزة اباركله
مصطفي:تبركيله ايه؟؟؟انتي المفروض ادام اتخرج بقي تكلميه ف موضوع جوازكوا
سلمي:استني اهو رد
ماجد:الوو
سلمي:ايوة يا ماجد
سلمي:مين؟
سلمي:مين ايه؟؟انا سلمي؟
ماجد باستهبال:سلمي؟؟؟سلمي مين؟
سلمي:سلمي مين ايه؟؟انا مراتك يا ماجد؟
ماجد:انا مش متجوز
سلمي:نععععم؟؟؟يعني ايه بقي الكلام ده؟
ماجد:الي سمعتيه ..انا مش متجوز ومعرفكيش وياريت بقي متتصليش هنا تاني
سلمي بعصبية:اسمع بقي يا ماجد انا متدخلش عليا الحركات دي انا معايا ورقة جواز وعليها امضتنا
ماجد: ههههههههههههه ورقة الجواز دي بقي يا قطة تبليها وتشربي مياتها سلام بقي علشان مش فضيلك
ويغلق ماجد الخط بوجه سلمي
سلمي بعياط شديد:يعني ايه؟؟؟يعني انا اتضحك عليا؟؟؟خلاص هتفضح
مصطفي:اهدي بس وفهميني قالك ايه؟
سلمي يغمي عليها
بعد ما فوقوها
سلمي حكتلهم علي الي حصل
مصطفي:يانهار اسود يا نهار اسود……جبتلنا العار والفضيحة
رضوي:طب والعمل؟بصراحة بقي………..شمس لازم تعرف علشان تتصرف
مصطفي:لالالا شمس فيها الي مكفيها…كفاية اوي الي جرالها والمصايب الي نازلة ترف عليها
سلمي:ليه هي شمس حصلها ايه هي كمان؟
مصطفي:اترفدت من شغلها واشتغلت ف شركة تانية
سلمي ورضوي:ايييه؟
مصطفي حكالهم علي الي حصل
سلمي بعياط:معقولة شمس حصلها كده ومرضتش تقولنا علشان متزعلناش وتشيلنا الهم
رضوي:ياعيني يا شمس
مصطفي:المهم دلوقتي هنتصرف ازاي ف مصيبتك دي؟؟؟؟؟
سلمي بعياط:مش عارفة مش عارفة ياربي بقي…ده مش عايز يعترف ب ابنه الي ف بطني…حتي ورقة الجواز قالي بليها واشربي مياتها
———————————–
شمس رجعت من الشغل الساعة 6بليل
لقيتهم كلهم ف الصالون
شـمــس مازحة:متجمعين عند النبي ان شاء الله….ممكن تقولولي ايه سر اللمة الحلوة دي
كلهم كانوا ساكتين ومش علي بعضهم وباين علي وشهم الحزن
شـمــس ببتسامة بريئة:ايه مالكوا؟؟؟حصل ايه؟؟؟
مصطفي:مفيش….اخواتك بس مضايقين علشان الامتحانات
شـمــس:آآآآآه طيب ….انا هدخل بقي الم الغسيل واحضر العشا
مصطفي:ماشي استاذن انا….مع السلامة
شـمــس:مع السلامة يا خالي
ويمشي مصطفي
سلمي ورضوي لسه شكلهم زعلان اوي
شمس ماخدتش ف بالها لانها صدقت خالها انهم خايفين من الامتحانات
راحت شمس حضرت العشا ولمت الغسيل من اوضة رضوي
راحت اوضة سلمي تلم الغسيل
تليفونها رن
سلمي كانت ف الحمام
و ترد شمس علي الموبايل
شـمــس:الوو
سارة:ايوة ازيك يا سلمي وحشتيني اووووي
شـمــس:لا انا مش سلمي انا اختها شمس
سارة:آآآآه طيب هي سلمي بقالها شهر مبتجيش الكلية ليه!!!!!
شـمــس بصدمة:ايييه؟؟؟؟شهر مبترحش الكلية؟؟؟؟؟؟ازاي؟؟
سارة:انا عارفة انها زعلانة مني علشان مبسالش عليها خالص معلش بقي المذاكرة والمحاضرات انا بس كنت بتصل علشان اسئل عليها واقولها انها اترفدت علشان مبتحضرش بقالها كتير وكويس انك الي رديتي علشان تروحي تعمليها اعادة قيد
شمس مبرقة ومبلمة ومبتردش بعد الي عرفته من سارة زميلة سلمي
سارة:احم احم شمس انتي معايا؟؟
شـمــس:اه ايوة انا معاكي
سارة:هبقي اكلمها تاني وابقي سلميلي عليها
شـمــس بهدوء وصدمة:يوصل
سارة:سلام
تغلق شمس الخط وهي ف صدمة
سلمي تخرج من الحمام وهي شايفة شمس مبلمة كده
سلمي بخوف:مين الي كان بيتصل بيا؟
.
.
الحلقة السابعة عشر
شمس مبرقة ومبلمة ومبتردش بعد الي عرفته من سارة زميلة سلمي
سارة:احم احم شمس انتي معايا؟؟
شـمــس:اه ايوة انا معاكي
سارة:هبقي اكلمها تاني وابقي سلميلي عليها
شـمــس بهدوء وصدمة:يوصل
سارة:سلام
تغلق شمس الخط وهي ف صدمة
سلمي تخرج من الحمام وهي شايفة شمس مبلمة كده
سلمي بخوف:مين الي كان بيتصل بيا؟
شمس ساكتة ومبلمة ومبتردش
سلمي بخوف:شمس؟؟؟…..شمس؟؟….شمس انتي مبترديش ليه؟؟؟هو ف ايه؟
شمس بدون وعي لطشتها كام قلم علي وشها
شـمــس بعصبية:اما انتي بقالك شهر مبتروحيش الجامعة …..امال…امال انتي كتي بتروحي فين؟
سلمي وهي تقاوم:يا شمس افهميني
شـمــس بزعيق:افهم ايييييييه؟افهم انك كنتي بتستغفليني ودايرة علي حل شعرك…كنتي بتروحي فييين؟؟؟انطقي!!!
رضوي سمعت الزعيق من جوه
“يانهاااار اسووود لا تكون البت سلمي اتسحبت من لسانها وقالت ل شمس…انا هروح انده خالي بسرعة”
سلمي من الداخل:يا شمس اهدي واسمعيني ……يا شمس انا حامل!!!!!
شـمــس بصدمة:ايييييه؟؟؟؟حامل؟؟؟؟
يدخل مصطفي ورضوي الاوضة فجأة
مصطفي وهو بيحوش عن سلمي وماسك شمس
“ايوة اختك حامل واهدي بقي علشان تفهمي الموضوع”
شـمــس بصدمة وغضب:يعني ايه حامل؟؟؟؟؟و…وكلكوا كنتوا عارفين الا انا….انا زي الاطرش ف الزفة ومخبيين عليا
مصطفي بزعيق:ممكن تهدي بقي علشان تفهمي الموضوع…انا مقدر صدمتك انما الموقف ميحتملش كل الي بتعمليه ده
شـمــس وهي بتحاول تهدي:تمام….انا ههدي اهو….فهموني بقي الموضوع
بعد ما مصطفي حكالها علي الموضوع ما عدا(ان ماجد مش عايز يعترف بجوازهم ولا بالجنين)
شـمــس بعصبية:انا مكنتش اتصور انك مش متربية للدرجادي …..انت ازاي تعملي فينا كده ازااي؟؟ازاي قدرتي تفرطي ف نفسك كده؟
مصطفي:اهدي يا شمس خلينا نعرف نفكر
شـمــس بزعيق:منتظرين ايه مني لما اعرف ان اختك حامل من زميلها الي اتجوزته من ورنا….ازغرط ولا افرق شربات
مصطفي:طب والي انتي بتعمليه ده هيحل حاجة؟
شـمــس بانندهاش:يحل؟؟؟؟يحل ليه؟؟؟هو مش هيتجوزها ولا ايه؟
الكل سكت ومصطفي حط وشه ف الارض
شـمــس:افهم انا ايه بقي من سكتكوا ده؟
سلمي بارتباك:مهو….مهو
شـمــس باندهاش:مهو ايه؟؟ما تنطقي؟
سلمي بعياط وخجل:مهو مش عايز يعترف ولا بجوازنا ولا بالجنين
شـمــس فضلت مبرقة من الصدمة
شـمــس بزعيق:كمان…كمان؟؟؟
مصطفي:مهو انا من الصبح بقولك اهدي علشان نعرف نفكر
شـمــس وهي بتهدي:ال……الواد ده رقمه ايه؟؟ساكن فين؟؟
سلمي بارتباك:غير رقمه لاني حاولت اتصل بيه تاني معرفتش ومعرفلوش عنوان
شـمــس:الله …..الله عليكي يا حبيبة اختك…يعني ايه؟؟يعني الواد ده منعرفلوش طريق جره؟؟
سلمي وهي تهز راسها نافية ف حزن:لا
شـمــس بزعيق:طب….طب وبعدين ؟؟؟والعمل؟؟الواد ده لازم نجيبه قبل ما بطن البت دي تكبر…انتي ف الكام دلوقتي؟
سلمي بخجل:الاول
شـمــس بعصبية مكتوم:امممممممم الاول….والاول هيجر الثاني والثالث والتاسع وتولدي واحنا منش عارفين ابوه فين ولا بيعمل ايه؟
مصطفي:ياشمس متبقيش متشائمة كده اكيد باذن الله ربنا هيعطرنا فيه وهيكتب عليها
شـمــس:يا خالي انت جي تحلم هنا …هنلاقي الزبالة ده فين؟اذا كنا ولا عارفين رقمه ولا عنوانه
مصطفي بذكاء:من اسمه
شـمــس:اسمه؟؟؟صحيح هو اسمه؟
مصطفي وهو بيفتكر:اسمه….اسمه…ايوة افتكرت اسمه “ماجد محمود يحيي”
شـمــس:اااه ماجد محمود يحيي…طب اسمعوا …..ورقة الجواز معاكي مش كده؟؟
مصطفي:معايا انا
شـمــس:تمام
مصطفي:ايه هنبلغ بيها؟
شـمــس:لا طبعا احنا منقدرش نبلغ لو بلغنا فضحتنا هتبقي علي كل لسان والناس كلها هتعرف احنا نلاقي الواد ده ونحل الموضوع ودي ويتجوزها
سلمي:لا طبعا انا لايمكن اعيش مع بني ادم زي ده
شـمــس:ياختي اسكتـــــــــــي خليه يتجوزك ويداري علي المصيبة الي نيلتوها بدل ما تتفضحي وساعاتها منقدرش نقول للناس عرفي ومعرفيش
سلمي:المهم انتي ناوية علي ايه؟
شـمــس بحسم:ناوية اقلب مصر كلها علي الواد ده لحد ما نلاقيه
يرن هاتف شمس المتصل اكرم و ترد شمس علي الموبايل
اكرم:ازيك يا شمس؟
شـمــس بخجل:الحمدلله خير ف حاجة؟
اكرم:مفيش انتي بس وحشتيني قولت اكلمك
شـمــس بابتسامة:بجد؟
اكرم:اه بجد….ممكن نخرج نتعشي انهارده؟
شـمــس بفرحة:انهارده انهارده؟
اكرم:امال انهارده بكره هههه اه طبعا انهارده انهارده
شـمــس:تمام انا موافقة
اكرم بسعادة:ماشي هستناكي قدام البيت الساعة 7 ….تمام؟
شـمــس:تمام
اكرم:مقولتليش عاملة ايه ف شغلك الجديد؟
شـمــس بصت يمين وشمال لانها فاكرة ان اخواتها ميعرفوش:الحمدلله
اكرم:طيب علي معادنا زي ما قولتلك….سلام
شـمــس بفرحة:سلام
وتغلق شمس الخط
شـمــس:هااا كنا بنقول ايه؟؟؟اه افتكرت….اسمع يا خالي احنا لازم ندور علي الواد ده ف كل حتة منخليش اي مكان
مصطفي:حاضر انا من ناحية وانتو من ناحية وربنا يسهل….انا هستاذن بقي
شـمــس:مع السلامة ياخالي
مصطفي:مع السلامة
ويمشي مصطفي
شـمــس:اسمعي بقي يا سلمي انتي مفيش خروج من البيت مطلقاااااا لحد ما نلاقي الواد ده ومتتكلميش مع حد انتي فاهمة…اما بقي بالنسبة للكلية فا هروح انا وخالك نترجي العميد يمكن يرجعوكي تاني وان مرضيش هحولك جامعة تانية وتعيدي السنة وخلاص
سلمي باعتراض:يعني ايه بقي؟يعني هتحبسيني ف البيت؟
شـمــس بعصبية:اه هحبسك ف البيت…واظن كلامي واضح…يلا كل واحدة علي اوضتها
وتمشي شمس ف غضب
———————————–
اكرم ف الشغل
بعد ما قفل مع شمس
نادر طبعا سمع المكالمة كلها
اكرم وهو قاعد فجاة جاله تليفون تاني
اكرم بارتباك:معلش يا جماعة معايا تليفون مهم ….عن اذنكوا
نادر كان قايم رايح مكتب مكان ما اكرم واقف بالصدفة فا سمع المكالمة دي
اكرم:ايوة ايوة كله تمام زي ما اتفقنا بالظبط انا طيرتها من الشركة وعملت الي المطلوب المشكلة بقي ان الشركات المتضررة من تسريب اظرف العطا مش ساكتين
المتصل:……………………………..
اكرم:تمام انا وصلني من شركة مصلحي شعلان 50 الف جنيه بس طبعا مقدرش احطهم ف البنك دلوقتي علشان الشبوهات
المتصل:……………………………….
اكرم:لالا متقلقيش انا شوفتلها شغل ف شركة تانية بعيدة عن الشركة دي خالص,خلاص شمس بقت معايا وبعدت عن السكة كده كل حاجة اتحلت
المتصل:………………………………….
اكرم:نتقابل؟؟؟امتي؟؟
المتصل:………………………………
اكرم:حالا يعني؟؟فين؟
المتصل:………………………………
اكرم:خلاص تمام اتفقنا….سلام
نادر سمع المكالمة دي وهو مبرق ومصدوم ومش مصدق الي سمعه وانه فعلا ظلم شمس وشمس دلوقتي ف خطر
نادر ف سره:معقولة؟؟؟؟معقولة اكرم هو الي سرب العطا واخد رشوة علشان يرفد شمس ويطلب يرتبط بيها من غير ما ترفض؟؟؟طب ليه؟؟ومين الي كان بيكلمه ومشترك معاه ف المؤامرة دي؟؟طب ولو ده حصل يبقي حصل ازاي؟؟
Flash back>
شمس طلعت اظرف العطاء من الدرج علشان تطمن انهم موجودين واكرم هيبص علي الاظرف باهتمام
نادر وهو بيقوم:معلش يا اكرم انا هروح الحمام
اكرم:هااا ماشي اتفضل
يمشي نادر
زميل اخر:شمس المدير عايزك ف مكتبه جوه
شـمــس:حاضر جاية معاك اهو
وتمشي شمس
بعد ما يمشي نادر وتمشي شمس اكرم عينه مش هتتشال من علي الدرج وفجأة هيلاقي المفاتيح ويطلع صلصال من جيبه بسرعة ويعمل نسخة علي مفتاح الدرج ويحطها تاني ف جيبه بسرعة
اكرم هيلتفت هيلاقي نادر وراه
نادر بشك:انت واقف هنا بتعمل ايه؟
اكرم بارتباك:هاااااا لا ابدا عادي يعني…يلا بقي نطبع الفيلات
نادر بشك:يلا
اكرم يروح يقعد علي المكتب
اكرم ف سره:خلااااص كده تمام نسخة من درج المكتب الي فيه اظرف العطاء معايا خلاص وكله ف السليم
Back
نادر ف سره:معقولة؟؟؟؟لالا انا لازم اتاكد بنفسي ….انا لازم اعرف مين الي سلطه يعمل كده؟
نادر رجع تاني مكتبه
نادر:شريف معلش هتاخدلي اذن بسرعة علشان لازم اخرج حالا
شريف:الله ايه حكايتكوا بالظبط…اكرم اخد اذن وانت هتاخد اذن امال اانا الي هشيل الشغل ده كله علي دماغي
نادر وهو بيقوم وبياخد حاجته:معلش يا شريف مستعجل …..سلام
ويمشي نادر
نادر فضل ماشي ورا اكرم بالعربية لحد ما وصل لكافيه
نادر لبس نظارة شمس وقعد ف ترابيزة قريبة من ترابيزة اكرم
اكرم قاعد مستني شخص معين يجيله
وفجاة ياتي شخص ما ويجلس علي ترابيزة اكرم
نادر ف صدمة:انا مش مصدق عنيا معقول يكون…………………………………………