أحزان رهف

الحلقه 20

فارس… والله يا جماعه الخبر اللى هاقوله مش عارف هايفرحكم ولا هايزعلكم .
شريف … خير يا فارس فى ايه ؟؟؟؟
الام….خير يا ابنى ؟
فارس…. رهف حامل
الام…دموعها نزلت وخدت رهف فى حضنها ورهف من الصدمه ومن الخبر اللى سمعته مش عارفه تفرح بالحاجه اللى بتتكون فى بطنها وهايخليها ام.!!!!
ولا تزعل أن الطفل ده هايجى ومش هيلاقى ابوه وأنه بقى يتيم من قبل ما يجى الدنيا وفضلت تعيط هى كمان وشريف حاول يهديها هى وأمه بس غصب عنهم لما يحسوا بشعور الفرح والحزن فى نفس الوقت .
وخدوا بعضهم ورجعم على الفيلا.
واول ما دخلوا لقوا الاب قاعد مستنيهم وسألهم خير يا رهف يا بنتى يارب التحاليل تكون كويسه.
رهف …الحمد لله يا عمى بس……وسكتت
الاب …بس ايه يا حبيبتى فى ايه انتم مخبين عليا ايه.؟
الام .. ولا مخبين ولا حاجه يا حاج اصل ربنا هايعوضنا عن حسام الله يرحمه وهايرزقنا بابنه .وسكتت وقالت رهف حامل يا حاج صفوان.
الحاج صفوان خد رهف فى حضنه وباركلها وهو قلبه واجعه على فراق ابنه قبل ما يفرح بحمل رهف ويشيله بين ايديه.
وعدت الايام والشهور وكانت رهف بتروح تتابع مع دكتورة النساء اللى كانت بطمنها على البيبى وعرفتها أن النونه ولد وصحته كويسه وخلاص كمان كام يوم وهايجى للدنيا ويفرحوا بيه واتفقوا أن يسموه حسام على اسم المرحوم حسام .
وفى يوم طلع النهار وكانت رهف تعبانه اوى ومش عارفه تعمل ايه فمسكت التليفون واتصلت بأمها وحكت لها على اللى هى حاسه بيه.
وطمنتها الام وقالت إنها هاتجلها على طول مسافه السكه.
وخرجت رهف من اوضتها وراحت على اوضه حماتها وخبطت على الباب وقامت حامتها فتحت لها ولقيت وشها اصفر وبتتألم من الوجع ويادوبك ما كملتش كلامها وصرخت رهف جامد وسمعها شريف وهو فى اوضته وجرى بسرعه وراح على صوت رهف ولقى امه بتقوله الحقنى يا شريف يا ابنى شكل رهف بتولد وجه الاب وبسرعه . ونزلوا كلهم وراحوا على مستشفى فارس ودخلوها اوضه العمليات وبعد حوالى ساعه كانت ولدت وجابت حسام الصغير اللى كان يشبه ابوه جدا .
وجت وامها ورغد اختها وعمر واتجمعوا كلهم فى اوضه رهف والمولود الجديد.
الاب …. حمد الله على السلامه يا بنتى .
رهف الله يسلمك يا عمى.
الام ….الف مبروك يا حبيبتى وربنا يخليه ويبارك فيه.
عمر …. ايوا بقى اخيرا هابقى خالوا للمفعوص ده.
رغد… ما تقولش عليه كده يا بتاع انت ده احلى نونو فى الدنيا.
وفضلوا يضحكوا ويهزروا وشويه وشريف نزل راح على شغله علشان اتصلوا بيه وعوزينه ضرورى فى الوزارة.وبعد يومين روحت رهف الفيلا وبدؤا يستعدوا علشان يعملوا احلى سبوع لحسام الصغنن.
وفعلا عملوا حاجات كتير وجهزوا حاجات كتير لزوم السبوع وعزموا الناس القريبه منهم .
وجت ام رهف ومعاها عمر وخطيبته مريم جارتهم واللى كانوا بيحبوا بعض وهما صغيرين. ورغد وخطيبها اللى كان زميلها فى الكليه.وكان سابقها بسنتين.
وشويه وجت ريهام هى وجوزها وكانوا لسه متجوزين يا دوبك من شهرين بس وجت سلمى صاحبتها . وشويه وجه الدكتور فارس اللى كان جايب هديه حلوة اوى لحسام الصغير وقرب من رهف وراح أداها الهديه وبارك لها بس كان فى واحد عمال يراقب الموقف ده من بعيد وهو شريف .. وشايف نظرات الاعجاب فى عين فارس لرهف.
وبعد فترة عملوا احلى سبوع لحسام الصغير وانتهى اليوم على خير.
وبعد فترة كبر حسام وبقى عمره حوالى تلت شهور .
وكان شريف لسه جاى من الشغل لقى والده ووالدته قاعدين فى الريسبشن ورحبوا بيه وسلم على والدته وباس رأسها وسلم على والده .
والده … كنا عاوزينك يا شريف يا ابنى فى موضوع كده.!!!!!!!!!
شريف ….. خير يا حاج فى ايه ؟؟
الاب… والله يا ابنى مش عارف اقولك ايه بس كل اللى اقدر اقوله أن رهف مرات اخوك الله يرحمه ونعم البنات . بنت اصول فعلا ومتربيه ومحترمه والأهم من ده بقى عندها حسام الصغير اللى ربنا عوضنا بيه بعد المرحوم.
شريف …. مش فاهم يا حاج قاصدك ايه؟
الاب… بص للام واتنهد وقاله اتجوز رهف يا ابنى وعوضها اللى أتحرمت منه بعد موت اخوك حسام الله يرحمه وربى حسام الصغير انت وهى بدل ما يجى حد تانى ويطلبها للجواز و تبعد عننا هى وابنها وساعدتها مش هانقدر نقولها حاجه لأنه من حقها هى لسه صغيرة وجميله والف مين يتمناها.
شريف …حط أيده على وشه وفضل ساكت شويه وبعدها قاله سيبها بظروفها يا حاج وسيبنى افكر شويه.