أحزان رهف

الحلقه 24

وبعد كام يوم صحى الاب على صوت جرس تليفونه بيرن فمسك الموبيل ورد على المتصل .
الاب… السلام عليكم.
المتصل … وعليكم السلام ورحمه الله وبركاته.
حضرتك الاحتجاجات صفوان.
الاب… ايوا يا ابنى خير فى ايه.
المتصل … ابدا يا حاج انا اللواء فرج الشال رئيس شريف فى الشغل.
اهلا سياده اللواء خير فى ايه !!!! شريف ابنى حصله حاجه ؟
اللواء…. يا حاج شريف كان فى مأموريه واضرب بالنار فى صدره وراح على المستشفى وهو دلوقتى فى اوضه العنايه المركزه.
الاب… لا اله الا الله طمنى لو سمحت ابنى بخير.
اللواء…. يا حاج والله هو كويس .
وقفل السكه وراح الحاج بسرعه على المستشفى وراحت معاه الام ورهف وسابوا حسام مع الشغاله.
وركبوا العربيه ووصلوا عند باب المستشفى ونزلوا وهما بيدعوا أنه يكون بخير.
ودخلوا على الاستقبال وسألوا عليه.
وراحوا بسرعه عند اوضه العمليات وفضلوا حوالى ساعه ونصف لحد ما الدكتور خرج ليهم .
الاب شاف الدكتور خرج من الاوضه جرى عليه وسأله على حاله شريف.
الاب…. طمنى يا دكتور ابنى عامل ايه. ؟؟؟؟
الدكتور … خير يا حاج الحمد لله الرصاصه جت فى كتفه وخرجناها وهو كويس وبخير.
الاب … الف حمد وشكر ليك يارب.
الام …. وهى بتعيط على ابنها وعلى اللى حصله هديت لما سمعت الدكتور وان ابنها الحمد لله بخير.
رهف …. من جواها كانت مرعوبه عليه وقلبها كان بيدق جامد من كتر خوفها على شريف.
الاب…. ممكن نشوفه يا دكتور ؟؟؟؟
الدكتور شويه كده لما يفوق من البنج ونوديه على الاوضه بتاعته.
الاب… متشكر اوى يا دكتور كتر خيرك يا ابنى.
الدكتور …. ده شغلنا يا حاج وربنا يطمنكم عليه انشاء الله.
وبعد شويه نقلوا شريف على اوضه خاصه بيه ودخلت الام والاب ورهف علشان يشوفوه .
وبدا شريف يفوق شويه . شويه وطمنهم أنه بخير وطمن والدته أنه كويس وبخير وراحت الام جمله على السرير وباست راسه .
شريف .. انا بخير يا امى الحمد لله.
الام… الف حمد وشكر ليك يارب.
رهف….. حمد الله على السلامه يا حضرت الضابط.
شريف… الله يسلمك يا رهف . اخبار حسام ايه ؟؟؟
رهف الحمد لله بخير
وبعد كام ساعه .
الاب… ماشى يا جماعه انا هاستاذن واروح على الشركه عندى اجتماع مهم وعلى اخر النهار هاجى تانى واطمن عليك يا ابنى.
شريف … ما تتعبش نفسك يا بابا انا بخير.
الاب… تعبك راحه يا ابنى.
ومشى الاب وفضلت رهف والام مع شريف
وجه الدكتور بعد فترة واطمن عليه وطمن والدته ورهف أنه أفضل الحمد لله .
وشويه وجه الدكتور فارس لما عرف باللى حصل لشريف واطمن عليه.
فارس… خير يا حضرة الضابط ايه اللى حصلك؟؟؟
شريف … الحمد لله يا فارس بخير .
فارس حمد الله على سلامتك يا شريف.
شريف …. الله يسلمك
فارس … ازيك يا حاجه عامله ايه ؟؟؟
الام… الحمد لله يا ابنى بخير
فارس…. بص لرهف وقالها ازيك يا رهف عامله ايه واخبار الكابتن حسام ايه ؟؟
رهف …. الحمد لله يا دكتور فارس
وشويه واستاذن فارس علشان شغله وسلم على الام وعلى شريف وراحت رهف علشان توصله لحد برة.
شريف كان من جواه هايتجنن انها خرجت معاه علشان توصله .
ولما رجعت رهف لقيت شريف بالمنظر ده فافتكرت أنه تعبان من العمليه والجرح اللى فى كتفه !!!!
فسألته انت تعبان يا شريف ولا ايه ؟؟
شريف…. ابدا مفيش حاجه . وصلتى فارس واتاخرتى ليه ؟؟؟
رهف… انا ما اتاخرتش ولا حاجه ده يادوبك وصلته لآخر الممر بتاع المستشفى ورجع على طول .
شريف … بصوت عالى .وانتى ايه اللى خلاكى توصليه اصلا !!!! واتألم من الجرح وهو معلى صوته كده.
رهف … فى ايه يا شريف مالك فيك ايه ؟؟
الام… مالك يا ابنى فى ايه اندهلك الدكتور.
شريف… ابدا يا امى مفيش حاجه سيبونى شويه لوحدى علشان انام.
وسابوه وخرجوا وقعدوا بره .