أحزان رهف

الحلقه 23

روايه بقلم ✍✍ سحر فرج

وفضلت رهف على ده الحال كذا يوم زعلانه وحزينه من جواها وكل ما شريف يقرب منها ويحاول يتأسف لها تسيبه وتهرب على اوضتها لحد ما زهق من جواه وبدأ يبات فى شغله ويبعد عن الفيلا خالص علشان ما يضيقهاش ولا يحسسها انه تقيل عليها.
وبدأت رهف تلاحظ أنه مش موجود وبيتعمد يبعد عن الفيلا علشان خاطرها .
وبعد كام يوم من تعب حسام جه الدكتور فارس علشان يطمن عليه .
جرس الفيلا رن وراحت الشغاله علشان تفتح الباب ولقيته الدكتور فارس فارحبت بيه ودخلته لحد ما تنده الحاجه من فوق .
الحاجه …. وهى نازله على السلم بعد ما بلغتها الشغاله بوجود الدكتور فارس نزلت علشان تقابله وقالت للشغاله انها تنادى ستها رهف من اوضتها وتجيب حسام معاها .
الام… اهلا.اهلا.يا ابنى عامل ايه يا فارس.
فارس… الحمد لله يا امى بخير والله ده انا كنت فى مشوار قريب من هنا وقولت اعدى اشوف حسام عامل ايه دلوقتي واطمن عليه.
الام …. الحمد لله يا فارس هو احسن دلوقتى بعد العلاج اللى انت كتبتهوله.
ونزلت رهف ومعاها حسام وسلمت على الدكتور فارس ورحبت بيه وخده فارس منها واطمن عليه وقالها لا . لا الحمد لله احنا بقينا كويسين اوى دلوقتى.
رهف… الحمد لله الفضل يرجع لك يا دكتور فارس.
واستاذنت رهف وخرجت فى جنينه الفيلا شويه.
وسابت حسام مع جدته والدكتور فارس.
فلاحظ فارس اد ايه باين عليها الحزن واستغرب لحالها .
وبعد ربع ساعه استأذن ومشى بحجه أنه وراه شغل فى المستشفى.
وهو خارج من باب الفيلا شاف رهف وهى قاعده على كرسى من كراسى الجنينه لاكنها حزينه وسرحانه .
فحاول أنه يقرب منها ويسالها عن حالتها دى اللى اول مرة يشوفها بالمنظر الحزين ده.
قرب منها فارس وسألها مالك يا رهف فيه حاجه مزعلاكى.
رهف…. ابدا يا دكتور فارس ولا حاجه اصلى ما نمتش كويس.
فارس… لو زعلانه من حاجه احكيلى من فضلك فى ايه.
رهف ابدا والله يا فارس مفيش حاجه كل ما فيها كنت خايفه على حسام وهو تعبان والحمد لله أنه بقى كويس.
فارس … ده رقم تليفونى يا رهف ولو عزتى اى حاجه فى اى وقت انا موجود اتصلى بيا على طول .
رهف انشاء الله يا فارس متشكرة ليك اوى.
ومشى فارس علشان يروح على المستشفى واستاذن من رهف وسلم عليها وركب عربيته ومشى.
لكن رهف كان فى شىء جواها هى مفتقداه وهو اكيد تعمد شريف أنه ما يروحش الفيلا الا قليل جدا وحست انها سبب لكده.