انتقام صعيدية إسراء إبراهيم
كانت واقفة فتون مستنياه زي ما كلمها وطلب منها وهي مقدرتش ترفض ونوح وقتها كان جاي بخطوات هادية بس واثقة
فتون ببرود مصطنع
خير يا نوح طلبت تجابلني ليه
نوح بحب مداريه في عنيه
انا طلبت يدك من عمي جبل سابج وانتي رفضتي
وانا ساعتها احترمت نظرتك ليا وجولتلك إني هبعد وههملك
بس انا رجعت في كلامي وجيت أقولك إني خلاص حددت معاد كتب الكتاب مع عمي فهد بعد يومين وانتي هتبجي مرتي
وقبل ما تجولي اي حاجة انتي رأيك مش مهم المهم إنك هتبجي على اسمي
فتون بتتجمد مكانها و تتصدم بس عنيها بتلمع ڠصب عنها جواها فرحة بتحاول تخبيها بس لسانها بيسبقها
ليه
مش كنت قولت إنك هتسيبني براحتيمش كنت ناوي تطلع من حياتي وتهملني اشمعنى دلوك
نوح بيقرب خطوة وعنيه متثبتين في عينيها
كنت ناوي بس انا اكتشفت اني معنديش استعداد أعيش نفس اللي
عشته تاني المرة دي انتي هتبجي ليا برضاكي أو ڠصب عنك
فتون بقت بتتنفس بسرعةوصوت قلبها مسمع وردت بتوتر
ولو رفضت يا نوح
نوح بصوت قوي وثابت
مش هترفضي يا فتون لان جلبك لسة رايدني مهما جولتي انك كارهاني بس عنيكي فاضحاكي يا بت عمي
فتون بتبصله نظرة فيها خوف وفرح وحيرة
طب ليه وإيه اللي غير رأيك دلوقتيكيف بعد ما كنت رايد تهملني بجيت رايد تكتب عليا ايه عمي وافج اكده لله بعد ما كان رافض
نوح باستغراب
انتي بتجولي اكده ليه وعرفتي منين ان ابوي اللي كان رافض
فتون بسخرية
امي جالتلي بس عادي انا مزعلتش من عمي لانه اكده ولا اكده انت مكنتش رايدني وعشان اكده ما صدجت وهملت البلد وسافرت ومبصتش حتي وراك بس ليه دلوك راجع ورايد تتجوزني انا مش فاهمة
نوح بثقة
عشان انتي قدري يا فتون
ولو القدر ما اتلحقش بيروح
وانا مش ناوي أضيعك وبكفايا اللي راح من عمري
فتون بدموع وخنقة
انت هتتجوزني لاجل اني صعبت عليك يا نوح عشان استنيتك خمس سنين مش اكده
تعرف اني اتمنيت في كل يوم فيهم تيجي وتجولي انا اسف اني هملتك واديتك ضهري بس لا يا نوح مش اني اللي اتجوز شفقة ولا جبران خاطر مستحيل
نوح بعند وثقة
السؤال ده هرد عليه بس بعد كتب الكتاب وقتها هتعرفي كل حاجة والحديت اللي جولتيه ده انا هحاسبك عليه زين يا فتون بس دلوقتي تحضري حالك عشان فرحنا
مشي نوح وساب فتون واقفة متابعاه بعنيها بحيرة وهي مش فاهمة حاجة وفي قلبها مليون سؤال اهمهم هل هي فعلا هتطاوع قلبها وتوافق تتجوزه
