انتقام صعيدية إسراء إبراهيم
في اوضة فتون بعد كتب الكتاب نوح دخل وهو ساحب فتون من ايديها وقفل الباب وراه
فتون بلهفة
نوح أنا لازم أعرف منك مين سيف ده وهو كان بيتحدت عني مش اكده اوعاك تخبي عليا
نوح بتنهيدة
ايوة يا فتون ده سبب كل حاجة حصلت وهو اللي خلاني اهمل البلد كلها
فتون پصدمة
كيف ده احكيلي كل حاجة واوعاك تخبي عليا يا نوح لو سمحت
نوح بڠصب مكتوم
هحكيلك يا فتون سيف ده
راجل تقيل في مصر ولما جه اهنه عجبتيه لما شافك وهدد عمي انه لو متجوزكيش هيجتلني ويجتل عمي فهد ابوكي ووجتها ابوي خاف علينا وعشان اكده وجف في جوازنا لانه خابر اني كنت رايدك وطلب مني اسافر ياما هيروح لابوكي ويقوله انه مش موافق ويقاطعو بعض وانا معرفتش الا لما رجعت وابوي حكالي
فتون دموعها نزلت فجأة وهي مش قادرة تتحمل الصدمة
يعني انت سبتني وسافرت عشان كده علشان خفت علي علاقة عمي وابوي انا مش مصدقة اللي بسمعه ده طب ما انت كان ممكن تجولي بدل ما تسيبني لوحدي وتخليني اعيش السنين دي فاكرة انك اتخليت عني
نوح بتنهيدة
مكنش عندي خيار تاني كنت مجبر أسمع كلامه لو كنت خالفت كلامه كان هيحصل حاجات كبيرة حاجات لو حصلت كانت هتدمر عيلتنا كلها
فتون بحزن وشفقة
يعني عمي عمل كل ده عشان خاېف علينا رفض جوازنا عشان خاېف عليك وعلى أبويا طب ليه خبي احنا كان ممكن نواجهه مع بعض الجبان ده وانت يا نوح ياريتك كنت جولتلي كنت وقتها سافرت معاك وهملت كل حاجة ورايا
نوح بحزن
ما كنتش رايد أجرحك كنت شايف إنك لو عرفتي الحقيقة هتتعبي وإنه مش هينفع نكون مع بعض في الوقت ده كان لازم أسافر وأبعد عنك علشان مضركيش
فجأة فتون اڼهارت في حضڼ نوح وهي بتحاول تمسك دموعها بس هي مش قادرة
فتون بصوت ضعيف
نوح قولي انت كنت عاشجني من زمان زي ما أنا عاشجاك
نوح بحنان وصراحة
أيوة كنت عاشجك من وأنا صغير من أول ما شوفتك وكل لحظة كنتي بتقرب مني كنت بحس بيها في قلبي بيتعلق بيكي
فتون بابتسامة رغم دموعها
يعني إنت كنت بتحبني وكنت مجبور تسيبنيده أنا ما كنتش أعرف ده! كنت فاكرة إنك نسيتني
نوح بتنهيدة
مفيش حاجة في الدنيا هتخليني أنساكي ولا هينفع أعيش من غيرك انتي كل حاجة ليا يا فتون
فتون بفرحة وهي بتبص لنوح بحب
وأنا مش خاېفة دلوقتي من سيف ده مهما كان هو مين بس اللي ممكن يخوفني إنك تكون مش جنبي وتسيبني تاني او انه يأذيني فيك
نوح بعيون مليانة حب واهتمام وهو بيمسك ايدها
مفيش حاجة هتخليني أبعد عنك يا فتون سيف ده مش هيفرق معانا هخلصه من حياتنا تماما وأنتي مش لوحدك لاني هفضل جنبك دايما
فتون براحة
أنا مطمنة دلوقتي عشان أنت جمبي
